Hungurverkfall Pesoli á enda

Ítalski knattspyrnumaðurinn Emanuele Pesoli batt í gær enda á vikulangt hungurverkfall sitt. Pesoli var í síðustu viku dæmdur í þriggja ára bann frá knattspyrnu fyrir sinn þátt í hagræðingu úrslita í leik með Siena í ítölsku deildakeppninni.

Yfir hundrað Íslendingar fara utan að sjá Gunnar

"Við ætlum að fara út, styðja Gunna og hafa gaman,“ segir Jón Viðar Arnþórsson, formaður Mjölnis, um áætlaða ferð félagsins á fyrsta UFC-bardaga Gunnars Nelson. UFC eru stærstu samtök heims í blönduðum bardagalistum og gerði Gunnar samning við þá nýlega, fyrstur Íslendinga.

Snorri Steinn: Þetta var þungt högg í andlitið

„Það er ekkert mikið að frétta sem stendur en öll hjól eru eðlilega í fullum gangi. Ég er að vega og meta stöðuna. Það þarf að huga að mörgu fyrir framtíðina. Þetta er engin óskastaða þegar tímabilin eru að hefjast úti um alla Evrópu," sagði Snorri Steinn Guðjónsson en hann er atvinnulaus um þessar mundir.

Lars Lagerbäck: Gunnleifur og Hannes eru mjög jafnir

Lars Lagerbäck, þjálfari íslenska landsliðsins, hrósaði markvörðunum Gunnleifi Gunnleifssyni og Hannesi Þór Halldórssyni á blaðamannafundi eftir sigurinn á Færeyjum í gær. Hannes hefur byrjað leikina að undanförnu en Gunnleifur fékk tækifærið í gærkvöldi og hélt hreinu.

Arftaki Guðmundar kynntur í næstu viku

Einar Einarsson, formaður landsliðsnefndar HSÍ, staðfesti við Fréttablaðið í gær að nýr landsliðsþjálfari karlalandsliðsins yrði tilkynntur í næstu viku.

Nær Þór/KA sex stiga forskoti?

Þór/KA getur stigið stórt skref í átt að fyrsta Íslandsmeistaratitli sínum í kvöld þegar liðið sækir Breiðablik heim á Kópavogsvöllinn. Þór/KA, sem er búið að vinna fimm af síðustu sex leikjum sínum, nær sex stiga forskoti á Íslandsmeistara Stjörnunnar með sigri en aðeins fjórar umferðir eru eftir.

Veiðitölur LV: Aldrei minni veiði síðan talningar hófust

Nú – um miðjan ágúst – er svo komið að heildar aflatölur úr lykilánum okkar 25 eru þær lægstu síðan við byrjuðum að skrá þessa vikuveiði. Sumaraflinn hingað til er aðeins 14.309 laxar, móti 15.871, sem var árið 2007 og er næstminnsta veiðin,“ segir Þorsteinn Þorsteinsson á Skálpastöðum í stuttu skeyti sem fylgir veiðitölum Landssambands veiðifélaga þessa vikuna.

Vilja hlífa tveggja ára fiski en drepa urriðann

Forsvarsmenn Stangaveiðifélagsins Flúða biðla til veiðimanna í Fnjóská að hlífa tveggja ára fiski og smáhrygnum en drepa urriða. Þetta kemur fram á vef félagsins.

Umfjöllun og viðtöl: Ísland - Færeyjar 2-0 | Fyrsti sigur Lagerbäck í höfn

Íslenska landsliðið í fótbolta vann sinn fyrsta leik undir stjórn Lars Lagerbäck þegar liðið lagði Færeyinga að velli, 2-0, á Laugardalsvellinum í kvöld. Eftir töp í fjórum fyrstu leikjunum á útivelli móti sterkum þjóðum tókst íslensku strákunum að landa sigri í frumraun Svíans í Laugardalnum. Sigurinn var fyrir öllu því frammistaðan var ekki alltof sannfærandi sérstaklega í seinni hálfleiknum.

Lakers þarf að borga tugi milljarða í lúxusskatt vegna Howard og Nash

Los Angeles Lakers hefur styrkt sig mikið fyrir komandi tímabil í NBA-deildinni í körfubolta því félagið krækti í stjörnuleikmennina Dwight Howard og Steve Nash í sumar. Fyrir eru kappar eins og Kobe Bryant og Pau Gasol og því verður Lakers-liðið sannkallað stjörnulið næsta vetur.

