GAMMA: Heildarvelta óverðtryggðra ríkisbréfa tæpir 6 milljarðar

Vísitala Gildi 1 dagur 1 vika 1 mánuður GAMMA:GBI 176,538 0,025% -1,017% 0,298%. GAMMAi:Vtr 180,587 0,032% -1,440% -0,165% .GAMMAxi:Óvtr 157,951 0,008% 0,155% 1,547%

TIF telur kröfur banka og sparisjóða í þrotameðferð 0 krónur

Tryggingarsjóður innistæðueigenda og fjárfesta (TIF) telur að kröfur banka og sparisjóða sem eru í þrotameðferð á hendur sjóðnum vera 0 krónur.

BM Vallá fær heimild til greiðslustöðvunar

Í dag, miðvikudaginn 3. febrúar, var BM VALLÁ hf. veitt heimild til greiðslustöðvunar svo unnt verði að ljúka fjárhagslegri endurskipulagningu félagsins. Undanfarið ár hefur starfsfólkið unnið hörðum höndum að endurskipulagningu félagsins með víðtækum sparnaðar- og hagræðingaraðgerðum í góðri samvinnu við helstu lánadrottna félagsins.

Skuldatryggingaálag ríkisins lækkar að nýju

Skuldatryggingaálag ríkisins lækkaði í dag frá gærdeginum að því er kemur fram í daglegu fréttayfirliti frá gagnaveitunni CMA. Lækkunin nemur tæpum 4%.

Utanlandsferðir Íslendinga aukast að nýju

Í janúar fjölgaði utanferðum Íslendinga um 7,4% frá sama tíma í fyrra og er þetta þriðji mánuðurinn í röð sem slík aukning á sér stað.

Mun birta samninga við stjórnir bankanna

Bankasýsla ríkisins mun gera samninga við stjórnir þeirra fjármálafyrirtækja sem ríkið verður ráðandi hluthafi í um markmið í rekstri og verða þessir samningar birtir innan tólf mánaða frá gerð þeirra.

Kauphöllin: Skoða verður uppgjör bankanna fyrrihluta 2008

Forstjóri Kauphallarinnar segir að skoða verði hvort hálfsársuppgjör bankanna 2008 hafi verið rétt og reikningarnir eðlilega sett fram. Einnig þurfi að kanna í þaula hvort yfirlýsingar bankastjóranna nokkrum mánuðum fyrir hrun um gæði eignasafna og sterka lausafjárstöðu standist skoðun.

Gistinóttum fækkaði lítillega milli áranna 2008 og 2009

Gistinætur á hótelum árið 2009 voru 1.333.200 og fækkar lítillega frá árinu 2008 þegar gistinætur voru 1.339.900. Á flestum landsvæðum fækkar gistinóttum á milli ára eða standa í stað. Hlutfallslega fækkar gistinóttum mest á samanlögðu svæði Vesturlands og Vestfjarða en fjölgar mest á Norðurlandi og Suðurlandi.

Starfsmönnum SÍ óheimilt að þiggja gjafir eða boðsferðir

Samkvæmt starfs- og siðareglum Seðlabanka Íslands (SÍ) er starfsmönnum bankans óheimilt að þiggja gjafir og boðsferðir. Eina undantekningin er ef ferðirnar eru taldar hafa upplýsingagildi fyrir bankann en þá greiðir bankinn kostnaðinn við ferðina.

Froskur sem sló í gegn

Auglýsingaherferð Vodafone þar sem „essasú“-froskurinn var í aðalhlutverki er með þeim íslensku auglýsingaherferðum sem hvað mesta athygli hafa vakið.

Konur ragari en karlar við hlutabréfakaup

Konur gætu hagnast meira ef þær væru hugaðri í hlutabréfakaupum en raun ber vitni. Þetta sýnir rannsókn sem Greens Analyseinstitut vann fyrir danska viðskiptablaðið Børsen og birtist á laugardag.

Frakkar vilja hjálpa til við endurreisnina

Frönsk stjórnvöld vilja leggja lóð sitt á vogarskálarnar og styðja Ísland upp úr kreppunni, að sögn Emmanuel Jacques, formanns stjórnar Fransk-íslenska viðskiptaráðsins og viðskiptasendifulltrúa Frakka hér.

Auglýst eftir rektor

Embætti rektors við Háskóla Íslands hefur verið auglýst laust til umsóknar.

