Átta mörk hjá Real Madrid í lokaleik ársins

Cristiano Ronaldo og Karim Benzema skoruðu báðir þrennu í kvöld þegar Real Madrid vann 8-0 stórsigur á Levante í fyrri leik liðanna í sextán liða úrslitum spænska Konungsbikarsins. Barcelona gerði markalaust jafntefli við Atletico Bilbao í sömu keppni í gær.

Þrír eiga möguleika á því að spila fyrir sitt annað A-landslið

Willum Þór Þórsson, landsliðsþjálfari í Futsal, hefur valið æfingahóp fyrir forkeppni Evrópkeppni landsliða í Futsal sem fram fer í janúar á næsta ári. Riðill Íslands verður leikinn á Ásvöllum dagana 21. - 24. janúar en þessi 29 manna æfingahópur Willums mun æfa saman 28. og 29. desember.

Feyenoord-menn foxillir út í Chelsea

Forsvarsmenn hollenska liðsins Feyenoord eru foxillir út í Chelsea eftir að enska úrvalsdeildarliðið krækti í fimmtán ára pilt, Nathan Ake. Feyenoord hefur gengið illa að halda sínum efnilegustu fótboltamönnum að undanförnu.

Níu mörk, tvö rauð og vítaklúður í bikarsigri Bayern á Stuttgart

Bayern Munchen vann 6-3 útisigur á Stuttgart í ótrúlegum leik í þýska bikarnum í kvöld en þýsku bikarmeistararnir komust þar með áfram í átta liða úrslitin. Stuttgart endaði leikinn með aðeins níu menn inn á vellinum.

Larry Brown hættur sem þjálfari Charlotte Bobcats

Michael Jordan, stjórnarformaður og framkvæmdastjóri Charlotte Bobcats, tilkynnti það í kvöld að Larry Brown væri hættur að þjálfa NBA-liðið en lítið hefur gengið hjá Bobcats-liðinu á þessu tímabili.

Hannover-Burgdorf vann Íslendingaslaginn

Hannover-Burgdorf vann 27-23 sigur á Rheinland í Íslendingaslag kvöldsins í þýsku úrvalsdeildinni í handbolta. Þetta var annar sigur lærisveina Arons Kristjánssonar í röð eftir að hafa leikið átta deildarleiki í röð (7 töp, 1 jafntefli) frá 3. október til 12. desember án þess að ná að vinna leik.

Algjört klúður í lokin hjá Kára og félögum

Kári Kristjánsson og félagar í HSG Wetzlar þurftu að sætta sig við tveggja marka tap á móti MT Melsungen, 24-26, í þýsku úrvalsdeildinni í handbolta í kvöld. Melsungen tryggði sér sigurinn með því að skora þrjú síðustu mörkin og vinna síðustu tíu mínútur leiksins 6-2.

Örlög Steve McClaren ráðin - Wolfsburg steinlá í bikarnum

Örlög Steve McClaren knattspyrnustjóra þýska fótboltaliðsins, Wolfsburg, réðustu væntanlega í kvöld þegar liðið tapaði 1-3 á heimavelli á móti b-deildarliðinu Energie Cottbus í 16 liða úrslitum þýska bikarsins.

Ronaldinho búinn að semja við æskufélagið sitt Gremio

Brasilíumaðurinn Ronaldinho er á heimleið en hann hefur gert samning við æskufélagið sitt Gremio og er því væntanlega búinn að spila sinn síðasta leik með AC Milan. Paulo Odone, forseti Gremio, staðfesti það í kvöld að félagið væri búið að semja við Ronaldinho.

Kiel í basli á móti Lübbecke en vann mikilvægan sigur

Þórir Ólafsson og félagar í Kiel í TuS N-Lübbecke stríddu Þýskalandsmeisturum Kiel í þýsku úrvalsdeildinni í handbolta í kvöld en lærisveinar Alfreðs Gíslasonar unnu að lokum nauman eins marks útisigur, 28-27. Frakkinn Jerome Fernandez skoraði sigurmarkið úr vítakasti.

Steve Kean klárar tímabilið með Blackburn

Steve Kean verður knattspyrnustjóri Blackburn Rovers út þessa leiktíð en hann tók við liðinu þegar Sam Allardyce var rekinn í síðustu viku. Kean átti fyrst bara að taka við liðinu tímabundið en nú hafa indversku eigendurnir ákveðið að gefa honum tækifæri til að stýra Blackburn til vorsins.

Gerrard og Agger verða báðir með á móti Blackpool

Steven Gerrard og Daniel Agger eru orðnir góðir af meiðslum sínum og ættu að geta spilað með Liverpool þegar liðið mætir Blackpool á öðrum degi jóla. Liverpool endurheimtir því tvo fastamenn fyrir leikjaálagið sem er framundan yfir hátíðirnar.

Heiðar gæti spilað með Mutu

Heiðar Helguson og félagar í enska B-deildarliðinu QPR hafa átt afar góðu gengi að fagna í vetur en liðið tapaði ekki fyrstu nítján leikjum sínum í deildinni.

