Skíðavæði opin í dag

Skíðasvæðin í Bláfjöllum og Skálafelli eru opin í dag. Þá eru skíðasvæðin á Dalvík og í Oddskarði einnig opin.

Kornungur heimsmeistari teflir á Skákhátíð

Hou Yifan heimsmeistari kvenna verður í aðalhlutverki þegar Skákhátíð Reykjavíkur 2012 hefst í Sjóminjasafninu við Grandagarð í dag klukkan 15.

Óvanalegt andrúmsloft á Selfossi í nótt

Lögreglan á Selfossi hafði í nógu að snúast í nótt. Lögreglumenn voru þrisvar kallaðaðir til þegar til handalögmála kom á skemmtistöðum bæjarins.

Piltur gekk í svefni - fannst í næsta herbergi

Lögreglan á höfuðborgarsvæðinu leitaði í nótt að 12 ára dreng sem tilkynnt var um að væri horfinn af herbergi sínu á hóteli í Mjölnisholti í Reykjavík.

Bílvelta og akstur undir áhrifum lyfja í nótt

Lögreglu barst tilkynning um bílveltu rétt eftir miðnætti í nótt. Slysið átti sér stað á Reykjanesbraut við Áslandsbrú. Fimm einstaklingar sem voru jepplingur sem valt voru fluttir á slysadeild. Tveir voru lagðir inn á gjörgæsludeild með umtalsverða áverka.

Biskupsframbjóðendur með ólíka afstöðu til Gleðigöngunnar

Tveir af átta frambjóðendum til biskups segja að þeir myndu ekki taka þátt í Gleðigöngu Hinsegin daga. Þetta kemur fram í svörum þeirra við spurningum sem Fréttablaðið lagði fyrir alla biskupsframbjóðendurna.

Ríkisstjórnin fallin samkvæmt Þjóðarpúlsi Gallup

Sjálfstæðisflokkurinn nýtur mests fylgis miðað við Þjóðarpúls Gallups. Flokkurinn mælist með 33,3% fylgi á meðan Samfylkingin mælist með 18,7%. Þá eru Vinstri grænir með 12% fylgi.

Stórhýsi rís í Bolungarvík

Fjögurra hæða íbúðablokk er nú í smíðum í Bolungarvík sem er stærsta hús sem þar hefur risið í á þriðja áratug.

Enginn með allar tölur réttar

Enginn var með allar tölur réttar í Lottóinu í kvöld. Vinningstölurnar voru 3, 12, 29, 36, 40 og bónustalan var 7.

Lundaveiðibann er afglöp segir Vigurbóndi

Bóndinn í eynni Vigur segir að friðun lunda séu afglöp enda hafi fuglinum fjölgað í Ísafjarðardjúpi, og segir að umhverfisráðuneytið hljóti að greiða bætur, verði menn sviptir hlunnindunum.

Nýtt húsnæði á Kleppi tekið í gagnið

Sjúklingar réttargeðdeildarinnar fluttust í dag í nýtt húsnæði á Kleppi í Reykjavík. Á deildinni eru þeir vistaðir sem dæmdir eru ósakhæfir og úrskurðaðir í öryggisgæslu.

Fjölskylduhjálp Íslands selur föt í Kolaportinu

Fjölskylduhjálp Íslands hefur neyðst til að fækka matarúthlutunum í vetur vegna fjárskorts. Samtökin ætla næstu þrjár helgar að selja föt í Kolaportinu til að stækka matarsjóðinn en hátt í þrjátíu sjálfboðaliðar á öllum aldri koma að verkefninu.

Samtök iðnaðarins vilja kanna upptöku kanadadollars

Framkvæmdastjóri Samtaka iðnaðarins telur rétt að Íslendingar kanni upptöku Kanadollars með tvíhliðasamningu við þarlend stjórnvöld standi slíkur samningur til boða.

LV selur bifreið framkvæmdarstjórans

Lífeyrissjóður Verzlunarmanna hefur selt bifreið Guðmundar Þ. Þórhallssonar, framkvæmdarstjóra sjóðsins.

Fréttaljósmynd ársins valin

Daníel Rúnarsson, ljósmyndari Fréttablaðsins, hlaut verðlaun fyrir mynd ársins 2011 þegar blaðamannaverðlaunin voru afhent í dag.