Heimsyfirráð CCP

Flutningar standa nú yfir hjá netleikjafyrirtækinu CCP úti á Granda. Fyrirtækið hefur fjölgað starfsfólki verulega upp á síðkastið og þurft að dreifa úr sér. CCP var með efstu hæðirnar í Grandagarði 8 en hefur smám saman verið að taka þær neðri yfir. Teiknimyndafyrirtækið CAOZ og tengd fyrirtæki eru um þessar mundir að flytja út, ásamt almannatengslafyrirtækinu APPR, og mun komið undir annað þak. Sjóminjasafnið og heildverslunin Forval eru enn í húsinu og þykir spurning hvenær þau hverfa á braut. Óvíst er hvort húsið dugi CCP, sem tútnar út sem aldrei fyrr. Ef allt þrýtur er aldrei að vita nema fyrirtækið taki yfir varðskipið Óðin, sem liggur við bryggju handan við húsið.

Vilja hleypa „vondum“ krónum inn

Unnið er að því að opna fjárfestum leið inn í landið með íslenskar krónur sem þeir hafa keypt á aflandsmörkuðum eftir að gjaldeyrishöft voru sett í nóvember 2008. Ræddar hafa verið ýmsar hefðbundnar og óhefðbundnar leiðir til að gera þetta mögulegt innan stjórnsýslunnar, samkvæmt heimildum Fréttablaðsins. Horft er til þess að aflandsféð verði nýtt til að fjármagna íslensk fyrirtæki á meðan dyrnar eru lokaðar landinu á erlendum lánamörkuðum. Ekkert mun fast í hendi og vildi því enginn tjá sig um það opinberlega.

Misstu stjórn á sér

„Mig er farið að klæja í puttana að loka nýjum díl, við höfum ekkert gert á þessu ári," sagði einn viðmælenda Ástu Dísar Óladóttur sem rannsakaði fjárfestingar Íslendinga erlendis í doktorsritgerð sinni sem hún varði við Viðskiptaháskólann í Kaupmannahöfn. Ásta Dís komst meðal annars að því í rannsókn sinni að er líða tók á fyrsta áratug 21. aldarinnar töpuðu menn sérhæfni í fjárfestingum og fóru að fjárfesta í alls konar fyrirtækjum. Græðgi hafi jafnvel virst ráða för í sumum tilfellum frekar en úthugsuð fjárfestingarstefna, eins og ofangreind tilvitnun sýnir.

Margmenni hjá Marel

Rúmlega 130 gestir úr ýmsum áttum komu á kynningu sérfræðinga á nýjustu lausnum Marel í framleiðslusal fyrirtækisins um miðjan mánuðinn. Flestir gestanna voru fulltrúar helstu kjöt- og kjúklingavinnsla landsins auk fulltrúa fiskiðnaðarins. Á meðal helstu nýjunganna var nýjasta gerðin af verðmerkivog til að verðmerkja neytendapakkaðar afurðir og vél undir vörumerkinu Townsend, sem himnudregur kjöt og kjúkling eða roðdregur fisk. Vörumerkið varð hluti af Marel með kaupunum á hollensku iðnsamsteypunni Stork fyrir tveimur árum. Vélar sem þessar hafa aldrei verið sýndar hér áður. - jab

Almenn bjartsýni með ferðasumarið

Almenn bjartsýni ríkir meðal fyrirtækja sem starfa í ferðaþjónustu hér á landi með komandi ferðasumar, segir Erna Hauksdóttir, framkvæmdastjóri Samtaka ferðaþjónustunnar. Ferðamenn bóka þó með sífellt styttri fyrirvara svo erfitt er að spá fyrir um sumarið.

Hlutafé í 365 aukið um milljarð

Ákveðið var á hluthafafundi hjá fjölmiðlafyrirtækinu 365 miðlum í dag, sem á og rekur fréttastofu Stöðvar 2 og Bylgjunnar, að auka hlutafé fyrirtækisins um milljarð. Gefið verður upp á næstu vikum hvaðan nýtt hlutafé kemur. Jón Ásgeir Jóhannesson er stærsti hluthafi 365 miðla. Hluatfé í fyrirtækinu er í dag rúmir tveir milljarðar en verður rúmir þrír milljarðar með þessu. Ari Edwald forstjóri fyrirtækisins segir tilganginn að styrkja fjárhag fyrirtækisins.

Hollendingar hunsuðu hugmyndir um varasjóð Landsbankans

Jónas Fr. Jónsson, fyrrverandi forstjóri Fjármálaeftirlitsins vísar ásökunum um lygar á bug en fyrrverandi yfirmaður hollenska fjármálaeftirlitsins og seðlabankans, Arnold Schilder, sagði fyrir þingnefnd þar í landi að trekk í trekk hefðu Íslendingar logið að sér og starfsmönnum sínum. Jónas segir að stungið hafi verið upp á að Landsbankinn setti upp varasjóð í Hollandi en þær hugmyndir hafi aldrei verið afgreiddar af hálfu Hollendinga.

