Fleiri fréttir

Ríki deila nú frekar skattupplýsingum

Ísland stendur vel hvað varðar upplýsingaskipti á sviði skattamála á milli landa. OECD birti í gær nýja skýrslu um stöðu mála í tengslum við fund G8 ríkjanna. Um gífurlegar fjárhæðir er að tefla.

Meðalupphæð samninga 37,3 milljónir á höfuðborgarsvæðinu

Á höfuðborgarsvæðin var á tímabilinu 7. til 13. júní þinglýst 104 kaupsamningum húsnæði, samkvæmt nýbirtum tölum Þjóðskrár. Á sama tíma voru þinglýstir samningar tólf á Suðurnesjum, sextán á Akureyri og átta á Árborgarsvæðinu.

Vinna ensím úr þorski í Grindavík

Nýverið var sett á laggirnar ensímvinnsla í Codland-fullvinnsluklasanum í Grindavík. Ensímin eru unnin úr innyflum þorsksins en rannsóknir hafa sýnt að þau hafa einstaka eiginleika og nýtast í ýmiskonar vörur og áframvinnslu.

Bjóða út byggingarrétt í Úlfarsárdal og Reynisvatnsási

Borgarráð hefur ákveðið að efna til sölu byggingarréttar í Úlfarsárdal og Reynisvatnsási með nýjum skilyrðum. Horfið er frá sölu lóða á föstu verði með viðbótargjaldi en þær þess í stað boðnar út. Kaupendum byggingaréttar er boðið upp á staðgreiðsluafslátt eða afborgunarlaus lán fyrstu þrjú árin sem bera enga vexti fyrsta hálfa árið.

Eskja vígir nýja fiskimjölsverksmiðju

Þann 1.júní s.l vígði Eskja hf. nýja fiskimjölsverksmiðju fyrirtækisins. Var öllum íbúum Austurlands boðið að heimsækja verksmiðjuna og komu yfir 600 manns í vígsluhátíð félagsins.

Skráð atvinnuleysi í maí var 4,3%

Skráð atvinnuleysi í maí var 4,3%, en að meðaltali voru 7.515 atvinnulausir í maí og fækkaði atvinnulausum um 483 að meðaltali frá apríl eða um 0,6 prósentustig. Skráð atvinnuleysi að meðaltali frá janúar til maí 2013 var 5,1%.

Deloitte hlýtur jafnlaunavottun VR

Deloitte er sjöunda fyrirtækið til að hljóta jafnlaunavottun VR. Með jafnlaunavottuninni hefur Deloitte fengið staðfestingu á því að búið sé að kerfisbinda launaákvarðanir og að Deloitte sé með jafnlaunakerfi samkvæmt kröfum ÍST 85.

Stöðva þarf áform um einokum í akstri til og frá Leifsstöð

Samkeppniseftirlitið segir að stöðva þurfi áform um einokun í áætlunarakstri milli Flugstöðvar Leifs Eiríkssonar og Reykjavíkur. Af þessum ástæðum hefur eftirlitið beint þeim tilmælum til innanríkisráðherra og Vegagerðarinnar að leita þegar í stað allra leiða til að stöðva áform Sambands sveitarfélaga á Suðurnesjum um að koma á einokun á leiðinni.

Segir efnahag Skipta sterkan eftir breytingar

"Efnahagur félagsins verður sterkur eftir þessar breytingar og með lækkun skulda mun fjármagnskostnaðurinn lækka verulega,“ segir Benedikt Sveinsson, formaður stjórnar Skipta hf en eins og fram kom í fréttum í morgun hafa Skipti hf. nú uppfyllt öll skilyrði sem sett voru fyrir fjárhagslegri endurskipulagningu félagsins.

Meiri kraftur í einkaneyslu kemur á óvart

Meiri vöxtur virðist ætla að verða í einkaneyslu á öðrum ársfjórðungi en á þeim fyrsta ef marka má tölur Seðlabanka Íslands um greiðslukortaveltu í maí sl. sem birtar voru í gær. Benda þær jafnframt til þess að gjaldeyristekjur vegna erlendra ferðamanna hafi verið umfram neysluútgjöld Íslendinga erlendis, og er það í fyrsta sinn sem slíkt er upp á teningnum í maímánuði, a.m.k. eins langt aftur og tölur Seðlabankans um kortaveltu ná.

Fasteignir á Íslandi metnar á 4.956 milljarða

Heildarmat fasteigna á Íslandi hækkar um 4,3% frá yfirstandandi ári og verður 4.956 milljarðar króna, samkvæmt nýju fasteignamati fyrir árið 2014 sem Þjóðskrá Íslands birti í dag.

