Maradona: Hættið að segja að Messi sé Katalóníumaður

Diego Maradona, fyrrum þjálfari argentínska landsliðið, gefur sem fyrr lítið fyrir þau skrif argentínskra blaðamanna að Lionel Messi gefi ekki allt sitt í leiki með argentínska landsliðinu.

Dóra María kom inn á og tryggði íslenskan sigur

Dóra María Lárusdóttir var hetja íslenska kvennalandsliðsins sem vann nauman 1-0 sigur á Ungverjalandi í fyrsta útileik sínum í undankeppni EM 2013. Dóra María skoraði markið á 68. mínútu en hún kom inn á sem varamaður í hálfleik.

Newcastle enn á sigurbraut - umdeilt rautt spjald hjálpaði West Brom

Þrír leikir fóru fram í ensku úrvalsdeildinni klukkan tvö og fögnuðu Newcastle, West Brom Albion og Sunderland sigri í sínum leikjum. Fyrr í dag höfðu Wolves og Swansea gert 2-2 jafntefli.

Argentínumaður hetja Leeds í dag

Argentínumaðurinn Luciano Becchio var hetja Leeds í 3-2 útisigri á Peterborough í ensku b-deildinni í dag en með þessum sigri komst Leeds-liðið upp í 3. sæti deildarinnar.

Roy Keane: Nútímafótboltamenn eru alltof aumir

Roy Keane, fyrrum fyrirliði Manchester United og kandídat í stöðu landsliðsþjálfara Íslands, var fenginn í viðtal hjá Daily Mirror til þess að tjá sig um Manchester-slaginn á morgun.

Redknapp vill sjá Bale í Ólympíuliði Breta

Harry Redknapp, stjóri Tottenham, ætlar ekki að koma í veg fyrir að Gareth Bale spili með breska Ólympíuliðinu á leikunum í London næsta sumar þótt að velska knattspyrnusambandið sé ekki hrifð af því að leikmaðurinn verði með.

Sir Alex bannað að tala um Evra-Suarez deiluna

Sir Alex Ferguson, stjóri Manchester United, hefur fengið skýr skilaboð frá enska knattspyrnusambandinu að tjá sig ekki frekar um ásakanir Patrice Evra á hendur Luis Suarez um meinta kynþáttafordóma.

Úlfarnir tryggðu sér stig með tveimur mörkum í blálokin

Wolves náði í langþráð stig með því að skora tvö mörk á síðustu sex mínútunum í 2-2 jafntefli á móti nýliðum Swansea City á Molineux í hádegisleik ensku úrvalsdeildarinnar. Swansea komst í 2-0 í fyrri hálfleik og langt fram eftir leik stefndi í fyrsta útisigur liðsins á tímabilinu.

Wenger: Ólympíuleikarnir eru fyrir frjálsar íþróttir en ekki fótbolta

Arsene Wenger hefur áhyggjur af hlutskipti stjóranna í ensku úrvalsdeildinni næsta haust þegar þeir fá landsliðsmenn sína dauðþreytta til sín eftir erfitt sumar. Enska knattspyrnusambandið hefur gefið grænt ljós á það að leikmenn verði bæði með á Evrópumótinu og á Ólympíuleikunum ef að þeir spili takmarkað á EM.

Fékk harðsperrur í magann

Íslenska kvennalandsliðið verður í eldlínunni í Pápa í Ungverjalandi í dag þegar liðið mætir heimamönnum í fjórða leik sínum í undankeppni EM 2013 en jafnframt þeim fyrsta á útivelli.

KR-ingar fyrstir til að vinna Njarðvíkinga - myndir

KR varð í gær fyrsta liðið til að vinna sigur á ungu og efnilegu liði Njarðvíkur í Iceland Express-deild karla en þriðju umferð tímabilsins lauk í gær.

Vilja stöðva einelti og önnur samfélagsmein

Það hefur vakið nokkra athygli að körfuknattleikslið Njarðvíkur skartar auglýsingu á búningi sínum þar sem stendur: „Stöðvum einelti.“ Forkólfar körfuknattleiksdeildarinnar segja að einelti sé samfélagslegt vandamál á Suðurnesjum og þeir vilja leggja sín lóð á vogarskálarnar í baráttunni gegn þessu samfélagsmeini.

Manchester City vill meira en eitt stig á Old Trafford

Það er sannkallaður stórleikur á dagskránni í enska boltanum á morgun þegar Manchester-liðin, United og City, mætast á Old Trafford í uppgjöri efstu liða úrvalsdeildarinnar.

Ingi Þór: Ég hef aldrei séð annað eins

Ingi Þór Steinþórsson, þjálfari Snæfells, var afar ósáttur við hvernig tekið var á lokaandartökum leiks sinna manna gegn Þór í Þorlákshöfn í kvöld.

Með kókaín í Kóraninum

Íranski landsliðsmaðurinn Amou Lashgarian Hassan var handtekinn í Mílanó í morgun en hann reyndi að smygla kókaíni inn til landsins.

Milan íhugar að gera Del Piero tilboð

Adriano Galliani, varaforseti AC Milan, hefur gefið í skyn að Milanóliðið muni reyna að semja við Alessandro del Piero næsta sumar en þá rennur samningur hans við Juventus út.

