Fréttir

Fréttamynd

Háskólinn í Reykjavík fer í Morgunblaðshúsið

Háskólinn í Reykjavík flytur hluta starfsemi sinnar í Morgunblaðshúsið í Kringlunni næsta sumar. Skólinn hefur leigt húsnæðið af Klasa, eiganda hússins, og notar það þar til nýtt hús Háskólans í Reykjavík í Vatnsmýri verður tekið í notkun árið 2009.

Innlent
Fréttamynd

Nýr formaður í bankaráði Seðlabankans

Formannsskipti urðu í bankaráði Seðlabanka Íslands þegar Ólafur G. Einarsson sagði af sér formennsku í ráðinu á fundi þess í gær. Helgi S. Guðmundsson var kosinn formaður í hans stað. Ólafur var kjörinn varaformaður bankaráðsins.

Viðskipti innlent
Fréttamynd

Heilbrigðisráðherra ræddi við fulltrúa starfsmanna

Heilbrigðisráðherra kom í heimsókn á Hrafnistu í Reykjavík með stuttum fyrirvara í morgun til að ræða við fulltrúa ófaglærðara starfsmanna. Eins og greint hefur verið frá í fjölmiðlum eru starfsmenn tíu hjúkrunar- og dvalarheimila á höfuðborgarsvæðinu og í Hveragerði í setuverkfalli til þess að mótmæla launakjörum sínum, en verkfallið hófst á miðnætti á fimmtudag.

Innlent
Fréttamynd

Vilja kaupa Keflavíkurflugvöll

Þýsk og bresk félög, sem reka marga flugvelli víða um heim, og Flugstöð Leifs Eiríkssonar hf., hafa nú þegar sýnt áhuga á að kaupa Keflavíkurflugvöll þegar hann verður einkavæddur, eins og utanríkisráðherra boðar.

Innlent
Fréttamynd

Spá enn 20 prósenta verðhækkun

Greiningardeild Glitnis spáir því að verðmæti hlutabréfa í fyrirtækjum í Úrvalsvísitölu Kauphallarinnar hækki um tuttugu prósent áður en árið er úti.

Innlent
Fréttamynd

Tilvísanakerfi getur verið hættulegt

Stjórnir SÍBS og Hjartaheilla mótmæla því að sjúklingar þurfi að fá tilvísun frá heimilislækni til að fá endurgreiðslur vegna heimsóknar til hjartasérfræðings. Stjórnarmenn óttast að þetta geti stefnt öryggi hjartasjúklinga í hættu.

Innlent
Fréttamynd

Dró úr hagvexti undir lok ársins

Heldur dró úr hagvexti á síðasta ársfjórðungi síðasta árs samkvæmt nýbirtum tölum frá Hagstofunni. Samkvæmt þeim var hagvöxtur 3,6 prósent síðustu þrjá mánuði ársins, en 4,6 prósent næsta ársfjórðung á undan og 8,8 prósent á öðrum fjórðungi ársins.

Innlent
Fréttamynd

Vitni lýstu lífsreynslu sinni

Réttarhöld yfir al-Qaeda liðanum Zacaris Moussaoui héldu áfram í gær. En þá fóru fram vitnaleiðslur en Moussaoui er sá eini sem ákærður er fyrir hryðjuverkaársásirnar í Bandaríkjunum 11. september 2001.

Erlent
Fréttamynd

Sjóræningjatogari við veiðar á Reykjaneshrygg

Svonefndur sjóræningjatogari, sem áhöfn flugvélar Landhelgisgæslunnar sá, rétt utan tvö hundruð mílnanna á Reykjaneshrygg fyrir viku, var þar enn þegar Gæslan flaug yfir svæðið í gær. Þar voru nú 16 erlendir togarar að karfaveiðum, eða fjórfalt fleiri en fyrir viku. Sjóræningjatogarinn er einn úr hópi erlendra togara, sem stundað hafa veiðar á þessu svæði, án veiðiheimilda.

