Fleiri fréttir

Hagnaður Rio Tinto nam 1.650 milljörðum í fyrra

Námurisinn Rio Tinto, móðurfélag álversins í Straumsvík, hagnaðist um 14,3 milljarða dollara á síðasta ári eða ríflega 1.650 milljarða kr. Þetta er nær þreföldun á hagnaði miðað við árið áður þegar hann nam 4,9 milljörðum dollara.

Stefnir átti hæsta tilboðið í Haga

Stefnir átti hæsta tilboðið í kjölfestuhlut í Högum, en Arion banki hefur unnið að því að selja félagið undanfarna mánuði. Nokkur kergja er sögð í öðrum sem tóku þátt í söluferlinu vegna þessa, enda um að ræða dótturfyrirtæki Arion banka.

Danir gætu þurft að taka upp evru

„Svo gæti farið að á næstunni þurfi Danmörk að endurskoða afstöðu sína til evrunnar,“ sagði Lars Løkke Rasmus­sen, forsætisráðherra Danmerkur, í umræðum á danska þjóðþinginu í gær.

Geta hagnast mikið á aflandskrónum

Erlendar fjármálastofnanir og fjárfestar geta fengið 66 prósenta ávöxtun á fjárfestingu sína í evrum talið með ákveðnum viðskiptagjörningum með aflandskrónur. Þetta á ekki við um þá erlendu fjárfesta sem festust inni með fjármagn sitt við innleiðingu gjaldeyrishafta fyrir rúmum tveimur árum heldur þá sem keyptu krónur eftir að höftin voru sett.

Á leiðinni upp úr öldudal

Sala á bílum hefur aukist um helming milli ára, ef janúarmánuður í ár er borinn saman við janúar í fyrra. Á upplýsingatorgi Umferðarstofu sést að 197 nýjar fólksbifreiðar voru nýskráðar í janúar 2011 en aðeins 88 bílar í sama mánuði á síðasta ári.

Hafa miklar áhyggjur af Magma-málinu

Fjárfestar í Bandaríkjunum og bandarískir sérfræðingar á sviði jarðvarmaorku hafa áhyggjur af pólitískum óstöðugleika á Íslandi og hugsanlegu eignarnámi HS Orku.

Styrkjum úthlutað úr Orkurannsóknarsjóði

Alls var 56 milljónum króna úthlutað úr Orkurannsóknarsjóði Landsvirkjunar í dag í styrki til framhaldsnáms og rannsóknarverkefna á sviði umhverfis- og orkurannsókna. Þetta er í fjórða sinn sem úthlutað er úr sjóðnum en markmið hans er að efla rannsóknir á sviði umhverfis- og orkumála. Fjórir doktorsnemar hlutu styrki að upphæð ein milljón króna og átján meistaranemar hlutu styrki að upphæð 500 þúsund krónur, alls þrettán milljónir.

Ólafur Ragnar: Lykillinn að sjálfstæði í grænni orku

Lykillinn að því að gera Bandaríkin óháð erlendum orkugjöfum gæti legið í jarðhita og grænni orku. Þetta sagði forseti Íslands, Ólafur Ragnar Grímsson, þegar hann ávarpaði sérstaka ráðstefnu um fjármögnun jarðhitaverkefna (Geothermal Energy Finance Forum) í New York á vegum Jarðhitasamtaka Bandaríkjanna og fleiri aðila á Ritz-Carlton hótelinu.

Allt að 10% verðmunur á matvörukörfunni

Allt að 10% verðmunur reyndist vera á matvörukörfunni þegar verðlagseftirlit ASÍ kannaði verð í lágvöruverðsverslununum á mánudaginn. Matvörukarfan var ódýrust í Bónus þar sem hún kostaði 12.881 krónur en dýrust í Nettó á 14.177 krónur. Verðmunurinn var 1.296 krónur eða 10%. Aðeins 2% verðmunur var á matarkörfunni milli Bónus og Krónunar og innan við 1% verðmunur var á milli Kosts og Nettó.

Stórt innherjasvikamál upplýst á Wall Street

Rannsókn á stóru innherjasvikamáli á Wall Street hefur leitt til handtöku fjögurra manna. Einn er greinandi en þrír voru forstjórar vogunarsjóða, þar af tveir frá milljarðasjóðnum SAC Capital.

