Maradona: Kæmi mér ekki á óvart ef Guardiola færi til Chelsea

Diego Armando Maradona segir að það myndi ekki koma sér neitt stórkostlega á óvart ef Pep Guardiola myndi taka við Chelsea.

Arsenal náði þriðja sætinu | Bolton féll úr úrvalsdeildinni

Það kom í hlut Grétars Rafns Steinssonar og félaga í Bolton Wanderers að falla úr ensku úrvalsdeildinni í dag. Arsenal náði síðan hinu mikilvæga þriðja sæti með naumum sigri á WBA.

Manchester United vann Sunderland en það dugði ekki til

Manchester United bar sigur úr býtum gegn Sunderland 1-0 á útivelli með marki frá Wayne Rooney í fyrri hálfleik. Sigurinn dugði þeim aftur á móti ekki þar sem Manchester City vann ótrúlegan sigur á QPR 3-2 á heimavelli.

Eins og í lygasögu | Tvö mörk City í uppbótartíma

Manchester City tryggði sér Englandsmeistaratitilinn á ótrúlegan hátt í dag. Liðið þurfti tvö mörk til þess að tryggja sér titilinn þegar venjulegur leiktími var liðinn í leik þeirra gegn QPR. City tókst hið ótrúlega og er Englandsmeistari. Þetta er fyrsti Englandsmeistaratitill City í 44 ár og sá titill vinnst á markatölu.

Man. Utd vill að Rio taki á sig mikla launalækkun

Samningaviðræður Rio Ferdinand og Man. Utd um nýjan samning ganga ekki vel þar sem félagið vill að Rio taki á sig ansi veglega launalækkun.

Skrtel sagður vilja losna frá Liverpool

Slóvakinn Martin Skrtel vill komast frá Liverpool og mun reyna að fá sig lausan í sumar að því er vefsíðan goal.com segir.

Mancini: Við töpuðum aldrei trúnni

Þó svo Roberto Mancini, stjóri Man. City, hafi ítrekað lýst því yfir opinberlega á síðustu vikum að Man. Utd væri búið að vinna ensku deildina þá segir hann leikmenn liðsins aldrei hafa tapað trúnni.

Ferguson: Mikil áskorun fyrir City

Sálfræðistríðinu á milli Man. Utd og Man. City er ekki lokið enda einn leikur eftir. Sir Alex Ferguson, stjóri Man. Utd, hefur minnt City á að það gæti haft ófyrirsjáanlegar afleiðingar fyrir þá takist liðinu ekki að vinna titilinn núna.

City einum sigri frá titlinum

Manchester-liðin keppa um enska meistaratitilinn í lokaumferð ensku úrvalsdeildarinnar á morgun. Man. City er ofar á betri markatölu (+ 8 mörk) og ætti því að öllu eðlilegu að nægja sigur á heimavelli á móti Heiðari Helgusyni og félögum í QPR nema að Man. United taki upp á því að vinna risasigur á útivelli á móti Sunderland.

Vincent Kompany besti leikmaðurinn - Pardew stjóri ársins

Alan Pardew, stjóri Newcastle United, hefur verið valinn besti stjóri tímabilsins í ensku úrvalsdeildinni en hann hefur verið maðurinn á bak við frábært gengi Newcastle í vetur. Vincent Kompany, fyrirliði Manchester City, var við sama tækifæri kosinn besti leikmaður deildarinnar á þessu tímabili.

Sir Alex: Vonandi gera City-menn eitthvað heimskulegt á sunnudaginn

Sir Alex Ferguson, stjóri Manchester United, bindur vonast til þess eins og allir United-menn að nágrannarnir í Manchester City misstígi sig í lokaumferð ensku úrvalsdeildarinnar á sunnudaginn og gefi United-liðinu tækifæri að vinna þrettánda meistaratitilinn undir stjórn Sir Alex.

Berbatov líklega á leiðinni til Þýskalands

Nokkuð er síðan búlgarska framherjanum Dimitar Berbatov var gert það ljóst að hann yrði seldur frá Man. Utd í sumar. Leikmaðurinn er eðlilega ósáttur við það en vill engu að síður ekki spila með öðru félagi í ensku úrvalsdeildinni.

Newcastle á eftir Elia

Hollendingurinn Eljero Elia hefur farið fram á að losna frá Juventus og nú þegar eru lið farin að bera víurnar í hann. Hann gæti spilað áfram í röndóttu því Newcastle er eitt þeirra liða sem hefur áhuga á honum.

Kjúklingabændurnir ætla ekki að selja Blackburn

Það hefur ekkert gengið hjá Blackburn síðan indversku kjúklingabændurnir í Venky's keyptu félagið. Botninum hefur verið náð í bili þar sem félagið er fallið úr ensku úrvalsdeildinni.

