Fréttamaður

Oddur Ævar Gunnarsson

Oddur Ævar er fréttamaður á fréttastofu Sýnar.

Nýjustu greinar eftir höfund

Veltir fyrir sér hvort Við­skipta­ráð haldi að Ís­lendingar séu hálf­vitar

Andri Snær Magnason rithöfundur og umhverfisverndarsinni fer hörðum orðum um Viðskiptaráð og nýja skýrslu ráðsins þar sem lagt er til að að rammaáætlun verði lögð niður svo hægt verði að tvöfalda orkuframleiðslu. Hann segir skýrsluna uppfulla af rangfærslum og hvetur opinber fyrirtæki á borð við Landsvirkjun og Orkuveituna til að hætta að fela sig á bakvið ráðið sem hann líkir við hugmyndafræðilegan handrukkara.

Heimir Már biðst af­sökunar á orðum sínum

Heimir Már Pétursson framkvæmdastjóri þingflokks Flokks fólksins biðst afsökunar á færslu sinni á samfélagsmiðlinum X, sér í lagi til vísunar til kjarnorkuvopna. Hann segir orðin eiga sér engar málsbætur, um sé að ræða persónulega færslu sem tengist á engan hátt störfum hans fyrir Flokk fólksins.

Boðið upp á bólu­setningar í apó­tekum í fyrsta sinn

Nú verður hægt að fá bólusetningu við inflúensu í apótekum. Í tilkynningu frá Sjúkratryggingum segir að nýr samningur við apótek um lyfjafræðilega þjónustu marki tímamót í aðgengi almennings að heilbrigðisþjónustu. Alma Möller heilbrigðisráðherra og Sigurður H. Helgason, forstjóri Sjúkratrygginga, voru meðal þeirra fyrstu sem nýttu sér þjónustuna og fengu inflúensubólusetningu í ÍslandsApóteki í hádeginu dag.

„Burt með bölvað ofstækið“

Hjörtur Magni Jóhannsson prestur Fríkirkjunnar segir ofstækisfullar sértrúarskoðanir á borð við skoðanir pakistanska trúarleiðtogans Muhammad Taqi Usmani vera eitur. Hann segir að ekki eigi að hleypa talsmönnum slíkra ofstækisskoðana inn í landið og segir þær að finna í öllum helstu trúarbrögðum. Í kjarnaboðskap trúarbragðanna sé að finna samhygð, náungakærleika og umburðarlyndi en ofstækið og blind bókstafstrú sé mikill skaðvaldur innan allra trúarhefðanna.

Flóttamannaleið opin á ný eftir bílveltu

Flóttamannaleið við Vífilsstaðavatn var lokað á áttunda tímanum í morgun vegna bílveltu en hefur nú opnað að nýju. Einn var í bílnum en hann slasaðist ekki mikið samkvæmt slökkviliði. Samkvæmt Vegagerðinni hefur verið vart við hálkubletti hér og þar um borgina og eru vegfarendur beðnir um að aka varlega.

Tveggja til fjögurra ára börn ekki sprautuð heldur gefið í nefið

Heilsugæslur víða um landið standa nú í stórræðum við að bólusetja forgangshópa vegna inflúensu. Börn á aldrinum tveggja til fjögurra ára eru hinsvegar ekki sprautuð í ár heldur boðið upp á nefúða. Framkvæmdastjóri hjúkrunar hjá Heilsugæslu höfuðborgarsvæðisins segir um efnið virka alveg eins vel og ef um stungu væri að ræða. Bóluefni hafa verið notuð með þessum hætti um árabil í Evrópu og í Bandaríkjunum.

Víð­áttu­mikil lægð sem grynnist smám saman

Norðaustur af Hvarfi er víðáttumikil lægð sem situr þar og grynnist smám saman, að sögn veðurfræðings á Veðurstofu Íslands. Sunnan og suðvestanátt í dag og næstu daga, fimm til þrettán metrar á sekúndu, almennt gola eða kaldi.

Hirti sagt upp störfum hjá Hag­stofunni

Hirti J. Guðmundssyni alþjóðastjórnmálafræðingi hefur verið sagt upp störfum hjá samskiptadeild Hagstofunnar. Hagstofustjóri segir uppsögnin til komna vegna þröngs fjárhagsramma og hafi ekkert með skoðanir hans á Evrópusambandinu að gera eins og fylgjendur Hjartar á Facebook velti fyrir sér. Hún sjái á eftir góðum starfsmanni.

Segir fólk geta verið nýrnaveikt árum saman án þess að vita

Eiginmaður sem gaf konunni sinni nýra óttast að margir Íslendingar séu með nýrnakvilla án þess að vita af því. Hann hvetur fólk til þess að fylgjast með blóðþrýstingnum, fólk geti verið veikt um árabil án þess að bregðast við. Allt gekk upp fyrir sjö árum síðan þegar eiginkona hans þurfti loksins nýra eftir að hafa lifað með nýrnasjúkdóm í tuttugu ár. Þau segja líf nýrnagjafa nánast ekkert breytast og segjast alltaf halda upp á afmæli nýrnagjafarinnar.

Nýja Ölfusárbrúin hægt en örugg­lega dregin yfir ána

Þessa dagana er unnið að einum mikilvægasta áfanganum við gerð nýrrar Ölfusárbrúar: Að draga brúna hægt en örugglega frá eystri bakkanum og yfir á þann vestari. Áætlað er að þetta muni taka átta til tíu daga en brúin er dregin fimmtíu sentímetra í einu yfir ána, 330 metra vegalengd.

Sjá meira

Mest lesið