Fyrirtæki á Taiwan tapaði milljörðum á íslensk bönkunum

Mega Financial, þriðja stærsta fjármálafyrirtæki Taiwan tapið rúmlega 47 milljónum dollara, eða yfir 5 milljarða kr. á fjármálagerningum sem fyrirtækið átti í íslensku bönkunum.

Asíubréf lækkuðu í morgun

Hlutabréf á asískum mörkuðum lækkuðu í morgun, einkum bréf iðn- og framleiðslufyrirtækja hvers kyns. Bréf alþjóðlega námufyrirtækisins Rio Tinto Group, móðurfélags Alcan í Straumsvík, lækkuðu til að mynda um 5,3 prósentustig og Keppel-fyrirtækið, sem smíðar olíuborpalla, lækkaði um rúmlega sjö prósentustig eftir að stór pöntun til þess var dregin til baka.

Bagger sagður krónískur lygari

Danska lögreglan trúir ekki framburði fjársvikamannsins Stein Baggers. Hann er sagður krónískur lygari og segir aðstoðarsaksóknari allt eins líklegt að Bagger hafi grafið hluta af þýfinu í eyðimörkinni í Nevada meðan hann var á flótta í Bandaríkjunum.

Búð opnuð á Bakkafirði á ný

Verslun var opnuð á Bakkafirði á ný nú um áramótin. Þessi eina búð í einu fámennsta þorpi landsins er þó aðeins opin tvo tíma í senn fimm daga vikunnar.

Uppsagnir vegna Icesave

Hrun Icesave og slæmt ástand á fasteignamarkaði varð til þess að fasteignalánveitandinn Newcastle Building Society þarf að segja upp 150 manns. Félagið rekur sögu sína til 1863 en óx hratt á síðasta ári eftir að Northern Rock féll en þá voru 200 nýir starfsmenn ráðnir. Ákveðinn starfsemi Icesave var á hendi félagsins en eftir bankahrunið er hún það ekki lengur. Við það töpuðust 100 störf hjá Newcastle Building Society.

Stöðutökur gegn krónu verða rannsakaðar

Rannsóknarnefnd um bankahrunið mun taka stöðutöku gegn íslensku krónunni til skoðunar. Þetta segir Páll Hreinsson, formaður rannsóknarnefndar um bankahrunið, í Fréttablaðinu í dag. Varaformaður Landssambands íslenskra útvegsmanna hefur sagt að bankar og eigendur þeirra hafi markvisst reynt að veikja krónuna í hagnaðarskyni. Á sama tíma hefðu bankarnir gert gjaldmiðilsskiptasamninga við sjávarútvegsfyrirtæki og lífeyrissjóði sem gerðu ráð fyrir að krónan styrktist. Hann nefndi sérstaklega Existu og Kjalar, stærstu eigendur Kaupþings. Exista sendi frá sér tilkynningu í gær þar sem því var hafnað að fyrirtækið hefði haft hag að því að krónan veiktist. Allir samningar við bankana gegn krónunni hafi verið eðlilegar gengisvarnir.

FIH þarf að segja upp fjórðungi starfsmanna

Danska dótturfyrirtæki gamla Kaupþings, FIH banki í Danmörku, mun þurfa að segja upp fjórðungi af starfsfólki sínu, eða um 100 manns. Útlán bankans eru að mestu til fyrirtækja en FIH gerir ráð fyrir verulegum samdrætti á árinu og eru ráðstafirnar til að bregðast við því. Með uppsögnunum mun bankinn spara um 2 milljarða íslenskra króna á þessu ári. Í frétt Reuters um málið kemur fram að gamli Kaupþing hafi reynt síðan í október að selja bankann en efnahagsástandið hafi ekki gert það mögulegt.

Fjármálaeftirlitið birti skýrslur um bankana

Viðskipta- og forsætisráðuneyti hafa farið þess á leit við Fjármálaeftirlitið að það birti helstu niðurstöður úr skýrslum endurskoðunarfyrirtækja um starfsemi bankanna fyrir hrunið. Í skýrslunum eru allar aðgerðir bankanna mánuðinn áður en þeir voru þjóðnýttir.