Toure: Ætla að hjálpa City að verða besta lið heims

Yaya Toure er með stóra drauma fyrir lið Man. City en hann vill að félagið haldi áfram að bæta í og hætti ekki fyrr en það verði besta félagslið heims.

Solbakken tekur við Úlfunum

Úlfarnir eru búnir að finna stjóra til þess að stýra liðinu í B-deildinni næsta vetur. Norðmaðurinn Stale Solbakken hefur verið ráðinn nýr stjóri.

Defoe líður eins og leikmanni unglingaliðs Tottenham

Jermain Defoe, framherji Tottenham, hefur staðfest að hann hafi farið fram á að vera lánaður frá félaginu janúar síðastliðnum.

Nýr búningur Man. Utd þykir minna á borðdúk

Stuðningsmenn Man. Utd eru allt annað en sáttir við búninginn sem Nike ætlar að láta liðið spila í næsta vetur.

Dembele afar eftirsóttur

Það er afar ólíklegt að Fulham muni halda Moussa Dembele í sumar enda eru flest bestu félög Englands með leikmanninn í sigtinu fræga.

Hermann farinn frá Coventry

Coventry City staðfesti á heimasíðu sinni í dag að Hermann Hreiðarsson væri einn fjögurra leikmanna félagsins sem fengi ekki nýjan samning hjá félaignu.

Stefnir í mikinn slag um þjónustu Gylfa í sumar

Brendan Rodgers, stjóri Swansea, hefur staðfest að félagið ætli sér að reyna að kaupa Gylfa Þór Sigurðsson í sumar. Það verður þó ekki auðvelt því fjöldi félaga hefur áhuga á Gylfa.

Rio vill fá greiða frá litla bróður

Rio Ferdinand, varnarmaður Man. Utd, hefur hringt reglulega í bróðir sinn, Anton sem spilar með QPR, og hvatt hann til dáða fyrir leikinn gegn Man. City á sunnudag.

O'Shea ekki ánægður með Mancini

John O'Shea, varnarmaður Sunderland og fyrrum leikmaður Man. Utd, er ekki ánægður með þau ummæli Roberto Mancini, stjóra Man. City, að Man. Utd eigi fram undan auðveldan leik gegn Sunderland á sunnudag.

King á leið undir hnífinn

Hnévandræði Ledley King, varnarmanns Tottenham, virðast ekki ætla að taka neinn enda og hann þarf að fara í enn eina aðgerðina í sumar.

Hernandez spilar ekki með Mexíkó á ÓL í sumar

Manchester United hefur náð samkomulagi við knattspyrnusamband Mexíkó um að hvíla framherjann Javier Hernandez í sumar. Hann mun því ekki spila með Mexíkó á Ólympíuleikunum í sumar.

Moses vill spila með stærra félagi

Hinn magnaði framherji Wigan, Victor Moses, ætlar að yfirgefa félagið í sumar. Umboðsmaður hans segir að leikmaðurinn sé tilbúinn fyrir næsta skref á sínum ferli.

Carroll þakkar Dalglish traustið

Framherji Liverpool, Andy Carroll er þakklátur stjóra sínum, Kenny Dalglish, fyrir að standa með sér í vetur þó svo hann hafi átt mjög erfitt uppdráttar.

Mancini: Yaya Toure eins og Ruud Gullit

Roberto Mancini, stjóri Manchester City, hefur líkt Fílbeinsstrendingnum Yaya Toure við Ruud Gullit þegar sá síðarnefndi var upp á sitt besta með AC Milan og hollenska landsliðinu. Yaya Toure hefur spilað stórt hlutverk hjá City í vetur og skoraði bæði mörkin í mikilvægum sigri á Newcastle um síðustu helgi.

Blackpool í úrslitaleikinn á móti West Ham

Blackpool tryggði sér í kvöld sæti í úrslitaleiknum um laust sæti í ensku úrvalsdeildinni á næsta tímabili þegar náði 2-2 janftefli á útivelli á móti Birmingham í seinni leik liðanna í undanúrslitunum umspilsins í ensku b-deildinni. Blackpool komst í 2-0 og þar með í 3-0 samanlagt en Birmingham setti spennu í leikinn með því að jafna metin. Birmingham þurfti hinsvegar að skora tvö mörk til viðbótar en það tókst ekki og Blackpool komst áfram.

Cissé dreymir um að spila fyrir Real Madrid

Papiss Cissé hefur heldur betur slegið í gegn í enska boltanum í vetur með Newcastle. Hann hefur skorað 13 mörk í 13 leikjum með liðinu.

