Leiðandi í lyfjadreifingu 28. febrúar 2007 00:01 Gylfi Rútsson, framkvæmdastjóri Distica Gylfi segir uppskiptingu Vistor í tvö félög hafa gefið Distica kjörið tækifæri til að auka enn sérhæfingu fyrirtækisins og gefa henni meira vægi með því að dreifa fyrir fleiri aðila. MYND/GVA Um áramótin síðustu tók Gylfi Rútsson við stjórnartaumum nýja innflutnings- og dreifingarfyrirtækisins Distica. Félagið varð til við skiptingu Vistor hf. í tvö félög. Framvegis mun Vistor einbeita sér að markaðsstarfi fyrir umbjóðendur sína á lyfja- og heilbrigðismarkaði. Distica verður hins vegar sérhæft í innflutningi, vörustjórnun og dreifingu á lyfjum, heilsuvörum, dýraheilbrigðisvörum, sem og vörum fyrir heilbrigðisþjónustur og rannsóknarstofur. Áður en Gylfi réði sig til starfa hjá Vistor, þar sem hann hefur verið framkvæmdastjóri fjármála- og rekstrarsviðs í fjögur ár, var hann fjármálastjóri hjá Tali í fjögur ár og framkvæmdastjóri fjármálasviðs Tæknivals í átta ár. Þrátt fyrir að vera mjög reyndur á sviði fjármálanna er hann útskrifaður af markaðssviði viðskiptafræðinnar og hóf reyndar starfsferil sinn á markaðsdeild fjármögnunarfyrirtækisins Glitnis. „Þar má segja að ég hafi verið að selja og markaðssetja peninga og hafi þannig sogast inn í peningamálin," segir Gylfi. Hann segist þó fyrst og fremst vera rekstrarmaður og það henti honum því vel að stjórna því rekstrarverkefni sem Distica er.Fjölmörg tækifæri á dreifingarmarkaðiGylfi segir að lyfja- og heilbrigðismarkaðurinn sé í raun tveir markaðir. Annars vegar sölu- og markaðshlutinn og hins vegar dreifingarhlutinn. Tvær aðalástæður séu fyrir því að Vistor hafi verið skipt upp í tvö félög.Vistor og forverar þess hefðu fram til þessa einungis dreift vörum fyrir sína umbjóðendur og því í raun ekki keppt nema á hluta dreifingarmarkaðarins. Uppskipting félaganna hafi gefið kjörið tækifæri til þess að auka enn sérhæfingu fyrirtækisins og gefa henni meira vægi með því að dreifa fyrir fleiri aðila. „Við höfum látið gera fyrir okkur kannanir árlega í nokkurn tíma sem sýna að við veitum góða þjónustu að mati viðskiptavina okkar. Af þeim niðurstöðum sáum við að við ættum að geta nýtt sérþekkingu okkar betur. Enn fremur var Distica að taka yfir dreifingu á vörum Actavis um áramótin. Þar sem Actavis er stór og þekktur framleiðandi samheitalyfja en Vistor fulltrúi frumlyfjaframleiðenda erum við að koma í veg fyrir hugsanlega hagsmunaárekstra."Distica sér áfram um dreifingu fyrir umbjóðendur Vistor en sér nú einnig um dreifingu fyrir önnur fyrirtæki. Áætluð ársvelta Distica félagsins er 8,3 milljarðar króna og félagið hefur um 61 prósents hlutdeild á lyfjadreifingarmarkaðnum.Flókinn markaður og sérstakar vörurAðalkeppinautur Distica hefur tæplega 35 prósenta hlutdeild á markaðnum. Gylfi segir þetta dæmigert mynstur fyrir markað af þessum toga. Á hinum Norðurlöndunum berjist líka tveir stórir aðilar um mestan hluta markaðarins. „Ástæðan fyrir þessu er að fyrirtæki sem dreifa og meðhöndla lyf þurfa að uppfylla miklar kröfur og mikið regluverk. Við þurfum að hafa leyfi fyrir innflutningi og heildsöludreifingu á lyfjum. Þá þurfum við einnig að hafa framleiðsluleyfi þar sem við sjáum um að setja íslenskar merkingar og leiðbeiningar í vöruna þar sem þær eru ekki fyrir hendi. Þar að auki er þessi vara sérstök og hana þarf að meðhöndla á mjög sérhæfðan hátt. Vörurnar eru viðkvæmar og þær verður að geyma og flytja við rétt skilyrði, til dæmis hvað varðar hita, raka og birtu."Distica hefur verið með ISO 9001 gæðavottun undanfarin tíu ár. Þetta segir Gylfi hafa skilað sér á margvíslegan hátt til rekstursins. Bæði í auknu afhendingaröryggi, færri villum í afgreiðslu og betri frammistöðu við afgreiðslu. Þá segir hann kerfið hjálpa til við að uppfylla rétta og eftirsóknarverða afgreiðsluhætti sem félagið leitist við að framfylgja. Í því felist að afhenda rétta vöru, í réttu magni, í réttu ástandi og á réttum tíma.„Starfsmannavelta Distica er mjög lág og margir af þeim fimmtíu starfsmönnum sem starfa hjá fyrirtækinu hafa verið þar lengi. Við höfum á að skipa góðu, hæfu og vel þjálfuðu starfsfólki með mikla reynslu í þessari starfsemi," segir Gylfi. Stefnubreytingin sem varð nú um áramótin var þó ný af nálinni og Gylfi segir starfsfólk fyrirtækisins taka breytingunum vel.