Hrannar Már formaður rannsóknarnefndar sparisjóðanna

Hrannar Már Hafberg, lögfræðingur og starfandi héraðsdómari, hefur verið skipaður formaður rannsóknarnefndar Alþingis um sparisjóðakerfið eftir að Sigríður Ingvadóttir baðst lausnar í kjölfar ágreinings við hina tvo nefndarmennina. Ásta Ragnheiður Jóhannesdóttir, forseti Alþingis, skipaði Hrannar Már í starfið á fundi forsætisnefndar í dag. Hrannar lauk meistaraprófi frá lögfræði frá lagadeild Háskóla Íslands í febrúar 2008. Sigríður hefur snúið aftur til sinna fyrri starfa sem héraðsdómari við Héraðsdóm Reykjavíkur.

Nær einvörðungu frá Sviss og Lúxemborg

Rúmlega 90 prósent þeirrar aukningar í erlendri fjárfestingu sem átti sér stað á Íslandi á árinu 2011 kemur frá Lúxemborg og Sviss, en bæði ríkin eru þekkt fyrir ríka bankaleynd og hagstætt skattaumhverfi. Þetta kemur fram í hagtölum Seðlabanka Íslands um beina fjárfestingu erlendra aðila á Íslandi. Vert er að taka fram að íslenskir einstaklingar geta flokkast sem erlendir aðilar ef félög í þeirra eigu eru með heimilisfesti utan landsteinanna.

Lofar upprisu BlackBerry

Thorstein Heins, framkvæmdastjóri Research in Motion, steig á svið í Kaliforníu á dögunum og kynnti nýjasta Blackberry stýrikerfið. RIM hefur átt í gríðarlegum erfiðleikum undanfarið en talið er að fyrirtækið hafi tapað um 80 milljörðum dollara á síðustu misserum. Upphæðin nemur 9.988 milljörðum íslenskra króna.

Google Play: 25 milljarðasta niðurhalið

Google Play, vefverslun Google, náði í dag þeim merka áfanga að þangað var sótt forrit í 25 milljarðasta skiptið. Þetta þykir mikið afrek, ekki síst fyrir þær sakir að aðeins var um niðurhal á smáforritum að ræða en verslunin býður einnig upp á kvikmyndir, tónlist og bækur.

Logos hefur hagnast um 2,2 milljarða á þremur árum

Logos slf. hagnaðist um 736 milljónir króna á síðasta ári. Vegna þeirrar frammistöðu lagði stjórn félagsins til að 680 milljóna króna arður yrði greiddur út til eigenda á árinu 2012. Meðaltalsarðgreiðsla á hvern eiganda er 40 milljónir króna, en tveir þeirra 17 sem eiga stofuna eiga ekki fullan hlut. Þetta kemur fram í nýbirtum ársreikningi Logos. Hagnaðurinn er í takt við hagnað Logos á undanförnum árum, en stofan græddi samtals tæpa 1,5 milljarða króna á árunum 2009 og 2010. Samanlagður hagnaður hennar frá bankahruni er því um 2,2 milljarðar króna.

Eignir FSÍ hækkuðu um fimmtán milljarða

Framtakssjóður Íslands (FSÍ) hagnaðist um 1,5 milljarða króna á fyrstu sex mánuðum ársins 2012. Sjóðurinn metur virði eigna sinna á 47,1 milljarð króna og eigið fé hans í lok júní síðastliðins nam 32,3 milljörðum króna. Virði eigna FSÍ var því metið um 15 milljörðum króna meira en þær eignir voru keyptar á.

Þynntu út aðra hluthafa - fréttaskýring

Ákæra á hendur Lýði Guðmundssyni, fyrrum aðaleiganda Existu, og Bjarnfreði Ólafssyni, eins eigenda Logos, snýst um snúning sem ráðist var í til að tryggja yfirráð yfir félaginu. Með honum ætluðu fyrrum aðaleigendur Existu, Lýður og bróðir hans Ágúst, að þynna út aðra hluthafa með því að borga tvo aura fyrir hverja nafnvirðiskrónu. Þetta telur sérstakur saksóknari varða við lög og geti varðað tveggja ára fangelsi.

