Eggert og félagar gerðu jafntefli við meistara Rangers

Eggert Gunnþór Jónsson og félagar í Hearts byrjuðu leiktíðina í skoska boltanum vel er þeir náðu 1-1 jafntefli gegn skosku meisturunum í Glasgow Ragners.

Hólmfríður: Fer pottþétt út aftur

"Ég er komin heim til að spila. Ég hef ekki verið að spila mikið síðustu vikur og sá ekki fram á að spila næstu tólf vikur. Það er slæmt því það eru tólf vikur í næsta landsleik. Ég er því að hugsa um sjálfa mig og landsliðið," sagði Hólmfríður Magnúsdóttir, nýjasti liðsmaður kvennaliðs Vals, í samtali við fótbolta.net.

Webber rétt marði að vera fljótari en Hamilton í tímatökum

Mark Webber á Red Bull varð 0.055 sekúndum á undan Lewis Hamilton á McLaren í tímatökum fyrir þýska kappaksturinn á Nurburgring, sem verður á morgun. Tímatakan fór fram í dag og Sebastian Vettel á Red Bull varð þriðji og Fernando Alonso fjórði.

Þjálfari Santos: Ekki gott fyrir Neymar að fara til Real Madrid

Muricy Ramalho, þjálfari Santos, segir að brasilíska undrabarnið Neymar myndi eiga erfitt uppdráttar hjá Real Madrid þar sem leikstíll liðsins henti honum ekki.

Hólmfríður spilar með Val út leiktíðina - hætt hjá Philadelphia

Afar óvænt tíðindi urðu í íslenska kvennaboltanum í dag þegar Hólmfríður Magnúsdóttir skrifaði undir samning við Íslandsmeistara Vals til loka leiktíðarinnar. Hólmfríður kemur til félagsins frá Philadelphia Independence í bandarísku atvinnumannadeildinni. Hún hefur leikið þar síðustu tvö ár.

Romeu á leið til Chelsea frá Barcelona

Chelsea hefur staðfest að félagið hafi náð samkomulagi við Barcelona um kap á ungstirninu Oriol Romeu. Leikmaðurinn er aðeins 19 ára gamall.

Man. City að hefja viðræður um kaup á Aguero

Formlegar viðræður milli Man. City og Atletico Madrid um kaup á Argentínumanninnum Sergio Aguero munu væntanlega hefjast á morgun eða á mánudag.

Drogba ætlar að framlengja við Chelsea

Didier Drogba er sestur niður með forráðamönnum Chelsea og stefnan er að skrifa undir nýjan samning. Drogba hefur verið orðaður við brottför frá félaginu og Tottenham og Marseille hafa bæði áhuga.

Vettel sneggstur á lokaæfingunni

Sebastian Vettel á Red Bull reyndist sneggstur á lokaæfingu keppnisliða á Nurburgring brautinni í dag. Mark Webber á samskonar bíl varð annar og Fernando Alonso á Ferrari þriðji. Vettel varð 0.133 úr sekúndu á undan Webber á æfingunni og 0.222 á undan Alonso.

Sam Hewson: Toddi er skemmtilegur þjálfari

Sam Hewson, fyrrum fyrirliði varaliðs Manchester United, var eldhress þegar blaðamaður hitti á hann í Safamýrinni í gær. Hewson vonast eftir því að semja við Framara.

Fyrsti landsleikurinn undir stjórn Peter Öqvist í dag

Íslenska karlalandsliðið í körfubolta spilar í dag sinn fyrsta leik á Norðurlandamótinu sem fer fram í Sundsvall í Svíþjóð. Þetta er jafnframt fyrsti leikur liðsins í tæp tvö ár og fyrsti landsleikurinn undir stjórn Svíans Peter Öqvist sem tók við liðinu í sumar.

Sex ára fangelsi fyrir að hagræða úrslitum í Búlgaríu

Búlgarska þingið hefur samþykkt lagabreytingu þess efnis að þeir sem hljóta dóm fyrir hagræðingu úrslita í íþróttaleikjum geti fengið allt að sex ára fangelsisdóm. Reuters-fréttastofan greinir frá þessu.

