Viðtal við Davíð Oddsson í kvöldfréttum Stöðvar 2

Skýrslutöku yfir Davíði Oddssyni, fyrrum formanni bankastjórnar Seðlabankans, lauk nú fyrir stundu. Í kvöldfréttum Stöðvar 2 verður fjallað ítarlega um Landsdómsmálið sem hefur staðið yfir síðan klukkan 10 í morgun. Meðal annars verður viðtal við Davíð Oddsson sýnt í kvöldfréttatímanum sem hefst á slaginu klukkan 18:30.

Tveir alvarlega slasaðir eftir bílslys á Reykjanesbraut

Alvarlegt umferðarslys varð á Reykjanesbraut í Hafnarfirði, við kirkjugarðinn, um miðnætti á laugardagskvöld.

Landsdómur: Annar dagur - Þriðja samantekt - myndskeið

Breki Logason og Þorbjörn Þórðarson fréttamenn fara yfir stöðu mála í Landsdómsmálinu. Í myndskeiðinu má sjá þegar Davíð Oddsson, fyrrverandi seðlabankastjóri, mætir í Þjóðmenningarhúsið. Úr beinni útsendingu á Vísi klukkan 14.

Bankastjórarnir héldu að bankarnir myndu hrynja 2006

Halldór Ásgrímsson, þáverandi forsætisráðherra, hringdi í Davíð Oddsson, þáverandi seðlabankastjóra, á laugardegi sumarið 2006 vegna áhyggna bankastjóra viðskiptabankanna af því að bankarnir yrðu komnir á hausinn tveimur dögum seinna. Davíð greindi frá þessu í Landsdómi í dag.

Guðmundur skipaður prófessor

Guðmundur Hálfdanarson sagnfræðingur hefur verið skipaður í prófessorsstöðu við Háskóla Íslands sem tengd er nafni Jóns Sigurðssonar. Hann segir það mikinn heiður að hljóta þetta embætti og telur að í því felist tækifæri til samstarfs Vestfirðinga og Háskóla Íslands sem geti orðið lyftistöng bæði fyrir rannsóknar- og fræðslustarf á Vestfjörðum og fyrir Háskóla Íslands.

Davíð mættur í Landsdóm

Davíð Oddsson er kominn í hús, en hann mun nú bera vitni fyrir Landsdómi. Davíð var seðlabankastjóri þegar hrunið varð og er ein af lykilpersónunum í sögu hrunsins. Það er því beðið með eftirvæntingu um það hvað Davíð mun segja um málið.

Landsdómur: Annar dagur - Önnur samantekt

Breki Logason og Þorbjörn Þórðarson fréttamenn fara yfir stöðu mála í Landsdómsmálinu og það sem gerðist milli klukkan fyrir hádegi í dag. Þá sat fyrir svörum Björgvin G. Sigurðsson, fyrrverandi viðskiptaráðherra.

Sprengjumaður á Suðurnesjum áfram í gæsluvarðhaldi

Að kröfu lögreglustjórans á Suðurnesjum var í gær gæsluvarðhald framlengt yfir karlmanni sem tekinn var með rörasprengju og hlaðið skotvopn á heimili sínu í Reykjanesbæ í síðustu viku.

Arnór Sighvatsson ber vitni næst

Arnór Sighvatsson, aðstoðarseðlabankastjóri, er kominn til þess að bera vitni í Landsdómsmálinu. Arnór var aðalhagfræðingur Seðlabankans í aðdraganda hrunsins en varð aðstoðarseðlabankastjóri þegar lögum um bankann var breytt og Davíð Oddsson, Eiríkur Guðnason og Ingimundur Friðriksson létu af störfum.

Vitnaleiðslum yfir Björgvin lokið

Björgvin G. Sigurðsson, fyrrverandi viðskiptaráðherra, segist ekkert vita hvers vegna honum var haldið frá fundum með fulltrúum ríkisstjórnarinnar og Seðlabankans þegar ákveðið var að ríkissjóður tæki yfir 75% hlut í Glitni í lok september 2008.

Segir skattfrelsið leggja grunn að ESB elítu hér á landi

Þingmaður sjálfstæðisflokksins segir svonefnda IPA styrki Evrópusambandsins skapa ójöfnuð og leggja grunninn að ESB elítu á Íslandi. Málið var afgreitt úr efnahags og viðskiptanefnd í gær.

Beiðni um beina útsendingu frá Landsdómi hafnað

Landsdómur hefur hafnað beiðni fréttastofu Stöðvar 2, Bylgjunnar og Vísis, um að að koma fyrir myndavél í dómsal þannig að hægt verði að senda réttarhöldin yfir Geir H. Haarde út í beinni útsendingu.

