Blair róaði Erdogan

Leiðtogar Evrópusambandsríkjanna ákváðu á fundi sínum í gær að gera hlé á aðildarviðræðum við Tyrkland en ítrekuðu þó að dyr sambandsins myndu áfram standa nýjum ríkjum opnar. Tony Blair forsætisráðherra Bretlands reyndi í morgun að sefa tyrkneska ráðamenn en þeir eru afar vonsviknir yfir ákvörðuninni.

Abbas boðar kosningar

Mahmoud Abbas forseti Palestínu sagði í ræðu nú í morgun að Hamas-samtökin bæru ábyrgð á róstunum sem nú ríkja á heimastjórnarsvæðunum. Hann hótaði að leysa ríkisstjórnina frá völdum og lét að því liggja að þing- og forsetakosningar væru á næsta leiti.

Lítt gefnir fyrir sopann

Þingmenn á norska stórþinginu eru reglusamir í meira lagi, ef marka má frétt dagblaðsins Aftenposten. Þar kemur fram að á síðasta ári hafi ölsala í mötuneyti þinghússins verið svo lítil að hún jafngildi því að hver þingmaður hafi drukkið sem svarar fjórum matskeiðum af bjór á árinu.

Aftökum í Flórída frestað

Jeb Bush, ríkisstjóri í Flórída og bróðir George Bush Bandaríkjaforseta, hefur fyrirskipað að öllum aftökum í ríkinu verði frestað um óákveðinn tíma. Ástæðan er misheppnuð aftaka með eitursprautu á Angel Nievez Diaz fyrr í vikunni en hún tók rúman hálftíma í stað fimmtán mínútna.

Bréfin frá Bandaríkjunum biðu í 7 ár

Rússneskir bréfberar hafa hafist handa við að bera út fjögur og hálft tonn af bréfum og pökkum sem voru send frá Bandaríkjunum árið 1999. Ríkisrekin póstþjónustan í Rússlandi segir bið bréfanna ekki sína sök heldur skellir skuldinni á hafnaryfirvöld í Finnlandi, þar sem gámurinn með póstinum "gleymdist" í 7 ár.

Hetjutenórinn ber við lágum blóðsykri

Roberto Alagna, tenórinn frægi sem hljóp af sviðinu á La Scala óperunni í miðri aríu þegar áhorfendur bauluðu á hann, ber því við að hann þjáist af lágum blóðsykri og hafi því ekki getað klárað atriðið eða sýninguna. Hann ætlar að kæra óperuna fyrir að hafa rekið sig úr sýningunni.

Ólga um nýjan ráðherra í Danmörku

Sama dag og Carina Christensen er skipuð í embætti neytendaráðherra í Danmörku í stað Lars Barfoeds, sem sagði af sér á miðvikudaginn, er búið að ata hana auri í dönsku blöðunum. Vinnueftirlitið hefur gert athugasemdir við húsgagnaverksmiðju sem hún rekur og samkeppnisaðili hefur stefnt fyrirtækinu fyrir iðnstuld.

Bin Laden kampavín í glösin um áramótin

Perúskir bruggarar hafa skipt út andliti jólavínsins á flöskunum: í staðinn fyrir að jólasveinninn brosi framan í fólk er álíka skeggjaður karl en ekki jafn góðlegur kominn í staðinn. Og nafnið hans stendur líka á flöskunum: Bin Laden Kampavín! Yfirvöld hafa hins vegar hellt niður kössum af Osama-drykknum og segja hann óhæfan til manneldis.

Gerviskinnið var ekta í Macy's

Dýraverndunarsamtök ásaka stórverslunina Macy's í New York um að selja úlpu með þvottabjarnarskinni á hettunni með því að merkja hana á vefsíðu sinni á þann veg að loðkraginn væri gerviskinn. Samtökin sögðust hafa keypt slíka úlpu og séð þá að á miða í henni stæði "ekta þvottabjarnarskinn".

Unnustan stal senunni

Vilhjálmur Bretaprins útskrifaðist í dag úr Sandhurst-herskólanum á Englandi. Unnusta hans, Kate Middleton, vakti mikla athygli við athöfnina.

"Talíbanalög" bönnuð í Pakistan

Hæstiréttur í Pakistan bannaði í dag lög sem höfðu verið sett í norðvesturhluta landsins, þar sem samsteypa bókstafstrúaðra múslima ráða ríkjum. Með frumvarpinu átti að lögfesta íslamskt siðferði í héraðinu. Dómstóllinn bannaði fylkisstjóranum að skrifa undir lögin, en þau ganga einnig gegn hófsemisstefnu Musharrafs forseta.

