Salan á Smáralind: Nærliggjandi lóðir líka til sölu

Fasteignafélag Íslands ehf., eigandi verslunarmiðstöðvarinnar Smáralindar, hefur ákveðið að gefa fjárfestum sem áhuga hafa á að kaupa verslunarmiðstöðina, kost á því að kaupa einnig nærliggjandi lóðir í eigu félagsins. Í tilkynningu frá Landsbankanum kemur fram að lóðirnar séu sunnan Smáralindar við Hagasmára og Hæðasmára. „Þessar lóðir verða hvorki seldar sérstaklega sem heild né heldur stakar, heldur er ætlunin að gefa kaupanda verslunarmiðstöðvarinnar tækifæri á að eignast þær jafnhliða kaupum á Smáralindinni.“

Sigurður með mest undir eða 7,8 milljarða í riftuninni

Sigurður Einarsson fyrrum stjórnarformaður Kaupþings, nú eftirlýstur af Interpol, er með mest undir af þeim 80 fyrrum starfsmönnum Kaupþings sem fengu í morgun tilkynningu um riftun á niðurfellingu persónulegra ábyrgða vegna lána sem bankinn veitti þeim. Sigurði er gert að greiða rúmalega 7,8 milljarða kr.

Sem betur fer ráða stjórnvöld ekki för í sölu HS Orku

„Rétt er að rifja upp að þegar Magma Energy festi fyrst hlut í HS Orku fyrir nokkrum misserum tók hluti ríkisstjórnar og alþingismanna því afar illa og fann flest til foráttu. Enn eru þeir sömu við sitt heygarðshorn. Sem betur fer ráða þeir ekki för í þessu máli," segir Jón Steindór Valdimarsson, framkvæmdastjóri Samtaka iðnaðarins í tilkynningu um kaup Magma Energy á HS Orku.

Yfirlýsing frá Jóni Ásgeiri Jóhannessyni

Jón Ásgeir Jóhannesson hefur sent frá sér yfirlýsingu vegna afsagna hans úr stjórnum House of Fraser og Iceland Food en Fréttastofan greindi frá þessum afsögnum fyrir og um helgina.

SA fagna sölunni á HS Orku

Samtök atvinnulífsins fagna samkomulagi um kaup Magma Energy á stórum hlut í HS Orku. Í tilkynningu frá SA segir að með samkomulaginu hafi sterkt erlent fyrirtæki eignast ráðandi hlut í HS Orku og jafnframt lýst yfir áformum um að standa að öflugri uppbyggingu jarðvarmavirkjana hér á landi.

BM Vallá óskar eftir gjaldþrotaskiptum

Í dag, mánudaginn 17. maí, lagði stjórn BM Vallár hf. fyrir Héraðsdóm Reykjavíkur beiðni um að félagið verði tekið til gjaldþrotaskipta.

Pundið er komið undir 190 krónur

Gengisvísitalan hefur verið að styrkjast töluvert frá því í hádeginu og er pundið nú komið undir 190 kr. Hefur pundið veikst gagnvart krónunni um tæplega 1,5% frá því fyrir helgina.

Vilja að Hampiðjan greiði 59,6 milljónir í arð

Á aðalfundi Hampiðjunnar á föstudaginn kemur verður lög fram tillaga stjórnar um að fundurinn samþykki að greiddur verði 12% arður vegna ársins 2009, alls að fjárhæð tæpar 59,6 milljónir kr.

Krónan ekki verið jafnsterk gagnvart evrunni í rúmt ár

Gengi krónunnar gagnvart evru heldur áfram að styrkjast og kostar evran 162,4 krónur á innlendum millibankamarkaði þegar þetta er ritað (kl. 11:30). Um áramótin stóð evran í 179,9 krónum og hefur krónan því styrkst um 10,7% gagnvart evru frá þeim tíma, og í raun hefur krónan ekki verið jafn sterk gagnvart evru í rúmt ár.

Meniga í samvinnu við Applicon á Norðurlöndum

Hugbúnaðarfyrirtækið Meniga, sem rekur samnefndan fjármálavef fyrir heimili, hefur valið Applicon í Svíþjóð, dótturfélag Nýherja hf, til þess að annast endursölu á lausnum félagsins til banka á Norðurlöndunum.