Tóku Icesave-vandann mjög alvarlega

Íslensk stjórnvöld tóku Icesave-vandann mjög alvarlega, af því að hann ógnaði stöðugleika á viðkvæmum tímum,” sagði Björgvin G. Sigurðsson í vitnaleiðslum fyrir Landsdómi nú skömmu fyrir hádegið. Hann sagði að vandinn hefði oft verið ræddur. Í huga Geirs Haarde hafi aldrei komið til greina að Ísland tæki á sig ábyrgð á reikningum sem íslensk yfirvöld tóku engan þátt í að stofna.

Landsdómur: Annar dagur - Fyrsta samantekt

Breki Logason og Þorbjörn Þórðarson fréttamenn fara yfir stöðu mála í Landsdómsmálinu og það sem gerðist milli klukkan 10 og 11 í morgun. Geir Haarde, fyrrverandi forsætisráðherra, er mættur í Þjóðmenningarhúsið en Björgvin G. Sigurðsson, fyrrverandi viðskiptaráðherra, sat fyrir svörum.

Landsdómur: Dagur 2 hafinn - myndskeið

„Þetta gengur allt samkvæmt áætlun," sagði Geir H. Haarde þegar hann mætti fyrir Landsdóm laust fyrir klukkan 10 í morgun.

Björn Bjarnason dæmdur til að greiða Jóni Ásgeiri miskabætur

Björn Bjarnason fyrrum dómsmálaráðherra var í dag dæmdur í héraðsdómi til að greiða Jóni Ásgeiri Jóhannessyni athafnamanni 200.000 krónur vegna ummæla sinna um Jón Ásgeir í bókinni Rosabaugur yfir Íslandi sem fjallar um Baugsmálið. Þá er honum gert að greiða Jóni Ásgeiri 200 þúsund til þess að standa straum af birtingu dómsins í opinberum fjölmiðli. Hann þarf því að greiða Jóni Ásgeiri alls 400 þúsund krónur fyrir ummælin.

Björgvin segist ekki hafa verið leyndur upplýsingum

Björgvin G. Sigurðsson, fyrrverandi viðskiptaráðherra, segist alls ekki hafa fengið minni upplýsingar en aðrir um starf samráðshóps um fjármálastöðugleika. Sigríður Friðjónsdóttir saksóknari sagði að upp hefðu komið ásakanir um að hann hefði verið lausmáll og spurði hvort það gæti hafa orsakað að hann hefði fengið minni upplýsingar en aðrir ráðherrar um starf hópsins.

Outlaws málinu frestað - aðalvitnið finnst ekki

Aðalmeðferð hefur verið frestað í skotárásarmálinu svokallaða í Héraðsdómi Reykjavíkur í dag. Þrír menn eru ákærðir fyrir tilraun til manndráps þegar þeir skutu á bifreið karlmanns í Grafarvoginum í nóvember á síðasta ári. Aðalvitnið, maðurinn sem skotið var á í Bryggjuhverfinu í Reykjavík í nóvember í fyrra, finnst ekki þannig það er illmögulegt að framhalda réttarhöldunum.

Eðlilegt að hafa leynd yfir starfi samráðshópsins

Björgvin G. Sigurðsson, fyrrverandi viðskiptaráðherra, segir eðlilegt að starf samráðshóps um fjármálastöðugleika hafi starfað leynt. "Allur kvittur um að stjórnvöld hefðu ekki trú á tilteknum banka gat umsvifalaust haft þau áhrif að áhlaup yrði gert á banka,‟ sagði Björgvin fyrir Landsdómi í morgun. Hann bætti því við að menn hefðu óttast áhlaup sem enginn banki gæti staðist.

Skotárásarmálið heldur áfram í dag

Aðalmeðferð heldur áfram í skotárásarmálinu svokallaða í Héraðsdómi Reykjavíkur í dag. Þrír menn eru ákærðir fyrir tilraun til manndráps þegar þeir skutu á bifreið karlmanns í Grafarvoginum í nóvember á síðasta ári.

Davíð mætir í Landsdóm klukkan 14:15

Davíð Oddsson ritstjóri Morgunblaðsins og fyrrverandi Seðlabankastjóri gefur skýrslu fyrir Landsdómi í dag. Ráðgert er að skýrslutakan yfir Davíð hefjist klukkan fimmtán mínútur yfir tvö.

