Microsoft læra af Google

Það var velgengni Google sem opnaði augu Microsoft fyrir þeim gríðarlegu fjármunum sem eru í húfi þegar kemur að auglýsingum á internetinu. Þetta sagði einn helsti hugbúnaðarhönnuður Microsoft á ráðstefnu í dag. Microsoft ætlar sér stóraukna markaðshlutdeild á vefnum á næstu árum en hingað til hefur meginþorri tekna fyrirtækisins komið í gegnum sölu á Windows-stýrikerfinu og skrifstofuhugbúnaði á borð við Word og Ecxel.

Airbus segir upp tíu þúsund manns

Flugvélaframleiðandinn Airbus hefur tilkynnt að tíu þúsund störf verði lögð niður í Evrópu á næstu fjórum árum. Starfsmenn fyrirtækisins í Frakklandi munu verða verst úti, en þar missa 4.300 vinnuna. Í Þýskalandi munu 3.700 störf verða lögð niður, 1.600 í Bretlandi og 400 á Spáni.

Væntingarvísitala niður í Bretlandi

Væntingarvísitala í Bretlandi fór niður í febrúarmánuði þegar neytendur voru varkárari vegna efnahagsástandsins í landinu. Þrátt fyrir það virðast neytendur almennt vera jákvæðari gagnvart eigin fjármálum. Þetta kemur fram í mánaðarlegri könnun sem birt var í dag af fyrirtækinu GfK NOP.

Lækkanir í Kauphöllinni hér eins og annars staðar

Úrvalsvísitala Kauphallarinnar hefur lækkað um tvö og hálft prósent í morgun og fylgir þannig lækkunum á mörkuðum í Evrópu og Asíu. Töluverð lækkun hefur orðið á hlutbréfum í morgun, mest í Hf. Eimskipafélagi Íslands um hátt í átta prósent.

Hlutabréf falla enn í Evrópu og Asíu

Hlutabréf héldu áfram að falla á heimsmörkuðum í dag eftir opnun kauphallanna í Asíu í nótt og Evrópu snemma í morgun. Í Bretlandi féll FTSE vísitalan um nærri tvö prósent við upphaf viðskipta og í Frakklandi féll Cac vísitalan um tvö prósent.

Barátta fjárfestingarkenninga

Tvær meginreglur takast á í orðræðu um fjárfestingarstefnu lífeyrissjóða landsins. Óli Kristján Ármannsson kynnti sér grunnhugmyndafræði í viðskiptasiðferði og komst að því að hluti lífeyrissjóða hyggur á upptöku siðareglna Sameinuðu þjóðanna í fjárfestingarstefnu sinni.

Tók kennslu og einkalíf fram yfir fyrirtækið

Allen Michel, prófessor við Boston-háskóla í Bandaríkjunum, var staddur hér á landi fyrir helgi sem gestakennari í fjármálum fyrirtækja við MBA-námið í Háskólanum í Reykjavík. Óli Kristján Ármannsson hitti prófessorinn milli kennslustunda í hádeginu síðasta föstudag og forvitnaðist um hagi hans, störf og viðhorf.

Vísindamenn þróa tilfinninganæm vélmenni

Hópur vísindamanna við ýmsa háskóla í nokkrum Evrópulöndum hafa tekið höndum saman og ætla að þróa vélmenni sem getur lært að skynja tilfinningar. Evrópusambandið styrkir verkefnið, sem kallast Feelix Growing, með 2,3 milljóna evra fjárframlagi til næstu þriggja ára. Það svarar til rúmlega 200 milljóna íslenskra króna.

Flóir úr sekkjum Svarfdæla

Það er víða sem ofgnóttin knýr dyra í íslensku samfélagi. Sparisjóðirnir hafa ekki farið varhluta af góðu gengi á hlutabréfamarkaði. Þannig hafa sparisjóðir sem áttu hlut í Exista skilað gríðarlega góðri afkomu.

Úthýsa gömlu ljósaperunni

Stjórnvöld í Ástralíu hafa í hyggju að banna hefðbundnar glóðarperur á næstu þremur árum. Í stað þeirra er horft til þess að auka notkun sparneytnari ljósgjafa á borð við flúorperur sem nota einungis 20 prósent af því rafmagni sem hefðbundnar perur nota. Gangi þetta eftir verða Ástralar fyrsta þjóðin til að banna notkun glóðarljósapera.

Mæta eftirspurn með fleiri ferðum

Samskip hafa bætt við tveimur skipum á siglingaleiðina milli meginlands Evrópu, Skandinavíu, Rússlands og Eystrasaltslandanna. Að sögn félagsins er þetta gert til að mæta stöðugt vaxandi eftirspurn eftir gámaflutningum á þessari leið.

