Í værum svefni

Breskur kaupsýslumaður hefur verið dæmdur til 180 klukkustunda samfélagsþjónustu og til að greiða sjötíu og fimm þúsund króna sekt fyrir að tefja lestarsamgöngur í grennd við borgina Epsom í suðurhluta landsins.

Kevin Crasswell var að koma af kránni, hvar hann hafði hellt ótæplega í sig af vodka. Vodkinn sagði til sín á heimleiðinni og Craswell lagðist til svefns. Hann notaði járnbrautarteina fyrir kodda. Lestarstjóri í lest á samhliða teinum sá Craswell og lét lögregluna vita. Craswell vaknaði hvorki við lestarnar sem keyrðu framhjá, nokkra metra frá höfði hans, né lögregluþyrluna sem kom og sótti hann.