Capacent vinnur verkefni fyrir Alþjóðabankann

Að loknu alþjóðlegu útboði á síðasta ári ákvað IFC, sem er deild innan Alþjóðabankans að taka tilboði Capacent í ráðgjöf vegna vörudreifingarfjármögnunar.

Icelandair þarf ekki að greiða 130 milljónir í sekt

Héraðsdómur Reykjavíkur felldi niður 130 milljón króna stjórnvaldssekt á hendur Icelandair en Samkeppniseftirlitið hafði áður úrskurðað að félagið skyldi greiða sektina fyrir brot á samkeppnislögum.

Fjórar hópuppsagnir í janúar, 60 misstu vinnuna

Vinnumálastofnun bárust 4 hópuppsagnir í janúarmánuði þar sem sagt var upp 60 manns. Um er að ræða fyrirtæki í mannvirkjagerð og upplýsinga- og útgáfustarfsemi.

Einar Sigurðsson forstjóri Auðhumlu

Nú um mánaðamótin urðu forstjórarskipti hjá Auðhumlu, samvinnufélagi 700 mjólkurbænda, sem á stærstan hlut í Mjólkursamsölunni. Magnús Ólafsson, forstjóri lét þá af störfum eftir áratuga farsælan feril í íslenskum mjólkuriðnaði. Við starfinu tekur Einar Sigurðsson, sem eftir þessa breytingu verður forstjóri bæði Auðhumlu og Mjólkursamsölunnar.

REI-aðilar áberandi í fjárstuðningi við Samfylkinguna

Aðilar sem áttu hagsmuna að gæta í REI-málinu svokallaða, það er samruna REI og GGE, eru áberandi meðal þeirra lögaðila sem studdu Samfylkinguna með hámarksframlagi árið 2008.

Fjárfestar telja töluverðar líkur á greiðslufalli innan árs

Skuldatryggingaálag ríkissjóðs til eins árs stendur nú í 910 punktum og telja fjárfestar því töluverðar líkur á að til greiðslufalls ríkissjóðs kunni að koma innan árs.

Verðbólguvæntingar fyrirtækja fara vaxandi

Verðbólguvæntingar fyrirtækja hafa hækkað undanfarið samkvæmt könnun sem Capacent Gallup gerði fyrir Seðlabankann í lok desember, en niðurstöður hennar birti bankinn nýverið í Hagvísum bankans fyrir janúarmánuð.

Félag í eigu Sigurðar Helgasonar dæmt til að greiða 1100 milljónir

Eignarhaldsfélagið Skildingur, sem er í eigu Sigurðar Helgasonar, stjórnarformanns Icelandair, var í Héraðsdómi Reykjavíkur í morgun dæmt til þess að greiða Glitni banka 1100 milljónir króna vegna gjaldfallinnar skuldar

Gulleggið: Álfavala, ljóshanski, ruggari og streitustjóri

Búið er að opinbera hluta úr öllum hugmyndum sem tóku þátt í gullegginu 2010. Þar kennir margra grasa og má sem dæmi nefna Álfavölu, ljóshanska, ruggara og streitustjóra. Hægt er að nálgast þessar hugmyndir á vefsíðu innovit.is.

Rússland vaxandi markaður fyrir ferðaþjónustuna

Skipuleggjendur Íslendsferða í Rússlandi sinna einkum efnaðasta og um leið kröfuharðasta hópi rússneskra ferðamanna. Áhugi þeirra á Íslandsferðum fer vaxandi og nemur fjöldi þeirra nú um þúsund manns á ári og fer vaxandi.

Telur kaupin í Færeyjabanka vera veðkall eða uppgjör

Í Markaðsfréttum Íslenskra verðbréfa er líkum að því leitt að kaup Hildu hf. (Saga Capital) á 7,72% hlut í Færeyjabanka s.l. föstudag hafi verið veðkall eða uppgjör.

Úrskurðarnefnd hækkar verð á þorski og ýsu um 9-10%

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem sem ráðstafað er til eigin vinnslu eða seldur til skyldra aðila, um 9%.

Kauphöllin: Heildarviðskipti rúmir 187 milljarðar í janúar

Heildarviðskipti með hlutabréf í janúar mánuði námu rúmum 3.493 milljónum eða 184 milljónum á dag að því er fram kemur í tilkynningu frá kauphöll. Heildarviðskipti á íslenska markaðnum öllum námu rúmum 187 milljörðum í janúr. Til samanburðar var veltan með hlutabréf í desembermánuði rúmar 3.163 milljónir, eða 150 milljónir á dag.