Emil skoraði í öðrum leiknum í röð

Emil Hallfreðsson skoraði mark Hellas Verona sem gerði 1-1 jafntefli við Nocerina í ítölsku B-deildinni í kvöld. Markið skoraði hann á 76. mínútu og tryggði sínum mönnum þar með stig á útivelli.

Umfjöllun og viðtöl: Þór - Snæfell 85-83

Þór Þorlákshöfn vann dramatískan sigur á deildarmeisturum Snæfells á heimavelli sínum í kvöld 85-83 með flautukörfu Marko Latinovic. Þór skoraði sjö síðustu stig leiksins á síðustu mínútu leiksins og hreinlega stal sigrinum sem virtist blasa við Snæfelli.

Haukar - Stjarnan 68-89

Stjörnumenn lentu ekki í vandræðu með Hauka í kvöld en liðin mættust á Ásvöllum í Hafnarfirði. Sigur Garðbæinga var aldrei í hættu en þeir unnu að lokum 21 stigs sigur, 89-68.

Umfjöllun og viðtöl: KR - Njarðvík 85-74

Eftir að hafa unnið fyrstu tvo leiki sína í Iceland Express-deildinni þurfti ungt lið Njarðvíkur að bíða lægri hlut gegn KR-ingum í DHL-höllinni í kvöld. Lokastaðan 85-74.

62 íslensk stig í einum leik

Sundsvall Dragons vann í kvöld sigur á Solna Vikings, 98-80, þegar heil umferð fór fram í sænsku úrvalsdeildinni í körfubolta í kvöld.

Chelsea nálgast Hazard

Það virðist fátt geta komið í veg fyrir að Belginn Eden Hazard gangi í raðir Chelsea frá franska liðinu Lille. Forráðamaður hjá Lille staðfestir að félögin séu nálægt því að ná samkomulagi.

Ronaldo: Real er með besta leikmannahóp heims

Cristiano Ronaldo segist ekki vera í nokkrum vafa um að Real Madrid sé með besta leikmannahóp heims þessa dagana. Portúgalinn segir að gæðin í leikmannahópnum séu þess valdandi að hann vilji bæta sig enn frekar sem leikmaður.

Rory losar sig við Chubby

Einn fremsti kylfingur heims, Rory McIlroy, ætlar að mjólka kúna fyrst hann er kominn á toppinn og til þess að fá sem mest út úr næstu árum hefur hann ákveðið að skipta um umboðsmann.

Málfríður Erna og Laufey í byrjunarliði Íslands - Edda á bekknum

Sigurður Ragnar Eyjólfsson, þjálfari Íslands, hefur valið byrjunarlið sitt fyrir leikinn gegn Ungverjalandi ytra á morgun en hann er liður í undankeppni EM 2013.

Jón Vilhelm kominn aftur í ÍA

Jón Vilhelm Ákason skrifaði í dag undir tveggja ára samning við ÍA en hann hefur leikið með Valsmönnum að undanförnu.

Texas stal sigrinum í St. Louis

Annar leikur St. Louis Cardinals og Texas Rangers í World Series var bæði hundleiðinlegur og afar dramatískur. Honum lauk með dramatískum sigri Texas sem stal sigrinum í lokin og jafnaði þar með rimmu liðanna í 1-1.

Kobe, LeBron og fleiri NBA-stjörnur á leiðinni saman í heimsferð

NBA-stórstjörnurnar Kobe Bryant, Amar’e Stoudemire og Kevin Durant eru í aðalhlutverki í nýju verkefni sem á að sjá til þess að nokkrir vel valdir NBA-leikmenn fái eitthvað að gera á næstunni þar sem að ekkert bendir til þess að verkfallið leysist. Þeir eru að skipuleggja tíu daga heimsferð þar sem lið þeirra mun spila í Púertó Ríkó, Evrópu, Asíu og Ástralíu. ESPN sagði fyrst frá þessari hugmynd.

Tevez líklega sektaður um sex vikna laun eða 275 milljónir króna

Það bendir allt til þess að Carlos Tevez verði sektaður um sex vikna laun fyrir að neita að hita upp í Meistaradeildarleik Manchester City á móti Manchester United. Rannsóknarnefnd City fann engin sönnunargögn um að Tevez hafi neitað að spila aðeins að hann hafi neitað að hita upp.

Valskonur upp að hlið KR á toppnum - dæmdur sigur á móti Snæfelli

Valskonur eru komnar upp að hlið KR á toppi Iceland Express deildar kvenna eftir að liðinu var dæmdur sigur á móti Snæfelli en liðin mættust í fyrstu umferðinni. Þetta kemur fram á heimasíðu Körfuknattleikssambandsins.

Bartolotta líður eins og Rocky Balboa

ÍR-ingurinn Jommy Bartolotta var fluttur burt úr Röstinni í Grindavík í gær eftir að hafa orðið fyrir Grindvíkingnum, J´Nathan Bullock.