Dagur hinna bölsýnu

Heimurinn skiptist í stórum dráttum í bölsýna og bjartsýna. Hinir bjartsýnu sigra venjulega þegar til lengri tíma er litið, enda lífsafstaðan til þess fallin að koma fremur auga á tækifæri en sú afstaða að allt sé á leið til andskotans.

Fengitími á norrænum fjármálamörkuðum

Sænska hægri stjórnin hefur boðað stórfellda einkavæðingu, þar á meðal á eignarhlut í Nordea og fasteignalánabankanum SBAB. Af pólitískum ástæðum er talið ósennilegt að ríkið selji kjölfestuhlut í Nordea til útlendinga og vilji biðla til Wallenberg-fjölskyldunnar sem fer fyrir SEB. Danske Bank er sterklega orðaður við SBAB og skammt undan bíða Exista, Kaupþing og Sampo Group með digra sjóði sem hægt er að nýta til góðra verka.

Þríréttuð vika og vín með

Þetta var nú fína vikan, þrátt fyrir smá alþjóðaskjálfta í gær. Ekkert sem vanur maður kippir sér mikið upp við, enda búinn að búast við leiðréttingu í smá tíma. Nú fer maður aftur að mjatla sér inn í Kína eftir fallið. Maður var orðinn hikandi þar. Augljóst að einhverjir færu að taka aurana heim.

Fjölskyldur landsins hagnast á útlendingum

Skuldir meðalfjölskyldunnar hefðu aukist um tvö hundruð þúsund í fyrra ef erlends vinnuafls hefði ekki notið við. Þá hefðu útgjöld hennar verið 123 þúsund krónum meiri. Hólmfríður Helga Sigurðardóttir komst að þessu með því að skoða meðalútgjöld og skuldir heimilanna út frá rannsóknum á áhrifum erlends vinnuafls á íslenskan vinnumarkað.

Mogginn til bjargar bönkum

Það gladdi Aurasálina þegar fréttist að útlensk hagspekifyrirtæki hefðu komist að þeirri niðurstöðu að engin ástæða væri að óttast um íslensku bankana því ríkissjóður stæði svo sterkur á bak við þá. Þessi tíðindi hafa vakið mikla athygli um gjörvallan heim þannig að íslensku bankarnir hafa endurheimt sinn fyrri sess á kostnað matsfyrirtækisins Moody"s.

Erlendir fjárfestar velkomnir

Fateh Assonane er Alsírbúi sem ferðast hefur víða um heim. Þegar hann var sautján ára tók ævintýraþráin völdin og hann lagði af stað til Evrópu með nesti og nýja skó. Þar ferðaðist hann landa á milli um nokkurt skeið og heimsótti meðal annars Ungverjaland, Spán, Frakkland og Þýskaland.

Hf. ehf.

HF Eimskipafélagið hefur sameinast dótturfélagi sínu Eimskipafélaginu ehf. Þar með er lokið mikilli hringferð með nafnið á Eimskipafélaginu gamla sem eitt sinn var flaggskip Kauphallar Íslands, þá stærsta félagið í höllinni.

Apar kunna að nota spjót

Vísindamenn telja miklar líkur á að tækniþekking hafi borist milli manna með svipuðum hætti og hjá öpum.

Leiðandi í lyfjadreifingu

Um síðustu áramót varð innflutnings- og dreifingarfyrirtækið Distica til við skiptingu Vistor hf. í tvö félög. Gylfi Rútsson, framkvæmdastjóri félagsins, sagði Hólmfríði Helgu Sigurðardóttur frá áætlunum um aukna hlutdeild félagsins í dreifingu lyfja og annarrar vöru fyrir heilbrigðisgeirann.

Loksins opnast vefgátt Íslands

Vefurinn Ísland.is verður opnaður með viðhöfn miðvikudaginn 7. mars næstkomandi, en verkefnið var fyrst kynnt á UT-deginum í fyrra. Kynning á vefnum verður svo meðal annars á sýningunni Tækni og vit sem hefst í Fífunni í Kópavogi daginn eftir.

Dow Jones hríðfellur

Dow Jones vísitalan bandaríska lækkaði mest um 537 stig í dag eða rúmlega 4 prósent. Hún hefur þó eitthvað tekið við sér og er lækkunin nú rúmlega 370 stig eða tæp þrjú prósent. Ástæður fyrir þessu eru taldar vera líkur á því að bandarískt efnahagslíf gæti farið að hægja á sér.

Þorsteinn nýr forstjóri Opinna kerfa

Þorsteinn G. Gunnarsson hefur verið ráðinn forstjóri Opinna kerfa ehf. frá og með 1. mars. Eftir því sem fram kemur í tilkynningu frá Opnum kerfum tekur Þorsteinn við af Gylfa Árnasyni sem gegnt hefur stöðunni frá júní lokum síðastliðnum.