„Þetta er að sjálfsögðu mikil áskorun þar sem starfsemin hefur aukist mikið á stuttum tíma. En það hefur bara eflt baráttuandann í mannskapnum og við ætlum áfram að veita afburða þjónustu á þessum markaði." Undir smásjánni Viðtöl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Um áramótin síðustu tók Gylfi Rútsson við stjórnartaumum nýja innflutnings- og dreifingarfyrirtækisins Distica. Félagið varð til við skiptingu Vistor hf. í tvö félög. Framvegis mun Vistor einbeita sér að markaðsstarfi fyrir umbjóðendur sína á lyfja- og heilbrigðismarkaði. Distica verður hins vegar sérhæft í innflutningi, vörustjórnun og dreifingu á lyfjum, heilsuvörum, dýraheilbrigðisvörum, sem og vörum fyrir heilbrigðisþjónustur og rannsóknarstofur. Áður en Gylfi réði sig til starfa hjá Vistor, þar sem hann hefur verið framkvæmdastjóri fjármála- og rekstrarsviðs í fjögur ár, var hann fjármálastjóri hjá Tali í fjögur ár og framkvæmdastjóri fjármálasviðs Tæknivals í átta ár. Þrátt fyrir að vera mjög reyndur á sviði fjármálanna er hann útskrifaður af markaðssviði viðskiptafræðinnar og hóf reyndar starfsferil sinn á markaðsdeild fjármögnunarfyrirtækisins Glitnis. „Þar má segja að ég hafi verið að selja og markaðssetja peninga og hafi þannig sogast inn í peningamálin," segir Gylfi. Hann segist þó fyrst og fremst vera rekstrarmaður og það henti honum því vel að stjórna því rekstrarverkefni sem Distica er.Fjölmörg tækifæri á dreifingarmarkaðiGylfi segir að lyfja- og heilbrigðismarkaðurinn sé í raun tveir markaðir. Annars vegar sölu- og markaðshlutinn og hins vegar dreifingarhlutinn. Tvær aðalástæður séu fyrir því að Vistor hafi verið skipt upp í tvö félög.Vistor og forverar þess hefðu fram til þessa einungis dreift vörum fyrir sína umbjóðendur og því í raun ekki keppt nema á hluta dreifingarmarkaðarins. Uppskipting félaganna hafi gefið kjörið tækifæri til þess að auka enn sérhæfingu fyrirtækisins og gefa henni meira vægi með því að dreifa fyrir fleiri aðila. „Við höfum látið gera fyrir okkur kannanir árlega í nokkurn tíma sem sýna að við veitum góða þjónustu að mati viðskiptavina okkar. Af þeim niðurstöðum sáum við að við ættum að geta nýtt sérþekkingu okkar betur. Enn fremur var Distica að taka yfir dreifingu á vörum Actavis um áramótin. Þar sem Actavis er stór og þekktur framleiðandi samheitalyfja en Vistor fulltrúi frumlyfjaframleiðenda erum við að koma í veg fyrir hugsanlega hagsmunaárekstra."Distica sér áfram um dreifingu fyrir umbjóðendur Vistor en sér nú einnig um dreifingu fyrir önnur fyrirtæki. Áætluð ársvelta Distica félagsins er 8,3 milljarðar króna og félagið hefur um 61 prósents hlutdeild á lyfjadreifingarmarkaðnum.Flókinn markaður og sérstakar vörurAðalkeppinautur Distica hefur tæplega 35 prósenta hlutdeild á markaðnum. Gylfi segir þetta dæmigert mynstur fyrir markað af þessum toga. Á hinum Norðurlöndunum berjist líka tveir stórir aðilar um mestan hluta markaðarins. „Ástæðan fyrir þessu er að fyrirtæki sem dreifa og meðhöndla lyf þurfa að uppfylla miklar kröfur og mikið regluverk. Við þurfum að hafa leyfi fyrir innflutningi og heildsöludreifingu á lyfjum. Þá þurfum við einnig að hafa framleiðsluleyfi þar sem við sjáum um að setja íslenskar merkingar og leiðbeiningar í vöruna þar sem þær eru ekki fyrir hendi. Þar að auki er þessi vara sérstök og hana þarf að meðhöndla á mjög sérhæfðan hátt. Vörurnar eru viðkvæmar og þær verður að geyma og flytja við rétt skilyrði, til dæmis hvað varðar hita, raka og birtu."Distica hefur verið með ISO 9001 gæðavottun undanfarin tíu ár. Þetta segir Gylfi hafa skilað sér á margvíslegan hátt til rekstursins. Bæði í auknu afhendingaröryggi, færri villum í afgreiðslu og betri frammistöðu við afgreiðslu. Þá segir hann kerfið hjálpa til við að uppfylla rétta og eftirsóknarverða afgreiðsluhætti sem félagið leitist við að framfylgja. Í því felist að afhenda rétta vöru, í réttu magni, í réttu ástandi og á réttum tíma.„Starfsmannavelta Distica er mjög lág og margir af þeim fimmtíu starfsmönnum sem starfa hjá fyrirtækinu hafa verið þar lengi. Við höfum á að skipa góðu, hæfu og vel þjálfuðu starfsfólki með mikla reynslu í þessari starfsemi," segir Gylfi. Stefnubreytingin sem varð nú um áramótin var þó ný af nálinni og Gylfi segir starfsfólk fyrirtækisins taka breytingunum vel.„Þetta er að sjálfsögðu mikil áskorun þar sem starfsemin hefur aukist mikið á stuttum tíma. En það hefur bara eflt baráttuandann í mannskapnum og við ætlum áfram að veita afburða þjónustu á þessum markaði."
Undir smásjánni Viðtöl Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira