Ölvaður ók á barn og flúði

Betur fór en á horfðist þegar ölvaður maður ók skellinöðru á barnavagn í Óðinsvéum á fimmtudag. Hálfs árs gömul stúlka sem var í vagninum þeyttist tíu metra vegalengd, en lenti sem betur fer á grasbala við göngustíg og meiddist ekkert.

Björn beit 12 ára dreng

Tólf ára gamall drengur var bitinn af birni í Härjedalen í miðhluta Svíþjóðar. Lögreglan í Jämtland segir að ekki liggi fyrir hversu alvarlega slasaður drengurinn er. Drengurinn var á skíðum með jafnöldrum sínum við Funäsdalsberget þegar björninn beit hann í báða fótleggina. Hann var einnig bitinn í hrygginn. Sjúkraþyrla var send á vettvang til að sækja drenginn.

Miklir kjarreldar í Colorado

Rúmlega 8500 manns hafa neyðst til að yfirfega heimili sín í Denver í Colorado í Bandaríkjunum þar sem nú geisar miklir kjarreldar. Eldurinn hefur breiðst út á 6,5 ferkílómetra svæði og um hundrað slökkviliðsmenn berjast nú við hann en mikill vindur gerir þeim erfitt um vik. Engar fregnir hafa borist af meiðslum á fólki en íbúðarhús eru sumstaðar í hættu.

Tugþúsundir mótmæla í Jemen

Tugþúsundir manna komu saman í höfuðborg Jemens, Sanaa, í dag að loknum föstudagsbænum múslima. Mikil ófriður hefur verið í landinu síðustu vikur og í síðustu viku féllu 50 manns fyrir byssukúlum lögreglunnar.

Lögreglumenn skutu 14 ára dreng

Fimm brasílískir lögreglumenn hafa verið handteknir eftir að myndband sem virðist sýna þá skjóta fjórtán ára gamlan dreng var sýnt í sjónvarpi.

Óttast að gat hafi komið á kjarnakljúfinn

Japönsk yfirvöld óttast nú að gat sé á einum kjarnakljúfinum í Fukushima Kjarnorkuverinu. Reynist þetta raunin eykst verulega hættan á alvarlegri geislamengun frá verinu sem varð illa úti í Jarðskjálftanum í Japan á dögunum og í flóðbygjunni sem kom á eftir.

Elizabeth Taylor mætti of seint í eigin jarðarför

Stórleikkonan Elizabeth Taylor var í gær jörðuð í kirkjugarði í útjaðri Los Angeles borgar, aðeins einum degi eftir að hún lést. Taylor var 79 ára gömul og lést af völdum hjartabilunar. Jarðarförin hófst fimmtán mínútum of seint miðað við auglýstan tíma, en það hafði Taylor sjálf sérstaklega beðið um, að því er upplýsingafulltrúi hennar segir. Þannig tókst henni að verða sein í sína eigin jarðarför.

Að minnsta kosti 60 látnir í hörðum skjálfta í Búrma

Rúmlega 60 eru látnir og tugir bygginga eru rústir einar eftir að sterkur jarðskjálfti reið yfir Norð-austurhluta Búrma, nálægt landamærunum að Tælandi. Skjálftinn mældist 6.8 stig og varð á tíu kílómetra dýpi og fundu íbúar Bangkok greinilega fyrir honum en borgin er í 800 kílómetra fjarlægð. Yfirvöld segja að tala látinna geti auðveldlega hækkað sérstaklega í bænum Tarlay sem er nálægt upptökunum. Þar hrundu fimm klaustur til grunna og að minnsta kosti 35 íbúðarhús.

Tíu þúsund látnir í Japan - sautján þúsund saknað

Tala látinna eftir jarðskjálftann í Japan og flóðbylgjuna sem kom á eftir er nú komin yfir tíu þúsund. Rúmlega sautján þúsund manns er enn saknað og tæplega þrjú þúsund manns liggja slasaðir á sjúkrahúsum landsins.