Fyrsti sigurinn undir stjórn Lars - myndir

Íslenska karlalandsliðið í knattspyrnu vann í kvöld sinn fyrsta sigur undir stjórn Svíans Lars Lagerbäck. Íslandi lagði þá Færeyjar, 2-0.

Kolbeinn: Er ekki kominn í toppform

"Við erum ánægðir með sigurinn, það er jákvæði punkturinn í leiknum að við náðum loksins að sigra en eins og flestir sáu þá var þetta ekki nógu góður leikur hjá okkur og tempóið ekki nógu hátt. Við verðum að taka jákvæðu punktana úr leiknum og vinna í þeim neikvæðu, þá er ég nokkuð bartsýnn fyrir Noregs leikinn," sagði Kolbeinn Sigþórsson framherji Íslands sem skoraði bæði mörk liðsins.

Gylfi Þór: Alveg sama hvar ég spila

"Þetta var hægur leikur en það er alltaf gott að ná að sigra Færeyinga. Við héldum hreinu og það var fín stemning á leiknum. Það voru margir sem sungu allan leikinn og vonandi heldur það áfram,“ sagði Gylfi Sigurðsson en það vakti athygli að hann tók ekki horn- og aukaspyrnur Íslands í leiknum.

Eiður: Gott að sigra án þess að leika vel

"Ég held við séum sáttir við sigurinn en það hefði hæglega getað verið meiri hraði í leiknum,“ sagði Eiður Smári Guðjohnsen eftir sigurinn á Færeyjum í kvöld.

Lagerbäck þurfti ekki að skoða Alfreð í kvöld - þarf að koma sínu á hreint

Alfreð Finnbogason fékk ekki tækifæri hjá Lars Lagerbäck í 2-0 sigrinum á Færeyjum í kvöld og vakti það nokkra athygli enda hefur Alfreð verið að raða inn mörkum í sænsku deildinni í sumar.

Sigrar hjá Spáni og Portúgal

Bæði Spánn og Portúgal voru á sigurbraut í kvöld í vináttulandsleikjum sínum. Portúgal lagði Panama á heimavelli á meðan Spánverjar sóttu sigur til Púertó Ríkó.

Defoe tryggði Englandi sigur á Ítalíu

Jermain Defoe tryggði Englendingum sigur á Ítalíu í kvöld með glæsilegu marki. Sterkur sigur hjá enska liðinu sem lenti undir í leiknum.

Belgar skelltu Hollandi | Argentína lagði Þýskaland

Raunir hollenska landsliðsins héldu áfram í kvöld en Lionel Messi og félagar í Argentínu unnu fínan sigur á Þjóðverjum.

Noregur, Svíþjóð og Danmörk töpuðu öll

Norðmenn, sem verða fyrstu andstæðingar Íslands í undankeppni HM, töpuðu á heimavelli í kvöld. Þá fengu þeir á sig þrjú mörk gegn Grikkjum sem eru þekktir fyrir flest annað en góðan sóknarleik.

Djokovic stundum ekki viss um í hvaða tímabelti hann sé

Serbinn Novak Djokovic fékk ekki langan tíma til að jafna sig eftir tenniskeppnina á Ólympíuleikunum í London því sömu helgi og leikunum lauk þá var hann í óða önn að tryggja sér sigur á tennismóti í Toronto í Kanada. Nú er Djokovic mættur til Cincinnati í Bandaríkjunum þar sem bíður hans annað mót.

Malmö á toppinn

Íslendingaliðið Malmö vann í kvöld útisigur, 1-2, á Guðbjörgu Gunnarsdóttur og stöllum hennar í Djurgarden.

Man. Utd búið að kaupa Van Persie frá Arsenal

Stuðningsmenn Arsenal eru í sárum eftir að staðfest var nú í kvöld að Man. Utd væri búið að festa kaup á þeirra besta manni, Robin van Persie. Þetta er staðfest á heimasíðu Man. Utd. BBC segir að kaupverðið sé 24 milljónir punda og mun Hollendingurinn skrifa undir fjögurra ára samning.