Segir starf samráðshópsins hafa verið markvisst

Drög að frumvarpi um neyðarlög voru kynnt í viðskiptaráðuneytinu 9. maí 2008, sagði Björgvin. G. Sigurðsson viðskiptaráðherra fyrir Landsdómi í dag. Frumvarpið var undirbúið fyrir tilstuðlan samráðshóps um fjármálastöðugleika.

Gæslan nýtur mikils trausts

Landhelgisgæslan nýtur trausts 89,8 prósent landsmanna samkvæmt nýjum Þjóðarpúlsi Gallup. Í ár tóku 97 prósent afstöðu í könnuninni og dreifist traustið nokkuð jafnt á milli kynja og aldurs aðspurðra.

Upptökur gætu truflað réttarhöldin

Ríkisútvarpið sóttist eftir því að fá að taka upp landsdómsréttarhöldin og sýna þau í beinni útsendingu. Þeirri beiðni hafnaði dómurinn.

Strætó hagnast um 184 milljónir

Strætó bs. hagnaðist um 184 milljónir króna í fyrra. Eigið fé jókst úr 188 milljónum í 522 milljónir milli ára.

Flutt á slysadeild eftir að hafa ekið á ljósastaur

Ökumaður og farþegi hans voru fluttir á slysadeild Landspítalans eftir að bíll þeirra lenti á ljósastaur við Strandveg í Hafnarfilrði í gær. Þeir munu ekki hafa slasast alvarlega, en bíllinn er stórskemmdur.

Einkalífeyrissjóðurinn var ólöglegur

Sigurjón Þ. Árnason, fyrrverandi bankastjóri Landsbankans, fær ekki afhentan viðbótarlífeyrissparnað sinn og skuldabréf sem hann keypti fyrir andvirði hans. Hann tapaði dómsmáli um sparnaðinn í Héraðsdómi Reykjavíkur í gær.

Eldur í litlu timburhúsi á Ísafirði

Eldur kviknaði út frá eldamennsku í litlu timburhúsi á Ísafirði í gærkvöldi. Húsráðandi hafði náð að slökkva eldinn með handslökkvitæki áður en slökkviliðið kom á vettvang, en þá var orðinn talsverður reykur i húsinu, sem liðið ræsti út. Húsráðanda sakaði ekki.

Björgvin, Arnór og Davíð fyrir Landsdóm í dag

Björgvin G. Sigurðsson fyrrverandi viðskiptaráðherra, mun gefa skýrslu fyrir Landsdómi þegar þinghaldi verður fram haldið í Þjóðmenningarhúsinu klukkan níu.

200 manns keppa í skák í Hörpu

Reykjavíkurskákmótið hefst í Hörpu í dag og stendur í viku.

Milljarða samningur

Flestir vilja Þóru Arnórs á Bessastaði

Flestir notendur á Facebook-síðunni "Betri valkost á Bessastaði“ vilja að Þóra Arnórsdóttir, sjónvarpskona á Ríkisútvarpinu, verði næsti forseti Íslands.

Óveðrið gengur yfir á næstu klukkutímum

Óveðrið sem nú er á Suðuvesturlandinu mun ganga yfir á milli klukkan 22 og 23 í kvöld en mjög hvasst er til dæmis á höfuðborgarsvæðinu. Það mun þó halda áfram að rigna í kvöld og nótt. Á austurlandi er búist við miklu hvassvirðri í nótt og á morgun. Samkvæmt veðurfræðingi á Veðurstofunni má búast við miklum vindhviðum um allt land í nótt. Fólk er hvatt til að fylgjast með hlutum sem gætu fokið til í vindinum og festa þá vel niður. Þá skal fólk passa að niðurföll séu ekki stífluð í og við gangstéttir.

Íslandsmet í blóðsöfnun í dag

Um 200 blóðgjafar komu í heimsókn í Blóðbankann að Snorrabraut í Reykjavík í dag sem er Íslandsmet í blóðsöfnun á einum degi, samkvæmt upplýsingum frá Blóðbankanum.

Fólk þarf ekki að vera hrætt við að mæta í vinnuna á morgun

"Ég vil benda fólki á að líkurnar á svona árásum eru litlar og það þarf ekki að vera hrætt við að mæta í vinnuna á morgun. En það sem fyrirtæki þurfa nauðsynlega að gera núna, er að gera sig tilbúin fyrir þennan möguleika,“ segir Eyþór Víðisson öryggisfræðingur hjá VSI, öryggishönnun og ráðgjöf.

