Ólöf á 5 yfir - Birgir á 1 undir

Ólöf María Jónsdóttir, Íslandsmeistari í golfi kvenna, náði sér ekki á strik á fyrsta degi Evrópamótaraðarinnar í Austurríki í morgun. Hún lék fyrsta hringinn á 77 höggum eða fimm yfir pari. Birgir Leifur Hafþórsson er á einu höggi undir pari á móti í Marokkó.

Everton á eftir Forssell

Everton eru á eftir finnska framherjanum hjá Chelsea, Mikael Forssell, ef marka má BBC fréttastofuna sem segja David Moyes, stjóra Everton, vera að undirbúa 4 milljón punda tilboð í leikmanninn.

Vogel samdi við AC Milan

Svissneski miðjumaðurinn hjá PSV Eindhoven, Johan Vogel, skrifaði í dag undir þriggja ára samning við ítalska liðið AC Milan.

Liverpool til Tokyo tvisvar í ár

Liverpool mun fara tvisvar til Japans á árinu. Liðið hafði áður skipulagt æfingaferð þangað í sumar en eftir sigurinn magnaða í Meistaradeild Evrópu í gær er ljóst að liðinu stendur til boða að leika á HM félagsliða, en það mót verður einmitt haldið í Japan dagana 11.-18. desember.

Árangur Liverpool særir Cole

Ashley Cole, vinstri bakvörður Arsenal, sagði í dag að það hefði verið mjög sárt að horfa á Liverpool lyfta Evrópubikarnum í Istanbul í gær bætti við: <em>,,Arsenal ætti að vera vinna svona titla".</em>

Stewart Downing meiddur

Steward Downing, kantmaður Middlesbrough, er nýjasti leikmaðurinn til að draga sig út úr enska landsliðshópnum sem nú er í Bandaríkjunum. Downing meiddist á hné á fyrstu æfingu liðsins fyrir leikina gegn Bandaríkjunum og Kólumbíu.

Landsbankadeildin í kvöld

Fjórir leikir fóru fram í Landsbankadeild karla í knattspyrnu í kvöld og eru Valur og FH enn með fullt hús stiga eftir leiki kvöldsins. KR tapaði óvænt heima fyrir Keflavík og ungu leikmennirnir tryggðu Skagamönnum nauman sigur á Grindavík uppá Skaga.

Liverpool í skrúðgöngu um borgina

Liverpool, sigurvegarar Meistaradeildar Evrópu frá því í gær, fóru í kvöld í skrúðgöngu um Liverpool borg með bikarinn eftirsótta.

Phoenix 0 - San Antonio 2

Reynsla San Antonio Spurs er of mikil til að liðið kippi sér upp við að lenda undir á útivelli í úrslitakeppninni og í gærkvöldi sýndu leikmenn liðsins svo sannarlega úr hverju þeir eru gerðir með góðum leik í fjórða leikhlutanum. Spurs unnu nauman 111-108 sigur á Phoenix í nótt, eru komnir í 2-0 gegn Suns og eiga næstu tvo leiki á heimavelli.

Friðsamlegt í Istanbúl í nótt

Allt fór friðsamlega fram í Istanbúl í Tyrklandi í nótt þegar stuðningsmenn Liverpool og AC Milan máluðu borgina rauða fyrir úrslitaleik liðanna í Meistaradeildinni í kvöld. Leikurinn hefst klukkan 18.45 og verður í beinni útsendingu á Sýn. Upphitun hefst kl. 18 auk þess sem leikurinn verður krufinn til mergjar með sérfræðingum Sýnar í leikslok.

Byrjunarliðið gegn Skotum

Jörundur Áki Sveinsson, þjálfari A-landsliðs kvenna, hefur tilkynnt byrjunarlið Íslands fyrir vináttulandsleikinn gegn Skotum á McDiarmid Park í Perth í dag.

Landsliðið tilkynnt í dag

Landsliðsþjálfararnir Ásgeir Sigurvinsson og Logi Ólafsson tilkynna landsliðshóp Íslands fyrir tvo landsleiki við Ungverjaland og Möltu, 4. og 8. júní á Laugardalsvelli, í dag. Ljóst er að Hermann Hreiðarsson er frá vegna meiðsla en í hans stað hafa landsliðsþjálfararnir valið Keflvíkinginn Harald Frey Guðmundsson.

