Nýtt félag stofnað um víðtæka ráðgjöf

Capacent Glacier heitir nýtt ráðgjafarfyrirtæki með átján starfsmenn sem einbeitir sér að fjármálaráðgjöf hér innanlands og ráðgjöf á sviði sjávarútvegs og jarðvarma á erlendri grundu.

Bakkavör tapar 27 milljörðum

Bakkavör tapaði 27 milljörðum króna á síðasta ári eða 154 milljónum punda. Hagnaður var af félaginu á síðasta ári upp á 47 milljónir punda.

Baugseignir seldar yfir markaðsvirði

Framkvæmdarstjóri Fjárfestingafélagsins Gaums, Kristín Jóhannesdóttir, sendi frá sér yfirlýsingu nú í kvöld vegna fréttar RÚV um fasteignaviðskipti þar sem Gaumur keypti fjórar fasteignir af Baugi Group. Í tilkynningunni segir hún að óháðir aðilar hafi verið til ráðagjafar við viðskiptin auk þess sem verð eignanna hafi verið yfir markaðsvirði á þeim tíma sem þær voru seldar.

Gjaldeyrislekinn stöðvaður

Tilkynnt verður á næstu klukkustund um breytingar á reglum um gjaldeyrishöft, eftir því sem heimildir fréttastofu herma.

Gaumur keypti franskt skíðasetur af Baugi

Félagið Gaumur, sem er í eigu Jón Ásgeirs Jóhannessonar og fjölskyldu, keypti fjórar verðmætar fasteignir Baugs Group síðastliðið haust samkvæmt fréttum RÚV.

Kaupþing: Skilanefnd SPRON ber ábyrgð á óvissu viðskiptavina

Skilanefnd SPRON ber að fullu ábyrgð á þeirri óvissu sem nú ríkir hjá viðskiptavinum SPRON, að mati Kaupþings. Allt frá því beiðnin kom frá stjórnvöldum um að Nýja Kaupþing tæki við innlánum viðskiptavina SPRON hefur bankanum verið umhugað að viðskiptavinir SPRON yrðu fyrir sem minnstum óþægindum, segir í tilkynningu frá Kaupþingi.

MP fær undanþágu til að opna SPRON útibúin

Samkeppniseftirlitið hefur í dag veitt MP Banka undanþágu sem gerir honum kleift að opna þegar í stað hinar keyptu starfseiningar SPRON.

Síminn talinn hafa staðið sig best í markaðsmálunum

Markaðsstjórar nefndu Símann oftast sem það fyrirtæki sem stóð sig vel í markaðsmálum á síðasta ári samkvæmt könnun Capacent Gallup. Könnunin var gerð í febrúar að því er fram kemur í tilkynningu frá Símanum en í úrtakinu voru markaðsstjórar 400 stærstu auglýsenda samkvæmt Auglýsingamarkaði Capacent Gallup.

Viðbrögðin vonum framar

Símtölum og tölvupóstum hefur rignt yfir starfsfólk MP Banka vegna kaupa bankans á netbanka og útibúaneti SPRON í gær. Fólk hefur jafnframt komið í bankann til að spyrjast fyrir. „Það var bara strax byrjað hérna við opnun, að þá byrjaði fólk að koma hérna inn," segir Styrmir Þór Bragason forstjóri MP Banka.

Opal inn í félag í Lúx

Félagið Opal Global Invest, sem skráð var á eyjunni Tortola rann saman við Sambson Global Holding sem skráð er í Lúxemborg. Þetta kemur fram í yfirlýsingu frá Björgólfsfeðgum en skiptastjóri í þrotabúi Samsonar ehf segir í skýrslu frá því í febrúar að ekki hafi verið gerð grein fyrir hátt í sexhundruð milljóna króna greiðslu vegna Opal Global. Fram kemur í skýrslu um þrotabú Samsonar, félags Björgólfsfeðga, að erfitt hafi verið að nálgast upplýsingar um sumar greiðslur sem fóru út úr Samson og þá sem þær hafi þegið.

Starfsmenn SPRON fagna þrátt fyrir óvissu

Stefnt er að því að ljúka sölu á verðbréfaþjónustu SPRON á næstu dögum. Skilanefnd bankans komst í gær að samkomulagi við MP banka um kaup á Netbanka og útibúaneti SPRON. Formaður starfsmannafélags SPRON fagnar þeirri ákvörðun MP banka bjóða að minnsta kosti 45 starfsmönnum SPRON vinnu.

