Fleiri fréttir

Rauðkur heitar í sumar

Sandra Olgeirsdóttir hjá Hárhönnun 101 og Iðunn Aðalsteinsdóttir litafræðingur Aveda eru nýkomnar heim frá London þar sem þær kynntu sér nýjungar í hárlitun og klippingum en þær sýna í meðfylgjandi myndskeiði nýjungar þegar kemur að hári. Appelsínurauður litur kemur sterkur inn og þrívíddarklipping. Mini Master Djamm hjá Aveda.

Cindi Lauper með Arcade Fire

Cindy Lauper, sem heldur tónleika í Hörpunni 12. júní, steig óvænt á svið með kanadísku hljómsveitinni Arcade Fire á New Orleans-djasshátíðinni fyrir skömmu. Lauper og Régina Chassagne úr Arcade Fire sungu þar saman vinsælasta lag Lauper, Girls Just Want To Have Fun, við mikinn fögnuð viðstaddra.

Vinir Sjonna hanga á bláþræði

Coming Home, íslenska laginu í Eurovision, er spáð tíunda sæti af blaðamönnum í Dusseldorf þar sem keppnin fer fram. Felix Bergsson, sérstakur fjölmiðlafulltrúi hópsins, vitnar í þekktan frasa pólitíkusa í kosningaslag og segir drengina hafa fundið fyrir miklum meðbyr að undanförnu.

Sleppur við fangelsið

Nu er komið í ljós að leikarinn Nicolas Cage sleppur við fangelsisvist eftir að hafa verið handtekinn fyrir ölvun á almannafæri í New Orleans um miðjan apríl.

Rétti tíminn er aldrei

„Ég ætla að spila fyrir alla sem vilja heyra,“ segir tónlistarmaðurinn Karl Hallgrímsson, sem ætlar að vera duglegur við spilamennsku í sumar. Hann heldur þrenna útgáfutónleika vegna fyrstu plötu sinnar, Héðan í frá, í byrjun næsta mánaðar.

Nýr framkvæmdastjóri Kraums

„Ég er hæstánægður. Þetta er afar spennandi og skemmtilegt,“ segir Jóhann Ágúst Jóhannsson sem hefur verið ráðinn framkvæmdastjóri tónlistarsjóðsins Kraums. 42 umsóknir bárust um stöðuna.

Lúxusvilla í kreppulandi

Þó svo að Argentína sé þekkt fyrir djúpa efnahagskreppu og fátækt þá er ljóst að það er engin kreppa hjá heppnum eiganda þessarar nýbyggðu lúxusvillu í Argentínu. Nútímaleg hvít villa með mjög sérstakri sundlaug sem flæðir úr garðinum og inn í húsið. Það er því hægt að stinga sér til sunds beint úr sjónvarpssófanum og synda í gegnum stofuna og út í garð. Athyglisverð hugmynd og örugglega frábært fyrir fólk í þessu heita loftslagi að geta kælt sig með því að rúlla sér úr sjónvarpssófanum í stofunni og beint ofan í ískalda sundlaug. Spurning er svo hvort klórlyktin úr lauginni sé svo endilega sá stofuilmur sem allir myndu vilja kjósa sér.

Leitaði sér aðstoðar til Þýskalands vegna stams

"Ég stama sjálfur. Ég þekki þetta vandamál mjög vel þannig að ég átti ekkert erfitt með að leika þetta,“ segir kraftakarlinn Arnar Grant. Ný auglýsing Arnars og félaga hans Ívars Guðmundssonar fyrir próteindrykkinn Hámark í leikstjórn Hannesar Þórs Halldórssonar hefur vakið mikla athygli. Þar vísa þeir á skemmtilegan hátt í Óskarsverðlaunamyndina The King"s Speech sem fjallar um baráttu Georgs VI, konung Bretlands, við stam og ótta hans við að tala opinberlega.

Lífinu ég þakka

Niðurstaða: Erfiðu og sorglegu efni gerð skil á hjartnæman og oft smellinn hátt.