Býður flugfargjöld innanlands án skatta og gjalda

Dagana 14. – 18. júní mun Flugfélag Íslands bjóða öll fargjöld innanlands án skatta og gjalda sé bókað á netinu. Eina sem þarf að gera er að fara inná vef félagsins og slá inn flugsláttinn SUMAR.

Ráðgjafafyrirtækið One Global Consulting tekið til starfa

Ráðgjafafyrirtækið One Global Consulting (OGC) tók nýlega til starfa. Fyrirtækið er það fyrsta sinnar tegundar hér á landi, en það sérhæfir sig í ráðgjöf til fyrirtækja og stofnana sem eru í samskiptum við erlenda aðila eða starfrækja skrifstofur á erlendri grund.

Endurskipulagningu Skipta endanlega lokið

Skipti hf. hefur þann 13. júní 2013 uppfyllt öll skilyrði vegna samnings um fjárhagslega endurskipulagningu skulda félagsins, dags. 5. apríl 2013, með undirritun lánasamnings við Arion banka að fjárhæð 19 milljarðar kr. og með móttöku áskriftarloforða frá fagfjárfestum að nýjum skuldabréfaflokki félagsins að fjárhæð 8 milljarðar kr.

Heildaraflinn jókst um 27,3% milli ára í maí

Heildarafli íslenskra skipa í nýliðnum maímánuði, metinn á föstu verði, var 27,3% meiri en í maí 2012. Það sem af er árinu hefur aflinn aukist um 1,9% miðað við sama tímabil 2012, sé hann metinn á föstu verði.

Launakostnaður eykst í iðnaði og byggingastarfsemi

Heildarlaunakostnaður á greidda stund lækkaði frá fyrri ársfjórðungi um 0,5% í iðnaði og 0,4% í byggingarstarfsemi. Þá hækkaði heildarlaunakostnaður um 0,8% í samgöngum og 2,3% í verslun.

Sérstaka veiðigjaldið lækkar umtalsvert

Ríkisstjórnin hefur kynnt frumvarp um breytingar á lögum um veiðigjöld. Til stendur að lækka gjöldin umtalsvert frá því sem til stóð en breytingin er til bráðabirgða til eins fiskveiðiárs. Í kjölfarið er gert ráð fyrir að varanleg breyting taki gildi.

Hæstiréttur: Bætur miðast við fasta búsetu

Tryggingastofnun ríkisins og íslenska ríkið voru sýknuð í Hæstarétti af öllum kröfum einstaklings um meintar ólögmætar skerðingar á greiðslum úr almannatryggingakerfinu. Með dóminum er staðfest niðurstaða héraðsdóms um að réttur fólks til greiðslna byggist á því hve lengi fólk hefur haft fasta búsetu hér á landi.

Hluta af ákæru gegn Björk vísað frá

Dómari vísaði í dag frá hluta af ákæru sérstaks saksóknara á hendur Björk Þórarinsdóttur, fyrrverandi framkvæmdastjóra fyrirtækjasviðs Kaupþings. Saksóknari mótmælti ákvörðuninni ekki.

Stjórnendur fyrirtækja bjartsýnni en áður

Mikil breyting til hins betra hefur orðið á væntingum stjórnenda til aðstæðna í atvinnulífinu á næstunni. Nú væntir helmingur stjórnenda þess að þær batni á næstu sex mánuðum en einungis 6% að þær versni.

Skora á stjórnvöld að setja gömlu bankana í þrot

Aðstandendur vefsíðunnar snjóhengjan.is skora á stjórnvöld að setja inn ákvæði í íslenska löggjöf um að náist ekki nauðasamningar fyrir næstu áramót þá beri slitastjórnum bankanna að setja þá í þrot.

Minnstu almennu útlán ÍLS í níu ár

Almenn útlán Íbúðalánasjóðs (ÍLS) í maí sl. voru þau minnstu í a.m.k. níu ár. Námu þau alls 530 milljónir kr. í maí, sem jafngildir ríflega 41% samdrætti frá sama mánuði í fyrra, en þá höfðu þau einnig dregist umtalsvert saman milli ára.

Starfsmönnum fækkar á meðan nemendum fjölgar

Starfsmönnum í háskóla fækkaði um 4,6 prósent á milli áranna 2010 og 2011, en á sama tíma fjölgaði nemendum á háskólastigi um 1,7 prósent. Þetta kemur fram á vef Hagstofunnar.

