Atvinnulíf

Moldrík með ADHD: Hafa getuna til að horfa út fyrir boxið

Rakel Sveinsdóttir skrifar
Ýmislegt bendir til þess að fólk með ADHD geti nýtt eiginleika sína sérstaklega til að byggja upp starfsframa eða velsæld sem telst framúrskarandi og vel það. Paris Hilton og Richard Branson eru dæmi um moldríkt fólk með ADHD og margt er sagt benda til að stofnandi Disneyveldisins hafi verið með ADHD.
Ýmislegt bendir til þess að fólk með ADHD geti nýtt eiginleika sína sérstaklega til að byggja upp starfsframa eða velsæld sem telst framúrskarandi og vel það. Paris Hilton og Richard Branson eru dæmi um moldríkt fólk með ADHD og margt er sagt benda til að stofnandi Disneyveldisins hafi verið með ADHD. Vísir/Getty

Við erum orðin nokkuð vel upplýst um ADHD í dag. Notum ADHD jafnvel sem orð til að vísa í að við séum utan við okkur eða ofvirk. Þekkjum greiningarnar og vitum að sem betur fer er það algengara í dag en áður að fólk fái lyf, ef það kýs, í kjölfar greiningar. Jafnvel á fullorðinsaldri.

Margir sem eru með ADHD eða þekkja til ADHD geta staðfest að fólk með ADHD er oft í vandræðum með peningamál. Er hvatvíst að eðlisfari, sem hentar illa þeim sem vilja lifa staðföstu lífi og sparlegu, leggja til hliðar og vera varkár.

Við ættum þó alls ekki að dæma ADHD-hópinn úr leik sem fólk sem býr yfir þeim hæfileikum að geta vel haldið á peningum. Jafnvel orðið moldríkt.

Því eiginleikar ADHD geta einmitt nýst í þá áttina að fólk nái framúrskarandi árangri. Sem dæmi má nefna Richard Branson, stofnanda Virgin, sem hefur oft rætt opinberlega um að vera með ADHD og lesblindur. Gekk ekki vel í skóla en svo sannarlega hefur honum gengið vel í atvinnulífinu.

Það sama má segja um David Neeleman, stofnanda JetBlue, eða Paris Hilton.

Þá hafa verið uppi kenningar um að Walt Disney, sá sem stofnaði Disney á sínum tíma og á heiðurinn af Disneyævintýrunum flestum, hafi verið með ADHD. Að minnsta kosti þykir margt benda til þess.

Það sama segja margir um stofnanda Ikea, Ingvar Kamprad, sem byggði Ikea upp með einföldun, skapandi lausnum og öðruvísi hugsun en áður þekktust. Margt var sagt einkenna hans karakter sem benti til ADHD, þótt greining hafi ekki legið fyrir svo vitað sé.

Það skemmtilega er að vísindin styðja við að ýmsir eiginleikar fólks með ADHD geti nýst því sérstaklega vel í atvinnulífi og starfsframa. Þannig sýna rannsóknir meðal annars að fólk með ADHD sé líklegt til að:

Hugsa eins og frumkvöðull

Starfa sjálfstætt

Er líklegri en margir aðrir til að stofna sinn eigin rekstur

Nær að framkvæma þegar aðrir frjósa og/eða á auðveldara með að taka ákvarðanir þegar óvissa er mikil. Þessi eiginleiki er sagður skýrast af hvatvísinni.

Ofuráhugi eða ofurfókus er einn eiginleika fólks með ADHD. Ef þeim finnst eitthvað mjög áhugavert eða skemmtilegt getur þessi ofurfókus jafnvel skapað þeim samkeppnisforskot.

Fólk með ADHD er sagt opnara fyrir nýjum hugmyndum en meðalmaður og flest fólk með ADHD á auðvelt með skapandi hugsun.

Í raun eru ofangreindir eiginleikar að benda til þess að fólk með ADHD sé líklegt til að geta hugsað út fyrir boxið, sé þar með fyrr til að sjá tækifæri og hafi eiginleikana sem til þarf til að taka áhættu.

Hér að neðan eru nokkur skemmtileg viðtöl sem Atvinnulífið hefur birt við fólk sem er með ADHD.

Geðheilbrigði Starfsframi ADHD

Tengdar fréttir

Í meistaranámi án stúdentsprófs: Kennarar til í breytingar en tröllið segir Nei

„Mín reynsla er sú að kennarar eru til í að breyta og mjög opnir fyrir nýjum lausnum. Margir eru hins vegar orðnir vonlitlir um breytingar því of oft er það eitthvað annað sem segir: Nei, þetta má ekki,“ segir Jóhanna Birna Bjartmarsdóttir aðgengissérfræðingur, kennsluhönnuður, námskrárhönnuður og stofnandi menntatæknifyrirtækisins HARTS.



Mest lesið


Fleiri fréttir

Sjá meira


×

Mest lesið