Frábær auglýsing hjá sænsku handboltakempunum

Svíar hafa ekki gleymt gullkynslóðinni sinni í handbolta en þeir eru farnir að minna sitt fólk á að ný kynslóð hafi tekið við kyndlinum af Magnus Wislander og félögum.

Oechsler ekki með Dönum á HM

Danska landsliðið í handknattleik hefur orðið fyrir áfalli því nú er ljóst að Anders Oechsler mun ekki geta leikið með liðinu á HM í janúar vegna meiðsla.

Balotelli: Aðeins Messi er betri en ég

Þó svo Mario Balotelli hafi ekki beint verið að kveikja í enska boltanum með leik sínum er enginn skortur á sjálfstrausti leikmannsins. Hann ætlar sér að verða besti knattspyrnumaður heims og segir að aðeins Lionel Messi sé betri en hann í dag.

Alfreð í miklum vandræðum

Það eru erfiðir tímar hjá Alfreð Gíslasyni, þjálfara Kiel. Liðið er aðeins í þriðja sæti þýsku úrvalsdeildarinnar og meiðslalistinn virðist lengjast með hverri viku og hafa menn þar á bæ miklar áhyggjur af stöðu mála.

Petrov fékk 2 ára samning við Lotus Renault

Rússin Vitaly Petrov verður ökumaður Lotus Renault liðsins á á næsta ári, en liðið hét Renault síðustu keppnistímabil. Hann ekur því að nýju við hlið Robert Kubica. Petrov skrifaði undir 2 ára samning við Lotus Renault.

Bernstein orðinn æðsti prestur í enska knattspyrnusambandinu

David Bernstein var í dag ráðinn stjórnarformaður enska knattspyrnusambandsins en hann tekur við starfinu af Lord Triesman sem hætti skyndilega í maí.

Benitez sagt upp í tölvupósti

Það hefur ekki enn verið formlega staðfest að Rafa Benitez hafi verið rekinn sem þjálfari Inter en það virðist vera verst geymda leyndarmál fótboltaheimsins. Skilja menn ekki af hverju Inter sé ekki hreinlega búið að gefa það út formlega.

Búið að velja sænska HM-hópinn

Landsliðsþjálfarar Svía, þeir Staffan „Faxi" Olsson og Ola Lindgren, hafa valið 18 manna æfingahóp fyrir HM í handbolta en munu taka 16 menn með sér á mótið.

Ótrúleg sigurganga hjá Connecticut - 89 sigurleikir í röð

Kvennalið Connecticut háskólans í körfubolta setti nýtt met í hópíþróttum á þriðjudaginn þegar liðið sigraði Florida State 93-63 í NCAA háskóladeildinni. „UConn Huskies“ eins og liðið er kallað vestanhafs hefur nú unnið 89 deildarleiki í röð og bætti met karlaliðs UCLA sem vann 88 leiki í röð á árunum 1971-1974.

Beckham fékk sér húðflúr á bringuna

David Beckham er ekki hættur að húðflúra líkama sinn þó svo plássið sé að verða af skornum skammti.

Johnson gæti verið á leið til Sunderland

Steve Bruce, stjóri Sunderland, ætlar að styrkja lið sitt enn frekar í janúar og er nú á höttunum eftir þeim Adam Johnson og Nedum Onuoha, leikmönnum Man. City.

Man. Utd á eftir Carroll

Andy Carroll, framherji Newcastle, er afar eftirsóttur þessa dagana enda hefur ólátabelgurinn slegið í gegn í vetur og skorað nokkuð af mörkum.

Anelka langar að spila í Bandaríkjunum

Bróðir og umboðsmaður franska framherjans, Nicolas Anelka, hefur greint frá því að Anelka gæti farið til Bandaríkjanna þegar samningur hans við Chelsea rennur út árið 2012.

NBA: Lakers steinlá á heimavelli gegn Bucks

Leikmenn LA Lakers virtust vera komnir í jólafrí í nótt er þeir tóku á móti Milwaukee Bucks í Staples Center. Leikmenn Lakers voru meðvitundarlausir í leiknum og steinlágu.

Fölsk jólakveðja frá LA Lakers

Leikmenn NBA-meistara Los Angeles Lakers eru komnir í jólaskap og þeir hafa nú sent frá sér jólakveðju á netinu þar sem þeir syngja hið fræga jólalag "Jingle Bells."

Xavi: Mourinho kveikir í okkur

José Mourinho, þjálfari Real Madrid, hefur gert allt sem hann getur til þess að koma leikmönnum Barcelona úr jafnvægi en Xavi, miðjumaður Barcelona, hefur nú greint frá því að liðið noti Mourinho til þess að hvetja sig áfram.

Leikmannasamtökin vilja að HM í Katar fari fram um vetur

Leikmannasamtök atvinnufótboltamanna eru á því að HM í fótbolta sem fram fer í Katar árið 2022 eigi að fara fram um vetur til þess að sleppa við eyðimerkurhitann sem fer stundum yfir 50 gráður á selsíus í Katar á sumrin.

Aquilani: Juventus getur orðið meistari

Ítalinn Alberto Aquilani hefur verið í fínu formi með Juventus í vetur en hann kom til félagsins frá Liverpool. Aquilani er fullur sjálfstrausts og telur Juve geta unnið ítalska meistaratitilinn.

