Bein útsending - Kosningapartý Stöðvar 2

Kosningapartý Stöðvar 2 er í beinni útsendingu á Vísi í kvöld, auk þess að vera í opinni dagkrá á Stöð 2.

Enn berast tölur um kjörsókn

Nýjustu tölur um kjörsókn hafa borist og eru þær frá því klukkan 20 í kvöld.

Kosning kærð í Reykjavík norður

Framkvæmd kosninganna í Reykjavíkurkjördæmi norður hefur verið kærð þar sem innsigli vantaði á kjörkassana.

Stuð á Twitter í kvöld

Það má búast við mikilli stemmingu um allt land í kvöld enda kosninganótt framundan og kosningavökur haldnar víða. Vísir verður að sjálfsögðu með puttann á púlsinum, með nýjustu tölur, viðbrögð frá frambjóðendum og þar fram eftir götunum.

Þeir sem birta myndir af kjörseðlinum geta búist við sektum

Þeir kjósendur sem hafa tekið myndir af kjörseðlinum sínum og birt þær á Facebook geta búist við því að verða sektaðir ef upp um þá kemst.

Fljúga frá New York til að upplifa íslenska kosninganótt

Magnús Ólafsson og Steinunn Harðardóttir kusu í Ráðhúsinu í dag.

Erfitt að skýra dræma kjörsókn

Grétar Þór Eyþórsson, prófessor í stjórnmálafræði, segir erfitt að skýra hvað valdi því að kjörsókn sé minni nú en í kosningunum árið 2009. Engin skýring blasi við. "Það hafa eitthvað borist fréttir af því að það sé meira af utankjörfundaratkvæðum heldur en síðast. En ég veit ekki hvort það er að vega þetta eitthvað upp," segir Grétar.

Kýs í fyrsta sinn í dag

Alma Ágústsdóttir kýs í dag í fyrsta sinn enda varð hún átján ára í gær. Hún hefur tekið sér góðan tíma til þess að velja hvað hún ætlar að kjósa og meðal annars heimsótt kosningaskrifstofur flestra flokka.

Ólöglegt að birta mynd af atkvæðaseðlinum sínum á Facebook

Þótt kjörsókn sé með dræmara móti er víst að þeir sem taka þátt í kosningunum hafa margir hverjir mikinn áhuga á atburðarrás dagsins og jafnvel að deila skoðunum sínum með öðrum. Þannig veit Vísir af minnst þremur tilvikum þar sem kjósendur hafa tekið mynd af atkvæðaseðlinum sínum inni í kjörklefa og birt á Facebook. Slík hegðun stríðir reyndar gegn 85. grein laga um kosningar til Alþingis.

"Far í friði bróðir"

Júlíus Agnarsson er látinn, sextugur að aldri. Stuðmaðurinn Jakob Frímann Magnússon kallar hann frumkvöðul í hljóðsetningu og hljóðblöndun. "Heiðursborgari í Miðbænum án þess að hafa fengið opinbera tilnefningu," segir Egill Helgason.

Hreggviður Jónsson látinn

Lést á sjúkrahúsi í Flórída á sumardaginn fyrsta. Hann var 69 ára.

Lét ekki ellina aftra sér frá því að mæta á kjörstað

Anna Margrét Franklínsdóttir á Selfossi lét ekki háan aldur stöðva sig í því að mæta á kjörstað í hádeginu á Selfossi og taka þátt í Alþingskosningunum. Hún verður 103 ára þann 15. júní í sumar.

Heldur minni kjörsókn en 2009

Enn berast fréttir af kjörsókn á landsvísu. Kjörsóknin í Reykjavík er sögð sú versta í tíu ár.

Hitað upp fyrir Kosningapartí

"Við fylgjumst að sjálfsögðu með nýjustu tölum um leið og þær berast, en fókusinn verður á stuðið,“ segir Logi Bergmann, umsjónarmaður Kosningapartís Stöðvar 2 sem hefst í opinni dagskrá klukkan 21 í kvöld.

"VG aldrei toppað á réttum tíma"

Katrín Jakobsdóttir formaður VG vonast til að breyta út af venjunni í kvöld.

Stemning á troðfullri kosningaskrifstofu

Sigmundur Davíð Gunnlaugsson, formaður Framsóknarflokksins, kaus á Egilsstöðum í morgun.

Segir bara tvo möguleika á stjórnarmyndun miðað við kannanir

Gunnar Helgi Kristinsson, prófessor í stjórnmálafræði, telur líklegt að forseti Íslands kalli formenn flokkana á sinn fund á morgun eða hinn og að ný ríkisstjórn verði mynduð fljótlega eftir kosningar.