Magma Energy eignast 98,5% hlut í HS Orku

Dótturfyrirtæki kanadíska jarðhitafyrirtækisins Magma Energy og Geysir Green Energy hafa náð samkomulagi um að Magma kaupi öll hlutabréf Geysis í HS Orku og verður Magma þar með aðaleigandi félagsins með 98,5% hlut.

Formaður stjórnar TM segir sig úr stjórninni

Jón Sigurðsson, formaður stjórnar Tryggingamiðstöðvarinnar hf. (TM), hefur sagt sig úr stjórn félagsins.

Kosið um stjórn Icelandair Group á hluthafafundi

Kosið verður um stjórn Icelandair Group á komandi hluthafafundi félagsins. Eftirtaldir aðilar gefa kost á sér til stjórnar Icelandair Group á hluthafafundi sem haldinn verður föstudaginn 21. maí kl 16:00 á Hilton Reykjavík Nordica.

HS Orka skilar 1,2 milljarða hagnaði

Hagnaður HS Orku á fyrsta ársfjórðungi ársins nam 1,2 milljörðum kr. en á sama tímabili í fyrra nam hagnaðurinn 800 milljónum kr.

Heildaraflinn minnkaði um 16,5% milli ára í apríl

Heildarafli íslenskra skipa í nýliðnum aprílmánuði, metinn á föstu verði, var 16,5% minni en í apríl 2009. Það sem af er árinu hefur aflinn dregist saman um 14,7% miðað við sama tímabil 2009, sé hann metinn á föstu verði.

Ríkisstjórnin skoðar aðkomu að HS Orku

Fulltrúar kanadíska fyrirtækisins Magma Energy munu ganga á fund ráðherra í dag þar sem möguleg aðkoma ríkisins að málum HS Orku verður rædd. Ekki var tekin ákvörðun um sölu á hlut Geysis Green í HS Orku til Magma í gær. Boðað verður til blaðamannafundar um málið í dag.

Aldrei fleiri kaupmálar verið gerðir

Aldrei hafa fleiri kaupmálar verið gerðir eins og strax eftir bankahrunið. Ekki verður hægt að rifta þeim öllum þrátt fyrir að fyrningarfrestur hafi verið lengdur.

Tollstjóri getur krafist gjaldþrotaskipta

Tollstjóri, fyrir hönd skattrannsóknarstjóra, getur krafist þess að fyrrverandi forsvarsmenn FL Group verði teknir til gjaldþrotaskipta. Enginn þeirra á eignir upp í kyrrsetningarkröfu skattrannsóknarstjóra vegna meintrar refsiverðar háttsemi þeirra á lögum um virðisaukaskatt.

Helmingur stærstu útgerða stefna í þrot án fyrningar

Elín Björg Ragnarsdóttir framkvæmdastýra Samtaka fiskframleiðenda og útflytjenda sagði á opnum sjávarútvegsfundi á Ísafirði s.l. miðvikudag að samkvæmt skýrslu Rannsóknar- og þróunarmiðstöðvar Háskólans á Akureyri sé skuldarstaða 12 af 20 stærstu sjávarútvegsfyrirtækjanna mjög slæm.

Magma mun eignast bróðurhlutann í HS orku

Fátt getur komið í veg fyrir að kanadíska fyrirtækið Magma Energy eignist 98 prósenta hluti í HS orku. Þar með yrði þriðja stærsta orkufyrirtæki landsins komið í eigu erlendra aðila. Guðbrandur Einarsson bæjarfulltrúi í Reykjanesbæ segir þetta þýða að hagnaður af orkusölunni flytjist úr landi. Bæjarfélagið hafi selt frá sér mjólkurkúna.

Jón Ásgeir segir sig úr stjórn Iceland

Jón Ásgeir Jóhannesson mun segja sig úr stjórn Iceland matvöruverslunarkeðjunnar um helgina, að því er Sunday Mail fullyrðir. Hann sagði sig úr stjórn House of Fraser í síðustu viku.

Fleiri riftunarmál í farvatninu

Fleiri riftunarmál eru í farvatninu hjá slitastjórn Landsbankans en nú þegar hefur slitastjórnin endurheimt einn milljarð króna með riftun ráðstafanna. Þeir sem riftunarmálin beinast að hafa fram til loka næstu viku til að svara slitastjórninni, að öðrum kosti verður þeim stefnt.