Íslendingar mun bjartsýnni en þeir voru í febrúar

Væntingavísitala Capacent Gallup fyrir marsmánuð var birt í morgun og hefur hún hækkað um 55% frá fyrri mánuði.

„Eini glæpurinn er að við misstum hlutinn í veðkalli“

Ragnar Z Guðjónsson, forstjóri Byrs, segist ekki skilja af hverju Fjármálaeftirlitið sé nú að rannsaka viðskipti félags í eigu Ragnars og nokkurra annarra stjórnenda sjóðsins með stofnfjárhluti í Byr. DV greindi frá rannsókninni í dag.

Byr-stjórar með 75 milljónir í árslaun

Ragnar Z. Guðjónsson og Magnús Ægir Magnússon, forstjórar Byrs á árinu 2008, fengu samtals um 75 milljónir í árslaun á árinu jafnvel þótt bankinn hafi tapað 29 milljörðum samkvæmt ársreikningi.

Vöruskipti hagstæð um 5,9 milljarða

Í febrúarmánuði voru fluttar út vörur fyrir 32,3 milljarða króna og inn fyrir 26,4 milljarða króna. Vöruskiptin í febrúar voru því hagstæð um 5,9 milljarða króna. Í febrúar 2008 voru vöruskiptin óhagstæð um 18,6 milljarða króna á sama gengi.

Eftirlitsstofnanir skorti verkfæri til viðbragða

Slakur bankarekstur, slæm opinber stefna og óheppni spiluðu saman í falli fjármálakerfisins, að mati Kaarlos Jännäri, finnsks bankasérfræðings. Hann skilaði í gær skýrslu um reglur og eftirlit með bankastarfsemi hér. Jännäri leggur til ýmsar leiðir til úrbóta og telur líklegt að innan fimm ára verði Ísland orðið aðili að ESB og taki upp evru.

Krónan veikist hratt

Krónan veiktist um 0,95 prósent í gær og endaði gengisvísitalan í 211 stigum. Þegar mest lét sló hún einu stigi betur og hafði krónan þá ekki verið veikari frá 23. janúar. Vísitalan var á hraðri niðurleið í janúar eftir snarpan kúf til eins mánaðar. Hæst snerti gengisvísitalan 250 stig í byrjun desember. Krónan hefur nú veikst viðstöðulaust um ellefu prósent í á þriðju viku eftir að hafa farið lægst við 187 stigin. Þá hafði gengi krónu ekki verið sterkara síðan fyrir ríkisvæðingu bankanna.

Ráðgjafarstofa fyrir fyrirtæki í vandræðum

Fimm þingmenn fjögurra flokka vilja að stofnuð verði ráðgjafarstofa fyrir fyrirtæki í greiðsluörðugleikum. „Við teljum að fyrirtæki í rauninni hafi ekki neinn stað til að leita til. Stofan er því bæði hugsað til að ráðleggja fyrirtækjum að halda áfram rekstri eða hætta rekstri til að takmarka skaðann,“ segir Eygló Harðardóttir, þingmaður Framsóknarflokksins og fyrsti flutningsmaður tillögunnar.

Vonar að fleiri starfsmenn gamla Spron fái vinnu

MP banki hefur keypt Netbanka og útibúanet SPRON á áttahundruð milljónir króna. Að minnsta kosti 45 fyrrum starfsmönnum SPRON boðin vinna og vonar stjórnarformaður MP banka að þeir verði fleiri. Vel á annan tug fjármálafyrirtækja lýstu yfir áhuga á að kaupa eignir úr þrotabúi SPRON þar á meðal MP banki og VBS fjárfestingarbanki.

Útibúanet SPRON selt

Skilanefnd SPRON hefur náð samkomulagi um sölu á útibúaneti sparisjóðsins. Hlynur Jónsson formaður skilanefndar SPRON staðfestir þetta í samtali við fréttastofu en segir að tilkynnt verði síðar í dag hver hafi hreppt hnossið. Ríkisútvarpið greinir frá því að um sé að ræða MP fjárfestingabanka.

Gengi bréfa Marel féll um 2,4 prósent

Gengi hlutabréfa í Marel Food Systems féll um 2,43 prósent í Kauphöllinni í dag. Á eftir fylgdi gengi bréfa í Færeyjabanka, sem lækkaði um 1,25 prósent, Össurar, sem fór niður um 1,13 prósent og Bakkavarar, sem lækkaði um 0,74 prósent.

