Sara með fernu fyrir Blika og Laufey með tvö í fyrsta leik

Sara Björk Gunnarsdóttir skoraði fernu í 10-0 sigri Blikastúlkna á Keflavík í Pepsi-deild kvenna í kvöld og Lauifey Ólafsdóttir skoraði tvö mörk fyrir Val í sínum fyrsta leik síðan 2005.

Þorsteinn tekur við liði Þróttar - Eysteinn aðstoðar

Þorsteinn Halldórsson og Eysteinn Pétur Lárusson munu taka við þjálfun Þróttar í Pepsi-deild karla en Gunnar Oddson hætti með liðið í kvöld. Þetta kemur fram á heimasíðu félagsins.

Þýsku meistararnir búnir að kaupa Obafemi Martins

Þýsku meistararnir í Wolfsburg eru búnir að kaupa nígeríska framherjan Obafemi Martins frá Newcastle fyrir 10,5 milljónir enskra punda samkvæmt Sky Sports.

Fabregas tryggði Arsenal 1-0 sigur á Hannover

Cesc Fabregas, fyrirliði Arsenal, skoraði eina markið í æfingaleik liðsins á móti þýska liðinu Hannover 96 í kvöld.

Bayern skoraði fjögur mörk gegn AC Milan í kvöld

Bayern Munchen tryggði sér sæti í úrslitaleik Audi-bikarsins á móti Manchester United á morgun með því að vinna 4-1 sigur á ítalska liðinu AC Milan í kvöld. Tvö marka Bayern komu á tveimur síðustu mínútum leiksins.

Mateja jafnaði nánast með síðustu spyrnu leiksins

Mateja Zver tryggði Þór/KA jafntefli með marki á fjórðu mínútu í uppbótartíma þegar Þór/KA og Fylkir gerðu 3-3 jafntefli í Pepsi-deild kvenna í kvöld.

Pálmi Rafn skoraði mikilvægt útivallarmark í kvöld

Pálmi Rafn Pálmason skoraði mikilvægt mark fyrir Stabæk í undankeppni Meistaradeildarinnar í kvöld þegar liðið tapaði 1-3 á útivelli fyrir danska meisturunum í FC Kaupmannahöfn.

Ólafur Þór Gunnarsson í markið hjá Fylkismönnum

Ólafur Þór Gunnarsson mun taka fram markmannshanskana á ný og verja mark Fylkismanna það sem eftir lifir af tímabilinu en Fjalar Þorgeirsson markvörður liðsins, handarbrotnaði í síðasta leik.

Fyrstu mörk Anderson og Valencia tryggðu United sigur á Boca

Manchester United vann 2-1 sigur á argentínska liðinu Boca Juniors í undanúrslitaleik Audi-bikarsins sem fer nú fram í Munchen í Þýskalandi. United mætir annaðhvort AC Milan eða Bayern Munchen í úrslitaleiknum á morgun.

Michael Essien: Meiðslin gerðu mig að betri leikmanni

Chelsea maðurinn Michael Essien segir að hann sé miklu sterkari andlega og betri leikmaður eftir að hafa þurft að ganga í gegnum erfið meiðsli á síðasta tímabili. Essien sleit liðbönd í hné í landsleik í september en snéri til baka undir lok tímabilsins og hjálpaði Chelsea að vinna bikarinn.

Hull vann í vítakeppni - mætir Tottenham í úrslitaleik

Hull City mætir Tottenham í úrslitaleik Asíu-æfingamótsins eftir sigur á heimaliðinu Guoan frá Peking í vítakeppni. Leikur liðanna endaði með 1-1 jafntefli en Hull vann vítakeppnina 5-4.

Frá Sádi-Arabíu til Ólafsvíkur

Slóveninn Darko Kavcic mun stýra 1. deildarliði Víkings frá Ólafsvík út yfirstandandi tímabil. Ólafsvíkingar eru í mjög slæmri stöðu í neðsta sæti deildarinnar en Kristinn Guðbrandsson var rekinn sem þjálfari liðsins.

Laufey Ólafsdóttir með Val út tímabilið

Laufey Ólafsdóttir mun leika með kvennaliði Vals út þetta tímabil en vefsíðan Fótbolti.net greinir frá þessu. Laufey er í leikmannahópi Valsliðsins sem mætir GRV í Grindavík í kvöld.

Rúmlega 80 milljón punda verðmiði á Ribery

Keisarinn sjálfur Franz Beckenbauer hefur ítrekað að Frakkinn Franck Ribery verði áfram í herbúðum Bayern München nema að eitthvað félag sé tilbúið að borga 94 milljónir evra sem samsvara um 80,5 milljónum punda fyrir leikmanninn.

