Landsbankinn átti ekki nægar eignir fyrir dótturfélagið

Landsbankinn þurfti að leggja fram eignir sem ekki voru fyrir hendi, hefði hann ætlað sér að stofna sérstakt dótturfélag um starfsemi sína í Bretland, eða svokallað Icesave reikninga. Þetta sagði Geir H. Haarde, fyrrverandi forsætisráðherra, fyrir Landsdómi í morgun.

Landsdómur: Fjórða samantekt - myndskeið

Þorbjörn Þórðarson fréttamaður fer yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 13 og 14. Sigríður Friðjónsdóttir hélt þar áfram að taka skýrslu af Geir H. Haarde.

Ummæli í DV dæmd dauð og ómerk: Rannsókn var ekki hafin

Ritstjórar DV, þeir Reynir Traustason og Jón Trausti Reynisson, auk fréttastjórans Inga F. Vilhjálmssonar, er gert að greiða Jóni Snorra Snorrasyni 200 þúsund krónur hver fyrir ummæli sem birtust um Jón Snorra í DV í mars á síðasta ári.

Ungmenni á ofsahraða í Bolungarvíkurgöngum

Svo virðist sem fámennur hópur ungra ökumanna stundi hraðakstur í Bolungarvíkurgöngum. Fram kemur á heimasíðu Umferðarstofu að þótt hraðakstur einskorðist síður en svo við bifhjólamenn, þá segja forráðmenn lögreglunnar á Vestfjörðum að algengt sé að einstaka bifhjólamenn fari á ofsahraða um göngin og láti félaga sína vakta ferðir og staðsetningu lögreglu á meðan.

Lætur brimið ekki hafa áhrif

„Ég byrjaði 12. apríl 1963, það var föstudagurinn langi. Þetta man ég nákvæmlega,“ segir Atli Aðalsteinsson í Vestmannaeyjum, sem hefur spilað á golfvellinum þar í 49 ár með hléum.

Landsdómur: Þriðja samantekt - myndskeið

Þorbjörn Þórðarson fréttamaður fer yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 11 og 12. Sigríður Friðjónsdóttir hélt þar áfram að taka skýrslu af Geir H. Haarde.

Landsbankinn kærði árásarmanninn til lögreglu fyrir þjófnað

Maðurinn, sem hefur verið handtekinn vegna morðtilraunar í morgun, var með vélhjól á lánum hjá SP-Fjármögnun. Samkvæmt heimildum fréttastofu kærði Landsbankinn manninn til lögreglu vegna þess að maðurinn hélt því fram að hjólið væri horfið.

Brynjar Níelsson: Hvaða starfsmaður sem er hefði getað lent í árásinni

"Starfsfólkið er í áfalli,“ sagði Brynjar Níelsson, formaður Lögmannafélags Íslands, en hann starfar á sömu skrifstofu og hnífaárásin átti sér stað í morgun. Hann sagði í samtali við fréttastofu að skrifstofunni verði lokað í dag vegna rannsóknar lögreglu og verður áfram næstu daga.

Var ekki hægt að vefengja mat erlendra endurskoðenda

Geir Haarde segir að nú sé augljóst að eigið fé bankanna hafi samanstaðið af uppblásnum eignum. Það hefði hins vegar ekki verið hægt að benda á þetta fyrir hrun bankanna. "Átti ríkisstjórnin að draga í efa að úppáskriftir alþjóðlegra endurskoðunarfyrirtækja væri í lagi,“ sagði Geir.

Landsdómur: Önnur samantekt - myndskeið

Þorbjörn Þórðarson fréttamaður fór yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 10:00 og 11. Sigríður Friðjónsdóttir tók þar skýrslu af Geir H. Haarde.

Guðni hlaut áverka þegar hann reyndi að bjarga manni frá hnífaárás

Guðni Bergsson, lögfræðingur og fyrrverandi landsliðsfyrirliði í knattspyrnu, hlaut skurðáverka þegar hann reyndi að koma samstarfsmanni sínum til bjargar í morgun. Karlmaður stakk manninn ítrekað með hnífi. Guðni var stunginn tvívegis í lærið en árásin átti sér stað skömmu fyrir klukkan tíu í morgun á lögfræðistofunni Lagastoð í Lágmúla.