Hyggjast niðurgreiða lærlingsstöður

Atvinnulausum nýútskrifuðum námsmönnum í Bretlandi verða boðnar lærlingsstöður þar sem launakostnaður verður niðurgreiddur af ríkinu. Þetta kemur fram í viðtali við John Denham vinnumálaráðherra í Daily Telegraph.

Mótmælt fyrir utan sendiráð Íslands

Um 200 innistæðueigendur Kaupþings mótmæltu fyrir utan íslenska sendiráðið í Brussel í dag. Fólk er óttaslegið um hag sinn og bíður þess að deilan leysist, segir sendiherra Íslands í Brussel. Nú þegar hafa stjórnvöld í Lúxemborg og Belgíu undirritað samkomulag um sölu Kaupþings í Lúxemborg.

Rannsaka hvort bankarnir hafi tekið stöðu gegn krónunni

Það er verkefni fyrir hinn sérstaka saksóknara að kanna hvort að bankarnir hafi verið að veikja krónuna á sama tíma og þeir seldu okkur það sem við töldum vera gengisvarnir, segir framkvæmdastjóri LÍU.

Stakk ekki upp á kaupendum á BT og Skífunni

Ég átti hvorki hugmyndina að því að koma Senu og Högum að samningaborðinu né kom ég að fjármögnun eða kaupsamningum í þessum viðskiptum, segir Tryggvi Jónsson, fyrrverandi aðstoðarforstjóri Baugs, í yfirlýsingu sem hann sendi fjölmiðlum nú fyrir stundu.

Ætla að skapa 2500 ný störf

Iceland verslanirnar, sem eru að stærstum hluta í eigu Baugs, hafa keypt 51 verslun sem áður var í eigu Woolworths keðjunnar.

Straumur féll um rúman fjórðung

Gengi hlutabréfa í Straumi hrundi um 26,57 prósent í Kauphöllinni í dag. Gengi bréfa í fjárfestingabankanum endaði í 1,05 krónum og hlut en fór til skamms tíma í rúma 90 aura á hlut. Að öðru leyti einkenndist dagurinn af lækkun hlutabréfaverðs.

Olíuverðið aftur niður fyrir 40 dollara á tunnuna

Heimsmarkaðsverð á olíu lækkaði niður fyrir 40 dollara á tunnuna á markaðinum í New York í dag. Kom þetta í kjölfar nýrra talna um atvinnuleysi í Bandaríkjunum.

Sakar gömlu bankana um blekkingar í gjaldmiðlasamningum

Hvöttu eigendur stóru viðskiptabankanna starfsfólk sitt vísvitandi til þess að selja útflutningsatvinnuvegunum og lífeyrissjóðum í landinu gjaldeyrisskiptasamninga, þar sem staða var tekin með með krónunni?

Sparisjóðirnir lækka verðtryggða vexti sína

Sparisjóðirnir munu flestir lækka verðtryggða inn- og útlánsvexti frá og með 11. janúar næstkomandi. Útlánsvextir munu lækka um 0,05% og verðtryggðir innlánsvextir um allt að 0,10%.

Snéri aftur úr vopnuðu bankaráni til að borga yfirdrátt sinn

Bankaræningi vopnaður haglabyssu og með lambúshettu til að hylja andlit sitt rændi nær 6 milljónum króna úr banka í Serbíu. Hann kom svo aftur í bankann nokkrum mínútum síðar, án byssunnar og hettunnar, og vildi gera upp yfirdrátt sinn í bankanum.

Kauphöllin veitir RUV opinbera áminningu

Kauphöllin hefur ákveðið að veita RUV ohf. opinbera áminningu vegna brota á reglum kauphallarinnar. Brotin eru vegna tafa á útkomu ársskýrslu RUV.

Hlutabréf Straums hrynja í verði

Gengi hlutabréfa í Straumi hefur fallið um rúm 25 prósent það sem af er dags og fór til skamms tíma undir krónu á hlut. Mánuður er liðinn í dag síðan Fjármálaeftirlitið leyfði á ný viðskipti með bréf félagsins og hefur það hrunið um 63 prósent síðan þá.