Frestur Jóns Ásgeirs framlengdur til mánudags

Frestur Jóns Ásgeirs Jóhannessonar til að skila inn lista yfir eignir sínar til slitastjórnar Glitnis framlengist fram á mánudag, segir Steinunn Guðbjartsdóttir, formaður slitastjórnarinnar. „Ég geng út frá því," segir Steinunn. Fresturinn átti upphaflega að renna út klukkan tvö í dag.

Danir áhugasamir um 250 milljarða króna stefnu gamla Landsbankans

Helstu fréttamiðlar í Danmörku hafa fjallað um 250 milljarða skaðabótakröfu sem slitastjórn Landsbanka Íslands undirbýr gegn fyrrverandi stjórnendum og eigendum bankans.

Jón Ásgeir hefur frest til klukkan 14

Frestur Jóns Ásgeirs Jóhannessonar til að skila lista yfir allar eignir sínar rennur út klukkan tvö í dag. Lögmenn hans hafa unnið að gerð listans frá því að þeir tóku við stefnu slitastjórnar Glitnis og kröfu um kyrrsetningu eigna hans á fimmtudag.

Eignir tryggingarfélaga lækka milli mánaða

Heildareignir tryggingarfélaganna námu 137,3 milljörðum kr. í lok mars og lækkuðu um 1.6 milljarða kr. á milli mánaða.

Landsbankinn undirbýr 250 milljarða skaðabótakröfu

Slitastjórn Landsbankans telur að fyrrverandi eigendur og stjórnendur bankans beri skaðabótaskyldu gagnvart bankanum upp á 250 milljarða króna. Ákvörðun um skaðabótamál verður tekin á næstu vikum. Að auki vinnur slitastjórnin að riftun samninga upp á um 90 milljarða króna.

Gengi hlutabréfa Össurar féll um rúm tvö prósent

Gengi hlutabréfa stoðtækjafyrirtækisins Össurar féll um 2,14 prósent í Kauphöllinni í dag. Gengi hlutabréfa Marels lækkaði um 1,98 prósent á sama tíma.

Lífeyrissjóðir fjármagna öryggisíbúðir fyrir Eir

Fjármögnun á lokafrágangi við síðustu áfanga öryggisíbúða hjúkrunarheimilisins Eirar við Fróðengi í Grafarvogi er lokið, en verðbréfafyrirtækið Virðing hf. útvegaði fé til verkefnisins. Alls nam lánsfjárhæðin um ellefu hundruð milljónum króna og kemur fjármagnið frá lífeyrissjóðum landsins.

Rannsóknarteymi skilar skýrslu um Landsbankann

Páll Benediktsson talsmaður skilanefndar Landsbankans segir að sérstakt rannsóknarteymi hjá endurskoðendunum Deloitte hafi unnið að rannsókn á hugsanlegu misferli í bankanum fyrir hrunið haustið 2008.

Ferðamálastofa nýtir gosið á jákvæðan hátt

Skrifstofa Ferðamálastofu í Bandaríkjunum sendi í vikunni út bæði fréttatilkynningar og fréttbréf tengt gosinu í Eyjafjallajökli sem skilað hafa mikilli og jákvæðri umfjöllun. Þetta kemur fram á vefsíðu Ferðamálastofu.

SA telur svigrúm til skattahækkana fullnýtt

Samtök atvinnulífsins (SA) telja að svigrúm ríkisstjórnarinnar til skattahækkana á árunum 2009-2011 sé nú þegar fullnýtt og ná verði markmiðum um bætta afkomu ríkissjóðs 2011 með gjaldalækkunum.

Endurskipulagning Farice ehf. frestast enn

Samkomulag það sem í gangi hefur verið á milli Eignarhaldsfélagsins Farice ehf. og kröfuhafa þess hefur verið framlengt til 11. júní n.k.

Séreignarsparnaðurinn nemur allt að 300 milljörðum

Hannes G. Sigurðsson, aðstoðarframkvæmdastjóri Samtaka atvinnulífsins (SA), segir í grein á vef SA um lífeyrismál og séreignarsparnað að áætlað er að séreignarsparnaður landsmanna nemi nú allt að 300 milljörðum króna.

Eimskip skilar hagnaði

Afkoma Eimskipafélags Íslands hf. eftir skatta er jákvæð um 2,3 milljónir evra eða 423 milljónir kr. fyrir tímabilið frá 1 október - 31. desember 2009.