Tveir veiktust í kjarnorkuveri

Tvær vikur eru nú liðnar frá því jarðskjálftinn mikli reið yfir Japan með gríðarlegi flóðbylgju í kjölfarið. Þessar tvær vikur hefur fólk víða í Japan þurft að búa við margvíslegt harðræði, tíðar rafmagnstruflanir, vöruskort í verslunum og ótta við geislamengun.

Fílskálfar leika sér í uppblásinni sundlaug - samtals 770 kíló

Fílskálfarnir Baylor og Tupelo búa í dýragarðinum í Houston í Bandaríkjum. Þeir eru báðir innan við árs gamlir, Baylor sem er tarfur fæddist í maí 2010 en Tupelo sem er kvíga fæddist í október. Hún var heil 124 kíló þegar hún fæddist og er nú orðin um 270 kíló. Baylor er öllu fyrirferðarmeiri, enda eldri, og orðinn 500 kíló. Baylor og Tupelo hafa gaman af því að leika sér í uppblásinni sundlaug sem starfsmenn dýragarðsins fylla reglulega af vatni fyrir þau. Myndband af leik þeirra má sjá með því að smella á tengilinn hér að ofan. Reyndar er það svo að fyrst léku þeir sér alltaf í uppblásinni barnasundlaug sem vegna fyrirferðar fílskálfanna hreinlega sprakk eftir aðeins örfáar mínútur. Nú fá þeir því að leika sér í fjölskyldusundlaug, og er þar átt við mennska fjölskyldu, sem dugar þeim í allt að fimm skipti áður en hún springur. Baylor og Tupelo hafa sérstaklega gaman af því að komast í bað þegar heitt er í veðri. Gestir dýragarðsins fylgjast iðulega spenntir með.

Skutu á líbíska flugvél

Áhöfn franskrar herþotu skaut á líbíska flugvél í dag, en áhöfn líbísku flugvélarinnar hafði brotið flugbannið yfir líbískri lofthelgi sem öryggisráð Sameinuðu þjóðanna setti á í síðustu viku. Líbíska vélin var nýlent í borginni Misrata þegar ráðist var á hana. Þetta er í fyrsta skiptið sem ráðist er á vél eftir að flugbannið var samþykkt.

Portúgalar nálægt því að leita neyðaraðstoðar

Portúgal er nú einu skrefi nær því að leita neyðaraðstoðar eins og Írland og Grikkland hafa gert eftir að ríkisstjórn landsins sagði af sér í gær.

Enn aukast mótmælin í Sýrlandi

Mótmælendur hafa safnast saman í sýrlensku borginni Daraa í dag og hrópað slagorð gegn ríkisstjórninni og forsetanum Al Assad. Í dag voru mótælendur sem féllu fyrir byssukúlum lögreglunnar í gær bornir til grafar og segja sumir að allt að 20 þúsund manns hafi komið saman af því tilefni og mótmælt framferði stjórnarinnar. Að minnsta kosti fimmtán manns hafa látið lífið í bardögum lögreglu og mótmælenda í gær og öryggissveitir yfirvalda hafa umkringt miðborgina til þess að reyna að lægja ófriðaröldurnar. Mótmælendur sækja hinsvegar í sig veðrið og nú er fólk hvatt til þess að koma saman á morgun að loknum föstudagsbænum múslima.

Þvertaka fyrir dauða óbreyttra borgara

Yfirmaður í Bandaríkjaher staðhæfir að engar staðfestar fregnir hafi borist af mannfalli á meðal óbreyttra borgara í Líbíu af völdum loftárása bandamanna síðustu daga. Þetta gengur þvert á það sem talsmenn Gaddafís einræðisherra hafa staðhæft. Aðmírállinn Gerard Hueber segir að verkefni bandamanna sé að verja saklausa borgara og því séu skotmörk valin með það sem helsta markmið að skaða ekki almenna borgara.

Myrtu óbreytta borgara sér til skemmtunar

Bandarískur hermaður hefur viðurkennt að hafa verið meðlimur í hópi sem myrti almenna borgara í Afganistan sér til skemmtunar. Hermaðurinn, hinn 23 ára gamli Jeremy Morlock, hefur borið fyrir herrétti að hann hafi ásamt nokkrum félögum sínum í hernum, sviðsett átök til þess að eiga auðvelt með að drepa saklausa menn sem urðu á vegi þeirra.