Hávaxinn bjargar höfrungum

Hávaxnasti maður í heimi, Bao Xishun, gerði sér lítið fyrir í gær og bjargaði lífi tveggja höfrunga í dýragarði í Kína.

Prodi slapp með skrekkinn

Romano Prodi, forsætisráðherra Ítalíu, kom óvinsælu fjárlagafrumvarpi fyrir komandi ár í gegnum ítalska þingið í kvöld. Ef þingmenn hefðu fellt frumvarpið hefði Prodi þurft að segja af sér. Ítalska ríkisstjórnin stefnir á að herða sultaról og koma skuldum ríkisins á réttan kjöl á næsta ári. Það verður erfitt verkefni, enda alltaf óvinsælt að taka sparnaðarákvarðanir.

Dyrum ESB hallað

Leiðtogar Evrópusambandsríkjanna ákváðu á fundi sínum í morgun að gera hlé á aðildarviðræðum við Tyrkland en ítrekuðu þó að dyr sambandsins myndu áfram standa nýjum ríkjum opnar.

Rambað á barmi borgarastyrjaldar

Liðsmenn Hamas-samtakanna saka Mahmoud Abbas, forseta Palestínu, um að reyna að koma af stað stríði á heimastjórnarsvæðunum. Fjöldi manna hefur særst í átökum á milli Hamas og Fatah-hreyfingar forsetans undanfarinn sólarhring og í nótt var skotið á bíl Ismails Haniyehs, forsætisráðherra.

Enn einnar vændiskonu saknað í Ipswich

Enn einnar stúlku er saknað í Ipswich á Suðaustur-Englandi, þar sem svo virðist sem óhugnanlegur raðmorðingi leiti til fordæmis Kobba kviðristu og herji á vændiskonur. Síðan 2. desember hafa fimm kvenmannslík fundist á víðavangi á Suffolk-svæðinu, allt vændiskonur sem hafa horfið sporlaust af götunum.

Ætla bara að ráðast á eþíópísku hermennina

Leiðtogi Íslömsku bardagasveitanna í Sómalíu, segist ekki hafa í hyggju að ráðast á bráðabirgðaríkisstjórn Austur-Afríkuríkisins, heldur eingöngu "innrásarsveitir" grannríkisins Eþíópíu. Hassan Dahir Aweys, sjeik, kallaði ásakanir Bandaríkjamanna á þá leið að samtök hans séu í raun leppsamtök Al Kaída í Sómalíu, innantómt raus.

Gleðileg jól

Ávirðingar hlaðast upp á nýjan ráðherra

Carina Christensen, hinn nýi fjölskyldu- og neytendaráðherra Danmerkur, náði ekki að klára einn dag í embætti áður en fjölmiðlar voru búnir að grafa upp meintar ávirðingar á hana. Christensen, sem er 34 ára gömul á og rekur húsgagnaverksmiðju á Fjóni.

Flotadeild til höfuðs flóttamönnum

Leiðtogar Evrópusambandsins hafa samþykkt að stofna sérstaka flotadeild til þess að koma í veg fyrir að ólöglegir inn flytjendur frá Afríku nái að suðurströndum aðildarríkjanna. Einnig verður stofnuð viðbragðssveit landamæravarða sem hægt er að senda á vettvang með litlum fyrirvara.

Offita að setja Bretland á hausinn

Læknar í bresku heilbrigðisþjónustunni segja að sívaxandi offita þjóðarinnar, geti gert þjónustuna gjaldþrota á næstu árum. Samkvæmt nýjustu tölum er offita meiri í Bretlandi en nokkru öðru Evrópuríki. Þar er einn af hverjum fimm fullorðnum of þungur, og læknarnir segja að það geti farið upp í einn af hverjum þremur, ef ekkert verði að gert.

Í værum svefni

Breskur kaupsýslumaður hefur verið dæmdur til 180 klukkustunda samfélagsþjónustu og til að greiða sjötíu og fimm þúsund króna sekt fyrir að tefja lestarsamgöngur í grennd við borgina Epsom í suðurhluta landsins.

Forsetakosningar í Rússlandi 2. mars 2008

Ákveðið hefur verið að flýta forsetakosningum sem fram eiga fara í Rússlandi 2008 um viku. Það er gert vegna þess að almennan frídag ber upp á daginn fyrir kosningarnar.

Svaf vært á teinunum

Breskur maður á yfir höfði sér allt að sex mánaða fangelsisdóm eftir að hann sofnaði á lestarteinum fyrr á þessu ári.