Kexverksmiðjan vaknar til lífsins

Mikla athygli vakti þegar greint var frá því að nokkrir gamlir vinir og kunningjar hefðu leigt gömlu kexverksmiðjuna Frón og hyggðust opna þar gistiheimili. Um helgina voru síðan dyrnar opnaðar.

Hlæ og græt til skiptis

"Þetta er mög mikil vinna og við erum að frá morgni til kvölds. Sífellt að vekja athygli á strákunum, þó að við séum út að borða erum við líka að dreifa út nafnspjöldum og barmmerkjum,“ segir Þórunn Erna Clausen en þegar Fréttablaðið náði af henni tali var hún með smá stund milli stríða en dagskráin hjá Eurovisionhóp Íslands er þéttskipuð í Þýskalandi enda styttist óðum í að Vinir Sjonna stíga á svið í Dusseldorf.

Eruð þið ekki að grínast með píkuhálsmenin?

Já algjörlega. Mér finnst þessi ljósbleika rosa falleg, sagði Sigga Lund útvarpskona spurð hvort hún gæti hugsað sér að ganga með píkuhálsmen en hún og Ragnheiður Eiríksdóttir voru gestir í Dyngjunni í umsjá Bjarkar Eiðsdóttur og Nadiu Katrín Banine í síðustu viku þar sem píkan var aðalumræðuefnið. Hér má sjá píku-umræðuna.

Gói, Þröstur og eldfærin

Það er orðið nokkuð algengt að barnaleiksýningar brjóti hinn fræga fjórða vegg, þann ósýnilega sem skilur áhorfandann frá því sem gerist á sviðinu og leikararnir virðast yfirleitt ekki sjá í gegnum. Leikhústöfrar eru nefnilega ólíkir öðrum töfrum að því leyti að þeir eiga það til að magnast ef blekkingin er afhjúpuð og það er freistandi að vera fyrsti leikhúslistamaðurinn sem upplýsir ungan áhorfanda um þessa staðreynd. Sýningin Eldfærin er sérstaklega gott dæmi um það hversu vel þetta getur heppnast.

Gerum okkar besta og hugsum til Sjonna

Við erum með hjartað á réttum stað og ætlum að gera okkar besta og hugsa til Sjonna á meðan við erum að gera þetta, sagði Þórunn Erna Clausen sem var stödd í höllinni í Dusseldorf ásamt vinum Sjonna þegar við hringdum í hana rétt fyrir klukkan 13.30 í dag, mánudag. Kvöldið í kvöld er ekki síður mikilvægt en annað kvöld fyrir íslenska hópinn því í kvöld flytja vinir Sjonna framlag Íslands, lagið Coming home, fyrir dómara keppninnar en atkvæði dómnefndar gilda 50% á móti símakosningunni sem fer fram annað kvöld þegar fyrri undankeppni Eurovision fer fram. Heyra má viðtalið við Þórunni í meðfylgjandi myndskeiði. Hér má sjá og heyra lagið What´s Another Year sem Þórunn minnist á í viðtalinu. Sjonnibrink.is

Ný kjólalína frá Ásdísi Rán

"Ég er í Búlgaríu núna í vinnuferð fram í miðjan mánuðinn en þá fer ég til Þýskalands og þarf enn og aftur að pakka búslóðinni þar sem samningnum hans Garðars líkur í lok maí. "

Tískusýning útskriftarnema í LHÍ

Tískusýning útskriftarnemenda í fatahönnun við Listaháskóla Íslands fór fram á skírdag, fimmtudaginn 21. apríl, í portinu á Listasafni Reykjavíkur, Hafnarhúsi. Myndatökumaður Vísis var á svæðinu og myndaði sýninguna. Níu nemendur við fatahönnunardeild sýndu lokaverkefni sín; Elsa María Blöndal, Gígja Ísis Guðjónsdóttir, Guðmundur Jörundsson, Gyða Sigfinnsdóttir, Halldóra Lísa Bjargardóttir, Hjördís Gestsdóttir, Jenný Halla Lárusdóttir, Signý Þórhallsdóttir og Sigríður M. Sigurjónsdóttir.