Mjólkin fram og til baka milli landshluta - arfavitlaust segir bóndi

Kúabændur á norðanverðum Vestfjörðum standa í stríði við Mjólkursamsöluna um lokun mjólkurstöðvarinnar á Ísafirði og segja arfavitlaust að aka mjólkinni í aðra landshluta og síðan aftur að sunnan til neytenda fyrir vestan. Fyrir fjörutíu árum voru níutíu kúabændur á norðanverðum Vestfjörðum en nú eru aðeins níu eftir. Bændurnir fáu sem eftir eru framleiða þó samtals meiri mjólk en allur fjöldinn gerði áður.

Rólegur í yfirheyrslum hjá lögreglu - tilbúinn að mæta örlögum sínum

Árásarmaðurinn er þrjátíu og fjögurra ára gamall Reykvíkingur en hann átti í vanskilum og sá lögmannsstofan um að innheimta eitt af lánum hans. Maðurinn virkar rólegur og yfirvegaður í yfirheyrslum hjá lögreglu. Ekkert bendir til þess að hann hafi verið undir áhrifum fíkniefna eða lyfja.

FME vill að íslensku bankarnir stilli innheimtuaðgerðum í hóf

Fjármálaeftirlitið hefur beint tilmælum til íslensku bankanna um að stilla innheimtuaðgerðum í hóf meðal þeirra sem réttaróvissa ríkir um í kjölfar gengislánadóms Hæstaréttar um miðjan Febrúar. Fulltrúar bankanna verða kallaðir á fund efnahags- og viðskiptanefndar Alþingis á morgun til að kanna viðbrögð þeirra við tilmælum FME. Á heimasíðu stjórnarráðsins segir að skuldastaða heimilanna var á meðal mála sem fjallað var um á fundi ráðherranefndar um efnahagsmál í dag. Að loknum fundinum á morgun er ætlunin að ræða nánar hvort þörf sé á auknum lagaheimildun, svo sem til að samræma aðgerðir sýslumanna, tryggja flýtimeðferð, endurupptöku mála sem reist voru á ólögmætum forsendum og til að tryggja gjafsókn eða skaðleysi neytenda í afdrifaríkum prófmálum. Nánar á heimasíðu stjórnarráðsins.

Haldið sofandi í öndunarvél - með sár á brjósti, hálsi og kviðarholi

Rúmlega sextugur karlmaður liggur þungt haldinn á gjörgæsludeild Landspítalans eftir að honum var sýnt banatilræði á lögmannskrifstofu í dag. Hann hlaut sár á brjóst, háls og kviðarhol.

Landsdómsmáli fram haldið á morgun - Davíð, Arnór og Björgvin mæta

Skýrslugjöf Geirs H. Haarde fyrir Landsdómi, sem staðið hefur yfir í allan dag er nú lokið. Málinu verður fram haldið klukkan tíu í fyrramálið en ekki klukkan níu eins og var í dag.

Gæsluvarðhalds krafist yfir árásarmanninum

Lögreglan ætlar að fara fram á gæsluvarðhald á morgun yfir manninum sem rést á karlmann á lögfræðiskrifstofunni Lagastoð í morgun. Lögreglan segir í tilkynningu sem var send fjölmiðlum rétt eftir klukkan fimm að svo virðist sem innheimta minniháttar skuldar hafi verið tilefni líkamsárásarinnar.

Samstaða kaus nýjan varaformann

Á fundi stjórnar Samstöðu, flokks lýðræðis og velferðar, 29. febrúar síðastliðinn var Sigurjón Norberg Kjærnested kjörinn annar varaformaður flokksins eftir að Sigurður Þ. Ragnarsson ákvað að segja skilið við flokkinn.

Geir: Afskipti mín af Icesave hefðu engu breytt

"Afskipti mín af því hvort Icesave ætti að vera í dótturfélagi í Bretlandi eða ekki hefðu engu breytt, og hefðu verið úr takti við málið," sagði Geir H. Haarde, fyrrverandi forsætisráðherra, fyrir Landsdómi í morgun.

Árásarmaðurinn í yfirheyrslu

Maðurinn sem fór inn á lögfræðiskrifstofuna Lagastoð í morgun vopnaður hnífi og stakk Skúla Sigurz, framkvæmdastjóra skrifstofunnar, hefur verið í yfirheyrslum eftir hádegi í dag.

Neyðarástand í Blóðbankanum: "Þurfum að spýta í lófana“

"Við höfum þurft að grípa til neyðarbirgða,“ segir Sveinn Guðmundsson, yfirlæknir Blóðbankans, en hann hefur lýst yfir neyðarástandi í Blóðbankanum þar sem sárlega vantar blóð. Meðal þess sem helst þarf eru blóðflokkarnir O plús og mínus og A einnig í plús og mínus.