Ólafía Þórunn segist vera reynslunni ríkari í ár

Axel Bóasson úr Keili og Alfreð Brynjar Kristinsson úr GKG eru efstir og jafnir eftir tvo fyrstu dagana á Íslandsmótinu í höggleik sem fram fer á Hólmsvelli í Leiru. Axel var með forystuna og átti eitt högg á Alfreð eftir fyrsta daginn en þeir hafa nú báðir leikið fyrstu 36 holurnar á átta höggum undir pari. Yngri systir Alfreðs, Ólafía Þórunn Kristinsdóttir, er með tveggja stiga forskot á Eygló Myrru Óskarsdóttur hjá konunum.

Katrín og Kristín hetjurnar

Valur og KR mætast í bikaúrslitaleik kvenna. Kristín Ýr Bjarnadóttir tryggði Val sæti í bikarúrslitaleiknum annað árið í röð og sigurmark KR-ingsins Katrínar Ásbjörnsdóttur kom á 90. mínútu í leik KR-liðsins á móti Fylki í Árbænum.

Ungur Suarez í sjónvarpsþætti í Úrúgvæ

Luis Suarez er þjóðhetja í Úrúgvæ. Hann mætti í vinsælan spjallþátt í heimalandinu á dögunum þar sem honum var komið skemmtilega óvart.

Níu tegundir af marklínutækni til skoðunar hjá FIFA

Alþjóðaknattspyrnusambandið FIFA ætlar að taka níu mismunandi tegundir af marklínutækni til skoðunar frá september til desember á næsta tímabili. Hávær krafa hefur verið uppi undanfarin ár að FIFA innleiddi marklínutækni í alþjóðlega knattspyrnu.

Redknapp: 35 milljónir punda væru ekki nóg fyrir Luka Modric

Harry Redknapp, stjóri Tottenham, vill ekki að selja Króatann Luka Modric þó að félagið fengi 35 milljón punda tilboð í leikmanninn. Tottenham hefur þegar hafnað tveimur tilboðum frá Chelsea í þennan snjalla miðjumann.

Kristín Ýr: Ofhugsum hlutina í seinni hálfleik

Kristín Ýr Bjarndóttir markaskorari Vals í 1-0 sigrinum á Aftureldingu var ánægð með að vera komin í bikarúrslitaleikinn. Þrátt fyrir markið sagðist hún ekki hafa verið á skotskónum.

Anna Garðars: Áttum helling í þessum leik

Anna Garðarsdóttir leikmaður Aftureldingar var svekkt með 1-0 tapið gegn Val í undanúrslitum Valitor-bikarsins. Anna er nýgengin í raðir Mosfellinga úr Val.

KA-menn náðu í stig í Mjóddinni og komust upp úr fallsæti

Báðir leikir kvöldsins í 1. deild karla enduðu með jafntefli. Kristinn Freyr Sigurðsson tryggði Fjölni 2-2 jafntefli á móti Víkingi í Ólafsvík og Ómar Friðriksson tryggði KA-mönnum 1-1 jafntefli á móti ÍR í Mjóddinni.

Ashley Bares reddaði Stjörnukonum í Laugardalnum

Ashley Bares, markahæsti leikmaður Pepsi-deildar kvenna, bjargaði toppliði Stjörnunnar á móti nýliðum Þróttar í leik liðanna í Pepsi-deild kvenna sem fram fór á Laugardalsvellinum í kvöld. Bares skoraði fernu í 4-2 sigri Stjörnunnar sem náði fyrir vikið fimm stiga forskoti á Val á toppi Pepsi-deildar kvenna. Þór/KA vann 3-2 sigur á botnliði Grindavíkur í hinum leik kvöldsins.

Katrín hetja KR - tryggði liðinu sæti í bikarúrslitaleiknum í blálokin

Katrín Ásbjörnsdóttir tryggði KR 2-1 sigur á Fylki og sæti í bikaúrslitaleiknum þegar hún skoraði sigurmark Vesturbæjarliðsins á 90. mínútu leiksins í undanúrslitaleik liðanna í Valitor bikar kvenna á Fylkisvellinum í kvöld. Þetta er í tíunda sinn sem KR-konur komast alla leið í bikarúrslitaleikinn en Fylkir átti möguleika á því að komast þangað í fyrsta sinn.