Ekki líklegir til að kjósa sama flokk

Harmageddon-bræður, þeir Frosti og Máni, verða í kosningastuði milli 14 og 16.

Skemmtilegt að taka virkan þátt í baráttunni

Það verður stuð og stemning á kosningavöku Stöðvar 2 segir fréttakonan Lóa Pind Aldísardóttir.

Íslendingar ganga til kosninga

Alþingiskosningar fara fram í dag. Kjörstaðir eru opnir og kjósendur á kjörskrá eru 237.957.

Eve Online sprengdi utan af sér Hörpuna

Aðdáendahátíð tölvuleiksins Eve Online sem íslenski tölvuleikjaframleiðandinn CCP heldur úti fer fram í Hörpu í níunda sinn um helgina. Gestir á hátíðinni eru hátt í 2.000 og áhuginn á henni svo mikill að Harpa dugir ekki til að rýma alla.

Fíkniefnaakstur stöðvaður á Hafnarfjarðarvegi

Ökumaður í annarlegu ástandi á ótryggðum bíl.

Gæslan berskjölduð eftir bilun í TF-GNÁ

Landhelgisgæslan hefur á næstunni aðeins eina björgunarþyrlu af þremur til afnota. Lenda þurfti TF-GNÁ tafarlaust eftir bilun á fimmtudag. Yfirmaður LSH segir ástandið alvarlegt enda treysti landsmenn allir mjög á þyrlurnar í neyð.

Námugröftur á smástirnum - „Hvað gerir mannkyn ef þetta heppnast?“

Lewicki er einn af stofnendum sprotafyrirtækisins Planetary Resources. Félagið komst í heimsfréttirnar á síðasta ári þegar markmið þess voru kynnt: námugröftur á smástirnum.

Hundleiðinlegt kosningaveður víðast hvar á morgun

Hún er hundleiðinleg kosningaspáin á morgun - það er að segja þessi um veðrið, en spáð er rigningu, slyddu og jafnvel snjókomu þegar Íslendingar fara á kjörstaði til þess að nýta lýðræðislegan rétt sinn á morgun.

Tæplega 30 þúsund búnir að greiða atkvæði utankjörfundar

Um hádegisbilið í dag höfðu nær þrjátíu þúsund manns kosið utan kjörstaðar, mun fleiri en í síðustu Alþingiskosningum. Atkvæðagreiðslan gekk þó vel fyrir sig og stemmningin á kjörstað var góð.

Framsóknarmenn jákvæðari á Facebook

Fólk er duglegra að deila neikvæðum fréttum um stjórnmálaflokkana á Facebook en jákvæðum. Oftast er fréttum um Sjálfstæðisflokkinn deilt á samfélagsmiðlinum en Framsóknarmenn deila frekar jákvæðari fréttum.

Sjálfstæðisflokkurinn stærstur samkvæmt könnun Capacent Gallup

Sjálfstæðisflokkurinn er stærsti stjórnmálaflokkur landsins samkvæmt nýjustu könnun Capacent Gallup sem RÚV birti nú í kvöld.

Fleiri hundruð manns kvöddu Jóhönnu

Fleiri hundruð manns komu saman fyrir utan stjórnaráðshúsið við Lækjargötu síðdegis í dag til þess að þakka Jóhönnu Sigurðardóttur forsætisráðherra fyrir vel unnin störf. Síðasta dagur hennar sem þingmaður og ráðherra er í dag.

Afhjúpuðu styttu af Vilborgu pólfara

Margir voru samankomnir í Dalskóla í dag þegar þar var afhjúpuð stytta af pólfaranum Vilborgu Örnu Gissuradóttur.

Danir tilbúnir að hjálpa

Danska herskipið Triton kom til hafnar í Reykjavík í morgun. Fulltrúar Landhelgisgæslunnar fóru um borð til viðræðna við skipherra skipsins til að athuga hver staðan væri með Lynx þyrlu sem er um borð og flogið er af flugmönnum danska flughersins.

Heitum potti stolið

Heitum potti, sem var staðsettur við sumarbústað, var stolið í umdæmi lögreglunnar á Suðurnesjum í fyrradag.

Enginn opnaði sjúkraskrá án erindis

Eftirlitsnefnd með notkun rafrænnar sjúkraskrár hefur skilað ársskýrslu 2012 til framkvæmdastjóra lækninga, en nefndin starfar samkvæmt erindisbréfi frá árinu 2010.

Framkvæmdum á Klapparstíg lýkur í sumar

Verklegar framkvæmdir hófust í morgun við lokaáfanga í endurgerð Klapparstígs.