Hleb hættur við að fara til Inter - Velur Stuttgart frekar

Samkvæmt Gazzetta dello Sport hætti Hvítrússinn Alexander Hleb á síðustu stundu við að fara til Inter en Ítalíumeistararnir voru búnir að ná samkomulagi við Barcelona um árs lán á leikmanninum og var það hluti af samningnum í leikmannaskiptunum á Zlatan Ibrahimovic og Samuel Eto'o.

Willum til í að skoða það sem býðst

Willum Þór Þórsson segist vera tilbúinn að skoða það ef stjórn Þróttar myndi hafa áhuga á að fá sig sem þjálfara.

Páll Einarsson: Ég verð áfram í Árbæ

Allt útlit er fyrir að Gunnar Oddsson hafi stýrt sínum síðasta leik með Þrótti. Þegar eru komin nokkur nöfn í umræðuna þegar rætt er um hver taki við stjórnartaumunum í Laugardal. Eitt af þeim nöfnum er Páll Einarsson, fyrrum fyrirliði Þróttar og núverandi aðstoðarmaður Ólafs Þórðarsonar hjá Fylki.

Erna Björk valin best í umferðum 7-12

Blikastúlkan Erna Björk Sigurðardóttir var valin besti leikmaður umferða 7-12 í Pepsi-deild kvenna og Gary Wake hjá Breiðaliki var valinn besti þjálfari umferðanna.

Fylkismenn athuguðu Þórð Ingason

Ólafur Þórðarson, þjálfari Fylkis, sagði í samtali við Vísi að ekkert væri ljóst í markmannsmálum liðsins. Árbæingar leita að markverði til að fylla skarð Fjalars Þorgeirssonar sem verður frá næstu vikurnar vegna handleggsbrots.

Lokadagur félagsskipta er 31. júlí

Samkvæmt reglugerð KSÍ um félagsskipti, samninga og stöðu leikmanna og félaga eru félagsskipti innanlands ekki heimil frá og með 1. ágúst til og með 20. febrúar.

Portsmouth reynir að fá Zaki

Samkvæmt umboðsmanni Egyptans Amr Zaki er hann nú í viðræðum við enska úrvalsdeildarfélagið Portsmouth um félagsskipti fyrir framherjann til Englands.

Tottenham vann West Ham í Kína

Það var boðið upp á Lundúnaslag í opnunarleik Asíu-bikars æfingarmótsins í dag þegar Tottenham vann West Ham 1-0 í Peking í Kína.

Leikið í Pepsi-deild kvenna í kvöld

Fjórir leikir fara fram í Pepsi-deild kvenna í kvöld þar sem fimm efstu liðin í deildinni verða öll í eldlínunni. Topplið Vals heimsækir GRV til Grindavíkur en Íslandsmeistararnir hafa leikið vel undanfarið og sýndu klærnar svo eftir var tekið á móti ÍR í síðustu umferð og unnu 8-0.

Liverpool staðfestir söluna á Arbeloa til Real Madrid

Liverpool og Real Madrid hafa náð samkomulagi um kaupverð á Spánverjanum Alvaro Arbeloa en talið er að það sé í krinum 3,5 milljónir punda.

Toure búinn að semja við City

Samkvæmt heimildum Sky Sports fréttastofunnar er varnarmaðurinn Kolo Toure búinn að semja við Manchester City og á aðeins eftir að gangast undir læknisskoðun hjá félaginu.

O'Neill: City gæti unnið og ætti að vinna deildina

Knattspyrnustjórinn Martin O'Neill hjá Aston Villa telur að mannskapurinn sem Manchester City er komið með og á líklega eftir að bæta við gæti vel nægt til þess að félagið myndi vinna ensku úrvalsdeildina á næsta tímabili.

Torres: Ekki selja Alonso

Framherjinn Fernando Torres hjá Liverpool er hræddur um landi sinn Xabi Alonso fari til Real Madrid ef marka má nýlegt viðtal við kappann í götublaðinu The Sun en hann hvetur þar forráðamenn Liverpool til þess að gera allt til að halda miðjumanninum áfram á Anfield.

City ekki tilbúið að gefa Lescott upp á bátinn

Samkvæmt heimildum Sky Sports fréttastofunnar ætla forráðamenn Manchester City að leggja fram nýtt kauptilboð í varnarmanninn Joleon Lescott en Everton hafnaði á dögunum 15 milljón punda kauptilboði í leikmanninn.

Ronaldo búinn að opna markareikninginn fyrir Real

Portúgalinn Cristiano Ronaldo skoraði sitt fyrsta mark fyrir Real Madrid í kvöld eftir að hann kom til liðsins frá Manchester United fyrir metupphæð.

Haukar upp í annað sætið og langþráður Skagasigur

Haukar komust upp í annað sætið í 1. deild karla í kvöld á sama tíma og Skagamenn unnu sinn fyrsta sigur í heilan mánuð.

Agnar Bragi: Tileinka þetta mark ömmu minni

Varnarturninn Agnar Bragi Magnússon skoraði sigurmark Selfyssinga gegn Víkingi í kvöld. Hann fagnaði markinu af mikilli innlifun, reif sig úr að ofan og benti til himins.