Rannveig Rist stjórnarformaður Skipta

Rannveig Rist hefur tekið við formennsku í stjórn Skipta hf. Þetta var ákveðið á fundi stjórnar Skipta fyrr í dag. Í tilkynningu frá félaginu segir að með formennsku Rannveigar sé tryggð samfelldni í stjórn fyrirtækisins.

Gengi hlutabréfa Össurar hækkaði um rúm 0,6 prósent

Gengi hlutabréfa stoðtækjafyrirtækisins Össurar hækkaði um 0,63 prósent í Kauphöllinni í dag og Marel um 0,17 prósent.

GAMMA: Lítil viðskipti í dag

Vísitala Gildi 1 dagur 1 vika 1 mánuður.

Bættar forvarnir geta sparað milljarða í atvinnurekstri

Árlega þurfa um 9000 manns að leita aðstoðar vegna vinnuslysa hér á landi og rannsóknir sýna að enn fleiri verða fyrir heilsutjóni vegna atvinnusjúkdóma. Á árunum 2006 til 2008 létust að jafnaði 5 manns árlega í vinnuslysum hér á landi. Rannsóknir á Vesturlöndum benda til þess að 3-4% af landsframleiðslu glatist vegna heilsutjóns á vinnustöðum en það samsvarar 45-60 milljörðum króna á Íslandi.

Hluta skulda sparisjóðanna breytt í eigið fé/víkjandi lán

Seðlabanki Íslands mun í dag senda sparisjóðum landsins bréf með lýsingu á þeim skilmálum sem í boði eru við endurfjármögnun sparisjóðanna. Samtals nema kröfur bankans á hendur sparisjóðum um 9,6 milljörðum kr. að nafnverði en Seðlabankinn er meðal stærstu kröfuhafa hjá um átta sparisjóðum.

Actavis selur Norgesplaster

Actavis hefur selt Norgesplaster, verksmiðju í Vennesla í Noregi sem framleiðir plástra og íþróttateip. Kaupendurnir eru norskir fjárfestar. Kaupverðið er ekki gefið upp.

Framkvæmdastjóri hjá Seðlabankanum flaug í boði Glitnis og Milestone

Framkvæmdastjóri alþjóða- og markaðssviðs Seðlabanka Íslands flaug tvisvar með einkaþotu sem Glitnir og Milestone leigðu saman. Hann segir þá Steingrím Wernerson vera bestu vini og flugu þeir á þotunni í frí. Á farþegarlistum koma meðal annars fyrir nöfn alþingismanns og aðstoðarmanns ráðherra í núverandi ríkisstjórn.

Krónan ekki sterkari gagnvart evru frá miðju sumri

Eftir styrkingu krónu í síðustu viku er hún nú sterkari gagnvart evru en hún hefur verið frá miðju síðasta sumri. Krónan styrktist um tæpt prósent gagnvart evru í vikunni er leið og kostar evran nú 177,5 kr. á innlendum gjaldeyrismarkaði, en hæst fór evran í rúmar 186 kr. í annarri viku nóvembermánaðar í fyrra.

ÍLS einnig á neikvæðum horfum hjá S&P

Matsfyrirtækið Standard & Poor´s (S&P) greindi frá því þann 29. janúar 2010, að það hefði haldið lánshæfismati Íbúðalánasjóð (ÍLS) áfram á athugunarlista með neikvæðum vísbendingum.

LSS yfirtekur allan rekstur LSK

Stjórnir Lífeyrissjóðs starfsmanna sveitarfélaga, LSS, og Lífeyrissjóðs starfsmanna Kópavogsbæjar, LSK, hafa staðfest samning sem undirritaður var hinn 18. janúar sl., um að LSS annist allan daglegan rekstur LSK frá 1. mars 2010 að telja.

Clearstream með beina aðild að íslenska markaðinum

NASDAQ OMX Group tilkynnti í dag að Clearstream, dótturfyrirtæki Deutsche Börse Group, verði með beina aðild að íslenskum markaði frá og með deginum í dag.

Laun á Íslandi 2006 með þeim hæstu í Evrópu

Árið 2006 voru laun á Íslandi, umreiknuð í evrur, með þeim hæstu í Evrópu. Aftur á móti ef tekið er tillit til jafnvirðisgildis, það er mismunandi verðlags, eru laun á Íslandi í mörgum tilvikum nær meðaltali Evrópusambandsríkjanna 27 og falla í sumum tilvikum undir það.