Fabregas verður aftur með Barcelona á morgun

Cesc Fabregas er búinn að ná sér af meiðslunum og verður með Barcelona á móti Seville í spænsku deildinni á morgun. Fabregas hefur verið frá í þrjár vikur eftir að hafa tognað aftan í læri á æfingum með Barcelona 1. október síðastliðinn.

Pearce um Beckham: Er hann ekki orðinn aðeins of gamall fyrir 21 árs liðið

Stuart Pearce, nýráðinn þjálfari Ólympíuliðs Breta, er ekki tilbúinn að útiloka það að Ryan Giggs verði með breska liðinu á Ólympíuleikunum í London á næsta ári. Hann er hinsvegar ekki eins spenntur fyrir David Beckham.

Richards hjá City: Leikmenn United eru svolítið hræddir við okkur

Micah Richards, varnarmaður Manchester City, segir að nágrannar þeirra Manchester United séu hræddir við City-liðið en Manchester-slagurinn fer fram á Old Trafford á sunnudaginn og í boði er efsta sætið í ensku úrvalsdeildinni. City hefur tveggja stiga forskot á topp ensku úrvalsdeildarinnar og hefur unnið 7 af 8 deildarleikjum tímabilsins til þessa.

Mancini: Sir Alex er meistarinn en ég er bara lærlingur ennþá

Roberto Mancini, stjóri Manchester City, viðurkennir að hann geti enn lært mikið af Sir Alex Ferguson, stjóra Manchester United. Manchester-liðin mætast í risaleik í ensku úrvalsdeildinni á sunnudaginn og toppsæti deildarinnar er í boði.

Ertu þú að henda laxi á hverju vori?

Það hafa líklega margir veiðimenn lent í því að henda einum og einum laxi sem hefur verið of lengi í frystikistunni og þar af leiðandi ekki hæfur til átu. Nokkrir eru þeir til sem henda þó meira magni en það bara af þeirri einföldu ástæðu að þeir borða ekki allan þann lax sem þeir veiða.

Hannes fyrsti markvörðurinn í 27 ár til að vera valinn bestur

Hannes Þór Halldórsson, markvörður Íslands- og bikarmeistara KR, var í gærkvöldi valinn besti leikmaður Pepsi-deildar karla af leikmönnum deildarinnar.

Sir Alex: Leikmenn eiga ekki að keppa bæði á EM og ÓL næsta sumar

Sir Alex Ferguson, stjóri Manchester United, segir það ekki raunhæft fyrir leikmenn að taka bæði þátt í Evrópumótinu og Ólympíuleikunum næsta sumar en Wayne Rooney var orðaður við breska Ólympíuliðið í morgun þar sem að hann verður í banni í þremur leikjum á EM.

Nordsjælland hefur áhuga að fá Kjartan Henry í janúar

KR-ingurinn Kjartan Henry Finnbogason og Selfyssingurinn Jón Daði Böðvarsson eru komnir heim eftir að hafa verið á reynslu hjá danska félaginu FC Nordsjælland. Forráðamenn FC Nordsjælland eru að leita að leikmönnum til að styrkja liðið í janúarglugganum.

Eigandi Liverpool: Algjört bull að við ætlum okkur að leggja niður fallbaráttuna

John Henry, eignandi Liverpool, segir ekkert til í þeim fréttum sem komu út í vikunni að bandarísku eigendurnir í ensku úrvalsdeildinni væru að íhuga það að leggja niður fallbaráttuna og loka deildinni í næstu framtíð.

Tevez bara kærður fyrir að neita að hita upp

Þetta var víst bara einhver missklingur eins og hjá Georgi Bjarnfreðarsyni um árið. Manchester City getur ekki sannað fullyrðingu stjórans Roberto Mancini að Carlos Tevez hafi neitað að fara inn á í Meistaradeildarleik City-liðsins í München fyrir þremur vikum.

Dalglish: Allir í Liverpool standa algjörlega við bakið á Suarez

Kenny Dalglish, stjóri Liverpool, sagði það á blaðamannfundi fyrir Norwich-leikinn á morgun að allir hjá Liverpool standi við bakið á Úrúgvæmanninum Luis Suarez. Patrice Evra sakaði Suarez um kynþáttarníð í leik Liverpool og Manchester United um síðustu helgi.

Verður Wayne Rooney með Bretum á ÓL í London?

Þriggja leikja bann UEFA á hendur enska landsliðsmanninum Wayne Rooney þykir samkvæmt frétt Guardian auka líkurnar á því Rooney verði með breska landsliðinu á Ólympíuleikunum í London á næsta ári.

Borce Ilievski hættur sem þjálfari Tindastóls

Borce Ilievski sagði í gærkvöldu upp störfum sem þjálfari Tindastóls í Iceland Express deildinni í körfubolta eftir að Tindastóll tapaði þriðja leiknum sínum í röð. Þetta kemur fram á karfan.is.

NBA-deilan: Eigendur og leikmenn aftur hættir að tala saman

Það fór ekki svo að langir og strangir samningafundir í NBA-deilunni skiluðu nýjum samningi því það slitnaði upp úr viðræðum eigenda NBA-liðanna og leikmannasamtakanna í gær eftir fimm tíma fund.