Rússar banna innflutning á erfðabreyttu korni

Rússar hafa bannað innflutning á erfðabreyttu korni frá Bandaríkjunum, það er korni sem hefur verið erfðabreytt af líftæknifélaginu Monsanto.

1,8 milljarða króna krafa á móðurfélag Olís gefin eftir

Olíuverzlun Íslands, betur þekkt sem Olís, tapaði 29,3 milljónum króna í fyrra, krafa sem félagið átti á móðurfélag sitt upp á 1,8 milljarða króna var gefin eftir og skuldir þess endurfjármagnaðar. Þetta kemur fram í nýbirtum ársreikningi Olís.

Vörsluskattaskuld DV hefur tvöfaldast

DV ehf., sem er útgáfufélag DV, skuldaði um 50 milljónir króna í staðgreiðslu skatta og 26 milljónir króna í ógreitt tryggingagjald í júlí síðastliðnum. Samtals nam skuld útgáfufélagsins vegna opinberra gjalda því um 76 milljónum króna. Í árslok 2010 skuldaði DV ehf. um 34 milljónir króna í sömu gjöld. Sú upphæð hefur því rúmlega tvöfaldast síðan þá. Þetta kemur fram í gögnum sem Markaðurinn hefur undir höndum.

Fyrsta Svansvottaða veitingahúsið

Veitingahúsið Nauthóll stendur á rómantískum stað, mitt í vinsælustu náttúruperlu Reykjavíkur. Á næstu dögum öðlast Nauthóll norræna Svansvottun og verður þar með fyrsta Svansvottaða veitingahús lýðveldisins.

Svanurinn var punkturinn yfir i-ið

ISS Ísland var fjórða fyrirtækið á Íslandi til að hljóta umhverfisvottunina Svaninn og um leið fyrsta fyrirtækið innan ISS/AS samsteypunnar. Umhverfismál hafa verið stór þáttur í rekstri fyrirtækisins í 30 ár.

BBA Legal hagnaðist um 259 milljónir króna

Lögfræðistofan BBA Legal hagnaðist um 259 milljónir króna á síðasta ári. Það er um sjö milljónum króna meira en hún gerði á árinu 2010. Þetta kemur fram í nýbirtum ársreikningi BBA Legal.

Jákvæð upplifun skapar hollustu

Bernd Schmitt er prófessor í alþjóðaviðskiptum við Columbia Business School í New York. Er hann þekktur fyrir skrif sín og kenningar á sviði markaðssetningar, vörumerkjastjórnunar og stefnumótunar en hann hefur í rannsóknum sínum lagt áherslu á nýsköpun í markaðssetningu og upplifun viðskiptavina. Markaðurinn ræddi við Schmitt um rannsóknir hans og hvernig þær geta komið fyrirtækjum að gagni við markaðssetningu.

Forstjóri Total varar við olíuvinnslu á norðurslóðum

Christophe de Margerie forstjóri eins af stærstu olíufélögum heimsins, hins franska Total SA, segir að olíufélög eigi alls ekki að leita að olíu við Grænland eða Norðurskautið.

Nýfjárfesting nemur 58,6 milljörðum á þremur árum

Nýfjárfesting nemur samtals 58,6 milljörðum kr. frá árinu 2009. Í október það ár var nýfjárfesting leyfð sem fyrsta skrefið í losun gjaldeyrishafta. Síðan hafa alls verið skráðar 509 nýfjárfestingar fyrir samtals fyrrgreinda upphæð.