Seðlabankinn leyfir gengi krónunnar að gossa niður

„Ef tekið er mið af því hversu mikið krónan hefur veikst frá 11. mars í lítilli veltu (1,7 milljarðar kr. á millibankamarkaði á tímabilinu) er það sterk vísbending um að Seðlabankinn hafi haldið sig til hlés á gjaldeyrismarkaði undanfarnar vikur. Ef sú er raunin er það athyglisvert í ljósi þeirrar miklu áherslu sem bankinn leggur á gengisstöðugleika.“

Telur að stýrivextir lækki um eitt prósentustig í apríl

Greining Íslandsbanka telur að peningastefnunefnd Seðlabankans muni ákveða að lækka vexti um eitt prósentustig í næstu viku og að stýrivextir bankans verði þá komnir niður í 16%.

Stjórnarformaður HB Granda fái 2,4 milljónir fyrir árið

Fyrir aðalfundi HB Granda þann 3. apríl verður lagt til að þóknun til stjórnarmanna fyrir liðið ár verði 800.000 kr. Formaður stjórnarinnar taki þrefaldan hlut eða 2,4 milljónir kr.

Gengi bréfa Marel fellur um tæp þrjú prósent

Gengi hlutabréfa í Marel Food Systems hefur fallið um 2,98 prósent í fyrstu viðskiptum dagsins á hlutabréfamarkaði. Á sama tíma hefur gengi bréfa í Færeyjabanka hækkað um 0,83 prósent.

Eignir lánafyrirtækja lækkuðu um 25 milljarða í febrúar

Eignir ýmissa lánafyrirtækja námu 1.245 milljarða kr. í lok febrúar og lækkuðu um 25 milljarða kr. í mánuðinum.

SS greiðir hvorki arð né vexti

Stjórn Sláturfélags Suðurlands lagði til við aðalfund að hvorki yrði greiddur arður af B-deild stofnsjóðs né reiknaðir vextir á höfuðstól inneigna í A-deild stofnsjóðs. Var tillagan samþykkt en fundurinn var haldinn fyrir helgina.

30 milljarða tap LSR: Launþegar taka á sig tvöfalt högg

Lífeyrissjóður starfsmanna ríkisins tapaði 30 milljörðum á síðasta ári. Launþegar á almennum vinnumarkaði taka á sig tvöfalt högg.

Fáir þekkja nýja seðlabankastjórann

Það virðist vera rétt hjá Davíð Oddssyni að hinn nýi seðlabankastjóri Svein Harald Öygard er ekki stórt nafn í hinum alþjóðlega fjármálaheimi.

Eignir LSR lækkuðu um 30 milljarða á síðasta ári

Eignir Lífeyrissjóðs starfsmanna ríkisins lækkuðu um 30 milljarða á síðasta ári, samkvæmt uppgjöri sjóðsins sem birt var í dag.

Skilanefnd skipuð yfir Sparisjóðabanka Íslands

Fjármálaeftirlitið hefur skipað skilanefnd yfir Sparisjóðabanka Íslands, en ákvörðun um þetta var tekin á föstudag. Tæpri viku fyrr tók Fjármálaeftirlitið ákvörðun um ráðstöfun eigna og skulda bankans til Seðlabankans og Kaupþings.

Hraðbönkum SPRON lokað

Vegna ákvörðunar Fjármálaeftirlitsins, vegna Sparisjóðs Reykjavíkur og nágrennis hf. (SPRON), var ákveðið að loka öllum hraðbönkum SPRON í gær. Allar innistæður hjá SPRON hafa verið færðar yfir til Nýja Kaupþings.

Ögmundur stjórnaði lífeyrissjóði sem kostar Íslendinga jafn mikið og Icesave

Ögmundur Jónasson heilbrigðisráðherra stjórnaði lífeyrissjóði sem mun kosta skattborgara jafn marga milljarða og Icesave. Gríðarlegt tap sjóðsins er ríkistryggt en Ögmundur segist ekki hafa verið spilavítisstjóri í fjárfestingarbúllunni sem íslenskt fjármálakerfi var orðið.