KSÍ opnar nýja heimasíðu

Knattspyrnusamband Íslands hefur opnað nýja útgáfu af heimasíðu sinni, ksi.is. Nýja síðan er glæsileg og sannarlega verðugur arftaki eldri útgáfunnar sem allir knattspyrnuáhugamenn ættu að þekkja vel núorðið.

20 manna landsliðshópur

Ásgeir Sigurvinsson og Logi Ólafsson hafa ákveðið að velja 20 manna landsliðshóp sem mætir Möltu og Ungverjalandi í næsta mánuði. Heiðar Helguson verður í banni gegn Ungverjum. Tveir nýliðar eru í hópnum, Haraldur Freyr Guðmundsson og Jóhannes Þór Harðarson en það vekur einnig athygli að Tryggvi Guðmundsson er valinn í landsliðið á nýjan leik. Enginn Guðjónssona Þórðarsonar er í hópnum.

Strachan tekur við Celtic

Martin O´Neill tilkynnti í morgun að hann ætli að hætta sem knattspyrnustjóri Celtic eftir fimm ár hjá félaginu og sjö stóra titla. Gordon Strachan hefur verið ráðinn stjóri Celtic í staðinn.

Tveir landsliðsmenn í KR

Tveir landsliðsmenn í körfubolta skrifuðu undir samning við úrvalsdeildarlið KR í morgun. Fannar Ólafsson, sem lék í Þýskalandi, og Pálmi Freyr Sigurgeirsson, sem lék með Snæfelli, skrifuðu báðir undir tveggja ára samninga við KR.

Öruggur sigur Gautaborgar

Hjálmar Jónsson lék allan leikinn í liði Gautaborgar sem sigraði Örgryte 3-0 í sænsku úrvalsdeildinni í knattspyrnu í gærkvöld. Jóhann B. Guðmundsson var ekki í leikmannahópi Örgryte.

Þriðja tapið í röð

Íslenska kvennalandsliðið í handknattleik tapaði í þriðja vináttulandsleiknum í röð gegn gegn Hollendingum þegar liðin mættust í gærkvöld. Holland vann 26-23. Hanna Stefánsdóttir var markahæst í liði Íslands með fimm mörk.

AC Milan yfir gegn Liverpool

AC Milan er 1-0 yfir gegn Liverpool í úrslitaleik Meistardeildar Evrópu í Istanbul í Tyrklandi. Paolo Maldini skoraði markið eftir aðeins 50 sekúndna leik eftir aukaspyrnu frá Andrea Pirlo. Leikurinn hófst kl. 18.45 og er í beinni útsendingu á Sýn.

Sigfús aftur í landsliðið

Viggó Sigurðsson, landsliðsþjálfari karla í handbolta tilkynnti í dag val sitt á 18 manna hópi til undirbúnings og þátttöku í undankeppni Evrópumeistaramótsins. Leiknir verða æfingaleikir við Svía hér heima í byrjun júní og gegn Hvít-Rússum í undankeppni EM. Sigfús Sigurðsson kemur aftur inn í hópinn.

AC Milan að slátra Liverpool

AC Milan er hreinlega að ganga frá Liverpool strax í fyrri hálfleik í úrslitaleik Meistaradeildarinnar en staðan er orðin 3-0 fyrir Ítalana þegar flautað hefur verið til hálfleiks. Argentínumaðurinn Hernan Crespo hefur skorað tvívegis með 5 mínútna millibili skömmu fyrir hálfleik. Fyrst á 39. mínútu og svo á 44. mínútu.

Tvö mörk Liverpool á 2 mínútum

Steven Gerrard og Vladimir Smicer hafa minnkað muninn fyrir Liverpool í 2-3 gegn AC Milan í úrslitaleik Meistaradeildarinnar. Mörkin komu með 2 mínútna millibili í upphafi síðari hálfleiks, Gerrard á 54. mínútu og Smicer á 56. mínútu.

LIVERPOOL JAFNAR !

Liverpool hefur tekist hið ómögulega að jafna gegn AC Milan þar sem staðan er orðin 3-3 í úrslitaleik Meistaradeildarinnar. Xabi Alonso jafnaði úr vítaspyrnu sem Steven Gerrard fiskaði á Gattuso á 60. mínútu og hefur Liverpool skorað 3 mörk á 6 mínútum eftir að staðan var 3-0 í hálfleik fyrir Milan.