Átök á milli Hamas og Fatah á heimastjórnarsvæðum í morgun

Liðsmenn Hamas saka Fatah-hreyfinguna um að hafa sýnt Ismail Haniyeh, forsætisráðherra palestínsku heimastjórnarinnar, banatilræði við landamærin að Gaza í gærkvöld. Til átaka kom á milli liðsmanna Hamas og Fatah á heimastjórnarsvæðum Palestínumanna í morgun.

Auglýsa með nafni eftir manni vegna morða á vændiskonum

Breska lögreglan hefur auglýst, með nafni, eftir eiganda BMW bifreiðar, í tengslum við morðin á fimm vændiskonum í Ipswich. Maðurinn er einn af þúsundum farandverkamanna frá Austur-Evrópu sem koma til Suffolk ár hvert til þess að vinna í landbúnaði. Hann hefur ekki sést síðan á miðvikudag.

Óttast grímulaust stríð milli Hamas og Fatah

Palestínumenn úr Hamas og Fatah samtökunum hafa í morgun barist bæði á Gaza ströndinni og Vesturbakkanum. Hamas sakar Fatah um að hafa í gær reynt að myrða Ismail Haniyeh, forsætisráðherra palestinsku ríkisstjórnarinnar. Einn lífvarða hans féll í átökunum.

Gifting samkynhneigðra staðfest í New Jersey

Löggjafinn í bandaríska fylkinu New Jersey lögfestu í kvöld dóm hæstaréttar fylkisins frá 25. október, þess efnis að samkynhneigðir gætu staðfest sambúð sína með sömu réttindum og hjón sem eru hvort af sínu kyninu. Eining samkynhneigðra para má samt ekki kallast "hjónaband". Ekki var ákveðið hvað sambúðarformið skyldi kallað í staðinn.

Alagna með eigin tónleika fyrir utan La Scala

Hetjutenórinn Roberto Alagna, sem rauk af sviði La Scala óperunnar í Mílanó í vikunni eftir að baulað var á hann úr salnum, hélt sína eigin sýningu fyrir utan óperuhúsið í kvöld meðan sýningin á Aidu fór fram innandyra án hans. Hann hefur hótað að kæra Scala óperuna ef hann verði ekki tekinn inn í sýninguna á ný.

Demókratinn Johnson ekki í fleiri aðgerðir

Tim Johnson, öldungadeildarþingmaður demókrata, mun ekki þurfa á fleiri skurðaðgerðum að halda, að sögn skurðlæknis sem hefur annast hann frá því í gærkvöldi, þegar hann var lagður í skyndi inn á sjúkrahús með blæðingu á heila. Læknirinn gaf engar nánari upplýsingar um ástand Johnsons.

Utanríkisráðherrann fékk bókmenntaverðlaun

Utanríkisráðherra Finna, Erkki Tuomioja, vann í dag bókmenntaverðlaun Finna í flokki fræðibókmennta fyrir ævisögu ömmu sinnar, sem var vinstrisinnað leikskáld sem hafði leynilegt samband við stjórnvöld í Sovétríkjunum. Hún var auk þess mikils virtur stjórnmálamaður í Finnlandi og atkvæðamikil í viðskiptum.

Hjálp berst ekki til nauðstaddra vegna ofbeldis

Vaxandi ofbeldi í Darfur-héraði í Súdan kemur í veg fyrir að hjálparstofnanir komi hjálpargögnum til hundruða þúsunda sem þurfa á hjálpinni að halda. Leiðtogi Súdana segir friðaráætlun Sameinuðu þjóðanna óraunsæja og sagði S.þ. velkomnar í Súdan, svo lengi sem áætlunin væri raunsæ.

Haniyeh kominn aftur til Gaza

Ismail Haniyeh, forsætisráðherra Palestínu, er nú kominn yfir Rafha-landamærin og aftur inn á Gaza-svæðið eftir heimsókn til Egyptalands. Hann fékk ekki að hafa heim með sér gífurlegar fjárhæðir frá helstu bakhjörlum Palestínumanna en takmark ferðalagsins var að ná í fjárstuðning til Palestínumanna.

Bandaríska LÍÚ styður Íslendinga gegn botnvörpubanni

Forseti Bandalags bandarískra útgerðarmanna tekur undir sjónarmið Íslendinga þegar þeir lögðust gegn algjöru botnvörpubanni á úthöfunum í bréfi til Washington Post. Þetta kemur fram á vef LÍÚ í dag. John Connelly segir í bréfinu að bannið hafi ekki verið samþykkt einfaldlega vegna þess að það hafi verið slæm niðurstaða.