Stjórnendur SPRON hafna fullyrðingum seðlabankastjóra

Fyrrverandi forstjóri og stjórn SPRON hafna því algerlega að eigið fé SPRON hafi verið uppurið um páskana á síðasta ári eins og seðlabankastjóri hélt fram í Markaðnum á Stöð 2 í gær. Þá hafna fyrrverandi stjórnendur SPRON jafnframt fullyrðingum fjármálaráðherra um að eigið fé SPRON hafi farið niður fyrir 8% á fyrsta ársfjórðungi 2008.

Eyrir Invest hagnaðist um 1,5 milljarða í fyrra

Eyrir Invest hagnaðist um 1,5 milljarða króna á síðasta ári samanborið við 769,7 milljónir króna í hitteðfyrra. Fjárfestingafélagið, sem er kjölfestufjárfestir Marel Food Systems og næststærsti hluthafi stoðtækjafyrirtækisins Össurar, hefur gripið til viðamikilla aðgerða gegn erfiðum aðstæðum á mörkuðum og meðal annars samið um framlengingu lána fram til 2011.

Eignaraðild að Íslandsbanka í boði fyrir kröfuhafa Glitnis

Árni Tómasson formaður skilanefndar Glitnis segir að erlendum kröfuhöfum bankans standi til boða eignaraðild að Íslandsbanka gegn kröfum sínum. Fundur hefur verið boðaður með erlendu kröfuhöfunum þann 1. apríl n.k.

Rússalánið enn inni í myndinni

Yfirvöld í Rússlandi hafa farið fram á frekari upplýsingar frá íslenskum stjórnvöldum varðandi svokallað Rússalán. Í frétt í viðskiptaritinu Forbes er rætt við embættismann í rússneska fjármálaráðuneytinu sem segir að það „megi segja sem svo“ að samningaviðræður séu enn í gangi um lánið, en að í raun séu Rússar að bíða eftir frekari upplýsingum áður en komist verði að niðurstöðu.

Nýr skiptastjóri við hlið Erlendar í þrotabúi Baugs

Nýr skiptastjóri hefur verið skipaður í þrotabúi Baugs við hlið Erlendar Gíslasonar hjá Logos. Í tilkynningu frá LOGOS segir að vegna undangenginnar umræðu um hæfi LOGOS til að annast skiptastjórn í þrotabúi Baugs hafi LOGOS farið fram á það við Héraðsdóm Reykjavíkur að annar skiptastjóri yrði skipaður.

Fyrirspurn um skiptastjóra lögð fram á alþingi

Helga Sigrún Harðardóttir þingmaður Framsóknar á alþingi hefur lagt fram fyrirspurn um skiptastjóra til dómsmálaráðherra á alþingi.

Makaskipti nema þriðjungi af öllum fasteignaviðskiptum

Undanfarna 3 mánuði hafa makaskiptasamningar verið um þriðjungur fasteignaviðskipta. Hlutfall makaskiptasamninga í fasteignaviðskiptum byrjaði að hækka samhliða því sem framboð lánsfjár til fasteignakaupa byrjaði að þrengjast verulega og umsvif á fasteignamarkaði tóku að dragast saman.

Alþjóðlegar olíugeymslur í Hvalfirði og Helguvík

Undanfarið hafa olíubirgðastöðvarnar í Hvalfirði og Helguvík verið notaðar til að geyma eldsneyti sem verið er að versla með á heimsmarkaðnum.

Kauphöllin áminnir Atorku og sektar um 1,5 milljón

Kauphöllin hefur ákveðið að áminna Atorku opinberlega og sekta félagið um 1,5 milljón kr. Telur kauphöllin að Atorka hafi brotið gegn ákvæðum reglna fyrir útgefendur fjármálagerninga í kauphöllinni.

Kauphöllin áminnir og sektar Landic Property

Kauphöllin hefur ákveðið að áminna Landic Property opinberlega og sekta félagið um 1,5 milljón kr. Er þetta gert þar sem Landic er talið hafa brotið gegn ákvæðum reglna fyrir útgefendur fjármálagerninga í kauphöllinni.

Bréf Marel Food Systems falla í byrjun dags

Gengi hlutabréfa í Marel Food Systems hefur fallið um 2,58 prósent frá því viðskipti hófust á hlutabréfamarkaði í dag. Á móti hefur gengi bréfa Færeyjabanka haldið áfram að hækka, eða um 0,84 prósent.

Framleiðsluverð lækkar um 8% milli mánaða

Vísitala framleiðsluverðs í febrúar 2009 var 155,5 stig og lækkaði um 8,3% frá janúar.