Tvö lið - 19 þjóðerni

Leikmenn frá 19 löndum öttu kappi í úrslitaleik Meistaradeildarinnar í knattpyrnu í Istanbul í Tyrklandi milli AC Milan og Liverpool. Hjá sexföldum Evrópumeisturum Milan voru leikmenn af 8 þjóðernum í hópnum. Liverpool stillti upp leikmönnum frá 9 mismunandi þjóðum í byrjunarliðinu einu.

Íslensku stúlkurnar lögðu Skota

Íslenska kvennalandsliðið í knattspyrnu vann góðan útisigur á Skotlandi í vináttulandsleik  í Perth í Skotlandi í kvöld, 0-2. Dóra María Lárusdóttir skoraði bæði mörk íslenska liðsins í seinni hálfleik, á 68. og 77. mínútu.

Framlenging í Istanbul

Úrslitaleikur AC Milan og Liverpool í Meistaradeild Evrópu fer í framlengingu en staðan að loknum venjulegum leiktíma er 3-3. Rafael Benitez knattspyrnustjóri Liverpool hefur skipt öllum varamönnunum sínum þremur inn á en sá fyrsti kom inn á strax á 23. mínútu. Carlo Ancelotti þjálfari Milan hefur skipt tveimur varamönnum inn á.

LIVERPOOL EVRÓPUMEISTARAR!

Liverpool var að tryggja sér Evrópumeistaratitilinn í knattspyrnu eftir sigur á AC Milan í vítaspyrnukeppni, 2-3. Staðan að loknum venjulegum leiktíma var 3-3 eftir að AC Milan komst í 3-0 í fyrri hálfleik. Markvörðurinn Jerzy Dudek var hetja Liverpool í vítaspyrnukeppninni þar sem hann varði tvær vítaspyrnur.

FH-ingar í góðra liða hóp

FH-ingar eru sjöunda liðið í sögu tíu liða efstu deildar sem hefur fullt hús og sex mörk eða meira í plús eftir fyrstu tvær umferðir Íslandsmótsins. FH-ingar hafa byrjað Landsbankadeild karla með sannfærandi hætti í sumar.

Tvö glæsimörk frá Dóru Maríu

Íslenska kvennalandsliðið í knattspyrnu byrjaði vel undir stjórn Jörundar Áka Sveinsssonar en liðið vann 2-0 sigur á Skotum í vináttulandsleik þjóðannna í Perth í gær. Jafnræði var með liðunum í fyrri hálfleik, en íslenska liðið var mun sterkara í þeim síðari og var sigurinn fyllilega verðskuldaður.

Ólafur dregur ummæli sín til baka

Ólafur Þórðarson, þjálfari Skagamanna í knattspyrnu, hefur dregið ummæli sín um Garðar Örn Hinriksson, dómara í efstu deild, til baka. Ólafur hélt því fram í fjölmiðlum í gær að Garðar Örn hataði ákveðna leikmenn ÍA og sakaði hann um hlutdrægni í dómgæslu sinni.

Tryggvi inn og Rúnar hættur

Landsliðsþjálfarnir í knattspyrnu kynntu í gær landsliðshópinn sem mætir Ungverjum 4. júní og liði Möltu fjórum dögum síðar á Laugardalsvellinum. Þeir völdu 20 manna hóp þar sem Heiðar Helguson verður í banni í fyrri leiknum - og einfaldlega til að hafa vaðið fyrir neðan sig.

KSI.is líka fyrir blinda

Heimasíða Knattspyrnusambands Íslands hefur nú fengið nýtt og betra útlit en eldri útgáfan hafði þjónað sínu undanfarin fimm ár. Skipulag síðunnar hefur verið tekið í gegn, sem og útlit, viðmót og virkni.

Snorri Steinn í fótspor Ólafs

Handboltamaðurinn Snorri Steinn Guðjónsson hefur farið hamförum í þýsku deildinni að undanförnu og var valinn í lið vikunnar í deildinni af tímaritinu Handball Woche. Þetta er í fjórða sinn sem hann er valinn í lið vikunnar á tímabilinu.

Eins og í Liverpool-sögu

Liverpool varð Evrópumeistari í gær þegar þeir sigruðu AC Milan í dramatískum úrslitaleik í Istanbúl. Liverpool var 3-0 undir í leikhléi en snéri töpuðu tafli sér í hag á ótrúlegan hátt.

Róbert og Sturla misstu af titli

Kolding tryggði sér danska meistaratitilinn í gær með öruggum sigri á Aarhus, 31-27, í oddaleik. Kolding var mikið mun betra liðið í leiknum og svo gott sem tryggði sér sigur í leiknum í fyrri hálfleik en hálfleikstölur voru 16-8.