Milljarða hagnaður

Eignabjarg, eignaumsýslufélag í eigu Arion banka, hagnaðist um 3,3 milljarða króna í fyrra. Eignir félagsins námu 15,6 milljörðum króna um síðustu áramót. Þar munaði langmestu um hagnað af eignarhlutum í eigu félagsins en það skilaði 3,3 milljarða króna hagnaði.

Traustur vinur umhverfis og húðar

Dönsku hreinlætisvörurnar frá Neutral hafa slegið í gegn á meðal Íslendinga sem velja gæði fyrir sjálfa sig og heimilið og vilja umgangast náttúruna af virðingu. Allar vörur Neutral eru lausar við ilm-, litar- og skaðleg aukefni. Langstærstur hluti Neutral-línunnar er með vottun norræna Svansmerkisins. Því er auðvelt fyrir neytendur að leggja sitt af mörkum í umhverfisvernd.

Úrval af vistvænum vörum hjá Olís

Vitund um vernd umhverfisins hefur aukist mikið undanfarin ár. Olís býður fjölbreytt úrval hreinlætisefna, poka og pappírs sem er vottað með merki Svansins. Fyrirtækið tekur inn nýjar vörur í línuna reglulega og býður einnig upp á námskeið í notkun þeirra fyrir fyrirtæki, stofnanir og sveitarfélög.

Steingrímur J.: Greiðslur úr takti "við íslenskan veruleika“

Launakostnaður slitstjórnar Glitnis er úr öllum tengslum við íslenskan veruleika, segir Steingrímur J. Sigfússon atvinnuvegaráðherra. Hann segir þó mikilvægt fyrir fólk að átta sig á því að kostnaður íslenska ríkisins vegna þessa sé enginn.

MySpace gengur í endurnýjun lífdaga

Samskiptasíðan fornfræga MySpace hefur fengið andlitslyftingu en hún hefur nú verið endurhönnuð frá grunni. Stjórnendur MySpace reyna nú eftir mesta megni að blása lífi í síðuna en notendum hennar hefur fækkað verulega á síðustu misserum.

Stjórn Orkuveitunnar samþykkir fjárhagsáætlun

Stjórn Orkuveitu Reykjavíkur hefur samþykkt viðfesta Fjárhagsáætlun OR fyrir 2013 og fimm ára áætlun fyrir árin 2014-2018.

Bjarnfreður segir ákæru í Exista-málinu vonbrigði

Lýður Guðmundsson og Bjarnfreður Ólafsson eru í ákæru sérstaks saksóknara sagðir hafa brotið gegn hlutafélagalögum tveimur mánuðum eftir hrun fjármálakerfisins, með því að standa ólöglega að hlutfjáraukningu Exista. Bjarnfreður segir ákæruna mikil vonbrigði.

Formaður rannsóknarnefndar um Sparisjóðina hættir

Formaður rannsóknarnefndar Alþingis sem átti að vinna skýrslu um Sparisjóðina, hefur verið leystur frá störfum. Formaður nefndarinnar er Sigríður Ingvarsdóttir héraðsdómari.

Viðskiptaráð: Árangurinn þyrfti að vera meiri

Það er óumdeilt að árangur hefur náðst í ríkisfjármálum frá árinu 2008, segir í nýjum pistli sem birtist á vef Viðskiptaráðs í dag. Sá árangur er hins vegar ekki í samræmi við upphaflegar áætlanir sem endurspeglast meðal annars í fyrirhuguðum skattahækkunum næsta árs, þvert á fullyrðingar um að til þeirra þyrfti ekki að koma.

Ráðherraráð ESB heimilar viðskiptaþvinganir á Íslendinga

Ráðherraráð Evrópusambandsins samþykkti í dag löndunarbann íslenskra skipa á hafnir í Evrópusambandinu vegna makríldeilunnar. Þetta kemur fram á vef Reuters í dag. Reuters fréttastofan fullyrðir að makríldeilan sé orðin svo hörð að hún gæti komið í veg fyrir að Íslendingar gerðust aðilar að Evrópusambandinu og líkir makríldeilunni við þorskastríðin.

