fréttamaður

Berghildur Erla Bernharðsdóttir

Berghildur er fréttamaður á fréttastofu Sýnar.

Nýjustu greinar eftir höfund

Vill bæta eftir­lit með lyfjagjöfum aldraðra

Geðrofslyfið quetiapín er algengasta geðrofslyfið meðal íbúa hjúkrunarheimila hér á landi. Rúmlega þriðjungur íbúanna fékk geðrofslyf í fyrra. Heilbrigðisráðherra telur nauðsynlegt að bæta eftirlit með lyfjagjöfum eldra fólks. Heilbrigðisráðherra segir unnið að því að bæta eftirlit með lyfjagjöfum á hjúkrunarheimilum. Fara eigi reglulega yfir lyfjanotkun íbúa hjúkrunarheimila og bæta skráningu á því hvaða lyf þeir fá og hvers vegna.

Á­rásir hófust áður en gallarnir voru lag­færðir

Hundruð íslenskra vefsíðna voru berskjaldaðar vegna alvarlegra öryggisgalla sem urðu til þess að fjölda vefsíðna var lokað tímabundið víða um heim í gær. Meðal þeirra voru vefir Háskóla Íslands, Reykjavíkurborgar og Strætó. Nú hefur komið í ljós að tölvuþrjótar reyndu að nýta gallana nokkrum dögum áður en öryggisuppfærslur voru gefnar út. Forstöðumaður netöryggissveitarinnar CERT-IS varar við því að óuppfærð tölvukerfi geti verið í hættu. 

„Þetta er al­gjör­lega ó­við­unandi“

Aðeins fjórða hver kona með erlent ríkisfang tekur þátt í brjóstaskimun, samanborið við rúmlega sjö af hverjum tíu konum með íslenskt ríkisfang. Svipaður munur er á þátttöku í leghálsskimunum. Framkvæmdastjóri Krabbameinsfélagsins hefur miklar áhyggjur af stöðunni og segir brýnt að ná betur til kvenna af erlendum uppruna, ekki síst þar sem nýgengi brjóstakrabbameins fer vaxandi.

„Mjög óheillavænleg þróun“

Lyfjafræðingur segir stóraukna notkun geðrofslyfs við svefnleysi óheillaþróun. Lyfið geti valdið alvarlegum aukaverkunum, jafnvel í litlum skömmtum eins og hækkun á blóðfitu og blóðsykri. Hann telur að fólk geti orðið háð lyfinu og hvetur lækna til að hætta að ávísa því við svefnleysi.

Óhugnan­lega margir að leysa vanda­málin með töflum

Yfirlæknir öldrunarlækninga á Landspítala kallar eftir frekari rannsóknum á notkun geðrofslyfsins quetiapíns við svefnleysi. Notendum lyfsins hefur fjölgað verulega á síðustu tíu árum, einkum meðal eldra fólks. Hún segir þær fáu rannsóknir sem liggja fyrir benda til þess að lyfið geti haft jafnmiklar aukaverkanir og hefðbundin svefnlyf.

Skandall að menn afpláni ekki í fangelsi vegna pláss­leysis

Þorbjörg Sigríður Gunnlaugsdóttir dómsmálaráðherra segir mikilvægt að fangelsið að Stóra-Hrauni fái að rísa því að á Íslandi hafi aldrei verið hannað eða byggt fangelsi sem er öryggisfangelsi. Hún segir Íslendinga eftirbáta annarra Norðurlanda.

Geðrofslyf leysa hefð­bundin svefn­lyf af hólmi

Næstum tvöfalt fleiri fá geðrofslyf nú en fyrir tíu árum. Aukningin er sérstaklega mikil meðal eldra fólks. Geðlæknir segir lyfið í vaxandi mæli notað við svefnleysi í stað hefðbundinna svefn- og róandi lyfja. Notkun geðrofslyfsins sé þó ekki samþykkt sem svefnlyf og rannsóknir á áhrifum þess, einkum hjá öldruðum, séu af skornum skammti.

Þúsundir hvetja til út­tektar og ríkis­sak­sóknari í­hugar á­frýjun

Undirskriftasöfnun er hafin í kjölfar umdeilds dóms Landsréttar þar sem maður var sýknaður af nauðgun eftir að hafa áður verið dæmdur í fimm ára fangelsi í héraðsdómi. Ríkissaksóknari íhugar að áfrýja málinu til hæstaréttar. Verkefnastjóri við Háskóla Íslands segir dómarana tvo sem sýknuðu manninn í mótsögn við eigin rökstuðning og hafi varpað ábyrgðinni á ofbeldinu yfir á konuna.

Í­huga að krefja Ölgerðina skýringa

Lífeyrissjóður verzlunarmanna íhugar að kalla eftir skýringum frá stjórnendum Ölgerðarinnar vegna rannsóknar Samkeppniseftirlitsins á fyrirtækinu. Sjóðurinn er einn tíu lífeyrissjóða sem eiga samanlagt tæplega helming í móðurfélagi Ölgerðarinnar. Í hluthafastefnu sjóðsins er lögð áhersla á að fyrirtæki fari að samkeppnislögum.

Kveður svefnlyfin eftir á­tján ára notkun

81 árs kona, sem tók svefnlyf að staðaldri í nær átján ár, segist hafa orðið mjög hissa á því hversu auðvelt reyndist að draga úr notkuninni með réttum stuðningi. Samhliða því hafi orðið mikil breyting á bæði andlegri og líkamlegri líðan hennar. Yfir þriðjungur áttatíu ára og eldri notar svefn- og slævandi lyf hér á landi.

Sjá meira

Mest lesið