Óvíst hvort stjórnvöld nái að uppfylla kröfur AGS í tíma

Alls óvíst er hvort íslensk stjórnvöld nái að uppfylla þær kröfur Alþjóðagjaldeyrissjóðsins (AGS) sem eiga að vera komnar til framkvæmda í næsta mánuði. Þá fer fram fyrsta endurskoðun AGS en hún er grundvöllur fyrir áframhaldandi aðstoð sjóðsins.

Afgangur á vöruskiptum skilar ekki sterkari krónu

Ljóst er að afgangur á vöruskiptum hefur ekki skilað sér að fullu inn á gjaldeyrismarkað. Þetta er áhyggjuefni þar sem ein helsta stoðin undir styrkingu krónunnar átti að vera sá viðsnúningur sem framundan er á vöruskiptum við útlönd.

Þýsk stjórnvöld eignast 25% í Commerzbank

Þýsk stjórnvöld hafa veitt næststærsta banka landsins neyðarlán upp á 10 milljarða evra, eða 1.700 milljarða kr. og hafa í staðinn eignast 25% í bankanum.

Morten Lund viðurkennir svik við stjórnendur Nyhedsavisen

Morten Lund fyrrum eigandi Nyhedsavisen viðurkennir nú að hann hafi svikið stjórnendur Nyhedsavisen um launagreiðslur. Biður hann þá Svenn Dam og Morten Nissen NIelsen afsökunnar á athæfi sínu.

Hlutur Samson í Sjælsö Gruppen er til sölu

Tæplega 8% hlutur í danska fasteignafélaginu Sjælsö Gruppen er nú til sölu en hluturinn er í eigu Samson sem er gjaldþrota og í skiptameðferð.

Marel hækkar í byrjun dags

Gengi hlutabréfa í Marel Food Systems hefur hækkað um 0,25 prósent í dag en Straums fallið um 2,1 prósent. Önnur félög hafa ekki hreyfst það sem af er dags í Kauphöllinni.

Matsfyrirtækið Fitch hætt að meta gömlu íslensku bankana

Matsfyrirtækið Fitch hefur tilkynnt að fyrirtækið muni framvegis hætta að leggja mat á gömlu íslensku bankana þrjá Glitni, Kaupþing og Landsbankann.

Setur 1.400 milljarða kr. verðmiða á Actavis

Financial Times setur 8 milljarða evra, eða tæplega 1.400 milljarða kr., verðmiða á Actavis. Eins og fram hefur komið í fréttum er Actavis nú til sölu en það er að mestu í eigu Björgólfs Thors Björgólfssonar í gegnum félag hans Novator.

Vill kaupa kröfur á fjögur félög með miklum afslætti

Aðili sem kallar sig Kröfukaupahópurinn vill kaupa kröfur á fjögur félög með miklum afslætti. :Þetta kemur fram í auglýsingu í Morgunblaðinu í dag.

Hlutabréf japanskrar bruggverksmiðju hækka

Morguninn var mislitur í asískum kauphöllum og var ýmist um lækkun eða hækkun helstu hlutabréfavísitalna að ræða. Þannig lækkaði japanska Nikkei-vísitalan um tæpt hálft prósentustig en Hang Seng-vísitalan í Hong Kong þokaðist upp um rúmt prósentustig.

Ísland gjaldþrota verði einhliða upptaka evru reynd

Halla Tómasdóttir, stjórnarformaður fjárfestingafélagsins Auðar Capital, segir að gjaldþrot íslensku þjóðarinnar sé næsta víst, verði reynt að taka einhliða upp evru.

DeCode ræðir við Araba um aðkomu að rekstrinum

DeCode móðurfélag Íslenskrar erfðagreiningar er í viðræðum við fjölmarga alþjóðlega fjárfesta, meðal annars í arabaheiminum um að koma inn í rekstur fyrirtækisins.

Kjalar vill fá borgaðan gjaldeyrissamning á gengi Evrópska Seðlabankans

Forsvarsmenn fjárfestingarfélagsins Kjalar vilja að Kaupþing borgi þeim út gjaldeyrissamning á gengi Evrópska Seðlabankans, sem er um helmingi hærra en gengi Seðlabanka Íslands. Forstjóri félagsins neitar því að alfarið að félagið hafi tekið stöðu á móti krónunni.