Wilkins tekinn ölvaður undir stýri

Ray Wilkins, fyrrum knattspyrnustjarna sem er sérfræðingur hjá Sky-sjónvarpsstöðinni í dag, er í ekkert allt of góðum málum eftir að hann var tekinn ölvaður undir stýri.

Landsliðsþjálfari Bosníu vill að Dzeko skipti um félag

Landsliðsþjálfari bosníska landsliðsins, Safet Susic, hefur hvatt framherjann Edin Dzeko til þess að fara frá Man. City svo ferillinn hjá honum fari ekki í rugl.

Barton: Get ekki beðið eftir að mæta Man. City

Ef Man. City ætlar að verða enskur meistari um helgina þá þarf liðið fyrst að komast í gegnum Joey Barton sem ætlar heldur betur að láta sitt gamla félag hafa fyrir hlutunum.

Juve dreymir enn um Van Persie

Áhugi ítölsku meistaranna í Juventus á fyrirliða Arsenal, Robin van Persie, hefur ekkert dvínað þó svo félagið sé ekki enn búið að gera tilboð í Hollendinginn.

Mancini: VIð erum með tvo putta á titlinum

Roberto Mancini, stjóri Man. City, hefur loksins viðurkennt að Man. City sé í frábærri stöðu til þess að vinna enska meistaratitilinn. Skal svo sem engan undra þar sem sigur á QPR tryggir City titilinn.

Di Matteo: Liverpool skoraði á réttum tíma

Roberto di Matteo, stjóri Chelsea, sá sína menn steinliggja á móti Liverpool á Anfield í kvöld. Hann stillti upp hálfgerðu varaliði sem náði ekki að fylgja eftir sigrinum á Liverpool í bikarúrslitaleiknum á laugardaginn.

Dalglish: Ég vona að stuðningsmennirnir hafi farið ánægðir heim

Kenny Dalglish, stjóri Liverpool, horfði upp á sína menn vinna sannfærandi 4-1 sigur á Chelsea í ensku úrvalsdeildinni í kvöld aðeins þremur dögum eftir að Liverpool tapaði fyrir Chelsea í bikarúrslitaleiknum á Wembley.

Liverpool aðeins búið að nýta 1 af 6 vítum í ensku deildinni í vetur

Stewart Downing tókst ekki á nýta vítaspyrnu í 4-1 sigri Liverpool á Chelsea í ensku úrvalsdeildinni í kvöld og er það enn ein vítaspyrnan sem forgörðum hjá Liverpool á tímabilinu.

Liverpool tók nýkrýnda bikarmeistara Chelsea í kennslustund

Liverpool hefndi fyrir tapið á móti Chelsea í bikarúrslitaleiknum á Wembley á laugardaginn með því að rúlla yfir nýkrýnda bikarmeistara á Anfield í kvöld. Liverpool vann leikinn 4-1 og er nú aðeins einu stigi á eftir nágrönnunum í Everton fyrir lokaumferðina.

Mirror: Guardiola hafnaði 2,4 milljörðum á ári frá Chelsea

Enska slúðurblaðið Mirror heldur því fram að Pep Guardiola, fráfarandi þjálfari Barcelona, hafi hafnað risatilboði um að taka við Chelsea-liðinu í sumar.

Nick Barmby rekinn eftir aðeins sex mánuði í starfi

Nick Barmby, fyrrum leikmaður Everton, Liverpool og Leeds United, entist ekki lengi í sínu fyrsta stjórastarfi en hann tók við liði Hull City í nóvember. BBC sagði frá því að hann hafi verið látinn taka pokann sinn eftir fund með eigendunum í morgun.

Hazard fór á leik Manchesterliðanna

Belginn Eden Hazard kann því greinilega vel að vera einn eftirsóttasti leikmaður Evrópu og hann ætlar að draga það á langinn að greina frá því hvert hann fari í sumar.

Vertonghen líklega á leiðinni til Spurs

Jan Vertonghen, félagi Kolbeins Sigþórssonar hjá Ajax, hefur gefið sterklega til kynna að hann sé á leiðinni til Tottenham í sumar. Þessi belgíski varnarmaður var frábær í vetur og var valinn besti leikmaður hollensku úrvalsdeildarinnar.

Cisse: Yrði sæt hefnd fyrir Hughes að vinna Man. City

Rimma QPR og Man. City er áhugaverð fyrir margar sakir og ekki síst fyrir þá staðreynd að þar þarf City að leggja stjórann sem var rekinn frá City til þess að koma Roberto Mancini að.

Íslendingar hvöttu Ferguson til þess að kaupa Gylfa Þór

Íslenskir feðgar - Auðunn Atli Sigurðsson og Hrannar Helgi Auðunsson - vöktu athygli á Old Trafford, heimavelli Man. Utd, á dögunum er þeir voru mættir til þess að sjá leik United og Swansea.