Ný tæki sett upp í verksmiðju Actavis í Hafnarfirði

Ný tæki til lyfjaframleiðslu hafa verið sett upp í stækkaðri lyfjaverksmiðju Actavis í Hafnarfirði. Þetta er stærsta einstaka fjárfestingin við stækkun verksmiðjunnar, en verðmæti tækjanna er yfir 200 milljónir króna.

Sala áfengis dróst saman um 4,7% milli ára í september

Sala áfengis dróst saman um 4,7% í september miðað við sama mánuð í fyrra á föstu verðlagi og jókst um 0,5% á breytilegu verðlagi. Leiðrétt fyrir árstíðabundnum þáttum nam samdráttur í veltu áfengis í september 5,2% frá sama mánuði í fyrra. Verð á áfengi var 5,4% hærra í september síðastliðnum en í sama mánuði í fyrra.

Erlendir aðilar minnka við sig ríkisbréfaeignir

Eignarhlutdeild erlendra aðila í ríkisbréfum hefur minnkað þó nokkuð á fyrstu átta mánuðum ársins. Þannig áttu erlendir aðilar 52% útistandandi ríkisbréfa um síðust áramót en í lok ágúst var hlutdeild þeirra komin niður í 42%.

Jóhannes hættir við að kaupa tískuverslanir

Jóhannes Jónsson hefur fallið frá kaupum á tískuverslunum undir merkjum Zara, Topshop og All Saints sem nú eru reknar af Högum. Þetta kemur fram í tilkynningu frá Arion banka en þar segir að þann 30. ágúst hafi verið tilkynnt um samning bankans við Jóhannes um hann myndi kaupa þrjár sérvöruverslanir af Högum, Zara, Topshop og All Saints. „Jóhannes Jónsson hefur nú ákveðið að nýta ekki umsaminn kauprétt og verða því verslanirnar þrjár áfram hluti af Högum,“ segir í tilkynningunni nú.

Arion banka heimilt að yfirtaka BM Vallá

Samkeppniseftirlitið hefur ákveðið að heimila yfirtöku Arion banka á BM Vallá en eftirlitið segir yfirtökuna fela í sér samruna. Yfirtökunni eru sett ströng skilyrði.

Avant fær heimild til nauðasamnings

Héraðsdómur Reykjavíkur hefur veitt bráðabirgðastjórn Avant hf. heimild til að leita nauðasamnings við lánardrottna félagsins. Magnús Gunnarsson framkvæmdastjóri Avant segir að rekstur félagsins haldi áfram þrátt fyrir þetta og að starfsfólk Avant muni leiðbeina viðskiptavinum félagsins ef þeir hafa einhverjar spurningar vegna málsins.

Vogunarsjóður tapar 900 milljóna kröfu á hendur Glitni

Héraðsdómur Reykjavíkur hefur komist að þeirri niðurstöðu að hafna beri að taka kröfu vogunarsjóðsins Venor Capital Master Fund á hendur Glitni inn á kröfuskrá þar sem krafan barst of seint. Um er að ræða kröfu upp á 5 milljónir punda eða tæplega 900 milljónir kr. Þá var sjóðnum gert að greiða Glitni 300 þúsund kr. í málskostnað.

Atvinnuleysi minnkar áfram, mælist nú 7,1%

Skráð atvinnuleysi í september 2010 var 7,1% en að meðaltali 11.547 manns voru atvinnulausir í september og minnkar atvinnuleysi um 0,2 prósentustig frá ágúst, eða um 549 manns að meðaltali.

Leigusamningum fjölgar töluvert milli mánaða

Heildarfjöldi þinglýstra leigusamninga á landinu var 1.553 í september 2010 og fjölgar þeim um 25,3% frá ágúst 2010 og 2,6% frá september 2009.

Icelandtilboð hækkaði verð skuldabréfa Landsbankans

Verð á skuldabréfum gamla Landsbankans hefur hækkað í vikunni úr genginu 9 og upp í 11. Þetta þýðir að alþjóðamarkaðurinn telur að nú fáist 11% upp í kröfurnar í þrotabú bankans. Nær öruggt er að fréttin um milljarðs punda tilboð Malcolm Walker í Iceland lágvöruverslunarkeðjuna ráði hér ferðinni.

Lækkun á erlendum eignum lífeyrissjóðanna

Hrein eign lífeyrissjóða í lok ágúst sl. var 1.827,6 milljarða kr. og lækkaði hún um 6,6 milljarða kr. í mánuðinum.