Björgvin ekki leyndur neinu - samt haldið frá fundum

Geir Haarde, fyrrverandi forsætisráðherra, telur að Björgvin G. Sigurðsson, fyrrverandi viðskiptaráðherra, hafi ekki verið markvisst leyndur neinum upplýsingum í aðdraganda að hruni bankanna. Þetta sagði Geir þegar Andri Árnason verjandi hans spurði hann út í upplýsingar sem einstakir ráðherrar höfðu frá samráðshópi um fjármálastöðugleika.

Starfsmaður lögfræðistofu stunginn - einn handtekinn

Karlmaður var stunginn á lögfræðistofu í Reykjavík í Lágmúla í morgun. Einn maður hefur verið handtekinn samkvæmt heimildum Vísis. Svo virðist sem maðurinn hafi ráðist á starfsmanninn snemma í morgun og stungið hann nokkrum sinnum.

Fullyrtu að fall Lehman hefði engin áhrif á íslensku bankana

Fulltrúar bankanna fullyrtu á fundi með Geir Haarde, þann 18 september 2008, að bankarnir væru nægjanlega vel fjármagnaðir til ársins 2009. Þetta fullyrti Geir fyrir Landsdómi í morgun.

Landsdómur: Fyrsta samantekt - myndskeið

Þorbjörn Þórðarson fréttamaður er staddur í Þjóðmenningarhúsinu þar sem aðalmeðferð Landsdóms fer nú fram. Klukkan 10 fór hann yfir gang mála fyrsta klukkutímann í aðalmeðferðinni þar sem Sigríður Friðjónsdóttir tók skýrslu af Geir H. Haarde.

Ógerlegt að minnka bankana

"Það hefði enginn vandi verið að setja á blað að bankarnir hefðu á tt að minnka efnahagsreikning sinn,“ sagði Geir Haarde, fyrrverandi forsætisráðherra fyrir Landsdómi í morgun. Hann sagði að þetta hefði verið eitt þeirra atriða sem menn vissu að þurfti að gera en var einfaldlega ekki hægt. Hann sagði að það hefðu verið fjölmörg atriði sem hefði þurft að vinna en menn hefðu einfadlega ekki getað gert.

Fullt út úr dyrum í Landsdómi - myndskeið

Geir H. Haarde og fjölskylda mættu í Þjóðmenningarhúsið rétt fyrir klukkan níu í morgu þar sem aðalmeðferð fer fram í Landsdómsmálinu svokallaða. Sigríður Friðjónsdóttir saksóknari Alþingis mætti einnig ásamt aðstoðarmönnum sínum. Geir vildi lítið ræða við fjölmiðlamenn.

Ellefu milljarðar í styrki umfram útgjöld

Frá gildistöku samningsins um Evrópska efnahagssvæðið (EES) árið 1994 til og með síðasta ári, hafa íslenskir aðilar fengið úthlutað meira en 157 milljónum evra í styrki í gegnum rammaáætlanir ESB um menntun, rannsóknir og tækniþróun. Heildargreiðslur úr ríkissjóði vegna þessara áætlana hafa á sama tíma numið ríflega 87 milljónum evra. Mismunurinn er um 70 milljónir evra, eða rúmir ellefu milljarðar króna á núverandi gengi.

Maðurinn látinn

Maðurinn sem slasaðist alvarlega í eldsvoðanum í Tunguseli aðfaranótt föstudags er látinn. Slökkviliðsmenn björguðu manninum meðvitundarlausum út úr brennandi íbúð á þriðju hæð í fjölbýlishúsi við Tungusel í Reykjavík aðfaranótt föstudags.

Þekktir gegn forsetanum - "Hvernig skráir maður sig út úr þessari vitleysu?“

Stofnað hefur verið til hóps á Facebook þar sem ýmsir einstaklingar ræða "betri valkosti í næsta forsetakjöri“ eins og það er orðað í yfirlýsingu hópsins. Þeir sem standa að síðunni eru ekkert sérstaklega hrifnir af ákvörðun Ólafs Ragnars Grímssonar, sem hefur ákveðið að bjóða sig fram til fimmta kjörtímabilsins sem forseti.