Innlent
Fréttamynd

Arfleiddi dýraverndunarsamtök um 58 milljónir króna

Dýraverndunarsamtök á Vestu-Sjálandi í Danmörku hafa fengið tæpar 58 milljónir íslenskra króna í arf frá gamalli konu sem lést á síðasta ári. Aase Asbo Preman bjó alein en maður hennar Erik Perman, sem var listamaður, lést fyrir mörgum árum.

Erlent
Fréttamynd

Varað við ófærð víða á þjóðvegum

Vegagerðin varar við ófærð og stórhríð yfir Þverárfjall, á Siglufjarðarvegi, á milli Ólafsfjarðar og Akureyrar, til Grenivíkur og yfir Víkurskarðið. Hálka og skafrenningur er yfir Holtavörðuheiði. Mokstur er hafin á Norðaustur og Austurlandi.

Innlent
Fréttamynd

Búlgari dæmdur í gæsluvarðhald

Héraðsdómur Austurlands dæmdi í gær 28 ára Búlgara í 30 daga fangelsi fyrir að framvísa fösluðu vegabréfi við komuna til Seyðisfjarðar með Norrænu á þriðjudaginn. Hann og samferðamaður hans höfðu verið úrskurðaðir í gæsluvarðhald, en samferðamanninum hefur verið sleppt. Mennirnir eru jafnframt grunaðir um innflutning á fíkniefnum, en ekki liggur fyrir hvernig rannsóknin á því stendur.

Innlent
Fréttamynd

Ölvaður á ferð og nýkominn með bílpróf

Lögreglan á Akureyri stöðvaði ökumann við reglubundið eftirlit í nótt og reyndist hann vera ölvaður, sem er vart í frá sögu færandi, nema hvað hann er aðeins 17 ára og nýlega kominn með bílprófið. Hann missir það og getur þurft að bíða lengi eftir að fá það aftur, í ljósi aðstæðna.

Innlent
Fréttamynd

Nokkrir festust í bíl sínum vegna veðurs

Þónokkrir ökumenn lentu í erfiðleikum við Eyjafjörð í gærkvöldi þegar þar gerði mikinn skafrenning svo vart sá út úr augum. Lögreglan á Akureyri og björgunarsveit aðstoðuðu nokkra ökumenn, sem komust hvorki lönd né strönd og bóndi söðlaði dráttarvél sína og hélt til aðstoðar við nokkra bíla á Ólafsfjarðarvegi.

Innlent
Fréttamynd

FL Group og Vífilfell undirbúa kaup á Refresco

FL Group og Vífilfell, sem meðal annars framleiðir Kók, eru að undirbúa kaup á hollenska drykkjarvöruframleiðandanum Refresco fyrir 44 milljarða króna, að því er Viðskiptablaðið greinir frá. KB banki mun að líkindum koma að kaupunum og verða hluthafi til að byrja með, að minnstakosti. FL Group á fyrir all stórann hlut í danska drykkjarvöruframleiðandanum Royal Unibrew.

Innlent
Fréttamynd

Mikil flóð í norðurhluta Ástralíu

Hundruðir manna hafa þurft að flýja heimili sín í bænum Katrínu í Norðurfylki Ástralíu vegna mikilla monsúnrigninga sem hafa geysað þar síðustu daga. Víða hafa hús farið á kaf vegna flóðsins og talið er að tjónið nemi milljónum króna.

Erlent
Fréttamynd

Engan sakaði í óveðrinu á Austfjörðum

Stórhríð og hvassviðri geysuðu á Austfjörðum langt fram á kvöld með mikilli ófærð og urðu vegagerðarmenn að hætta við mokstur, því snjó skóf jafn harðann í ruðningana. Björgunarsveitarmenn þurftu hvað eftir annað að aðstoða fólk í föstum bílum, einkum í Oddsskarði, en engan sakaði. Veður hefur lægt í nótt og liggur nú fyrir vegagerðarmönnum að ryðja Oddskarð, Fagradal og fjarðarheiði, auk þess að hreinsa aðra vegi þar sem þæfingur er.

Innlent
Fréttamynd

Skotar reyna að sporna við útbreiðslu fuglaflensunnar

Ýmsar hömlur hafa verið setttar á flutning alifugla í austurhluta Skotlands eftir að banvænn stofn fuglaflensu greindist þar í svani. Skotar reyna nú allt hvað þeir geta til þess að koma í veg fyrir að fuglaflensan breiðist út.