Könnun LÍÚ: Meirihluti vill svokallaða samningaleið

Meirihluti kjósenda eða 51,7% vill semja við núverandi handhafa fiskveiðiheimilda um veiðiheimildir gegn gjaldi eins og lagt er til í svokallaðri samningaleið. Þetta er niðurstaða könnunar sem fyrirtækið Markaðs- og miðlarannsóknir, MMR, vann fyrir LÍÚ dagana 5. -8. október sl.

Krónum skipt í skuldabréf í erlendum gjaldmiðlum

Í skoðun er að fjárfestar geti skipt krónueignum fyrir skuldabréf í erlendum gjaldmiðlum. Það yrði gert í útboðum og því framhjá mörkuðunum og ætti því að hafa lágmarksáhrif á markaðina.

Íslandsbanki kvartaði til FME vegna hótana slitastjórnar Glitnis

Slitastjórn Glitnis hótaði starfsmönnum Íslandsbanka uppsögn ef þeir yrðu ekki samvinnuþýðir við skýrslutöku í yfirheyrsluherbergi slitastjórnarinnar. Málið var rætt innan stjórnar Íslandsbanka og Fjármálaeftirlitinu tilkynnt um þetta þar sem um ólöglegt athæfi er að ræða.

Ívar greiði 12 milljónir í stjórnvaldssekt

Eignarhaldsfélagið Ívar ehf. mun greiða 12 milljónir króna í stjórnvaldssekt fyrir að brjóta gegn banni samkeppnislaga við því að samruni Ívars og Lýsis kom til framkvæmda áður en Samkeppniseftirlitið hafði heimilað hann.

365 miðlar töpuðu 344 milljónum í fyrra

Fjölmiðlafyrirtækið 365 miðlar ehf. tapaði 344 milljónum kr. á síðasta ári. Samkvæmt efnahagsreikningi nam eigið fé félagsins 773 milljónum kr. í árslok 2009 og eiginfjárhlutfall 9,3%. Þá nam handbært fé félagsins 235 milljónum kr.

Einn virtasti hagfræðingur heims telur framtíð evru í uppnámi

Joseph Stiglitz, sem er einn virtasti hagfræðingur í heiminum, telur framtíð evrunnar sem sjálfstæðs gjaldmiðils í uppnámi og að hagkerfi ríkja Evrópu verði lengi að koma sér upp úr kreppunni.

Hefðu getað lækkað Icesave kröfur verulega

Íslensk stjórnvöld hefðu getað takmarkað kröfur vegna Icesave reikninga um tugi ef ekki hundruð milljarða, með frumvarpi til laga sem lá fullbúið í viðskiptaráðuneytinu, í ársbyrjun 2008. Ráðherra þorði hins vegar ekki að leggja frumvarpið fram vegna óróleika á mörkuðum.

Bryndís Hrafnkelsdóttir ráðin forstjóri HHÍ

Bryndís Hrafnkelsdóttir hefur verið ráðin forstjóri Happadrættis Háskóla Íslands (HHÍ).

Forbes telur vert að fylgjast með Rúnu Magnúsdóttur

Rúna Magnúsdóttir, eigandi Connected-Women.com og meðstofnandi BRANDit, komst á lista sem birtur var á heimasíðu viðskiptatímaritsins Forbes yfir tuttugu konur í alþjóðaviðskiptalífinu sem Forbes telur vert að fylgjast með.

Boðar endurkomu Íslands á alþjóðlegan skuldabréfamarkað

Steingrímur J. Sigfússon fjármálaráðherra segir að unnið sé að því að undirbúa komu Íslands á alþjóðlegan skuldabréfamarkað. Aðspurður um hvort ríkisstjórnin myndi gefa út skuldabréf á þessu markaði á næstunni svarar Steingrímur því að ...“við erum að undirbúa þetta skref.“

Aldrei reiknað með að 200 milljarðar fengjust

Breytir synjun slitastjórnar Sparisjóðabankans á kröfu Seðlabankans einhverju um endanlegt tap Seðlabankans?

Skoða skaðabótamál vegna ástarbréfa seðlabankastjóra

Sú ákvörðun slitastjórnar Sparisjóðabankans (áður Icebank) að hafna kröfum Seðlabankans í búið vegur þungt í athugun sérstaks starfshóps á því hvort ríkið geti sótt skaðabætur til fyrrverandi seðlabankastjóra vegna fjárhagstjóns sem þeir ollu ríkinu.