Breytingar á dómaraskipan í Landsdómsmáli

Gunnlaugur Claessen er horfinn úr hópi dómara í Landsdómsmálinu en til stóð að hann yrði þar á meðal. Í hans stað er kominn Eiríkur Tómasson kollegi Gunnlaugs í Hæstarétti. Þá hefur Helgi Jónsson, sem var dómstjóri í Héraðsdómi Reykjavíkur vikið sæti en í hans stað kemur Eggert Óskarsson sem gegnir dómstjórastöðunni á meðan Helgi situr í Hæstarétti tímabundið.

Samráðshópurinn vann drög að neyðarlögunum

Samráðshópur um fármálastöðugleika, undir stjórn Bolla Þórs Bollasonar, lét vinna viðbúnaðaráætlun sem varð til þess að unnin voru drög að frumvarpi til neyðarlaga. Geir Haarde hafnaði því með öllu fyrir Landsdómi í morgun að vinna hópsins hafi verið ómarkviss. Einn liður í ákæru gegn Geir snýr að starfi hópsins.

"Á brattann að sækja fyrir ákæruvaldið“ - myndskeið

Vísir var með beina útsendingu frá klukkan 8:40 þar sem Þorbjörn Þórðarson fréttamaður ræddi meðal annars við þau Guðna Th. Jóhannesson sagnfræðing og Kristínu Edwald formann Lögfræðingafélags Íslands.

Hafnar því að starfið hafi verið ómarkvisst

"Þetta er í fyrsta inn við rekstur alls þessa máls sem ég fæ tækifæri til að svara spurningum um það,“ sagði Geir Haarde. Hann vakti athygli á því að hann hefði ekki fengið tækifæri til að svara spurningum áður en ákæra var gefin út.

EES-ríkin fljót að innleiða tilskipanir

EES-ríkin þrjú, Ísland, Liechtenstein og Noregur, eru í hópi þeirra ríkja sem fljótust eru að lögfesta reglur um innri markað Evrópusambandsins (ESB). Eru ríkin hluti af markaðnum samkvæmt EES-samningnum.

Fjöldi fólks fylgist með máli Geirs

Gríðarlegur fjöldi fólks er kominn saman í Þjóðmenningarhúsinu á Hverfisgötu til þess að fylgjast með málaferlum gegn Geir Haarde fyrrverandi forsætisráðherra.

SUS vill afnema bann við fíkniefnum

Samband ungra sjálfstæðismanna (SUS) telur að refsistefna sú sem rekin hefur verið í fíkniefnamálum hérlendis hafi beðið algert skipbrot og því eigi að afnema eigi bann við fíkniefnum.

Segir marga telja hættuspil að hann hverfi úr embætti

„Hörmuleg öfugþróun“ segir fyrrverandi efnahagsráðherra

Árni Páll Árnason, alþingismaður Samfylkingar og fyrrverandi efnahags- og viðskiptaráðherra, varð undir í átökum við ríkisstjórnarborðið við gerða kjarasamninga í fyrra. Þetta kemur fram á Facebook-síðu Árna.

Exeter-mál sérstaks saksóknara bíður Landsdóms

Mál sérstaks saksóknara gegn fyrrverandi stjórnendum Byrs og MP banka, svokallað Exeter-mál, er eitt fjölmargra sem verður ekki tekið fyrir í Hæstarétti fyrr en eftir að dómur fellur í Landsdómi í máli Geirs H. Haarde.

Landsdómur settur í dag - beinar útsendingar á Vísi

Aðalmeðferð í Landsdómsmálinu gegn Geir H. Haarde fyrrverandi forsætisráðherra hefst í þjóðmenningarhúsinu klukkan níu.

Geir fer í vitnastúkuna í dag

Aðalmeðferð í máli Geirs H. Haarde, fyrrverandi forsætisráðherra, fyrir Landsdómi hefst í dag með vitnaleiðslu. Geir er ákærður fyrir vanrækslu í starfi í aðdraganda bankahrunsins og mun bera vitni fyrstur. Gert er ráð fyrir því að Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar, setjist því næst í vitnastól.