Miami 0 - Detroit 1

Meistarar Detroit Pistons hafa stundum orð á því að lið þeirra hafi ekki fengið þá virðingu áhorfenda og fjölmiðlamanna sem meistaraliði sæmir. Þeir njóta hinsvegar virðingar mótherja sinna á vellinum, ekki síst eftir leiki eins og gær þegar þeir lögðu Miami 90-81 í fyrsta leik liðanna í úrslitum austurdeildarinnar.

Gunnar með þrennu gegn Landskrona

Gunnar Heiðar Þorvaldsson skoraði þrennu fyrir Halmstad þegar liðið burstaði Landskrona 5-1 í sænsku úrvalsdeildinni í knattspyrnu í gær. Mörk Gunnars komu öll á 18 mínútna kafla í síðari hálfleik. Þetta voru fyrstu mörk Gunnars á tímabilinu. Halmstad er í öðru sæti í deildinni með níu stig eftir fjóra leiki en Helsingsborgs er á toppnum með tíu stig.

Jafntefli hjá HK og Haukum

HK og Haukar skildu jöfn 2-2 í fyrstu deild karla í knattspyrnu í gærkvöldi. Árni Thor Guðmundsson og Eyþór Árnason skoruðu fyrir HK en Hilmar Geir Eiðsson og Svavar Sigurðsson voru á skotskónum fyrir Hauka.

Dagur aftur meistari með Bregenz

Dagur Sigurðsson varð í gærkvöld Austurríkismeistari í handknattleik með liði sínu Bregenz, annað árið í röð. Bregenz tryggði sér titilinn með því að vinna Margareten 44-38 í tvíframlengdum síðari úrslitaleik liðanna. Bregenz vann einnig fyrri úrslitaleikinn. Dagur, sem einnig þjálfar liðið, skoraði fimm mörk í leiknum í gær.

Síðasti leikurinn með Liverpool?

Milan Baros, sóknarmaður Liverpool segir að úrslitaleikurinn í Meistaradeildinni gegn AC Milan annað kvöld geti orðið síðasti leikur hans fyrir félagið. Baros er ekki sáttur að fá ekki að leika meira með liðinu og mun skoða möguleika sína eftir leikinn. Mörg félög hafa borið víurnar í hann.

Segist ekki hafa boðið í Zlatan

Real Madrid neitar að hafa boðið 30 milljónir punda í Svíann Zlatan Ibrahimovich hjá Juventus. Real hefur ekki unnið titil í tvö ár sem er talið óviðunandi á þeim bænum. Liðið eru orðað við fleiri stjörnur, þar á meðal Rio Ferdinand og Cristiano Ronaldo hjá Manchester United og Steven Gerrard, fyrirliða Liverpool.

Suns-Spurs í beinni á Sýn í nótt

Körfuboltaveislan heldur áfram á sjónvarpsstöðinni Sýn í nótt, þegar annar leikur Phoenix Suns og San Antonio Spurs í úrslitum vesturdeildar verður í beinni útsendingu <strong>klukkan eitt</strong> eftir miðnætti. Fyrsti leikur liðanna var frábær skemmtun og mikið var skorað, svo áhorfendur Sýnar eiga gott kvöld í vændum.

Mutu með Juventus á sunnudag

Rúmenski landsliðsmaðurinn í knattspyrnu, Adrian Mutu er nú búinn að afplána 7 mánaða keppnisbannið sem hann var úrskurðaður í og leikur að öllum líkindum á sunnudaginn með Juventus í lokaumferð ítölsku deildarinnar.

Maradona spáir Milan sigri

Knattspyrnugoðsögnin Maradona spáir því að AC Milan hampi Evrópumeistaratitlinum annað kvöld en þá mætir ítalska liðið Liverpool í úrslitaleik Meistaradeildarinnar. Sá litli argentínski er staddur í Istanbul í Tyrklandi og verður viðstaddur leikinn.

Stórsigur Hjálmars og félaga

Hjálmar Jónsson lék allan leikinn í liði Gautaborgar sem sigraði Örgryte 3-0 í sænsku úrvalsdeildinni í knattspyrnu í kvöld. Jóhann B. Guðmundsson var ekki í leikmannahópi Örgryte. Gautaborg er 7. sæti deildarinnar með 12 stig eftir 7 leiki, en Örgyte er í í 12. sæti með 7 stig. Ekki er þó langt í toppinn því Helsingborgs IF er efst með 14 stig.