Bankarnir verða að vera sammála um niðurfærslu skulda

Bankarnir munu væntanlega höfða skaðabótamál á hendur ríkinu fari svo að ríkisstjórnin beiti lagasetningu til að knýja á um almenna niðurfærslu skulda. Skaðabótakrafan gæti numið tugum milljarða króna.

Þjóðverjar gætu eignast Byr en Íslandsbanki bætist í hóp áhugasamra

Ekki er útilokað er þýskur banki verði stærsti hluthafi Byrs, en viðræður um uppgjör á eignum hans hafa tafist. Margir renna hýru auga til Byrs, þar á meðal bankastjóri Landsbankans, sem vill sameina Byr og Landsbankann. Þá hefur Íslandsbanki einnig áhuga.

Brynjar Níelsson vill rétta yfir Jóni Ásgeiri og félögum á Íslandi

Brynjar Níelsson, hæstaréttarlögmaður og formaður Lögmannafélags Íslands, lagði fram yfirlýsingu fyrir dómi í New York í dag, þar sem það er rökstutt að málaferlin gegn Jóni Ágeiri Jóhannessyni, og sex öðrum einstaklingum, eigi að fara fram hér landi en ekki í Bandaríkjunum.

Gjaldeyrisforðinn minnkaði um 59 milljarða í september

Gjaldeyrisforði Seðlabankans nam 487,2 milljarða kr. í lok september og lækkaði um 59 milljarða kr. milli mánaða. Erlendur gjaldeyrir minnkaði um 58,3 milljarða kr. og aðrar eignir lækkuðu samtals um 761 milljónir kr. í mánuðinum.

Öllum hugmyndum tekið fagnandi

Verið er að skoða leiðir innan menntamálaráðuneytisins til þess að sporna við ólöglegu niðurhali á tónlist. Katrín Jakobsdóttir menntamálaráðherra segir að aukin gjöld á nettengingar séu ein þeirra leiða sem verið sé að athuga.

1.400 vilja láta endurútreikna

Rúmlega 1.400 viðskiptavinir Íslandsbanka Fjármögnunar hafa farið fram á endurútreikning gengisbundinna lána eftir að bankinn opnaði fyrir það síðasta föstudag, að því er fram kemur í tilkynningu bankans. Alls verða rúmlega fimm þúsund lán endurreiknuð í fyrsta áfanga, en hann nær til lána þar sem sami greiðandi hefur verið frá útgáfu þess. Ofgreiðslur er hægt að láta ganga upp í eftirstöðvar láns, eða fá þær lagðar inn á reikning viðskiptavinarins.- óká

Gangi ekki að veðum

Harry Reid, leiðtogi demókrata í öldungadeild Bandaríkjaþings, biður bandarískar fjármálastofnanir um að ganga ekki að veðum fólks vegna íbúðalána. Brýnt sé að fólk fái að halda húsnæði sínu ekki síst í ljósi þess að Bank of America hefur ákveðið að ganga ekki að slíkum veðum meðan farið yfir ákveðin vandamál sem komið hafa upp í tengslum við lánin.

Skuldatryggingaálag Íslands helst nokkuð stöðugt

Skuldatryggingaálag á evruskuldir Ríkissjóðs Íslands er enn nokkuð stöðugt líkt og upp á síðkastið. Í lok dags í gær stóð álagið í 306 punktum (3,06%) samkvæmt gögnum úr Bloomberg-gagnaveitunni sem er á svipuðu róli og það hefur verið síðustu mánuði.

Kröfulýsingarfrestur framlengdur hjá VBS

Slitastjórn VBS fjárfestingarbanka hf. hefur ákveðið að framlengja kröfulýsingarfrestinn sem renna átti út þann 14. október 2010 um tæpan mánuð eða til föstudagsins 12. nóvember næstkomandi. Fjármálaeftirlitið skipaði VBS fjárfestingabanka bráðabirgðastjórn.

Nýr fjármálastjóri hjá HB Granda

Jónas Guðbjörnsson hefur tekið við starfi fjármálastjóra HB Granda. Jóhann Sigurjónsson, fjármálastjóri HB Granda, lætur nú af störfum að eigin ósk. Jóhann hefur verið fjármálastjóri félagsins frá október 2002 og hverfur nú til annarra verkefna.

Iceland mun standa undir fjórðungi af Icesave skuldinni

Auðvelt er að reikna úr að Iceland verslunarkeðjan ein og sér muni standa undir fjórðungi af Icesave skuld Íslands.