Byrjunarlið Íslands á móti Færeyjum

KSÍ hefur tilkynnt byrjunarlið íslenska landsliðsins fyrir vináttulandsleikinn á móti Færeyjum á Laugardalsvelli í kvöld. Leikurinn hefst klukkan 19.45 og er síðasti undirbúningsleikur Íslands fyrir undankeppni HM 2014.

Veðbankar í Englandi spá: City vinnur aftur titilinn en hvar enda hin liðin?

Enska úrvalsdeildin fer aftur af stað um næstu helgi en Manchester City hefur þá titilvörn sína eftir dramatískan sigur á lokadegi síðustu leiktíðar. Veðbankar á Englandi hafa gefið út líkur liðanna tuttugu í deildinni á að vera enskir meistarar næsta vor.

Agger: Barcelona er eina félagið sem freistar mín

Danski landsliðsmiðvörðurinn Daniel Agger er enn leikmaður Liverpool þrátt fyrir tilboð frá Englandsmeisturum Manchester City og hann segist ekki spenntur fyrir neinu öðru félagi íensku úrvalsdeildinni. Daninn viðurkennir samt að Barcelona væri áhugaverður möguleiki fyrir sig í framtíðinni.

Koscielny hjá Arsenal: Ef við byrjum vel þá getum við barist um titilinn

Franski varnarmaðurinn Laurent Koscielny er sáttur með lífið hjá Arsenal og tilbúinn í titilbaráttuna í ensku úrvalsdeildinni í vetur. Þessi 26 ára miðvörður stóð sig vel á síðasta tímabili og gerði á dögunum nýjan samning við Arsenal.

Fabrice Muamba leggur skóna á hilluna

Knattspyrnumaðurinn Fabrice Muamba mun ekki leika fleiri fótboltaleik á ferlinum en hann hefur ákveðið að leggja skóna á hilluna. Muamba er aðeins 24 ára gamall og hann hefur leikið með yngri landsliðum Englands. Hann varð fyrir því að hjarta hans stöðvaðist í leik vetur með Bolton og stóð endurlífgun yfir í 78 mínútur.

Birgir Leifur verður með á Áskorendamóti í Horsens

Birgir Leifur Hafþórsson, atvinnukylfingur úr GKG, verður á meðal keppenda á Áskorendamótaröðinni í golfi sem að þessu sinni fer fram í Horsens í Danmörku. Áskorendamótaröðin er næst sterkasta atvinnumótaröð í Evrópu á eftir Evrópumótaröðinni. Birgir Leifur var á biðlista fyrir mótið en komst inn í keppnishópinn í gær. Kylfingur.is greinir frá.

Allir Íslandsvinirnir í byrjunarliði Færeyja - markvörður Man. City á bekknum

Lars Olsen, þjálfari færeyska landsliðsins, hefur tilkynnt byrjunarlið sitt á móti Íslandi á Laugardalsvelli í í kvöld en leikurinn hefst klukkan 19.45.

Elín Metta með sína aðra þrennu í fjórum leikjum - sjáið mörkin

Hin 17 ára gamla Elín Metta Jensen hefur farið mikinn í Pepsi-deild kvenna í sumar og skoraði í gær þrennu í 7-1 stórsigri á KR á Vodafonevellinum. Þetta var önnur þrenna Elínar Mettu í fjórum síðustu deildarleikjum Vals en hún er alls búin að skora 13 mörk í 14 leikjum í Pepsi-deildinni í sumar.

Íslenska handboltalandsliðið byrjar á móti Rússum á HM á Spáni

Alþjóðahandboltasambandið hefur gefið út leikjadagskrá fyrir Heimsmeistarakeppnina á Spáni sem fer fram í janúar næstkomandi en íslenska landsliðið verður þar í aðalhlutverki og öll keppnin er í beinni útsendingu á Stöð 2 Sport.

Hodgson vonast til þess að John Terry sleppi við refsingu

Roy Hodgson, þjálfari enska landsliðsins í fótbolta, segist vonast til þess að aganefnd enska knattspyrnusambandsins refsi ekki John Terry fyrir framkomu sína í leik á móti Queens Park Rangers fyrir tæpu ári síðan.