Stórútkall vegna elds í öskubakka

Allt slökkvilið höfuðborgarsvæðins var sent áleiðis að húsi við Fiskislóð í Reykjavík á tólfta tímanum í gærkvöldi vegna tilkynningar um eld. Brátt kom í ljós að upptök eldsins voru í öskubakka og voru slökkvibílarnir kallaðir til baka.

Gríðarstór borgarísjaki fastur við Horn á Hornströndum

Gríðarstór borgarísjaki er nú við Horn á Hornströndum, og virðist hann vera fastur á grynningum.

Langt í frá augljóst að Ólafur nái kjöri

„Þetta kemur mér ekki mikið á óvart og hann hefði getað eytt óvissunni fyrir löngu,“ segir Gunnar Helgi Kristinsson, prófessor í stjórnmálafræði, um ákvörðun Ólafs Ragnars Grímssonar að gefa áfram kost á sér til embætti forseta Íslands.

Þráðormur sem greindist í hundum er hættulegur mönnum

Þráðormurinn sem greindist í þremur hundum á höfuðborgarsvæðinu getur verið hættulegur mönnum. Sóttvarnalæknir brýnir fyrir fólki að gæta vel að hreinlæti.

"Hann hafði ofsalega mikla hæfileika"

Dóttir Sævars Ciesielskis segir föður sinn hafa skilið eftir sig gríðarstórt safn mynda sem hann málaði sjálfur. Hann hafi verið mjög hæfileikaríkur á því sviði en þær séu ekki til sölu.

Lyklafrumvarp lagt fram í þriðja sinn

Lyklafrumvarpið svokallaða kennt við Lilju Mósesdóttur hefur nú verið lagt fram í þriðja sinn og er stjórnarþingmaður á meðal flutningsmanna. Lilja segir að frumvarpið sé ekki síst hugsað fyrir þá sem fóru í gegnum 110 prósenta leiðina en eru enn í vandræðum.

Fiskroð breytist í lækningavörur á Ísafirði

Fyrirtæki sem þróar og framleiðir hátækni lækningavörur úr fiskafurðum er að byggjast upp á Ísafirði. Roð og lýsi breytast þar í sáravörur fyrir sjúkrahús .Fyrrum fiskvinnslusalur er nú sótthreinsuð rannsóknastofa á vegum Kerecis þar sem hvítklæddir sérfræðingar bogra yfir tilraunaglösum.

Íslensku stelpurnar gerðu það gott

Íslensku stelpurnar gerðu það gott á Arnold Sports Festival mótinu sem fram fór í Bandaríkjunum um helgina. Tvær þeirra tóku fyrsta og annað sætið í sínum flokki í módelfitness.

Guðni fagnar ákvörðun Ólafs Ragnars

Guðni Ágústsson, fyrrverandi ráðherra, fagnar ákvörðun Ólafs Ragnars og telur einsýnt að hann nái góðu kjöri í forsetakosningunum í sumar.

Segir menn hafa höfðað til skyldu sinnar

Ólafur Ragnar Grímsson ætlar að gefa áfram kost á sér í embætti forseta Íslands. Ólafur tilkynnti þessa ákvörðun í dag en hann útilokar ekki að hann láti af embætti á miðju kjörtímabili þegar stöðugleiki hefur skapast í stjórnskipan og stjórnarfari landsins.

Pútín kosinn forseti Rússlands

Samkvæmt fyrstu útgönguspám mun Vladimír Pútín verða næsti forseti Rússlands. Pútín mun því á ný sitja í stóli forseta Rússlands en hann gegndi embættinu frá árinu 2000 til 2008.

Telpa fannst yfirgefin á akri eftir skýstrókana

Björgunarmenn í Indiana í Bandaríkjunum fundu tíu ára gamla stúlku yfirgefna á akri, rúmum 16 kílómetrum frá heimili sínu sem eyðilagðist þegar skýstrókar gengur yfir ríkið.

Önnur hringrás - verðlaunamyndskeið Baldurs Hrafnkels

Baldur Hrafnkell Jónsson, kvikmyndatökumaður Stöðvar 2, hlaut verðlaun fyrir myndskeiðið "Önnur Hringrás“ á blaðamannaverðlaununum sem afhent voru í gær.