Fleira en samspil gjaldmiðla skapar jarðveg fyrir kreppu

Horfa þarf til fleiri þátta en gengis gjaldmiðla til að tryggja að ekki verði til jarðvegur fyrir aðra fjármálakreppu á borð við þá sem reið yfir heiminn 2008 og 2009. Þetta kom fram í máli Zhou Xiaochuan, seðlabankastjóra Kína, sem var í heimsókn hér á landi í gær.

Rannsókn sérstaks sögð ónýt markleysa

Sérstakur saksóknari hafði ekki heimild samkvæmt lögum til að rannsaka málefni Byrs og því ber að vísa svokölluðu Exeter-máli frá dómi. Þetta er samhljóða niðurstaða verjenda sakborninganna þriggja í málinu.

Höft eru gróðrarstía lögbrota

Seðlabankinn mun á næstu mánuðum ráðfæra sig við Alþjóðagjaldeyrissjóðinn, aðra ráðgjafa og stjórnvöld um endurskoðun á áætlun um afnám gjaldeyrishafta, að sögn Arnórs Sighvatssonar aðstoðarseðlabankastjóra. Hann segir gjaldeyrishöft brengla efnahagslega hvata, leiða til þess að viðskiptatækifæri glatast og vera gróðrarstíu lögbrota.

Erlendur sjóður vill greiða 250 milljarða fyrir Iceland Foods

Erlendur fjárfestingasjóður vill bjóða 1,4 milljarða punda, jafnvirði 250 milljarða króna, í hlut Landsbankans í Iceland Foods, en þetta eru peningar sem eiga að fara upp í Icesave. Skilanefnd bankans hafnaði tilboði frá Malcolm Walker upp á milljarð punda.

Icelandair mun auka áætlunarflug sitt á næsta ári

Icelandair mun auka áætlunarflug sitt á næsta ári um 17%. Ferðum verður fjölgað til nokkurra helstu áfangastaða félagsins, svo sem New York, Boston, Parísar, Frankfurt, Amsterdam, Stokkhólms, Brussel, Seattle, Halifax, Manchester, Glasgow, Þrándheims, Bergen og Helsinki.

Gert að greiða fjórar milljónir vegna samkeppnisbrota

Samtök atvinnurekenda í raf- og tölvuiðnaði (SART) hafa viðurkennt brot á samkeppnislögum og þurfa að greiða fjórar milljónir í sektir.

Góðgerðasamtök á Íslandi verða af rúmum hálfum milljarði

Héraðsdómur Reykjavíkur hafnaði kröfu William Fall, fyrrverandi forstjóra Straums-Burðaráss en hann þess að fá þrjár milljónir evra greiddar í vangoldin laun.

Handbók stjórnarmanna gefin út

KPMG á Íslandi hefur gefið út Handbók stjórnarmanna í samstarfi við Landssamtök lífeyrissjóða, Samtök atvinnulífsins, Samtök fjármálafyrirtækja og Viðskiptaráð Íslands. Í tilkynningu frá fyrirtækinu segir að með útgáfu handbókar af þessu tagi sé á einum stað yfirlit yfir hlutverk, ábyrgð og skyldur stjórnarmanna. „Slík handbók mun nýtast stjórnarmönnum félaga í störfum sínum, veita þeim aukið öryggi og leiða til betri stjórnarhátta í íslensku atvinnulífi."

Gagnger endurskoðun á afnámi gjaldeyrishaftanna

Arnór Sighvatssonar aðstoðarbankastjóri Seðlabankans segir að bankinn muni á næstu mánuðum ráðfæra sig við Alþjóðagjaldeyrissjóðinn, aðra ráðgjafa og stjórnvöld um næstu skref í afnámi gjaldeyrishaftanna og taka áætlunina frá því í ágúst 2009 til gagngerrar endurskoðunar.

Staðfestir áhuga Malcolm Walkers á Iceland kaupum

Páll Benediktsson upplýsingafulltrúi skilanefndar Landsbankans hefur staðfest forsíðufrétt Fréttablaðsins í dag um að Malcolm Walker stofnandi og forstjóri Iceland lágvöruverðskeðjunnar hefði sýnt áhuga á að kaupa félagið.

Eignir gamla Landsbankans lágt metnar

Í lok júní var áætlað verðmæti allra eigna gamla Landsbankans 1.177 milljarðar króna. Þar af var virði dótturfélaga bankans, sem Iceland Foods fellur undir, metið á 83 milljarða króna. Þetta þykir afar varfærið mat, ekki síst með tilliti til tilboðs Malcolms Walker.