Fréttir

Höfn við túnfót móður sinnar

"Þetta er svona eins og bílastæðið okkar við húsið hennar mömmu," segir Sveinn Lyngmo byggingatæknifræðingur sem hefur hannað höfn við Höfðaströnd við Ísafarðardjúp ásamt sex bræðrum sínum. Sveinn segir þá flesta hafa lagt hönd á plóg.

Innlent 13.10.2005 19:39

Íslensk kona hlýtur styrk í Noregi

Þorbjörg Hróarsdóttir hefur starfað undanfarin 10 ár við Universitetet i Tromsø, Noregi. Hún fékk nýlega stóran styrk frá Vísindaráði Noregs til málvísindarannsókna. Kallast verkefnið Syntactic Architecture.

Innlent 13.10.2005 19:39

Hætta á auknum skattsvikum

Samtök verslunar og þjónustu segja of mikla lækkun virðisaukaskatts geta stuðlað að skattsvikum. Pétur H. Blöndal segir að lækkun virðisaukaskatts á matvæli sé ekki til að draga úr offituvandanum hér á landi.

Innlent 13.10.2005 19:39

Árni nýtur stuðnings þingflokksins

Þingflokkur Framsóknarflokksins er fylgjandi því að samkynhneigðir njóti sama réttar til ættleiðinga og tæknifrjóvgana og aðrir. Þingflokksformaður Sjálfstæðisflokksins, vill, líkt og dómsmálaráðherra, ekki tjá sig um málið.

Innlent 13.10.2005 19:39

Skýrar reglur um greftrun ungbarna

Mjög skýrar reglur eru á Íslandi um hvað er gert við fóstur og börn sem fæðast andvana. Ekki eru taldar neinar líkur á að þær reglur séu brotnar, eins og gert var á sjúkrahúsi í París.

Innlent 13.10.2005 19:39

Byssupúður sprakk á Akureyri

Sprenging varð í gömlu íbúðarhúsi á Akureyri í gær, en íbúarnir komust ómeiddir út. Verið er að gera húsið upp og var húsráðandi að vinna með skurðarskífu og hljóp neisti úr henni í krukku, sem var full af púðri til að hlaða skot.

Innlent 13.10.2005 19:38

Fæðingarorlof er fyrir alla

Halldór Grönvold, aðstoðarframkvæmdastjóri ASÍ segir fordæmi KEA, varðandi fæðingarorlofsmál fyrrverandi framkvæmdastjóra félagsins, slæmt og að það beri að varast sjónarmið sem þetta. Hann ítrekar að lög um fæðingarorlof séu fyrir alla.

Innlent 13.10.2005 19:38

Fá skrifleg loforð um stuðning

Á fimmta tug ríkja hafa veitt íslenskum stjórnvöldum skrifleg loforð um stuðning við framboð Íslands til öryggisráðs Sameinuðu þjóðanna árið 2008, en kjörið gildir fyrir setu í ráðinu árið 2009 og 2010. Flest eru þau í hópi ríkja sem Ísland hefur stofnað stjórnmálasamband við á undanförnum misserum.

Innlent 13.10.2005 19:39

Reyndi að lokka drengi til sín

Karlmaður er sagður hafa reynt að ginna þrjá drengi sem voru á leið í bíó í Smáralind fyrir helgi inn í bíl til sín. Enn sem komið er hefur engin kæra borist lögreglu en öryggisverðir í Smáralind tilkynntu um atvikið. Maðurinn mun hafa hringt í símasjálfsala sem drengirnir svöruðu og lofað þeim sælgæti kæmu þeir út í bíl til sín.

Innlent 13.10.2005 19:39

Foktrygging innifalin í kaskó

Þeir sem eru þokkalega tryggðir og misstu hjólhýsi sín eða fellihýsi í óveðrinu á sunnudaginn þurfa ekkert að óttast. Sérstök trygging fyrir þessi hjól- og tjaldhýsi, svo og kaskótrygging bílanna, gildir þar sem um ofsaveður var að ræða.

