Fleiri fréttir

Bandarískur sjóður tekur þrjá banka yfir

FDCI, Tryggingasjóður innstæðueigenda í Bandaríkjunum, tók um síðustu helgi yfir þrjá banka í Púertó Ríkó. Sjóðurinn hefur tekið yfir 64 banka frá upphafi kreppunnar.

Skapa nærri 900 störf fyrir námsmenn og atvinnulausa

Rúmlega 350 milljónum króna verður varið til að skapa nærri 900 störf í sumar fyrir námsmenn og atvinnulausa. Félagsmálaráðherra kynnti þessar aðgerðir í dag en opnað verður fyrir umsóknir í næstu viku. Um er að ræða samstarfsverkefni ríkisstjórnarinnar, fyrirtækja og sveitarfélaga.

Hagnaður Arion banka 12,8 milljarðar í fyrra

Afkoma Arion banka á árinu 2009 nam 12,8 milljörðum króna eftir skatta. Arðsemi eiginfjár var 16,7%. Þrátt fyrir erfitt efnahagsástand er enduruppbygging Arion banka vel á veg komin og byggist á sterkum efnahag, góðri lausafjárstöðu og traustri fjármögnun.

Hætta á danskri bjórkreppu um helgina

Starfsmenn í stærstu brigðastöð Carlsberg bruggverksmiðjanna í Danmörku er í verkfalli að nýju eftir tvo daga að störfum. Sökum þess er hætta á að bjórþyrstir Danir í hluta af landinu fái ekki uppáhalds sopann sinn um helgina.

Dýrasti bíll í heimi kostar 5,5 milljónir á kílóið

Dýrasti bíll í heimi kostar 5,5 milljónir kr. á hvert kíló. Um er að ræða Bugatti 57SC Atlantic sem fyrst kom á götuna fyrir 74 árum síðan. Hann var nýlega seldur fyrir hátt í 40 milljónir dollara eða um 5 milljarða kr.

Lífeyrissjóður eignast golfvöll

Lífeyrissjóður starfsmanna sveitarfélaga eignaðist Svarfhólsvöll við Ölfusá á uppboði hjá sýslumanninum á Selfossi á miðvikudag.

Greining: Meðalið gjaldeyrishöft farin að súrna

„Tilgangurinn helgar vissulega meðalið, en nú er meðalið farið að súrna og það styttist í síðasta neysludag," segir í Morgunkorni greiningar Íslandsbanka þar sem umfjöllunarefnið er gjaldeyrishöftin.

Verðmæti álútflutnings jókst um 41,5% milli ára

Sé leiðrétt fyrir gengisbreytingum jókst verðmæti álútflutnings um 41,5% í apríl á föstu gengi miðað við saman tíma í fyrra og má þakka það verulegri verðhækkun á áli á tímabilinu. Útflutningsverðmæti sjávarafurða var rúm 17,1 milljarða kr. í mánuðinum og jókst um 9,3% frá sama tíma 2009.

Töluverð fækkun á nauðungarsölum fasteigna

Í lok apríl 2010 höfðu 62 fasteignir verið seldar nauðungarsölu hjá sýslumanninum í Reykjavík á árinu. Þetta er töluvert minni fjöldi en á sama tíma í fyrra þegar 92 fasteignir voru seldar á nauðungasölu.

ECB heldur neyðarfund með evrópskum stórbönkum í dag

Evrópski seðlabankinn (ECB) hefur boðað bankastjóra frá evrópskum stórbönkum til neyðarfundar síðdegis í dag. Þetta kemur fram í frétt á Reuters þar sem segir að stjórn ECB vilji fá mat bankastjórann á þeirri örvæntingu sem virðist hafa gripið um sig á helstu mörkuðum heimsins.

Tal sett í sölu í opnu útboðsferli

Allt hlutafé í fjarskiptafyrirtækinu Tali (IP fjarskiptum ehf.) verður selt í opnu útboðsferli sem hefst með birtingu auglýsingar um miðjan maí. Öllum fjárfestum sem uppfylla lagaskilyrði um fagfjárfesta stendur til boða að bjóða í hlutaféð, öðrum en þeim sem hafa markaðsráðandi stöðu á fjarskiptamarkaði.