Bankarnir gætu fallið aftur vegna erlendra skulda

Erlendar skuldir íslenskra fyrirtækja og heimila gætu leitt til þess að bankarnar fari aftur í þrot. Starfshópur á vegum ríkisins vinnur nú að því að endurskipuleggja eignasafn bankanna. Til greina kemur að breyta íbúðalánum yfir í verðtryggð krónulán.

Ómögulegt að selja FIH bankann við núverandi aðstæður

Stjórn FIH bankans hefur í fyrsta sinn viðurkennt opinberlega að ekki hafi reynst mögulegt að selja bankann. JP Morgan reyndi hvað hann gat til að selja FIH í nóvember s.l. en án árangurs.

Ólíklegt að Björgólfur Thor hagnist mikið á sölu Actavis

Reuters-fréttastofan segir í dag að skriður sé kominn á hugsanlega sölu Actavis en fregnir um söluna hafa verið á sveimi frá því í október á síðasta ári. Þrátt fyrir verðmiða upp á 6 milljarða dollara, eða vel yfir 700 milljarða kr. er ólíklegt að Björgólfur Thor Björgólfsson hagnist mikið á sölunni.

Mesta verðfall á olíu í sjö ár

Heimsmarkaðsverð á olíu hefur fallið um 12% frá því í gærkvöldi og er þetta mesta verðfall á olíu á svo skömmum tíma á síðustu sjö árum. Verðið fór í 50 dollara á tunnuna í gærmorgun en var komið niður fyrir 43 dollara í morgun.

FIH bankinn rekur fimmta hvern starfsmanna sinna

FIH bankinn danski, sem er í eigu íslenska ríkisins, ætlar að reka 90-110 starfsmanna sinna eða fimmta hvern starfsmann hjá bankanum. Einnig mun nokkrum deildum bankans verða lokað.

Verulegur afgangur af vöruskiptum í desember

Samkvæmt bráðabirgðatölum fjármálaráðuneytisins var verðmæti innfluttrar vöru í desember 32,5 milljörðum kr. sem er nokkuð minni innflutningur en í nóvember þegar hann nam 40,6 milljarða kr. Fyrstu vísbendingar eru um að útflutningur vöru hafi aukist töluvert í desember en hann nam 43,2 miljarða kr. í nóvember

Staða ríkissjóðs versnaði um 46 milljarða kr. í fyrra

Samkvæmt greiðsluuppgjöri ríkissjóðs fyrstu ellefu mánuði síðasta árs nam handbært fé frá rekstri 7,3 milljörðum kr. innan ársins, sem er 46,2 milljarða kr. verri útkoma heldur en á sama tíma í fyrra.

Veik staða krónunnar heldur stýrivöxtum háum

Meginástæða hárra stýrivaxta hér á landi er veik staða krónunnar og hin brýna þörf á að forða henni frá frekara hruni.

Hagnaður hjá House of Fraser og Iceland í sókn

Breska verslunarkeðjan House of Fraser sem er í eigu Baugs tilkynnti í dag um gott gengi í jólavertíðinni. Á fimm vikna tímabili fyrir jól og fram til þriðja janúar jókst heildarsala í verslunum félagsins um 4,5 prósent miðað við sama tímabil í fyrra og hagnaður jókst.

Bretar lækka stýrivexti um hálft prósentustig

Englandsbanki lækkaði stýrivexti í dag um hálft prósentustig. Þeir standa nú í 1,5 prósentum og hafa ekki verið lægri í 315 ár.

Fyrrum starfsmenn Viðskiptablaðsins fá ekki greidd laun

Um 15 fyrrverandi starfsmenn Framtíðarsýnar, sem gaf út Viðskiptablaðið, fengu ekki greidd laun um síðustu mánaðamót, en útlit er fyrir að félagið verði tekið til gjaldþrotaskipta áður en langt um líður.

Saga Capital semur við IFS ráðgjöf

Saga Capital Fjárfestingarbanki hefur samið við IFS Ráðgjöf um að fyrirtækið sinni ráðgjafa- og greiningavinnu fyrir bankann um stöðu og þróun efnahags- og markaðsmála.