Innlent 13.10.2005 19:38

Búa sig undir frekari árásir

Hugsanlegt er að konur og börn verði notuð í sjálfsmorðsárásum í Lundúnum, að mati sérfræðinga Scotland Yard. Franska leyniþjónustan varaði við því skömmu fyrir árásirnar sjöunda júlí síðastliðinn að al-Qaeda leggði á ráðin um árásir sem breskir Pakistanar áttu að framkvæma.

Erlent 13.10.2005 19:38

Geta haft ADSL hjá öðrum

Mörg netþjónustufyrirtæki geta boðið þeim sem vilja tengjast enska boltanum ADSL-tengingu á net Símans. "Ég tel að það sé vísvitandi verið að kynna þetta á röngum forsendum til þess að tryggja það að viðskiptavinir flytji sig yfir til Símans," segir Guðmundur Kr. Unnsteinsson, formaður INTER og framkvæmdastjóri Hringiðunnar.

Innlent 13.10.2005 19:39

Ákærður fyrir tilræðin 21.júlí

Bresk yfirvöld hafa ákært Yasin Omar, einn fjórmenninganna sem stóðu að misheppnuðum sprengjutilræðum í þremur jarðlestum og strætisvagni í Lundúnum þann 21. júlí síðastliðinn. Omar var handtekinn viku eftir árásirnar í Birmingham og er sá fyrsti af mönnunum fjórum sem ákærður er fyrir tilræðin.

Erlent 13.10.2005 19:38

Fagna yfirlýsingu ráðherra

Forysta Samtakanna 78 fagnar yfirlýsingu félagsmálaráðherra um að hann styðji aukinn rétt homma og lesbía til að stofna fjölskyldu.

Innlent 13.10.2005 19:38

Hörð mótmæli í Samava í Írak

Hundruð manna gengu berserksgang í smábænum Samava í Írak í dag. Fólkið var að mótmæla lélegri opinberri þjónustu, en þar hefur verið skortur á vatni, rafmagni og öðrum lífsnauðsynjum. Kveikt var í bílum og önnur skemmdarverk unnin. Lauk þessu ekki fyrr en lögregla hóf skothríð á mannfjöldann og er sagt að að minnsta kosti átta manns hafi orðið fyrir byssukúlum.

Erlent 13.10.2005 19:38

Vakin af birni í útilegu

Hópur fólks í útilegu í Bandaríkjunum vaknaði upp við vondan draum þegar bjarndýr tók að klóra hann. Fólkið var fljótt að koma sér fram úr.

Erlent 13.10.2005 19:38

Óttast um námuverkamenn í Kína

103 námuverkamenn eru fastir neðanjarðar í námu í Guangdong-héraði í Kína. Miklar rigningar á svæðinu eru sagðar hafa valdið því að það flæddi inn ío námuna með fyrrgreindum afleiðingum. Kínverska fréttastofan Xinhua hefur eftir yfirvöldum á staðnum að björgunarstarf sé hafið en ekki hefur verið greint frá því hvernig aðstæður mannanna séu.

Erlent 13.10.2005 19:38

Talinn hafa myrt 30 ungar stúlkur

Úkraínska lögreglan hefur handtekið Rússa sem grunaður er um að hafa myrt um þrjátíu ungar stúlkur í landinu á síðustu tveimur áratugum. Maðurinn var gripinn í kjölfar morðs á 10 ára stúlku í síðustu viku og játaði á sig fjölda morða við yfirheyrslur.

Erlent 13.10.2005 19:38

Réðust þrír gegn einum

Ráðist var á ungling á sautjánda aldursári í Sandgerði í fyrrinótt með þeim afleiðingum að tönn brotnaði. Voru að verki þrír aðilar sem lögreglan í Keflavík kannaðist við og hefur þegar yfirheyrt.

Innlent 13.10.2005 19:38

Mjög hvasst undir Hafnarfjalli

Mjög hvasst er nú undir Hafnarfjalli en þar eru hviður allt upp í 43 metra á sekúndu. Lögreglan í Borgarnesi hvetur fólk með hjólhýsi í eftirdragi og á húsbílum að keyra ekki þar um fyrr en veðrið hefur gengið niður og hvetur hún aðra til að fara varlega þar um slóðir.