Dótturfélag sameinað móðurfélagi hjá Eimskipi

Stjórn Hf. Eimskipafélags Íslands samþykkti á stjórnarfundi í gær að sameina félagið og dótturfélag þess, Eimskipafélag Íslands ehf., sem er að fullu í eigu þess. Eftir því sem fram kemur í tilkynningu verður samruninn með þeim hætti að dótturfélagið rennur að fullu inn í móðurfélagið sem tekur við öllum réttindum og öllum skuldbindingum dótturfélagsins.

Hagnaðist um ríflega 380 milljónir á kaupréttarsamningi

Bjarni Ármansson, forstjóri Glitnis, nýtti í morgun kaupréttarsamning við bankann og hagnaðist um hátt í 400 milljónir á því. Bjarni keypti fimmtán milljónir hluta í bankanum á genginu 2,81 sem þýðir að hann greiddi rúmlega 42 milljónir fyrir hlutina

Fresta útkomu Apple-TV

Raftækja- og tölvurisinn Apple hefur ákveðið að fresta útkomu nýs Apple-TV tengiboxs fyrir sjónvörp þar til um miðjan mars. Talsmaður fyrirtækisins segir ástæðuna vera að pökkun hafi tekið lengri tíma en áætlað var og því þurfi að fresta útkomu Apple-TV um nokkra daga.

Hækkaði um 2,13% í Kauphöll

Hlutabréf hækkuðu um 2,13% í Kauphöllinni í gær og fór í 7.605 stig. Hækkunin var mest á bönkunum og stóru fjármálafyrirtækjunum og er það rakið til hækkunar á mati Moody´s á langtíma-lánshæfismöguleikum íslensku bankanna. Sex fjármálafyrirtæki hafa hækkað um fimmtung eða meira frá áramótum, þar af Exista mest, eða um rúm 30 prósent. Krónan styrktist líka í gær og hefur þá hækkað um sjö og hálft prósent frá áramótum.

Wal-mart ryður sér veg í Kína

Bandaríska verslanakeðjan Wal-Mart ætlar að borga um milljarð bandaríkjadala til að taka yfir stærstu verslanakeðju Kína. Sú keðja rekur yfir 100 stórverlanir í 34 kínverskum borgum undir nafninu Trust-mart. Ef af verður verður Wal-mart farið að reka þessar verslanir fyrir árið 2010. Kínverskur efnahagur hefur sprungið út á undanförnum árum og má telja að Wal-mart ætli að nýta sér það enn frekar en þegar rekur verslanarisinn þar yfir 70 verslanir með um 37 þúsund starfsmönnum.

Breskir bankar endurgreiða ólöglegar greiðslur

Bankar í Bretlandi gætu þurft að endurgreiða viðskiptavinum sínum allt að 7,2 milljarða sterlingspunda, eða rúmlega 900 milljarða íslenskra króna, vegna ólöglegra gjalda sem þeir hafa krafið viðskiptavini sína um. Gjöldin sem um ræðir eru greiðslur til banka þegar farið er yfir yfirdráttarheimild eða þegar ávísun er hafnað.

Greenspan óttast niðursveiflu

Alan Greenspan, fyrrum æðsti yfirmaður seðlabanka Bandaríkjanna, sagði í dag að bráðum myndi fara að hægja á bandarísku efnahagslífi. Hann sagði það hafa þanist síðan árið 2001 og að núna bentu merkin til þess að þenslan væri að stöðvast.

Fons kaupir Securitas

Óstofnað félag í eigu Fons eignarhaldsfélags hf. hefur keypt öryggisfyrirtækið Securitas hf. af Teymi hf. á 3.8 milljarða króna. Áætlaður söluhagnaður Teymis er um 500 milljónir króna. Landsbankinn yfirtekur 2,7 milljarða lán fyrri eigenda til Hands Holding, en það kom í hlut Teymis við skiptingu Dagsbrúnar þegar Teymi var stofnað í nóvember 2006.

BitTorrent ætla að selja löglegt efni

Veffyrirtækið BitTorrent sem löngum hefur verið talið einn helsti óvinur Hollywood fyrir að hafa fundið upp torrent-skráaskiptastaðalinn hefur nú slegist í lið með kvikmyndaiðnaðinum og ætlar að fara að selja kvikmyndir og sjónvarpsþætti á vefsíðu sinni og dreifa þeim með torrent-tækninni. Einnig er ætlunin að selja tónlist og tölvuleiki á síðu BitTorrent.

IBM styðja ekki Linux frá Oracle

IBM-tölvuframleiðandinn segist ekki tilbúinn að tryggja að tölvur þeirra geti keyrt nýja útgáfu Linux-stýrikerfisins frá Oracle. Þetta þýðir að ef upp koma vandamál með keyrslu á nýja Linux á tölvum IBM er það vandamál Oracle, ekki IBM sagði talsmaður IBM í gær.