Umfjöllun: Valskonur í úrslit fjórða árið í röð

Kristín Ýr Bjarnadóttir skoraði eina markið þegar Valskonur tryggðu sér sæti í bikarúrslitaleiknum með 1-0 sigri á Aftureldingu í Mosfellsbænum í kvöld í undanúrslitaleik þeirra í Valitorbikarnum en þetta er í fjórða árið í röð sem Valsliðið kemst alla leið í bikarúrslitin.

Markvörður rekinn eftir einn leik

Brasilíumaðurinn Rodrigo Galatto, markvörður Neuchatel Xamax í svissnesku knattspyrnunni, var rekinn eftir aðeins einn leik á milli stanganna hjá félaginu. Mikið hefur gengið á hjá svissneska félaginu síðan Tsjetsjeninn Bulat Chagaev keypti félagið í maí.

Axel og Alfreð jafnir eftir annan daginn - fjórtán kylfingar undir pari

Axel Bóasson úr Keili og Alfreð Brynjar Kristinsson úr GKG eru efstir og jafnir eftir tvo fyrstu dagana á Íslandsmótinu í höggleik sem fram fer á Hólmsvelli í Leiru. Axel var með forystuna og átti eitt högg á Alfreð eftir fyrsta daginn. Þeir hafa nú báðir leikið fyrstu 36 holurnar á átta höggum undir pari. Það eru margir að spila vel enda fjórtán kylfingar að spila fyrstu tvo dagana undir pari.

José Mourinho ræður nú öllu á Bernabéu

José Mourinho hefur sannarlega tekið öll völd hjá spænska stórliðinu Real Madrid því hann hefur nú tekið við starfi yfirmanns knattspyrnumála í viðbót við það að þjálfa Real Madrid liðið. Mourinho hafði betur í valdabaráttunni við Jorge Valdano sem var rekinn í vor.

Fram bíður eftir því að Hewson standist læknisskoðun - stendur sig vel

Jón Sigurðsson, framkvæmdastjóri Knattspyrnudeildar Fram býst fastlega við því að félagið semji við Sam Hewson, fyrrum fyrirliða varaliðs Manchester United, sem hefur verið á reynslu hjá félaginu síðustu daga. Framarar ætla þó ekki að ganga frá neinu fyrr en læknir félagsins nær að skoða leikmanninn um helgina.

ÍBV fær ungan framherja frá Newcastle

Eyjamenn hafa fengið til sín 18 ára enskan framherja fyrir lokaátökin í Pepsi-deildinni en Aaron Spear kemur til félagsins frá Newcastle United. Vefsíðan fótbolti.net sagði fyrst frá þessu.

Bojan seldur til Roma en Barcelona fær hann aftur 2013

Spænski framherjinn Bojan Krkic er á leið til Roma og leikur í Serie A næstu tvö árin. Kaupsamningur Barcelona og Roma er í einkennilegri kantinum. Í honum er ákvæði þess efnis að Barcelona kaupi Bojan aftur til félagsins að tveimur árum liðnum.

Chavez segir Venesúela hafa verið rændir sigri

Forseti Venesúela, Hugo Chavez, er allt annað en sáttur við dómgæsluna í viðureign Paragvæ og Venesúela. Chavez fór mikinn á Twitter-síðu sinni að leik loknum. "Þeir rændu okkur sigurmarki,“ skrifaði Chavez með hástöfum.

KR mætir BÍ/Bolungarvík um Verslunarmannahelgina

Góður árangur KR-inga í undankeppni Evrópudeildar þýðir tilfæringar á leikjum liðsins í öðrum keppnum. Bikarleikur KR gegn BÍ/Bolungarvík hefur verið færður á Verslunarmannahelgina. KR mætir Dinamo Tbilisi fimmtudaginn 28. júlí á KR-velli og viku síðar í Georgíu.

Strákarnir unnu Svía - Árni með bæði mörkin

Strákarnir í 19 ára landsliðinu fylgdu eftir stórsigri á Wales í fyrsta leik sínum á Svíþjóðarmótinu með því að vinna 2-0 sigur á heimamönnum Svía í öðrum leik sínum í dag.Kristinn R. Jónsson er þjálfari íslenska liðsins.