Töluverður kippur á fasteignamarkaðinum

Töluverð fjölgun varð á þinglýstum kaupsamningum um fasteignir á höfuðborgarsvæðinu í síðustu viku miðað við vikuna þar á undan. Alls var þinglýst 113 samningum í síðustu viku en þeir voru 95 talsins í vikunnar þar á undan.

Íslenskir lífeyrissjóðir í hópi þeirra bestu

Lífeyrissjóðir í Danmörku, Hollandi, Ástralíu og á Íslandi skila að meðaltali mestri ávöxtun samkvæmt nýrri skýrslu Efnahags- og framfarastofnunarinnar. Greint er frá skýrslunni á vef stofnunarinnar í gær. Þar kemur fram að í fyrra skiluðu sjóðir í Danmörku að meðaltali 12,1% ávöxtun en á Íslandi skiluðu sjóðirnir 2,3% ávöxtun.

Aflaverðmætið jókst um 10 milljarða milli ára

Aflaverðmæti íslenskra skipa nam 80,5 milljörðum króna á fyrri hluta ársins 2012 samanborið við 70,5 milljarða á sama tímabili 2011. Aflaverðmæti hefur því aukist um 10 milljarða eða 14,2% á milli ára.

Bankastjóri Vestjysk Bank rekinn úr starfi

Frank Kristensen bankastjóri Vestjysk Bank í Danmörku hefur verið rekinn. Stjórn bankans tók þessa ákvörðun í morgun.

Viðskipti stöðvuð með hlutabréf í dönskum banka

Viðskipti með hlutabréf í danska bankanum Vestjysk Bank hafa verið stöðvuð í kauphöllinni í Kaupmannahöfn.

Vinnuhópur fundar um afnám gjaldeyrishafta

Fyrsti fundur vinnuhóps íslenskra stjórnvalda og framkvæmdastjórnar Evrópusambandsins með þátttöku Seðlabanka Evrópu og Alþjóðagjaldeyrissjóðsins um afnám gjaldeyrishafta fór fram í Reykjavík í síðustu viku. Stefnt er að því að hópurinn skili áfangaskýrslu fyrir árslok. Að því loknu verður tekin afstaða til áframhaldandi vinnu hópsins.

Eldsneytisskattar hálfum milljarði undir áætlunum

Tekjur ríkissjóðs vegna sérstaks vörugjalds á bensín og kolefnisgjalds verða um 430 milljónum krónum lægri í ár en til stóð í fjárlögum ársins. Ástæðan er minni sala á bensíni.

Seðlabankinn heldur vöxtum sínum óbreyttum

Seðlabankinn hefur ákveðið að halda öllu vöxtum sínum óbreyttum í október. Þetta kemur fram í tilkynningu á vefsíðu bankans.

Reikna með að 7.500 Dönum verði sagt upp fyrir áramótin

Samtök iðnaðarins í Danmörku segja að skuldakreppan í Evrópu muni koma verulega við kaunin á rekstri danskra fyrirtækja fyrir áramótin. Samtökin reikna með að um 7.500 manns verði sagt upp störfum á næstu þremur mánuðum.

Árni og Heimir fengu tæplega 252 milljónir fyrir störf sín

Árni Tómasson, sem var formaður skilanefndar Glitnis þangað til hún var aflögð um síðustu áramót, og Heimir Haraldsson, sem sæti átti í skilanefndinni, hafa fengið samtals greiddar tæplega 252 milljónir króna frá þrotabúi Glitnis vegna starfa sinna fyrir skilanefndina.

Fengu tæplega 200 milljónir króna frá þrotabúi Glitnis

Lögmennirnir Páll Eiríksson og Steinunn Guðbjartsdóttir fengu tæplega 200 milljónir króna frá þrotabúi Glitnis í fyrra vegna vinnu sinnar fyrir slitastjórn bankans. Samanlagðar greiðslur til þeirra beggja, með útseldri vinnu fulltrúa á þeirra vegum, hafa numið meira en 850 milljónum króna frá árinu 2009.