Innlent 13.10.2005 19:38

Sjóliðum bjargað úr kafbáti

Sjö rússneskum sjóliðum var í dag morgun úr dvergkafbáti sem sökk síðastliðinn fimmtudag á 190 metra dýpi.

Erlent 13.10.2005 19:38

Fyrsti prófasturinn

Fyrsti prófastur Vestfjarðaprófastsdæmis sem stofnað var 1. ágúst er séra Agnes Sigurðardóttir sem er sóknarprestur í Bolungarvíkurprestakalli og hefur verið prófastur Ísafjarðarprófastsdæmis.

Innlent 13.10.2005 19:38

Varað við stormi suðvestanlands

Það blæs hressilega í höfuðborginni, nóg til að velta um bárujárni og sópa ryðgaðri þakrennu af húsi í Hafnarfirði svo að dæmi sé tekið. Varar Veðurstofan við stormi suðvestanlands, suðaustanátt og austanátt, allt að 23 metrum á sekúndu. Spáin gerir ráð fyrir að það lægi talsvert um og eftir hádegi.

Innlent 13.10.2005 19:38

Netanyahu segir sig úr ríkisstjórn

Benjamin Netanyahu, fjármálaráðherra Ísraels, sagði sig í dag úr ríkisstjórn Ariels Sharons vegna andstöðu sinnar við fyrirhugaðan brottflutning gyðinga frá landnemabyggðum á Gasaströndinni og Vesturbakkanum. Í afsagnarbréfi sínu sagði Netanyahu að hann gæti ekki átt aðild að svo óábyrgri ákvörðun og að hún myndi skaða öryggi Ísraela.

Erlent 13.10.2005 19:38

Aukin þjónusta á Vísi

Vefmiðillinn <em>Vísir</em> er nú farinn að bjóða upp á gagnvirkt sjónvarpsefni og beinar útsendingar frá viðburðum á Netinu í stafrænum gæðum í gegnum VefTV. Í tilkynningu frá 365 miðlum segir að nú þegar séu um 300 þættir og kvikmyndir í boði fyrir neytendur ásamt fréttum, fréttatengdu efni og kappleikjum í beinni útsendingu.

Innlent 13.10.2005 19:38

Björguðust úr eldsvoða

Sex björguðust þegar eldur kom upp í veiðihúsi við Geirlandsá á fjórða tímanum í fyrrinótt. Var mildi að lögreglumenn voru í grenndinni og voru fljótir á vettvang en fólkið vaknaði við reykskynjara og flýttu sér út klæðalítil.

Innlent 13.10.2005 19:38

Kafbátasjómönnum bjargað

Áhöfn rússneska smákafbátsins AS-28 var bjargað í gær. Kafbáturinn hafði legið á 190 metra dýpi í þrjá daga. Skipstjóri kafbátsins sagði sér líða ágætlega þegar hann var kominn í land.

Erlent 13.10.2005 19:38

Fórnarlamba flugslyss minnst

Nokkur fjöldi var saman kominn á Ægisíðu í kvöld þar sem afhjúpaðu var minnisvarði um fórnarlömb flugslyssins í Skerjafirð, en nú eru fimm ár liðin frá slysinu. Minnisvarðinn er staðsettur á fjörukambinum á móts við slysstaðinn í Skerjafirði, nánar tiltekið rétt hjá endastöð SVR syðst á götunni Skeljanesi.

Innlent 13.10.2005 19:38

Lík af börnum geymd í leyni

Meira en þrjú hundruð lík af börnum og fóstrum voru geymd í formalíni á sjúkrahúsi í París án vitundar aðstandenda þeirra. Málið hefur vakið hörð viðbrögð í Frakklandi.

Erlent 13.10.2005 19:38

Flóðbylgjuöryggiskerfi innan árs

Stefnt er að því að innan árs verði komið á viðamiklu öryggiskerfi í þeim löndum sem liggja að Indlandshafi. Kerfið gefur frá sér boð ef jarðhræringar verða og hætta er á flóðbylgju.

Erlent 13.10.2005 19:38