Stöðugleiki hefur skilað markaðsforskoti

„Hvernig er hægt að ætlast til þess að gerðir séu kjarasamningar í sjávarútvegi þegar allar rekstrarforsendur eru óljósar, hvort heldur eru tekjur eða gjöld," sagði Pétur H. Pálsson, framkvæmdastjóri Vísis hf. í Grindavík, m.a. í erindi sem hann flutti á morgunverðarfundi Samtaka atvinnulífsins í dag, en til fundarins var boðað undir yfirskriftinni Atvinnuleiðin. Húsfyllir var í aðalráðstefnusal Grand Hótel.

Slitastjórn Landsbankans óskar skýringa hjá bankaráði

Slitastjórn og skilanefnd Landsbankans hefur sent öllum bankaráðsmönnum bankans og tveimur bankastjórum fyrir hrun, að Björgólfi Guðmundssyni undanteknum, bréf þar sem óskað er skýringa þeirra á ýmsum atriðum og meintu misferli í þeirra í starfi sem upp hafa komið við rannsóknir á málefnum bankans.

Kópavogur: Ætla að greiða niður milljarð árlega

Tillaga að fjárhagsáætlun Kópavogsbæjar til næstu þriggja ára var lögð fram til fyrri umræðu á fundi bæjarstjórnar í gær samkvæmt tilkynningu frá bænum. Þar segir að hún sé byggð á markmiðum fjárhagsáætlunar ársins 2011 þar sem m.a. er stefnt að því að greiða inn á skuldir bæjarsjóðs um milljarð á ári næstu árin. Gert er ráð fyrir því að seinni umræða fari fram í lok febrúar.

Boða nýja kynslóð af iPad

Apple er byrjað að undirbúa framleiðslu á næstu kynslóð af iPad, eftir því sem fram kemur í Wall Street Journal. Nýja útgáfan fær heitið iPad 2 og mun samkvæmt upplýsingum blaðsins vera með innbygða myndavél og vinnslan verður hraðari en í fyrstu útgáfunni.

Áhöld hvort lífeyrissjóðir hafi náð nægri ávöxtun

Hrein eign lífeyrissjóðanna jókst um tæplega 6% að raungildi í fyrra. Hins vegar má ætla að ríflega þriðjungur þeirrar aukningar sé tilkominn vegna innflæðis í sjóðina og því áhöld um hvort raunávöxtun eigna hluta þeirra hafi náð 3,5% tryggingafræðilega viðmiðinu sem notað er við mat á framtíðar eignum og skuldbindingum þeirra.

Kröfur um að Danske Bank stórauki eigið fé sitt

Meirihluti mun vera fyrir því á danska þinginu að Danske Bank verði gert að stórauka eigið fé sitt. Rætt hefur verið um að eiginfjárhlutfall bankans verði hækkað um 2 til 3 prósentustig sem myndi þýða um 16 til 24 milljarða danskra kr. eða allt að 500 milljarða kr.

Statoil veldur vonbrigðum, hlutabréf falla í verði

Uppgjör norska olíurisans Statoil fyrir fjórða ársfjórðung á síðasta ári hefur valdið vonbrigðum. Hagnaðurinn var nokkuð undir væntingum fjárfesta og hefur niðurstaðan valdið því að hlutir í félaginu hafa lækkað um 3% í morgun. Sú lækkun leiddi til þess að vísitalan í kauphöllinni í Osló hóf daginn í rauðum lit.

Baugsskrifstofurnar leigðar út

Húsnæðið þar sem skrifstofur hins fallna Baugs hafa verið auglýstar til útleigu á netinu. Fram kemur á fasteignavefum að um sé að ræða tvær byggingar, sem eru alls rúmlega 500 fermetrar að stærð. Húsnæðið var auglýst til útleigu í gær, en samkvæmt upplýsingum frá Guðlaugi Erni Þorsteinssyni fasteignasala hefur það verið í útleigu allt frá því að Baugur varð gjaldþrota.

Húsfyllir á fundi VIB með eldri borgurum í Kópavogi

VÍB – eignastýringarþjónusta Íslandsbanka og Landssamband eldri borgara héldu sinn annan fræðslufund um sparnað í gærdag. Húsfyllir var á fundinum, sem haldinn var í félagsheimili eldri borgara við Gullsmára í Kópavogi, en alls mættu um 180 manns á fundinn.

Formaður SA: Munum ekki semja við bræðslumenn

Vilmundur Jósefsson formaður Samtaka atvinnulífsins var harðorður í garð starfsmanna fiskimjölsverksmiðja í ræðu sinni á fundi um atvinnumál á Hótel Grand. Formaðurinn segir að SA muni ekki semja við starfsmennina og að þeir fái ekki aðrar launahækkanir en samið verður um við aðra hópa.

Iceland Travel velur Skyggni

Iceland Travel, dótturfélag Icelandair Group, hefur valið Skyggni fyrir rekstur á upplýsingatækniumhverfi félagsins.