Annað tölublað af Veiðislóð komið út

Annað tölublað af Veiðislóð er komið út og kennir þar margra grasa eins og í fyrsta blaðinu. Fyrir fróðleiksþyrsta veiðimenn er þetta kærkomin viðbót því veiðimenn fá sjaldan nóg af því að lesa um veiðitengd málefni.

Ólafía Þórunn með tveggja högga forskot hjá konunum - erfitt hjá Tinnu

Ólafía Þórunn Kristinsdóttir úr GR er efst eftir annan dag í meistaraflokki kvenna á Íslandsmótinu í höggleik sem fram fer á Hólmsvelli í Leiru. Ólafía Þórunn lék á tveimur höggum undir pari í dag eftir að hafa leikið á pari í gær. Hún er því á tveimur höggum undir pari eftir fyrstu 36 holurnar.

Fylkir og Afturelding geta komist í bikarúrslitaleikinn í fyrsta sinn

Undanúrslitaleikirnir í Valitor bikar kvenna í knattspyrnu fara fram í kvöld. Á Fylkisvelli mætast Fylkir og KR og á Varmárvelli leika Afturelding og Valur. Báðir leikir kvöldsins hefjast kl. 19:15 en í boði er sæti í bikarúrslitaleiknum sem fer fram á Laugardalsvellinum 20. ágúst næstkomandi.

Batista líklega rekinn frá Argentínu

Þrátt fyrir dapurt gengi á Copa America tekur Sergio Batista það ekki í mál að segja af sér sem landsliðsþjálfari Argentínu. Það gæti ekki dugað til því knattspyrnusamband Argentínu íhugar að reka hann úr starfi.

Lucio verður áfram hjá Inter

Brasilíski varnarmaðurinn Lucio mun skrifa undir nýjan samning við ítalska liðið Inter á næstu dögum. Nýi samningurinn mun gilda til ársins 2014.

Webber sneggstur á seinni æfingunni

Mark Webber á Red Bull var fljótastur á seinni æfingu Formúlu 1 liða á Nürburgring brautinni í Þýskalandi í dag. Hann varð 0.168 á undan Fernando Alonso á Ferrari, en Sebastian Vettel á Red Bull varð þriðji. Alonso var fljótastur á fyrri æfingu dagsins.

Allt gengur á afturfótunum hjá Tinnu

Tinna Jóhannsdóttir úr Keili sem setti vallarmet á fyrsta hring Íslandsmótsins í höggleik í gær hefur farið skelfilega af stað á öðrum degi mótsins. Eftir níu holur er Tinna á sjö höggum yfir pari og fjórum höggum yfir pari samanlagt.

Marion Jones fær ekki nýjan samning hjá Shock

Fyrrum Ólympíumeistarinn í spretthlaupum, Marion Jones, fær ekki nýjan samning hjá WNBA-liðinu Tulsa Shock og framtíð hennar í körfuboltanum er í óvissu.

Frank að taka við Detroit Pistons

Samkvæmt heimildum AP-fréttastofunnar ætlar Detroit Pistons að bjóða Lawrence Frank þjálfarastöðu félagsins en þjálfarastaðan hefur verið laus í rúman mánuð eftir að John Kuester var rekinn.

Mikið af fiski í Soginu eftir stóra göngu í gær

Okkar maður við bakkann í Soginu, nánar tiltekið á Bíldsfellinu, Örn Geirsson ásamt félögum, voru búnir að landa 12 löxum en þeir byrjuðu veiðar í gær. Laxinn er allur grálúsugur og vel haldin. Laxarnir voru teknir í Neðra Horni, Efri garði, Neðri Garður, Tóft, Kofastreng og séð laxa í Sakkarhólma en ekki náð neinu þar.

Ágætis gangur í Langadalsá

Langadalsá lítur vel út þessa daganna. Heildartalan er komin rétt yfir 50 laxa og nýr fiskur að skila sér í ánna undanfarna daga samkvæmt Sigga veiðiverði.

Laxateljarinn í Elliðaánum kominn á netið

Jóhannes Sturlaugsson og félagar hjá Laxfiskum hafa nú boðið upp á þá nýjung að hægt er að fylgjast með laxateljaranum í Elliðaánum í gegnum netið.

Laxinn mættur í Lýsuna

Laxinn er mættur á vatnasvæði Lýsu, og að sögn heimamanna er útlitið mun betra heldur en undanfarin ár fyrir vestan.