Ríkasti Skotinn kaupir í Glitni

Sir Tom Hunter, sem sagður er auðugasti maður Skotlands, eignaðist í gær í það minnsta tveggja prósenta hlut í Glitni fyrir um átta milljarða króna. FL Group, stærsti hluthafinn í Glitni, keypti á sama tíma hlutabréf í bankanum fyrir 10,5 milljarða króna og ræður nú yfir tæpum þriðjungi hlutafjár.

BAE skilaði af sér góðu ári

Tekjur breska hergagnaframleiðandans BAE Systems tæplega þrefaldaðist á síðasta ári. Mestu munar um aukna sölu á hergögnum til bandaríska hersins í fyrra og sölu félagsins á 20 prósenta hlut í evrópska flugvélaframleiðandanum Airbus til EADS, móðurfélags Airbus.

Meiri hækkun en allt árið 2006

Kauphallar Íslands stendur í nýjum methæðum eftir töluverða hækkun á hlutabréfamarkaði í gær. Vísitalan hækkaði þá um 1,25 prósent og stóð í 7.446 stigum.

Kjarnafjárfestingar skila sér

Hagnaður samstæðu Milestone nam 21,4 milljörðum króna eftir skatta á árinu 2006, samkvæmt uppgjöri sem birt var í gær.

Hlutabréf féllu í Aktiv Kapital

Hlutabréf í Aktiv Kapital féllu í verði um 9,6 prósent eftir að félagið birti ársuppgjör fyrir árið 2006 sem sýndi 3,3 milljarða króna tap fyrir skatta. Þar af var tapið á fjórða ársfjórðungi tæpir 1,4 milljarðar.

Milestone skilaði 21,4 milljörðum í hagnað

Fjárfestingafélagið Milestone skilaði 21,4 milljarða króna hagnaði í fyrra samanborið við rúma 14,7 milljarða árið á undan. Karl Wernersson, stjórnarformaður Milestone, segir afkomuna góða og arðsemi félagsins framúrskarandi.

FL Group með fullnýtta heimild í Glitni

FL Group bætti við sig um 2,59 prósent hlutafjár í Glitni banka fyrir um 10,5 milljarða króna í dag. Viðskiptin fóru fram á genginu 28,46 krónur á hlut en samtals var um að ræða um 369,9 milljónir króna að nafnverði. FL Group og fjárhagslega tengdir aðilar þess á nú rétt tæplega 33 prósent hluta í bankanum.

Byggðastofnun skilaði 10 milljónum í hagnað

Byggðastofnun skilaði 10,1 milljón króna hagnaði á síðasta ári samanborið við 272,2 milljóna króna hallarekstur árið 2005. Í ársuppgjöri stofnunarinnar segir að í vetur hafi á ný verið lagt fram á Alþingi frumvarp um opinberan stuðning við tæknirannsóknir, nýsköpun og atvinnuþróun en það hafi hins vegar ekki verið afgreitt.

Merkel og Chirac ræða við EADS

Angela Merkel, kanslari Þýskalands, og Jacques Chirac, forseti Frakklands, ætla að funda bráðlega með stjórnendum EADS, móðurfélagi evrópska flugvélaframleiðandans Airbus, vegna fyrirhugaðra hagræðingaaðgerða félagsins. Gert er ráð fyrir að félagið segi upp tugþúsundum starfsmanna auk þess sem nokkrum verksmiðjum verður lokað.

Gengi bréfa í Sanyo hrundi vegna rannsóknar

Gengi hlutabréfa í japanska tæknifyrirtækinu Sanyo féll um heilt 21 prósent í kauphöllinni í Tókýó í Japan í dag eftir að fréttir bárust af því að fjármálayfirvöld í Japan hefðu fyrirtækið til rannsóknar. Grunur er sagður leika á að gögn í bókhaldi fyrirtækisins hafi verið fölsuð árið 2003.

Peningaskápurinn …

Það geta margir skemmt sér við lestur ársskýrslna félaga í Kauphöllinni þessa dagana, en þær koma nú út hver á fætur annarri. Ýmislegt forvitnilegt er þar að finna, meðal annars launakjör stjórnenda. Í skýrslu FL Group má sjá að forstjórinn var með 51 milljón króna í árslaun. Það sætir varla tíðindum í samhengi íslenskra stórfyrirtækja.

Borgaði Apple fyrir iPhone nafnið?

Nú eru uppi kenningar um að Apple hafi borgað Cisco milljónir dala fyrir afnot af iPhone nafninu. Fyrirtækin hafa rifust um nafnið í nokkrar vikur þar til í dag að þau náðu samkomulagi um að Apple mætti nota nafnið. Cisco hefur notað iPhone sem vörumerki á internet símaþjónustu í nær sjö ár.