Tekjur ríkissjóðs drógust saman um 12 milljarða

Tekjur ríkissjóðs drógust saman um rúma 12 milljarða króna á fyrstu þremur mánuðum þessa árs miðað við sama tímabil í fyrra. Þetta kemur fram í yfirliti fjármálaráðuneytisins um greiðsluafkomu ríkissjóðs. Tekjur ríkissjóðs vegna fjármagnstekjuskatts drógust saman um nærri helming.

Saksóknari rannsaki söluna á Sparisjóði Hafnarfjarðar

Á fundi bæjarráðs Hafnarfjarðar, miðvikudaginn 12. maí, var samþykkt að leggja til að bæjarstjórn Hafnarfjarðar óski eftir því við embætti sérstaks saksóknara að tekin verði til skoðunar og rannsóknar sala á eignarhlutum í Sparisjóði Hafnarfjarðar, yfirtaka Byr á eigum SPH og meðferð eignahluta.

Fyrirtæki fá aðgang að Microsoft Office 2010

Microsoft hefur nú gefið fyrirtækjum aðgang að nýjustu útgáfu Office-skrifstofuhugbúnaðarins, Microsoft Office 2010. Um leið hefur fyrirtækið gefið út nýja útgáfu af hópvinnukerfi sínu, SharePoint 2010. Þessar lausnir eru sérhannaðar til að auka framleiðni og hagkvæmni, t.d. með því að auka notkunarmöguleika þeirra á Netinu og í farsímum.

Skuldatryggingaálag á ríkissjóð lækkar áfram

Enn lækkar skuldatryggingaálagið á ríkissjóð Íslands. Í lok dagsins í gær stóð álagið til 5 ára í 253 punktum (2,53%) sem er 90 punktum lægra en það stóð í lok síðustu viku. Borið saman við hæsta gildi skuldatryggingaálagsins það sem af er ári, sem var í febrúarbyrjun þegar álagið stóð í 675 punktum, þá hefur það lækkað um heila 422 punkta.

Íslandsbanki Fjármögnun lækkar vexti

Íslandsbanki Fjármögnun hefur lækkað vexti á óverðtryggðum samningum um 0,75% frá og með 12. maí síðastliðnum. Lækkunin kemur í kjölfar lækkunar á stýrivöxtum Seðlabankans í síðustu viku.

Óvenjumikill samdráttur í verslun í apríl, sala áfengis 31% minni

Óvenjumikill samdráttur varð í veltu dagvöruverslunar og áfengisverslunar í apríl síðastliðnum miðað við sama mánuði í fyrra. Ástæðuna má að hluta til rekja til þess að páskaverslun fór fram í mars á þessu ári en í apríl í fyrra. Páskarnir skýra samt ekki alfarið þennan mikla mun. Þegar horft er til samanburðar á fyrri árum þegar páskar voru annað árið í mars og það næsta í apríl kom ekki fram þessi mikli munur á veltu milli ára.

Skuldabréf Farice ehf. sett á Athugunarlista

Skuldabréf útgefin af Eignarhaldsfélaginu Farice ehf. hafa verið færð á Athugunarlista Kauphallarinnar vegna óvissu um fjárhagslega stöðu útgefanda með vísan til upplýsinga í ársreikningi, dags. 30. apríl 2010.

Yfirtaka Sparisjóðabankans á Mörgu smáu í lagi

„Ekki er ástæða til þess að aðhafast frekar vegna yfirtöku Sparisjóðabanka Íslands hf. á Mörgu smáu ehf." segir í ákvörðun Samkeppniseftirlitsins um málið en það barst inn á borð eftirlitsins í febrúar s.l. Yfirtakan var í formi þess að skuldum félagsins var breytt í eignarhald bankans.

Sigurður með sama lögmann og Amy Winehouse

Sigurður Einarsson fyrrum stjórnarformaður Kaupþings, nú eftirlýstur af Interpol, hefur ráðið sér lögmanninn Ian Burton. Meðal fyrrum skjólstæðinga Burton má nefna söngkonuna Amy Winehouse.

Staða ríkissjóðs versnar, tekjur lækka og gjöld hækka

Greiðsluuppgjör ríkissjóðs fyrir fyrsta ársfjórðung ársins 2010 liggur nú fyrir. Samkvæmt uppgjörinu er handbært fé frá rekstri neikvætt um 10,3 milljarð kr., sem er 5,4 milljörðum kr. lakari útkoma en á sama tímabili árið 2009. Tekjur reyndust 11,2 milljarða kr. minni en í fyrra á meðan gjöldin jukust um 7,7 milljarða kr.