Moratti missti þolinmæðina og rak Benitez frá Evrópumeistaraliði Inter

Rafa Benítez var í kvöld rekinn sem knattspyrnustjóri Evrópumeistaraliðsins Inter á Ítalíu en Spánverjinn tók við starfinu fyrir hálfu ári - eftir að hann var rekinn sem knattspyrnustjóri enska liðsins Liverpool.

Alexander spilaði veikur í dramatískum sigri Füchse Berlin

Pólverjinn Bartlomiej Jaszka tryggði Füchse Berlin 27-26 sigur á Magdeburg í þýsku úrvalsdeildinni í handbolta í kvöld með því að skora sigurmarkið rétt fyrir leikslok. Füchse Berlin var fimm mörkum undir í hálfleik en kom til baka og tryggði sér sigur á lokasprettinum.

Bilbao náði markalausu jafntefli á móti Barcelona á Nývangi

Athletic Bilbao endaði tíu leikja sigurgöngu Barcelona með því að ná markalausu jafntefli á móti spænsku meisturum á Camp Nou í kvöld í fyrri leik liðanna í sextán liða úrslitum spænska Konungsbikarsins. Liðin mætast aftur í Bilbao 5. janúar næstkomandi.

Gylfi skoraði mark beint úr aukaspyrnu í bikarsigri Hoffenheim

Gylfi Þór Sigurðsson skoraði beint úr aukaspyrnu þegar Hoffenheim vann 2-0 sigur á Gladbach í sextán liða úrslitum þýsku bikarkeppninnar í kvöld.

Arnór markahæstur í fimmtán marka sigri AG

Arnór Atlason skoraði átta mörk og var markahæstur í 36-21 sigri AG Kaupmannahöfn á nágrönnum sínum í FIF frá Kaupmannahöfn í dönsku úrvalsdeildinni í handbolta í kvöld.

Stuðningsmenn Plymouth ætla að borga laun starfsmanna félagsins

Hundruðir stuðningsmanna enska c-deildarliðsins Plymouth Argyle hafa tekið sig til og lagt til pening í söfnun svo hægt sér að borga starfsmönnum félagsins laun fyrir hátíðirnar.

Lið Alfreðs og Dags drógust saman í bikarnum

Füchse Berlin, lið Dags Sigurðssonar og THW Kiel, lið Alfreðs Gíslasonar mætast í átta liða úrslit þýska bikarsins en það var dregið í kvöld. Füchse Berlin sló HSV Hamburg út úr 16 liða úrslitunum en hafði ekki heppnina með sér því liðið mætir sjálfum þýsku meisturunum í næstu umferð.

Rhein-Neckar Löwen tapaði sínum fyrstu stigum á heimavelli

Guðmundur Guðmundsson og lærisveinar hans í Rhein-Neckar Löwen urðu að sætta sig við 31-31 jafntefli á móti TBV Lemgo í þýsku úrvalsdeildinni í handbolta í kvöld. Þetta var fyrsta stigið sem Rhein-Neckar Löwen tapar á heimavelli í deildinni í vetur en liðið hafði unnið sjö fyrstu heimaleiki sína.

Íslenskir kylfingar ósáttir við að klukkunni verði seinkað

Stjórn Golfsambands Íslands er allt annað en sátt við frumvarp um að seinka klukkunni á Íslandi og segir að það muni skerða tíma til golfiðkunar á sumrin.

Dagur þjálfar og Alexander spilar í Stjörnuleik þýsku deildarinnar

Í dag var tilkynnt á heimasíðu þýsku úrvalsdeildarinnar í handbolta hvaða leikmenn verða í Stjörnuliði deildarinnar sem mætir þýska landsliðinu í Stjörnuleik sem fer fram í fyrsta sinn Leipzig 5. febrúar næstkomandi. Þetta verður fyrsti leikurinn eftir að HM í Svíþjóð klárast.

Félagi Gylfa á leiðinni til FC Bayern

Gylfi Þór Sigurðsson mun ekki leika áfram með brasilíska miðjumanninum Luiz Gustavo hjá Hoffenheim á næstu leiktíð því hann verður seldur til FC Bayern.

Balotelli ætlar sér að komast til AC Milan

Mario Balotelli virðist ekki vera allt of ánægður í herbúðum Man. City því hann gefur AC Milan undir fótinn hvað eftir annað.Nú hefur Balotelli lýst því yfir að hann muni spila með Zlatan Ibrahimovic.

Adolf bauðst til að sýna Hammerseng magavöðvana sína

Íþróttafréttaritarinn Adolf Ingi Erlingsson hefur lokið keppni fyrir EHF á EM kvenna og hann kvaddi svo sannarlega á eftirminnilegan hátt með viðtali við norsku kempuna, Gro Hammerseng.

Cassano fer til AC Milan

Það er nú orðið ljóst að Antonio Cassano mun ganga í raðir AC Milan og spila með liðinu eftir áramót. Búið er að ganga frá öllum pappírum og Sampdoria því laust við leikmanninn sem það sagði hreinlega upp.