Umfjöllun: Agnar Bragi tryggði Selfossi sigur á Víkingum

Selfyssingar stigu enn eitt skrefið í átt að úrvalsdeild í kvöld þegar þeir unnu 2-1 útisigur á Víkingi Reykjavík. Fyrir leikinn höfðu Víkingar unnið fjóra leiki í röð í deildinni. Eftir úrslit kvöldsins er Selfoss með sjö stiga forystu í deildinni.

Stiga- og markalaust hjá Akureyrarliðunum í kvöld

Akureyrarliðin KA og Þór töpuðu bæði leikjum sínum í 1. deild karla, KA á heimavelli á móti Leikni og Þór á útivelli á móti ÍR.

Villa ánægður með að vera áfram hjá Valencia

David Villa segist vera ánægður með að vera áfram hjá Valencia þrátt fyrir að um tíma hafi mörg stærstu fótboltafélög heims verið á eftir honum.

Annar sigur KR-kvenna í röð - hefndu fyrir tap í fyrri umferðinni

KR vann 3-0 sigur á Aftureldingu/Fjölni í fyrsta leik fimmtándu umferðar Pepsi-deildar kvenna á KR-velli í kvöld. KR var 2-0 yfir í hálfleik.

Þrír fyrirliðar í Pepsi-deildinni í banni í næsta leik

Þrír fyrirliðar eru meðal þeirra fjórtán leikmanna úr Pepsi-deild karla sem voru úrskurðaðir í leikbann á fundi aganefndar KSÍ í dag. Þetta eru þeir Davíð Þór Viðarsson, fyrirliði FH, Orri Freyr Hjaltalín, fyrirliði Grindavíkur og Daníel Laxdal, fyrirliði Stjörnunnar.

Markalaust hjá FH-bönunum á heimavelli

FH-banarnir í FK Aktobe frá Kasakhstan náðu aðeins markalausu jafntefli á heimavelli á móti Maccabi Haifa frá Ísrael í fyrri leik liðanna í 3. umferð undankeppni Meistaradeildar Evrópu í dag.

Steve Finnan til Portsmouth

Írski bakvörðurinn Steve Finnan, fyrrum leikmaður Liverpool, hefur ákveðið að ganga til liðs við Portsmouth. Mun hann fylla skarð Glen Johnson sem er farinn til Liverpool.

Fengu árs bann fyrir að ráðast á dómara

Tveir leikmenn 3. deildarliðsins Afríku voru í dag dæmdir í eins árs keppnisbann af aga- og úrskurðarnefnd KSÍ. Þeir réðust á dómara sem dæmdi leik Afríku og Ýmis á Leiknisvelli í gær.

Fjalar á leið í aðgerð - Fylkir í markmannsleit

Fjalar Þorgeirsson, markvörður Fylkis, er á leið í aðgerð sem á að flýta fyrir bata hans en frá þessu greinir vefsíðan Fótbolti.net. Ekki er alveg ljóst hve lengi Fjalar verður frá en Fylkismenn eru í leit að markverði til að fylla hans skarð.

Gunnar Oddsson: Ég er þjálfari liðsins í dag

„Það er óbreytt ástand," sagði Gunnar Oddsson, þjálfari Þróttar, þegar Vísir náði í hann áðan og spurði út í stöðu mála. Gunnar sagði við fjölmiðla í gær að hann væri að íhuga sína framtíð hjá félaginu eftir tapleik gegn KR.

Gunnar Már: Crewe er spennandi kostur

„Ég veit ekki alveg hvar málin standa," segir Gunnar Már Guðmundsson, leikmaður Fjölnis, sem er sterklega orðaður við Crewe í enskum fjölmiðlum. Guðjón Þórðarson, stjóri Crewe, segist vera nálægt því að krækja í Gunnar.

Breiðablik, Fjölnir og Stjarnan fá leyfi til að ræða við Ólaf Pál

Ólafur Páll Snorrason er að öllum líkindum á leið frá Val. Breiðablik, Fjölnir og Stjarnan hafa öll fengið leyfi frá Hlíðarendaliðinu til að ræða við leikmanninn.

Eto'o: Kyssi ekki merkið, læt frekar verkin tala á vellinum

Kamerúnmaðurinn Samuel Eto'o var í dag kynntur fyrir stuðningsmönnum Inter eftir að félagsskipti hans frá Barcelona gengu í gegn.

Dossena nálgast endurkomu til Ítalíu

Samkvæmt umboðsmanni Ítalans Andrea Dossena hjá Liverpool er fátt sem getur komið í veg fyrir að leikmaðurinn snúi aftur á heimaslóðir í sumar. En Serie A-félagið Napólí er búið að ná samkomulagi við Liverpool um kaupverð sem er talið nema um 4,3 milljónum punda.