Könnun sýnir nægt framboð af starfsfólki á landinu

Nægt framboð er af starfsfólki um þessar mundir til að sinna eftirspurn fyrirtækja. Yfirgnæfandi meirihluti stjórnenda í atvinnulífinu telur að ekki sé skortur á starfsfólki. Einungis 13% stjórnenda finna fyrir skorti á starfsfólki en 87% ekki.

Væri akkur í Landsbankanum á markað

Forstjóri Kauphallar Íslands er jákvæður í garð hugmynda um að Landsbankinn verði skráður á markað. Það verði þó ekki hægt fyrr en búið er að endursemja um tæplega 300 milljarða skuld hans við gamla bankann.

Sameiginlegt átak gegn svartri vinnu í sumar

Samtök atvinnulífsins, Alþýðusamband Íslands og Ríkisskattstjóri munu í sumar taka höndum saman á nýjan leik og ráðast í sérstakt átak til þess að hvetja bæði atvinnurekendur og launafólk til að standa rétt að samningum sín í milli.

Kjartan og Ármann kaupa hlut í Auði Capital

Fjárfestahópur undir forystu Ármanns Þorvaldssonar hefur keypt meginþorra eignarhluta Höllu Tómasdóttur í Auði Capital. Ásamt Ármanni eru þeir Kjartan Gunnarsson, fyrrverandi framkvæmdastjóri Sjálfstæðisflokksins, og Guðjón Reynisson, forstjóri leikfangaverslunarinnar Hamleys, hluti af fjárfestahópnum með Bretanum Ian Stewart.

Ryanair hefur áhuga á flugi til Íslands

"Ryanair hefur átt viðræður við flugvallayfirvöld á Íslandi, en á þessum tímapunkti eru þær aðeins á könnunarstigi", segir Robin Kiely, talsmaður Ryanair, aðspurður um hvort félagið hyggist bæta Íslandi við leiðakerfi sitt.

Áfram dregur úr almennum lánum ÍLS en vanskil minnka

Heildarútlán Íbúðalánasjóðs (ÍLS) í maí s.l. námu einum milljarði króna, en þar af voru 530 milljónir króna vegna almennra lána. Til samanburðar námu almenn útlán í maí í fyrra um 890 milljónum króna. Meðalfjárhæð almennra lána var 9,9 milljónir króna.

Dótturfélög Regins hf. sameinuð

Dótturfélag Regins hf., Reginn atvinnuhúsnæði og dótturfélög þess Reginn A1 ehf., Reginn A2 ehf. og Reginn A3 ehf., hafa verið sameinuð með staðfestingu á samrunaáætlun á hluthafafundi félaganna þann 11. júní 2013.

Sala á nautakjöti hefur aukist um 5,5%

Landssamtök sláturleyfishafa hafa tekið saman nýjar framleiðslu- og sölutölur kjötgreina fyrir maí þar sem m.a. kemur fram að sala á nautakjöti sl. 12 mánuði, júní 2012-maí 2013, nam 4.235 tonnum sem er 5,5% meira en 12 mánaða tímabilið þar á undan. Þá kemur fram í samantektinni að framleiðslan hafi, á sama tímabili, numið 4.247 tonnum sem er aukning um 5,9% miðað við tímabilið júní 2011-maí 2012.

Veiðigjöldin verða lækkuð um milljarða

Með nýju stjórnarfrumvarpi sjávarútvegs- og landbúnaðarráðherra sem lagt var fram á Alþingi í gærkvöldi er ætlunin að lækka veiðigjöldin um 9,6 milljarða króna á næstu tveimur árum.

Hópuppsagnir algengar

Tíu prósent fyrirtækja í landinu gripu til hópuppsagna frá upphafi hruns í október 2008 til ársloka 2011 og 16 prósent fyrirtækja lækkuðu laun starfsmanna.

Viðræður hafnar um sölu á eignum Dróma og Hildu

Eignasafn Seðlabanka Íslands ehf. (ESÍ), Drómi hf., (eignasafn SPRON og Frjálsa ) og Arion banki hf. hafa ritað undir viljayfirlýsingu um að hefja viðræður um kaup og sölu á eignum Dróma hf. til ESÍ og Arion banka hf. Samhliða munu fara fram viðræður um kaup Arion banka á einstaklingslánum Hildu ehf., dótturfélags ESÍ.

Óvissa um áform ríkisins

Aðhaldssöm ríkisfjármál eru mikilvæg vegna afnáms hafta og markmiða um stöðugleika og verðbólgu. Eftir afnám verður lánsfjármögnun ríkisins erfiðari. Ný skýrsla um afnám hafta bíður samstarfs við ríkisstjórn.

Sjá næstu 50 fréttir

Mest lesið