Dagbjört og Aðalheiður í efstu sætum

Nítján stúlkur frá Íslandi tóku þátt í Arnold 2012 mótinu í Ohio í Bandaríkjunum í dag. Dagbjört Guðbrandsdóttir lenti í fyrsta sæti í sínum flokki og Aðalheiður Ýr Ólafsdóttir tók annað sætið.

Hótaði að henda sér niður af þaki

Lögreglu var tilkynnt um mann uppi á lágreistu húsi neðarlega við Laugaveg í morgun. Hótaði maðurinn að henda sér niður.

Maður rændur í Laugardalnum

Tveir piltar ógnuðu og rændu mann með hnífi í Laugardalnum. Atvikið átti sér stað um hádegisbil í dag. Piltarnir rændu farsíma og iPod-spilara af manninum. Maðurinn gat gefið lýsingu á piltunum og þeirra nú leitað.

Blaðamannaverðlaunin veitt í dag

Blaðamannaverðlaun ársins voru afhend í listasafni Kópavogs-Gerðasafni í dag. Einnig voru afhend verðlaun fyrir framúrskarandi mynda- og ljósmyndatöku.

Helga Arnardóttir verðlaunuð fyrir umfjöllun ársins

Helga Arnardóttir, fréttamaður á Stöð 2, hlaut blaðamannaverðlaun fyrir umfjöllun ársins í dag. Helga fjallaði ítarlega um Geirfinnsmálið í Íslandi í dag á Stöð 2.

Sigríður Jónsdóttir hlaut Rauðu hrafnsfjöðrina

Ljóðskáldið Sigríður Jónsdóttir hlaut verðlaun lestrarfélagsins Krumma í gær fyrir forvitnilegustu kynlífslýsingu ársins í íslenskum skáldverkum.

Hnúfubakur urðaður í dag

Hnúfubakur drapst í sjónum við Stokkseyri í fimmtudaginn. Fjöldi fólks hefur lagt leið sína í fjöruna til að skoða hræið.

Líðan mannsins óbreytt

Líðan mannsins sem bjargað var úr íbúð í Reykjavík á föstudaginn er óbreytt. Eldur kom upp í íbúð mannsins í Tunguseli.

Geir fyrstur í vitnastúku á mánudag

Aðalmeðferð í Landsdómsmálinu hefst á mánudag. Geir H. Haarde, fyrrverandi forsætisráðherra og sakborningur, verður fyrstur í vitnastúku í málinu á mánudag. Samkvæmt áætlun á Ingibjörg Sólrún Gísladóttir, fyrrverandi utanríkisráðherra í aðdraganda hrunsins, einnig að bera vitni þann dag.

Kærir málsmeðferð til Mannréttindadómstóls Evrópu

Baldur Guðlaugsson, sem dæmdur var í Hæstarétti í tveggja ára fangelsi fyrir innherjasvik, hefur falið lögmönnum að kæra málsmeðferð í máli sínu til Mannréttindadómstóls Evrópu. Afar fá mál sem kærð eru til dómstólsins eru tekin þar fyrir en á árinu 2009 voru aðeins tæplega 7% þeirra kæra sem bárust dómstólnum taldar tækar til efnismeðferðar.

Opið í Bláfjöllum og Skálafelli

Opið verður í Bláfjöllum í dag frá klukkan 12 til 17. Fresta þurfti opnun um tvær klukkustundir vegna óveðurs í nótt.

Trambólín fauk á bíl

Talsverður erill var hjá lögreglunni í nótt. Þá voru flest útköllin varðandi umferðaróhöpp og veðurs þar sem tilkynnt var um hluti að fjúka.

Skíðaveður í Skálafelli

Þrátt fyrir slæmt veður í gær og í nótt er bresta á með mikilli blíðu í Skálafelli. Að sögn umsjónarmanns svæðisins var svæðið unnið í alla nótt og er fínt færi og nægur snjór. Þar er hægviðri suðvestan tveir til þrír metrar á sekúndu.

Sendiherra bannað að mæta á ráðstefnu Framsóknarflokksins

Utanríkisráðuneyti Kanada hefur sent frá sér tilkynningu þar sem segir að Alan Bones sendiherra Kanada á Íslandi muni ekki mæta á ráðstefnu Framsóknarfélags Reykjavíkur í dag. Né muni hann ræða frekar um málefnið sem þar er til umfjöllunnar, það er möguleikana á að skipta krónunni út fyrir kanadadollarann.