Starfsmenn Fukushima aftur til starfa

Starfsmenn Fukushima kjarnorkuversins hafa enn einu sinni snúið aftur til vinnu sinnar við að kæla kjarnaofna versins, en allt starfsfólkið var flutt á brott síðdegis í gær þegar svartur reykur fór að liðast upp frá einum ofninum sem skemmdist þegar jarðskjálftinn reið yfir þann ellefta mars síðastliðinn. Óljóst er hvað olli reyknum en engin merki voru um að eldur hefði brotist út og geilslamengun á svæðinu jókst ekki að því er stjórnvöld segja.

Að minnsta kosti tíu mótmælendur skotnir til bana

Að minnsta kosti tíu mótmælendur létu lífið og tugir eru slasaðir eftir að lögreglan í Sýrlandi hóf skothríð á hóp fólks sem mótmælti drápum á sex mótmælendum í borginni Daraa í fyrrinótt.

Yfir 300 þúsund hafa flúið frá Líbíu

Barack Obama Bandaríkjaforseti ítrekaði í gær að innrás á landi í Líbíu til að koma Múammar Gaddafí frá völdum kæmi ekki til greina.

Fólk hamstrar vatn úr búðum í Tókýó

„Ég hef aldrei séð annað eins,“ sagði Toru Kikutaka, verslunarmaður í Tókýó, þar sem verslunarhillur með vatnsflöskum tæmdust nánast á augabragði eftir að borgarstjórinn sagði geislamengun hafa mælst í kranavatni borgarinnar.

Strúturinn snéri heim

Strútur sem strauk frá bóndabýli í Rúmeníu snéri aftur heim til sín nokkrum dögum síðar.

Gaddafi lofar sögulegu stríði

Loftárásir voru gerðar á liðsmenn Gaddafís í nótt þar sem þeir þjörmuðu að uppreisnarmönnum í og við borgina Misrata. Flugbann hefur ekki náð að koma í veg fyrir blóðsúthellingar almennra borgara.

Tveir Norðmenn deila með sér 500 milljónum - Ofurtalan kom upp

Það voru tveir heppnir Norðmenn sem deildu með sér fyrsta vinningnum í Víkingalóttinu. Ofurtalan kom í pottinn og voru því tæplega 500 milljónir í pottinum.

Sprengjuárás í Jerúsalem

Að minnsta kosti 20 manns slösuðust í sprengingu í strætisvagni í Jerúsalem í dag. Sprengja hafði verið skilin eftir í í poka eða tösku í vegarkanti nálægt aðal strætisvagnastöð borgarinnar. Vitni segja að sprengjan hafi verið afar öflug og að byggingar í nágrenninu hafi skolfið þegar hún sprakk. Hryðjuverkaárásir hafa verið fátíðar í borginni síðustu ár en árið 2000 gerðu herskáir Palestínumenn ítrekaðar árásir í borginni. Síðasta sprengjuárásin þar til nú var gerð árið 2004.

Loftárásir á Líbíu: 88% Svía fylgjandi en 10% á móti

Aðgerðir herja Vesturlanda gegn stjórn Gaddafí í Líbíu, njóta stuðnings 88% sænsku þjóðarinnar samkvæmt skoðanakönnun dagblaðsins Expressen. Tíu prósent sögðust andvíg hernaðinum.

Elizabeth Taylor er látin

Ein stærsta kvikmyndastjarna allra tíma, Elizabeth Taylor er látin, 79 ára að aldri. Taylor hafði lengi barist við veikindi og var í meðferð við hjartsláttartruflunum. Á meðal frægra mynda sem Taylor lék í má nefna Cleopatra og Who's afraid of Virgina Woolf?

Draugaborgin Detroit

Íbúum bílaborgarinnar Detroit hefur snarfækkað á síðustu tíu árum. Nýjar tölur um íbúafjölda í borginni, sem má muna sinn fífil fegurri þegar bílaiðnaðurinn var í blóma, sýna að íbúum í borginni hefur fækkað um 25 prósent á síðusta áratug. Nú búa rúmlega 700 þúsund manns í borginni og hafa íbúarnir ekki verið færri í heil hundrað ár.