Vilja banna aftökur með lyfjum

Andstæðingar dauðarefsingar kröfðust þess í dag að Hæstiréttur Flórída hætti að dæma fólk til dauða með banvænni lyfjasprautu eftir að dauðastríð dæmds morðingja tók 34 mínútur eftir slíka aftöku í gær. Sprauta þurfti manninn tvisvar en hann engdist engu að síður í rúman hálftíma, meðan flestir gefa upp öndina á nokkrum mínútum.

Risi bjargar höfrungum í Kína

Hávaxnasti maður heims bjargaði í dag lífi tveggja höfrunga sem höfðu gleypt plaststykki. Bao Xishun var kallaður til þar sem hann var sá eini sem hafði nógu langar hendur til þess að teygja sig niður í maga höfrunganna. Bao er 2,36 metrar á hæð og hendurnar á honum hvor um sig 1,06 metrar. Höfrungarnir braggast vel eftir inngrip Baos.

Fé leitar þangað sem fjölmiðlar eru

Janfvirði 1200 milljarða íslenskra króna var veitt til hjálparstarfs víða um heim í fyrra, samkvæmt nýrri hamfaraskýrslu Alþjóða Rauða krossins. Fénu er misskipt, að mati skýrsluhöfunda. Sem dæmi hafi ekki nægilega miklu fé verið veitt til hjálparstarfs í Malaví og segir íslenskur sendifulltrúi matvælaverkefnis Rauða krossins þar að fé leiti þangað sem fjölmiðlar séu.

Haniyeh fær ekki að koma heim með peninga

Ísraelsk yfirvöld hafa lokað landamærum Gaza að Egyptalandi og þannig komið í veg fyrir að Ismail Haniyeh, forsætisráðherra Palestínumanna, komist heim. Hann mun hafa í fórum sínum margar milljónir bandaríkjadala sem á að nota til að rétta af fjárhag heimastjórnarinnar. Það vilja Ísraelar ekki.

Flugöryggi á Kastrup rannsakað

Tvö nýleg atvik á Kastrup-flugvelli sem næstum því enduðu með flugslysi eru kveikjan að rannsókn á flugstjórn og rekstri flugvallarins. Flugumferðareftirlitið danska mun fara ofan í saumana á flugvellinum. Síðan í september hefur tvisvar munað 15 metrum eða minna að tvær farþegavélar rækjust saman.

Ban Ki-moon sver embættiseið

Ban Ki-moon sór í dag embættiseið sem framkvæmdastjóri Sameinuðu þjóðanna. Hann tekur formlega við embættinu af Kofi Annan um áramótin. Ban Ki-moon var áður utanríkisráðherra Suður-Kóreu en sagði því starfi nýverið lausu. Hann er fyrsti Asíubúinn sem gegnir þessu starfi síðan U Thant dró sig í hlé árið 1971.

Líklega myrtar í bíl

Breska lögreglan hefur upplýst að lík vændiskvennanna fimm, sem þegar hafa fundist, hafi öll verið nakin, að frátöldum skartgripum þeirra. Talið er líklegast að þær hafi verið kæfðar eða kyrktar. Greinileg merki um kyrkingu fundust á hálsi að minnsta kosti einnar stúlku.

Forsætisráðherrann fær ekki að hafa með sér peninga

Ísraelar ætla ekki að hleypa Ismail Haniyev, forsætisráðherra Palestínumanna, aftur inn í landið, með milljarða króna fjárhagsaðstoð sem hann hefur safnað erlendis, á undanförnum vikum. Til að hindra endurkomu hans hafa þeir lokað Rafha landamærastöðinni á landamærum Gaza og Egyptalands.

Eyrarsundsbrúin annar ekki umferð

Umferð um Eyrarsundsbrúna milli Danmerkur og Svíþjóðar er svo miklu meiri en gert var ráð fyrir að það horfir til vandræða. Svíar vilja skipa nýja Eyrarsundsnefnd til þess að taka á málinu. Danir hafa þegar ákveðið að bæta við vögnum sín megin frá.

Demokratar að missa meirihluta í öldungadeildinni

Demokratar í Bandaríkjunum bíða nú með öndina í hálsinum eftir að sjá hvort þeir missa meirihluta sinn í öldungadeild þingsins, á nýjan leik. Tim Johnson, öldungadeildarþingmaður, liggur þungt haldinn á sjúkrahúsi eftir skurðaðgerð á heila.

Forsætisráðherra stöðvaður á landamærunum

Ismail Haniyeh, forsætisráðherra Palestínumanna, var ekki hleypt inn á Gaza svæðið, í dag, þegar hann kom úr nokkurra vikna heimsókn erlendis frá. Búist er við að hann hafi með sér milljónir dollara í fjárhagsaðstoð við ríkisstjórn sína. Óljóst er hvort Ísraelar hleypa honum inn í landið, með peningana.