Stífmálaðar túttur

Meðfylgjandi myndir tók Sveinbi hjá Superman.is síðasta laugardag á veitingahúsinu Nasa þar sem sumargleði á vegum Kiss í Kringlunni og Airbrush og make up skólanum fór fram fyrir fullu húsi. Þá skemmti fólk sér einnig á Hressingarskálanum.

Sumarvilla á Indlandi

Þetta framandi hús stendur við lítið fiskiþorp á suðurströnd Indlands og er sumarhús fjölskyldu sem býr í London. Þetta er drauma sumarleyfisstaður þeirra sem kjósa framandi fallega staði sem túristahópar hafa enn ekki fundið. Hver myndi ekki vilja eyða sumarfríi sinna drauma í þessu sérstaka húsið við strendur suður Indlands sem endurspeglar menningu staðarins. Arkítektarnir hjá Khosla hönnuðu húsið með það í huga að íbúarni gætu notið útsýnisins 180 gráður yfir fagur blátt hafið á þessum einstaka stað. Byggingin hvílir að mestu á fjórum veggjum sem standa fyrir opnum rýmum í allar áttir sem er ætlað að skapa næmni hússins fyrir loftslagi hitabeltisins. Þakið er útpælt í þeim tilgangi að hlífa húsinu og íbúum þess sem best við sterkri sólinni úr vestri og regntímbilinu sem gengur reglulega yfir svæðið. Innrarýmið er hannað með það í huga að skapa loftflæði frá hafinu í gegnum öll rými byggingarinnar. Til þess að skapa gott loftflæði í gegnum húsið voru hannaðir sérstakir tréflekar inn í húsið til þess að hafa mætti stjórn á því hvernig golunni frá hafinu er beint í gegnum rýminn.

Viðkvæmir ættu ekki að skoða þessar myndir

Meðfylgjandi má sjá myndir sem teknar voru af breska grínistanum og leikaranum Russell Brand spranga um á nærbrókunum einum fata á hóteli á Miami Beach 6. maí síðastliðinn. Þá má líka sjá manninn hugleiða með hárið tekið aftur í tagl og á rauða dreglinum ásamt eiginkonu sinni, söngkonunni Katy Perry.

Ekki fórstu heim til hans og ældir út um allt?

Meðfylgjandi má heyra tvær vinkonur spjalla saman á persónulegu nótunum þar sem önnur þeirra rifjar upp ævintýri helgarinnar. Um er að ræða stutt útvarpsleikrit, sem er fastur liður í útvarpsþætti Siggu Lund og Ellý Ármanns sem er á dagskrá Bylgjunnar á sunnudagskvöldum. Síða þáttarins á Facebook. Ertu virkilega að sofa hjá giftum manni? Hvaða kona vill ekki mann sem kemur henni á óvart?

Leita að goðum og gyðjum

Fegurðarsamkeppnin Goð og gyðjur verður haldin á skemmtistaðnum Spot þann 20. maí. Aðstandendur keppninnar leita nú að sex strákum og sex stelpum til að taka þátt og er útgeislun og heilbrigði eiginleikar sem þátttakendur þurfa að hafa fremur en annað.

Tolli sýnir í iPad

Listamaðurinn Tolli fagnaði útgáfu lstaverkbókarinnar Landslag hugans á Lauganesinu á föstudag. Bókin er fyrir iPad-spjaldtölvur og sú fyrsta sinnar tegundar á Íslandi.

Varð stjarnan á Fitness móti

Kristín Kristjánsdóttir sigraði Opna alþjóðlega Fitness mótið sem haldið var í Austurríki um síðustu helgi. Kristín vakti mikla athygli og var meðal annars fjallað um hana í austurríska dagblaðinu NÖN.

Hinar ótal hliðar Einars

Teikningar, líkön, hönnunarmunir og heimildir um byggingar eftir Einar Þorsteinn Ásgeirsson arkitekt eru undirstaða sýningarinnar Hugvit sem opnar í Hafnarborg í dag. Einar Þorsteinn hefur verið einn nánasti samstarfsmaður Ólafs Elíassonar undanfarin ár. Pétur Ármannsson sýningarstjóri segir hugmyndaheim Einars Þorsteins einstakan á Íslandi.