Katsav dæmdur í sjö ára fangelsi

Moshe Katsav, fyrrverandi forseti Ísraels, var í gær dæmdur í sjö ára fangelsi fyrir nauðgun. Málaferlin hafa tekið fimm ár, en Katsav sagði af sér vegna málsins árið 2007, hálfum mánuði áður en kjörtímabil hans rann út.

Gaddafí: Ég er skapari morgundagsins

Múammar Gaddafí leiðtofi Líbíu segist handviss um að hann og hans menn beri sigur úr býtum í því stríði sem nú stendur yfir. Gaddafi kom út á meðal almennings þegar hann hélt ræðu sem sýnd var í sjónvarpi á stað sem nýlega varð fyrir sprengjum bandamanna sem hafa látið loftskeytum og sprengjum rigna á höfuðborginni Trípólí síðustu fjórar nætur.

Mannfall á meðal mótmælenda í Sýrlandi

Að minnsta kosti sex létust í gærkvöldi þegar slí í brýnu á milli mótmælenda og lögreglumanna í sýrlensku borginni Deraa. Fjöldi fólks hafði komið saman fyrir utan mosku í borginni til þess að koma í veg fyrir að lögreglan færi þangað inn en þar hafa mótmæli staðið yfir síðustu vikur. Að minnsta kosti tíu hafa nú látist í átökunum. Neyðarlög hafa verið í gildi í Sýrlandi frá árinu 1963 og er afnám þeirra á meðal helstu krafna mótmælenda.

Geislavirkt kranavatn í Tókíó

Heilbrigðisyfirvöld í Tókíó vara nú við því að geislamengun í kranavatni borgarinnar sé svo mikil að ungabörn megi alls ekki drekka það. Sumstaðar í borginni er mengunin tvöföld á við það sem eðlilegt getur talist.

Knútur var veikur í heila

Dánarorsök ísbjarnarins Knúts er nú kunn. Upplýst hefur verið um hana í krufningaskýrslu. Margar kenningar hafa verið settar fram um það hvers vegna björnin drapst en nú er búið að taka af öll tvímæli með krufningaskýrslunni. Björninn drapst vegna sjúkdóms í heila, segir í blaðinu News aus Berlin sem greinir frá krufningaskýrslunni. .

Stjórnvöld í Líbíu: Fjöldi óbreyttra borgara hafa fallið

Bandarísk herþota brotlenti nærri Benghazi í Líbíu í gærkvöldi en loftárásir héldu áfram í höfuðborg landsins í nótt. Líbísk stjórnvöld fullyrða að fjöldi óbreyttra borgara hafi fallið í árásunum. Deilur hafa risið í röðum bandamanna.

Forseti Jemens samþykkir að stíga til hliðar fyrir áramót

Forseti Jemens, Ali Abdullah Saleh, hefur samþykkt tillögu andstæðinga sinna þess efnis að hann muni hverfa úr embætti fyrir árslok. Þetta staðhæfir hátt settur maður innan ríkisstjórnarinnar. Áður hafði hann aðeins lofað því að hætta fyrir árið 2013 en áköf mótmæli hafa verið í landinu síðustu vikur og hafa tugir eða hundruðir látist í átökunum.

Bandarísk herþota hrapaði í Líbíu

Bandaríski herinn hefur staðfest að herþota af gerðinni F-15 Eagle hafi farist í Líbíu. Ekkert er sagt benda til þess að vélin hafi verið skotin niður heldur hafi hún einfaldlega hrapað til jarðar. Tveir menn voru um borð og náðu þeir að skjóta sér út. Annar þeirra er fundinn en hinns er enn leitað, að því er fram kemur á fréttavef BBC.

Fékk grætt á sig nýtt andlit

25 ára gamall Bandaríkjamaður fékk í gær grætt á sig nýtt andlit. Maðurinn afmyndaðist í andliti þegar hann snerti háspennulínu hann og tók það 30 lækna rúma fimmtán klukkutíma að græða nýja andlitið á hann. Aðgerðin var framkvæmd nákvæmlega ári eftir að fyrsta aðgerðin af þessu tagi var framkvæmd á Spáni.