Grísk kreppa kostar danska bankaeigendur 700 milljarða

Gengistap hluthafar í stærstu bönkum Danmerkur vegna grísku kreppunnar nemur 32 milljörðum danskra kr. eða ríflega 700 milljörðum kr. í þessari viku. Raunar hafa hluthafar í bönkum um alla Evrópu mátt þola mikið gengistap í vikunni vegna stöðunnar í Grikklandi.

Verðmæti sjávarútvegsafurða 200 milljarðar í fyrra

Verðmæti útflutningsframleiðslu sjávarafurða nam rúmum 200 milljörðum króna á síðasta ári og jókst um 10,9% frá fyrra ári. Er þar um að ræða samtölu útflutnings og birgðabreytinga sjávarafurða.

Pundið hríðfellur, gengi þess undir 190 krónum

Breska pundið hefur hríðfallið í morgun og er gengi þess komið rétt undir 190 kr. Við þessu var búist sem afleiðingum af því að stóru flokkarnir tveir á breska þinginu náðu hvorgur meirihluta þar í kosningunum í gær.

Kaupþing selur leifarnar af veldi Robert Tchenquiz

Skilanefnd Kaupþings í samvinnu við þýska bankann Commerzbank hefur sett félagið Bay Restaurant Group til sölu en félagið er um það bil síðasta eign fyrrum auðmannsins Robert Tchenquiz í Bretlandi.

Ágætur hagnaður af rekstri Vestmannaeyjabæjar

Vestmannaeyjabær, A og B hluti, skilaði hagnaði upp á 282 milljónir kr. á síðasta ári. Þetta er yfir helmingi hærri upphæð en áætlanir fyrir árið gerðu ráð fyrir en þær námu 127,5 milljónum kr.

Hlutabréfavisitölur hafa hrunið vegna Grikklands

Helstu hlutabréfavísitölur í heiminum hafa fallið undanfarinn sólarhring. Ástæðan er rakin til þess að fjárfestar hafa áhyggjur af því að skuldastaða Grikklands muni hafa skelfilegar afleiðingar fyrir alþjóðahagkerfið.

Ársverkum fækkaði um 28 þúsund

Störfum fækkað mun meira í kjölfar kreppunnar og meira en Seðlabanki Íslands gerði ráð fyrir í fyrri spá sinni. Þetta kemur fram í nýrri hagspá bankans. Spáð er að áfram dragi úr vinnuaflsnotkuninni fram á mitt næsta ár, en þá taki hún að aukast á ný.

Skuldabréfaveltan nam 5,1 milljarði

Skuldabréfavísitalan GAMMA: GBI lækkaði um 0,1% í dag í 5,1 milljarða viðskiptum. GAMMAi: Verðtryggt lækkaði um 0,2% í 2,2 milljarða viðskiptum og GAMMAxi: Óverðtryggt hækkaði um 0,1% í 2,8 milljarða viðskiptum.

Takmarkaðir möguleikar á að fullvinna ál á Íslandi

Það er ekki útilokað að einhvers konar framleiðsla á neytendavörum úr áli geti þrifist hér á landi, sagði Rannveig Rist, forstjóri Alcan á Íslandi á Útflutningsþingi í dag. Hún sagði hins vegar að nálægðin við álverin veitti Íslendingum minna samkeppnisforskot á því sviði en ætla mætti við fyrstu sýn.

66°Norður þekktasta fyrirtækið

Flestir stjórnendur 300 stærstu fyrirtækja landsins nefndu 66°Norður þegar þeir voru spurðir um hvaða íslenska vörumerki þeim dytti fyrst í hug.

Sala á nýjum fólksbílum heldur áfram að aukast

Talsverð aukning hefur orðið í sölu nýrra fólksbíla fyrstu fjóra mánuði ársins miðað við sama tímabil í fyrra. Alls seldust 400 nýir fólksbílar frá áramótum fram til aprílloka á þessu ári, en á sama tímabili í fyrra seldust 349 nýir fólksbílar. Þetta er aukning upp á 14,6% milli ára.