Olíubirgðir Saudi Arabíu ekki nægar til verðlækkanna

Samkvæmt skjölum sem WikiLeaks hefur sett á vefinn telja bandarískir embættismenn að Saudi Arabar eigi ekki nægilega miklar olíubirgðir til að halda olíuverðinu niðri. Raunar telja þeir að birgðirnar, það er óunnin olía í landinu, séu ofmetnar um 40% sem samsvarar 300 milljörðum tunna af olíu.

SAS tapaði 54 milljörðum í fyrra

SAS flugfélagið skilaði 3 milljarða sænskra kr. eða 54 milljarða kr. tapi á síðasta ári. Eldgosið í Eyjafjallajökli var flugfélaginu þungt í skauti en um 700 milljón sænskra kr. af tapinu má rekja til gossins.

Allir hinir föllnu í skoðun að ári liðnu

Ekki er útilokað að eftir ár muni mál tengd öllum þeim fjármálafyrirtækjum sem farið hafa í þrot eða í gegnum fjárhagslega endurskipulagningu verða í skoðun hjá embætti sérstaks saksóknara. Þetta segir Gunnar Andersen, forstjóri Fjármálaeftirlitsins, FME.

Leita til EFTA vegna innflutnings á aflandskrónum

Hæstréttur hefur samþykkt að leita ráðgefandi álits EFTA-dómstólsins vegna innflutnings á aflandskrónum til landsins. Um 200 milljarðar króna eru núna á reikningum í útlöndum.

Hrein eign lífeyrissjóðanna komin í 1.920 milljarða

Efnahagsyfirlit lífeyrissjóða fyrir desember 2010 var birt í dag á vef Seðlabanka Íslands. Hrein eign lífeyrissjóða var 1.920,2 milljarðar kr. í lok desember og hækkaði um 26,9 milljarða kr. í mánuðinum.

Hannes sýknaður af 400 milljóna kröfu Glitnis

Hannes Smárason var sýknaður af 400 milljóna kr. kröfu skilanefndar Glitnis fyrir héraðsdómi í dag og þarf ekki að greiða hana að svo stöddu. Hinsvegar voru FI fjárfestingar, sem áður hétu Primus og er í eigu Hannesar, dæmdar til að greiða Glitni ríflega fjóra milljarða kr.

Iceland Express: Hagsmunagæsla fyrir keppinautinn

„Við fögnum niðurstöðunni, en vinnubrögð Flugmálastjórnar hafa því miður verið með þeim hætti að unnið hefur verið að hagsmunagæslu fyrir okkar helsta keppinaut,“ segir Matthías Imsland forstjóri Iceland Express í tilefni af úrskurði Samkeppniseftirlitsins frá í gær.

Kínverjar hækka stýrivexti vegna verðbólgu

Kínverjar hafa hækkað stýrivexti sína í annað sinn á síðustu sex vikum. Ástæðan er barátta þarlendra stjórnvalda við vaxandi verðbólguþrýsing í landinu. Vextirnir voru hækkaðir um 0,25 prósentur eins og síðast og eru vextirnir þá komnir í 3%.

Hringdu, nýtt fjarskiptafyrirtæki, tekur formlega til starfa

Í dag, þriðjudaginn 8. febrúar, tekur formlega til starfa nýtt fjarskiptafyrirtæki sem hlotið hefur nafnið Hringdu. Forsvarsmenn Hringdu eru tveir ungir og bjartsýnir frumkvöðlar með mikla reynslu af fjarskiptamarkaðnum sem vilja bjóða upp á ódýrari kost í fjarskiptum fyrir landsmenn.

Kaupréttarkröfu frænda Björgólfs hafnað fyrir dómi

Héraðsdómur Reykjavíkur hefur hafnað tæplega 200 milljóna kr. kaupréttarkröfu Guðmundar P. Davíðssonar í þrotabú Landsbankans. Guðmundur, sem er frændi Björgólfs Guðmundssonar fyrrum stjórnarformanns bankans, starfaði sem forstöðumaður fyrirtækjasviðs Landsbankans fram til ársins 2007.

Útlit fyrir myndarlegan afgang af vöruskiptum í ár

„Útlit er fyrir að áfram verði myndarlegur afgangur af vöruskiptum. Verð á helstu útflutningsvörum okkar hefur hækkað undanfarin misseri og útlit er fyrir að það verði áfram tiltölulega hátt, þótt á móti komi að innflutt hrávara hefur líka hækkað talsvert í verði.“

Sjá næstu 50 fréttir

Mest lesið