Vinum Sjonna spáð góðu gengi í Eurovision

Þýskur Eurovisionspekúlant, Jan Kuhlmann, spáir vinum Sjonna góðs gengis í söngvakeppni evrópskra sjónvarpsstöðva. Hann telur að lagið nái einu af efstu tíu sætunum. Jan segir einnig stuttlega frá sorgarsögunni um hræðilegt fráfall Sjonna Brink í meðfylgjandi myndskeiði. Þórunn Erna Clausen fagnar umfjölluninnni á Facebook síðunni sinni: Umfjöllun um Coming home á þýskri sjónvarpsstöð....þar er okkur spáð í topp 10 í úrslitunum.....verst að Þjóðverjar kjósa ekki í okkar undanriðli, þeir virðast vera ánægðir með okkur:)

Óskarshafi á Bræðslunni

Írski Óskarsverðlaunahafinn Glen Hansard, Hjálmar, Jónas Sigurðsson og Ritvélar framtíðarinnar, Vax og trúbadorinn Svavar Knútur koma fram á tónlistarhátíðinni Bræðslunni í Borgarfirði eystri helgina 22. til 24. júlí. Hansard er meðlimur hljómsveitarinnar The Frames og The Swell Season og lék einnig í kvikmyndinni The Commitments. Hann vann Óskarinn árið 2007 fyrir lagið Falling Slowly úr myndinni Once. Að jafnaði hafa rúmlega 1.000 manns sótt Borgarfjörð eystri heim Bræðsluhelgina sem er ágætis viðbót við íbúafjöldann sem telur um 120 manns. Forsala á Bræðsluna hefst 19. maí á Midi.is.

Valdimar heitasta bandið á Íslandi

Tónlistarveitan Gogoyoko hélt tónleikaröð sinni áfram á hressingarskálanum í vikunni. Hljómsveitin Valdimar hefur verið það heitasta í íslensku tónlistarlífi síðastliðin misseri. Eins og við var að búast var fullt út úr dyrum þegar hljómsveitin steig á stokk. Myndirnar tala sínu máli.

Órói hneykslar Kanadamenn

„Þetta var eins og allt þetta ævintýri, voða gaman,“ segir Baldvin Z, leikstjóri kvikmyndarinnar Órói.

Fatahönnuðir framtíðar í Central Saint Martins

Central Saint Martins skólinn í London er einn besti og virtasti fatahönnunarskóli í heimi. Atvinnu- og áhugamenn um allan heim fylgjast spenntir með nýjum hönnuðum sem útskrifast úr skólanum á hverju ári því oftar en ekki leynast þar framtíðarstjörnurnar í tískubransanum. Meðal heimsfrægra fatahönnuða sem útskrifast hafa úr skólanum er nýstirnið Sarah Burton sem skyndilega er orðin einn þekktasti fatahönnuðurinn í dag eftir að hún hannað brúðarkjól Kate Middleton. Sarah er yfirhönnuður hjá tískuhúsi Alexander McQueen en hann vakti gríðarlega athygli fyrir framúrstefnulega hönnun sína þegar hann útskrifaðist úr Central Saint Martins fyrir tveimur áratugum. Það er því ljóst að einhver af þeim ungu nýútskrifuðu fatahönnuðum úr Central Saint Martins sem sýndu úrskriftarafurðir sýnar á dögunum, sem skoða má í myndasafninu, eiga eftir að skjótast upp á stjörnuhiminninn á næstu árum.

Mæðgur með nýtt lag

Söngkonan Madonna hefur tekið upp lagið It"s So Cool með dóttur sinni Lourdes sem er fjórtán ára. Lagið verður annað hvort á næstu plötu Madonnu eða á plötu með lögum úr fyrsta leikstjórnarverkefni hennar, kvikmyndinni W.E.

Travolta-hjónin sameinuð á hvíta tjaldinu

Leikarinn John Travolta, eiginkona hans Kelly Preston og dóttir þeirra Ella Bleu sameinast öll á hvíta tjaldinu í kvikmynd um mafíuforingjann John Gotti, Gotti: Three Generations. Þetta kom fram á blaðamannafundi í vikunni þar sem leikaralisti myndarinnar var kynntur en tökur eru að hefjast þessa dagana.