Markús Máni mætti ekki í dóminn

Markús Máni Michaelsson, sem ákærður er ásamt þremur öðrum fyrir umsvifamikil ólögleg gjaldeyrisviðskipti á árinu 2009, mætti ekki fyrir dóm við þingfestingu málsins í dag. Karl Axelsson verjandi hans mætti ekki heldur. Markús Máni er staddur í Bandaríkjunum.

Átti að hafa verið með apa til sölu

Íbúa í Reykjanesbæ brá heldur en ekki í brún í vikunni þegar hann fékk símtal þar sem hringjandi var að grennslast fyrir um órangútanapa, sem íbúinn átti að hafa auglýst á netinu.

Brotist inn í níu bíla í Reykjanesbæ

Brotist var inn í níu bifreiðar í Reykjanesbæ í vikunni. Úr einni var stolið þremur greiðslukortum og ökuskírteini, sjúkrakassa úr annarri og staðsetningartæki úr hinni þriðju, að því er segir í tilkynningu frá lögreglunni.

Um 25 þúsund búnir að kjósa

Fleiri kjósa utan kjörfundar en áður og kjörstjóri telur frídag í gær spila þar inn í. Einnig sé fólk meira á faraldsfæti en oft áður. Nær 25 þúsund manns höfðu kosið utan kjörfundar í gærkvöldi.

GNÁ verður fyrir austan framyfir helgi

Gná, þyrla Landhelgisgæslunnar verður Kvískerjum, skammt frá Höfn í Hornafirði, fram yfir helgi en í dag munu blöðin verða tekin af þyrlunni og þau send með flutningabíl til Reykjavíkur. Þyrlan lenti þar í gær eftir að bilun kom upp í gírkassa hennar.

Veðursuddi Norðanlands um helgina

Spáð er norðanhvassviðri- eða stormi, með vindhraða hærri en 20 metrar á sekúndu, með snjókomu og skafrenning N- og A-lands á sunnudag. Um kvöldið er búist við að veður gangi niður norðvestanlands og rofi til þar, en hvessi á SA-landi og að vindhviður þar geti orðið allt að 35 metrar á sekúndu. Þeir sem hyggja á ferðalög um helgina er bent á að fylgjast vel með veðurspám.

Viltu vita meira um kræklinga?

Gísli Már Gíslason, prófessor við Líf- og umhverfisvísindadeild, og Halldór Pálmar Halldórsson, forstöðumaður Rannsóknaseturs Háskóla Íslands á Suðurnesjum, leiða ferð á slóðir kræklingsins í Hvalfirði á morgun. Kræklingi verður safnað og fræðst um hann og verkun hans. Lagt verður af stað frá Öskju, náttúrufræðahúsi Háskóla Íslands klukkan 10 í fyrramálið. Hægt verður að sameinast þar í bíla. Gert er ráð fyrir að ferðin taki um það bil þrjár klukkustundir að akstrinum í Hvalfjörð meðtöldum. Mælt er með því að þátttakendur taki með sér stígvél og ílát fyrir krækling. Ferðin er farin í samvinnu við Ferðafélag barnanna.

Meintir gjaldeyrisbraskarar fyrir dóm í dag

Ákæra á hendur fjórum mönnum sem sakaðir eru um margra milljarða ólöglegt gjaldeyrisbrask verður þingfest í Héraðsdómi Reykjaness í dag. Samkvæmt ákæru áttu mennirnir viðskipti með gjaldeyri fyrir um fjórtán milljarða króna á átta mánaða tímabili á árinu 2009, en þeir eru sakaðir um að hafa brotið gegn lögum um gjaldeyrisviðskipti sem sett voru haustið 2008 þegar gengi krónunnar hríðféll. Heildarávinningur ákærðu af viðskiptunum mun hafa numið að minnsta kosti 656 milljónum króna og mun hver sakborningur hafa átt að fá 164 milljónir króna í sinn hlut.

Ráðstafa milljörðum úr ráðherrastólunum

Ríkisstjórnin og einstaka ráðherrar hafa samið um útgjöld fyrir hönd ríkissjóðs sem hlaupa á milljörðum króna frá því að Alþingi var frestað 28. mars.

Ólyktin frá þara en ekki skolpi

"Þetta er rotnandi þari sem safnast saman þarna inni í krikanum. Ef maður skefur ofan af þessu þá gýs upp brennisteinsfnykur,“ segir Valur Þór Hilmarsson, umhverfisfulltrúi Fjallabyggðar um ólyktina í fjörunni neðan Eyrarflatar á Siglufirði.

Góð þorskveiði í netaralli Hafró

Mjög góð þorskveiði var í netaralli Hafrannsóknastofnunar sem lauk 18. apríl. Aflinn var litlu minni en í fyrra sem var metár. Netarallið, eins og stofnmat Hafró, staðfestir vöxt í hrygningarstofninum á undanförnum árum.