Um 10 þúsund sáu Djúpið

Um 10 þúsund manns sáu stórmyndina Djúpið um helgina, en hún var frumsýnd á föstudaginn. Myndin, sem Baltasar Kormákur leikstýrir, er byggð á þeim atburðum þegar Hellisey sökk skammt frá Vestmannaeyjum árið 1984 með þeim afleiðingum að allir nema einn úr áhöfn létust.

iPhone 5 fáanlegur á Íslandi í dag

Símafyrirtækið Nova byrjar að selja nýja iPhone símann, iPhone 5 klukkan fimm í dag. Um takmarkað magn er að ræða. "Þeir eru fleiri en 50 og færri en 100,“ segir Margrét Tryggvadóttir, yfirmaður markaðssviðs Nova í samtali við Vísi. Í tilkynningu frá félaginu kemur aftur á móti fram að ný sending er væntanleg síðar í vikunni.

Flugáætlun Icelandair fyrir næsta ár sú stærsta í sögu félagsins

Flugáætlun Icelandair fyrir árið 2013 verður sú stærsta í sögu félagsins og um 15% umfangsmeiri en á þessu ári. Í tilkynningu frá félaginu segir:

Brim keypti skip fyrir 3,5 milljarða

Útgerðarfyrirtækið Brim hf. hefur keypt frystitogarann Esperanza del Sur, sem áður hét Skalaberg, af fyrirtækinu Pesantar í Argentínu. Skipið er 74,50 metra langt og 16 metra breitt og er 3.435 brúttótonn, eftir því sem fram kemur á vefsíðu Brims. Það er smíðað í Noregi árið 2003. Kaupverð skipsins er 3.500 miljónir króna. Skipið verður afhent í næsta mánuði og kemur til Íslands í nóvember næstkomandi.

Yfir 5 milljónir síma seldust

Yfir fimm milljónir iPhone 5 síma seldust í Bandaríkjunum um helgina, en þetta er fyrsta helgin sem síminn var seldur. Tim Cook, forstjóri Apple, sagði í tilkynningu að salan hefði verið ótrúleg. Hann segir að unnið sé hörðum höndu að því að anna eftirspurn. Á vef USA Today segir að þrátt fyrir að síminn hafi nánast selst upp um helgina hafi sérfræiðngar fundið nokkra galla á símanum. Víða er síminn uppseldur í verslunum en sömu verslanir eiga von á frekari sendingum frá framleiðanda í dag.

Slagsmál og ólæti hjá Foxconn

Fyrirtækið Foxconn, sem framleiðir m.a. iphone síma fyrir hugbúnaðarrisann Apple, þurfti í morgun að stöðvar framleiðslu í einni af verksmiðjum sínum vegna slagsmála sem brutust út meðal starfsmanna. Mikið álag er á starfsmönnum vegna hraðrar sölu á framleiðsluvörum fyrirtækisins.

Soros: Þörf á markvissari aðgerðum í Evrópu

Fjárfestirinn George Soros segir að stjórnvöld Evrópuríkja þurfi að efla samstarf sitt til þess að koma í veg fyrir dýpri efnahagslægð í Evrópu. Mikilvægt sé fyrir ríkin að grípa til markvissra aðgerða, sem hafi bæði góð skammtíma- og langtímaáhrif.

Spáir því að verðbólgan aukist í 4,3%

Greining Íslandsbanka spáir því að vísitala neysluverðs (VNV) hækki um 0,8% í september frá mánuðinum á undan. Svo mikil hækkun milli mánaða hefur ekki verið síðan í apríl sl. Gangi spáin eftir mun verðbólgan aukast úr 4,1% í 4,3%.