Bjartsýn á framhaldið þrátt fyrir viðbjóðinn

Það lítur allt út fyrir að Sandra Hlíf Ocares sé á bjartsýnislyfjum en hún er staðráðin í að gera hústökuhúsið upp og flytja inn í það með stelpunum sínum tveimur innan þriggja vikna.

Sheen langar að skemmta Evrópu

Charlie Sheen hefur í hyggju að fara með einleikinn sinn á ferðalag um Evrópu og Asíu. Leikarinn lauk nýverið ferðlagi sínu um Bandaríkin og Kanada en sýningin My Violent Torpedo Of Truth/Death Is Not An Option hlaut misjafnar viðtökur. Sheen hefur verið mikið í fjölmiðlum að undanförnu eftir að hann sagði framleiðendum sjónvarpsþáttarins Two and Half Men stríð á hendur og var í kjölfarið rekinn. Síðan þá hefur líf leikarans umturnast, hann fer mikinn á netinu og áðurnefnd sýning þykir nokkuð sérstök.

Pirruð yfir langri bið

Breska söngkonan Kate Bush er mjög pirruð yfir því hversu langan tíma það tekur hana að gera hverja plötu. Síðasta plata hennar, Aerial, kom út árið 2005. Þar áður gaf hún út The Red Shoes árið 1993. Í viðtali við BBC segist hún hafa samið slatta af nýjum lögum en vita ekki hvenær þau komi út. "Það er pirrandi hve plöturnar eru lengi í vinnslu. Ég vildi óska að það væri ekki svona löng bið á milli þeirra,“ sagði hún og vildi ekki meina að hún væri með fullkomnunaráráttu. Síðar í þessum mánuði kemur út platan Director"s Cut sem hefur að geyma lög af plötunum The Sensual World og The Red Shoes.

Kemst Ísland áfram í Eurovision?

Vinir Sjonna verða fjórtándu á svið í fyrri forkeppni í söngvakeppni evrópskra sjónvarpsstöðva næsta þriðjudag 10. maí.

Blóðug hjálparhella hreinsar hústökuhúsið

Eins og meðfylgjandi myndband sýnir mættu vinir Söndru til hennar í dag, laugardag, og hjálpuðu henni að hreinsa draslið úr garðinum og innan úr húsinu en útgangurinn var vægast sagt ævintýralegur þegar Sandra fékk það afhent.

Sýnir sér ósýnilegar myndir

Í dag opnar Halldór Dungal myndlistasýningu á Gallerí-Bar 46 við Hverfisgötuna. Sýningin er athyglisverð því Halldór er blindur og hefur því ekki séð verkin sem hann málar.

Íslendingar á The Great Escape

Hljómsveitin Retro Stefson og tónlistarkonurnar Lára Rúnarsdóttir og Ólöf Arnalds koma fram á tónlistarhátíðinni The Great Escape í Brighton á Englandi í næstu viku.

Svölustu sportbílar framtíðar

Hönnuðir helstu sportbílaframleiðanda heims keppast um að hanna framúrstefnulegastu sportbíla heims nú sem aldrei fyrr. Í meðfylgjandi myndasafni gefur að líta margt af því ferskasta sem er í gangi hjá sportbílahönnuðum meðal annars frá; Benz, BMW, Ferrari, Audi, Porsche, Lexus, Mazda, Saab og Range Rover. Margir þessara bíla er komnir af hugmyndastiginu og í hendurnar á heppnum eigendum.

Glamúrgellur í kvikmyndaleik

Tökur á undirheimakvikmyndinni Svartur á leik eru hafnar. Myndin byggir á samnefndri bók Stefáns Mána um undirheimana í Reykjavík, eiturlyf, handrukkanir og kynlíf.

Lady Gaga vísar guðlasti á bug

Lady Gaga-maskínan virðist eitthvað vera farin að hiksta. Eftir fáránlega velgengni að undanförnu hefur nýjasta efninu hennar verið tekið fremur fálega. Og nýjasta myndbandið hennar virðist ekki ætla að valda þeim deilum sem lágu í loftinu.

Sjá næstu 50 fréttir

Mest lesið