Krónan styrkist áfram og raungengi hennar hækkar

Krónan heldur áfram að sækja í sig veðrið og stendur gengisvísitala krónunnar, sem vegur saman verð gjaldmiðla helstu viðskiptaþjóða Íslands gagnvart krónunni, nú þegar þetta er ritað (kl: 11:00) í 223,18 stigum og hefur ekki verið jafn lág síðan í byrjun júní á síðasta ári. Þá hækkaði raungengi krónunnar fimmta mánuðinn í röð í apríl.

Niðursveiflan á húsnæðismarkaði hér mun lengri en ytra

Samkvæmt spá Seðlabanka Íslands um húsnæðisverð er enn nokkuð langt þar til viðsnúningur verður á húsnæðismarkaði en samkvæmt spánni mun húsnæðisverð enn fara lækkandi út næsta ár. Verði það raunin er ljóst að niðursveiflan á húsnæðismarkaði hér á landi verður mun lengri en í öðrum löndum í kringum okkur.

Svissnesk yfirvöld vilja forðast íslensk örlög

Sviss á eitt sameiginlegt með Íslandi fyrir hrun, bankakerfi sem er margföld landsframleiðsla landsins að stærð. Þetta veldur svissneskum yfirvöldum áhyggjum og leita þau nú leið til að brjóta upp stærstu banka landsins til að forðast íslensk örlög í framtíðinni.

Íslendingar eiga 1800 milljarða í lífeyrissjóðunum

Uppbygging lífeyrissjóða er eitt af því sem best hefur tekist hjá Íslendingum undanfarin ár og áratugi, segir Vilhjálmur Egilsson, framkvæmdastjóri Samtaka atvinnulífsins, í grein í Fréttablaðinu í dag.

BankNordik skilaði methagnaði á fyrsta ársfjórðungi

BankNordik, áður Færeyjabanki, skilaði methagnaði á fyrsta ársfjórðungi ársins. Hagnaður, fyrir skatta, reyndist 411 milljónir danskra kr. eða rúmlega 9 milljörðum kr. Til samanburðar nam hagnaður bankans 52 milljónum danskra kr. á sama tímabili í fyrra.

Lada bílar aftur framleiddir í Bretlandi

Ákveðið hefur verið að hefja aftur framleiðslu á Lada bílum í Bretlandi. Það eru frönsku bílasmiðirnir Renault sem standa að baki þessum áformum.

Loka þurfti spjallrásum Facebook vegna galla

Stjórnendur Facebook brugðust skjótt við þegar galli kom í ljós á þessari vinsælustu vefsíðu heimsins. Loka þurfti spjallrásum á síðunni meðan vandamálið var leyst.

Efnahagsbatinn lætur bíða lengur eftir sér

Verulegar líkur eru á að Seðlabankinn dragi á öll lán frá Alþjóðagjaldeyrissjóðnum, Norðurlöndunum og Póllandi til að sýna fram á styrk bankans. Þetta segir Már Guðmundsson seðlabankastjóri. Hann bendir á að staðan sé betri en reiknað hafi verið með og áhyggjur af getu ríkissjóðs til að standa í skilum við lán sem falla á gjalddaga á næsta og þarnæsta ári úr sögunni.

Banki í gjaldeyrisbraski

Grunur leikur á að banki sem er starfandi hér á landi hafi misnotað undanþágu á gjaldeyrishöftunum til að hagnast á því. Málið er nú til rannsóknar hjá efnahagsbrotadeild Ríkislögreglustjóra.

Sér fyrir endann á samdrættinum

Það sér fyrir endann á samdrættinum hér á landi segir aðalhagfræðingur Seðlabankans, það sé þó lengra í að kreppunni ljúki. Samdráttarskeiðið sé það dýpsta og með því lengsta sem vestrænt ríki hafi upplifað.

FA fagnar dóminum um ólögmæti iðnaðarmálagjalds

Félag atvinnurekenda (FA) fagnar dómi Mannréttindadómstóls Evrópu sem féll í sl. viku þess efnis að innheimta svokallaðs iðnaðarmálagjalds stæðist ekki ákvæði Mannréttindasáttmála Evrópu. Dómurinn dæmdi íslenska ríkið til að greiða 26 þúsund evrur í málskostnað til Varðar Ólafssonar sem höfðaði málið.

Sjá næstu 50 fréttir

Mest lesið