Erlent
Fréttamynd

Kjarasamningar í uppnámi seinna á árinu

Kjarasamningar verða í uppnámi þegar líður á árið að mati Alþýðusambands Íslands ef spá hagdeildar ASÍ gengur eftir. Spáin gerir ráð fyrir að hagvöxtur verði 4,3 prósent á þessu ári og 3,1 prósent á því næsta sem er rúmu prósentustigi minna en árið 2005 en þá var hagvöxtur 5,5 prósent. Verðbólguspáin er þó dökk en hagdeild ASÍ gerir ráð fyrir 4,8 prósenta verðbólgu í ár og 4,2 prósenta verðbólgu á næsta ári.

Innlent
Fréttamynd

Heyrnarlausir geta nú sent 112 SMS

Heyrnarlausum, heyrnarskertum og öðrum sem eiga erfitt með að tala býðst nú að senda neyðarboð til Neyðarlínunnar, 112 með SMS-skilaboðum. Þjónustan var þróuð í samvinnu við Öryrkjabandalag Íslands og hafa neyðarverðir fengið nauðsynlega þjálfun til þess að bregðast við neyðarbeiðnum sem berast með þessum hætti.

Innlent
Fréttamynd

Stefna að því að einkafyrirtæki reki Keflavíkurflugvöll

Utanríkisráðherra telur rétt að stefna að því að einkafyrirtæki annist rekstur Keflavíkurflugvallar og félagið verði síðan einkavætt í framhaldinu. Hann telur ekki þörf á rannsókn hér á landi vegna uppljóstrana í skýrslu Amnesty International um fangaflug Bandaríkjamanna.

Innlent
Fréttamynd

Reykjavíkurborg krefst 160 milljóna í skaðabætur

Reykjavíkurborg stefndi olíufélögunum í morgun og vill fá 160 milljónir króna í skaðabætur auk dráttarvaxta, fyrir ólögmætt verðsamráð. Neytendasamtökin hafa þegar stefnt olíufélögunum og Alcan í Straumsvík, Ríkissjóður og Vestmannaeyjabær eru að kanna hvort þau höfði einnig skaðabótamál

Innlent
Fréttamynd

Umferð gengur hægt á Reykjanesbraut

Umferð um Reykjanesbraut gengur hægt þessa stundina vegna aftanákeyrslu sem þar varð. Ekið var aftan á sendibíl. Ekki er vitað til þess að alvarleg slys hafi orðið á fólki.

Innlent
Fréttamynd

Lítil áhrif gengis á ferðaþjónustu

Ferðaþjónustan kemur ekki til með að njóta góðs af því ef gengið lækkar, sagði Sturla Böðvarsson samgönguráðherra á aðalfundi Samtaka ferðaþjónustunnar í dag.

Innlent
Fréttamynd

Félag lesblindra fær styrk

Félag lesblindra fékk í dag úthlutað fjögra og hálfrar milljónar króna styrk frá Velferðarsjóði barna. Á næstunni verður gengið frá veitingu sumargjafa sjóðsins til þurfandi barna á Íslandi en þær nema tólf milljónum króna.

Innlent
Fréttamynd

Mladic verður framseldur

Serbar hafa fullvissað fulltrúa stríðsglæpadómstóls Sameinuðu þjóðanna í Haag í Hollandi um að Ratko Mladic, fyrrverandi hershöfðingi Bosníu-Serba, verði afhentur dómstólnum fyrir lok apríl. Mladic hefur verið eftirlýstur fyrir stríðsglæpi í rúman áratug.

Erlent
Fréttamynd

Skert þjónusta á tíu dvalarheimilum

Á annað þúsund íbúar á dvalarheimilum fá skerta þjónustu í dag þar sem ófaglærðir starfsmenn heimilanna eru í tveggja daga setuverkfalli. Starfsmennirnir segja laun sín óviðunandi og eru ósáttir við það sem þeir kalla skeytingarleysi ráðamanna.

Innlent

Mest lesið