Brúðurin eyddi brúðkaupsnóttinni í fangelsi

Lögregla var kölluð til í borginni Phoenix í Arizona í gær þegar til átaka kom í brúðkaupsveislu. Þegar lögreglan mætti á svæðið voru fjöldaslagsmál í gangi í veislunni.

Aftur byrjað að kæla kjarnaofnana í Fukushima

Vinna er á ný hafin við að kæla kjarnaofnana í Fukushima kjarnorkuverinu.

Hjóna saknað eftir snjóflóð í Noregi

Hjóna er saknað í Noregi eftir að snjóflóð féll á hús þeirra nálægt Balestrand í Sogni í gærkvöldi. Flóðið tók tvö hús á svæðinu og standa aðeins grunnarnir eftir. Tíu manns voru fluttir á brott í gærkvöldi vegna snjóflóða og snjóflóðahættu og leit að hjónunum sem saknað er hefur tafist vegna hættunnar. Skip frá norsku strandgæslunni er á leið inn í fjörðinn þar sem flóðin féllu til leitar en ekki þykir öruggt að fara landleiðina.

Skriðdrekar brenna eftir árásir bandamanna við Benghasí í Líbíu

Ónýtir skriðdrekar og brynvarðir bílar sáust víða á vegum í nágrenni borgarinnar Benghasí í gær. Borgin er höfuðvígi uppreisnarmanna gegn stjórn Moammars Gaddafí, einræðisherra Líbíu. Hart hefur verið barist í nágrenni borgarinnar undanfarið.

Charlie Sheen að snúa aftur í Two and a Half Men?

Nýjustu fregnir úr Hollywood herma að leikarinn Charlie Sheen verði mögulega endurráðinn í sjónvarpsþáttinn vinsæla Two and a Half Men. Gustað hefur um stjörnuna síðustu vikur eftir að hann hellti sér yfir framleiðendur þáttanna og hagaði sér almennt stórundarlega. Í kjölfarið var hann rekinn. Nú segja heimildir úr innsta hring leikarans að honum verði boðið hlutverkið að nýju. Sheen var áður en hann var rekinn hæst launaði leikarinn í Bandarísku sjónvarpi og fékk rúmar hundrað og þrjátíu milljónir fyrir hvern þátt.

Sprengjuregn í Trípólí

Loftárásir héldu áfram á höfuðborg Líbíu þriðju nóttina í röð. Háværar sprengingar heyrðust og loftvarnabyssur geltu í alla nótt í borgina en herþotur bandamanna reyna nú að útrýma loftvörnum einræðisherrans Gaddafís. Árásirnar hafa gert uppreisnarmönnum í landinu auðveldar fyrir að berjast við heri Gaddafís en hernaðarsérfræðingar óttast þó að þrátefli kunni að koma upp þar sem uppreisnarmennirnir séu ekki nægilega vel vopnum búnir til þess að láta kné fylgja kviði.

Starfsmenn flýja reyk úr kjarnorkuveri

Starfsmenn sem unnið hafa að viðgerðum á kjarnorkuverinu í Fukushima í Japan flúðu í gær í ofboði eftir að hvítur reykur tók að stíga upp af kjarnaofnunum tveimur sem skemmdust í flóðbylgjunni fyrir ellefu dögum.

Bjargað eftir níu daga í húsarústum

Sextán ára gamall piltur sem bjargað var úr húsarústum í norðurhluta Japans ásamt ömmu sinni eftir níu daga segir þau hafa nærst á vatni og flögum. Staðfest er að tala látinna sé nú nærri níu þúsund og um þrettán þúsund er enn saknað.

Tiger Woods búinn að næla sér í eina fjórtán árum yngri

Kvennabósinn og íþróttamaðurinn Tiger Woods var ekki lengi á lausu eftir að hafa gengið frá skilnaðarpappírunum við fyrrum eiginkonu sína fyrir nokkrum mánuðum síðan.