Lampard vill ljúka ferlinum hjá Chelsea

Frank Lampard hefur áhuga á því að ljúka ferlinu með enska úrvalsdeildarliðinu Chelsea. Lampard, sem er 34 ára gamall, er samningsbundinn félaginu út næstu leiktíð en hann verður með enska landsliðinu í kvöld í vináttulandsleik gegn Ítalíu.

Ársmiðasala hjá AC Milan gengur afar illa

Það gengur illa að selja ársmiða hjá ítalska stórliðinu AC Milan fyrir komandi keppnistímabil. Félagið hefur selt stærstu stjörnur liðsins, Zlatan Ibrahimovic og Thiago Silva, og stuðningsmenn liðsins hafa haldið að sér höndum varðandi kaup á ársmiðu. Salan hefur ekki verið lélegri frá árinu 1986.

Lars Lagerbäck: Ísland á að vera meðal 55 efstu þjóða á FIFA-listanum

Landsliðsþjálfari Íslands, Lars Lagerbäck, telur íslenska karlalandsliðið í knattspyrnu eiga að vera meðal 55 efstu þjóða á styrkleikalista FIFA. Þetta kom fram í svörum hans við spurningum lesenda DV.is.

Maradona vill starfa í Kína

Diego Maradona, sem á sínum tíma var besti knattspyrnumaður heims, hefur áhuga á að fá þjálfarastarf í Kína. Argentínumaðurinn mun á næstum dögum taka þátt í verkefni á vegum góðgerðasamtaka og hefur hinn 54 ára gamli Maradona lýst yfir áhuga á að fá starf þar í landi.

Fimm lið án lykilmanna á mánudaginn

Fimm lið í Pepsi-deild karla verða án lykilmanna í 16. umferð Pepsi-deildar karla sem hefst á mánudagskvöld. Leikmennirnir taka út leikbönn.

Fred, Harry og Tom tóku maríulaxana í Langá

Þrír yngstu bræðurnir höfðu aldrei veitt lax áður, en reynt í a.m.k. tvö ár. Að lokinni fyrstu vaktinni í Langá, hafði Fred 10 ára sett í lax og landað, í Hólmatagli, veiðistað númer 80. Harry 16 ára setti í lax, en missti, setti í annan lax sem hann svo landaði, í Álfgerðarholtskvörn, veiðistað númer 25. Það var svo á næst síðustu vaktinni sem hann landaði öðrum laxi, eftir að hafa misst eina sjö yfir þessa daga.

Lið Þóru og Söru á í fjárhagslegum erfiðleikum

LdB Malmö, lið landsliðskvennanna Söru Bjarkar Gunnarsdóttur og Þóru Bjargar Helgadóttur, stendur illa fjárhagslega. Þetta kemur fram í sænska vefmiðlinum Expressen.

Alfreð: Hef aldrei verið í betra formi

Alfreð Finnbogason hefur farið á kostum með Helsingborg í sænsku úrvalsdeildinni. Skorar og leggur upp mörk í nánast hverjum leik. Þeir eru því margir sem vilja sjá hann í byrjunarliðinu gegn Færeyingum í kvöld.

Gylfi: Viljum byggja upp jákvæðari stemningu fyrir landsliðinu

Gylfi Þór Sigurðsson segir að það sé eitt af markmiðum landsliðsins að byggja upp betri stemningu í kringum landsliðið en umræðan um það hefur verið neikvæð í ansi langan tíma.

Við verðum að fara að vinna leiki

Íslenska karlalandsliðið leikur í kvöld sinn fyrsta heimaleik undir stjórn Svíans Lars Lagerbäck. Þá koma Færeyingar í heimsókn á Laugardalsvöllinn en þetta er vináttulandsleikur á milli þjóðanna.

Yfir 500 bleikjur í Norðfjarðará

Dean Martin fagnaði með heljarstökki

Dean Martin, leikmaður og aðstoðarþjálfari Skagamanna, fagnaði marki sínu í 3-2 sigrinum gegn Keflavík á dögunum með glæsilegu heljarstökki. Martin verður fertugur þann 31. ágúst.

Frakkarnir rústuðu sviðsmynd í sjónvarpi og afklæddu fréttamann

Franska handboltalandsliðið fór mikinn í fögnuði sínum eftir að liðið vann gull á ÓL í London. Liðið gekk svo hreinlega berserksgang í sjónvarpsviðtali.