"Íslensk yfirvöld voru ósátt með komu sendiherrans"

Sigmundur Davíð Gunnlaugsson, formaður Framsóknarflokks, telur að ríkisstjórnin hafi komið í veg fyrir að sendiherra Kanada á Íslandi tæki máls á ráðstefnu um gjaldmiðlamál. Kanadískir fjölmiðlar greina frá því að málið hafi valdið diplómatískri uppákomu í utanríkisráðuneytinu í Ottawa.

Fjölskylduhjálp Íslands í Kolaportinu

Fjölskylduhjálp Íslands stendur fyrir söfnun í Kolaportinu næstu þrjár helgar. Yfirheiti söfnunarinnar er "Enginn án matar á Íslandi.“ Notuð og ný föt verða seld á markaðinum.

Byrjað á hrunráðherrum

Geir H. Haarde, fyrrverandi forsætisráðherra og sakborningur, verður fyrstur í vitnastúku í landsdómsmálinu á mánudag. Samkvæmt áætlun á Ingibjörg Sólrún Gísladóttir, fyrrverandi formaður Samfylkingarinnar og utanríkisráðherra í aðdraganda hrunsins, einnig að bera vitni á mánudag. Það fer þó eftir því hvort hún nái til landsins í tæka tíð, en Ingibjörg Sólrún starfar sem yfirmaður UN Women í Kabúl, höfuðborg Afganistans.

Fylgjast með útbreiðslu veiru

„Já, við höfum verið að fylgjast með útbreiðslu á þessari veiru. En við höfum ekki stórar áhyggjur, svo lengi sem flugan sem ber þetta finnst ekki hér á landi,“ segir Halldór Runólfsson yfirdýralæknir um veiru sem hefur lagst á búpening í Evrópu.

Innstæðutryggingar alltaf út í krónum

Már Guðmundsson seðlabankastjóri kallar eftir því að verulegar takmarkanir verði settar við lánveitingum í erlendri mynt til heimila. Þá telur hann æskilegt að festa í lög að innstæðutryggingar verði aðeins greiddar út í íslenskum krónum. Þetta var meðal þess sem kom fram í erindi Más á ráðstefnu sem Landsbankinn stóð fyrir á fimmtudag undir yfirskriftinni „Staðan á Íslandi – fjármálastöðugleiki“.

Markaðsaðilar svartsýnir á verðbólgu

Markaðsaðilar á skuldabréfamarkaði búast ekki við því að Seðlabankanum takist að ná verðbólgumarkmiði sínu á næstu tveimur árum. Þá gera þeir ráð fyrir 4,3% meðalverðbólgu næstu 10 ár sem er talsvert umfram markmiðið um 2,5%. Þetta eru niðurstöður könnunar sem Seðlabankinn stóð fyrir á meðal markaðsaðila um væntingar þeirra til þróunar hagstærða næstu misseri.

Óttast að Marel þurfi að fara úr landi

Theo Hoen, forstjóri Marels, óttast að fyrirtækið þurfi að yfirgefa landið verði gjaldeyrishöft lengi við lýði. Þá sé nauðsynlegt að skýra hvernig peningamálum verði hér háttað til frambúðar. Hoen flutti erindi á ráðstefnu sem Landsbankinn stóð fyrir í fyrradag undir yfirskriftinni „Hvað þarf til að halda íslenskum fyrirtækjum í landi?“

Snorri vill aftur í Brekkuskóla

Snorri Óskarsson, forstöðumaður Hvítasunnusafnaðarins á Akureyri, stefnir á að fara aftur að kenna í Brekkuskóla. Hann var sendur í leyfi frá störfum á dögunum eftir að foreldrar barna kvörtuðu undan skrifum hans um samkynhneigða á bloggsíðu. Snorri var jafnframt kærður til lögreglu fyrir ummæli sín en lögreglan vísaði kærunni frá í dag.

Komu Herjólfs til Vestmannaeyja seinkar

Herjólfur er nú á leið til Vestmannaeyja í seinni ferð dagsins, en honum mun seinka. Samkvæmt upplýsingum frá rekstrarstjóra Herjólfs er gert ráð fyrir því að hann verði við bryggju í Eyjum upp úr klukkan 1 í nótt.

Varað við vindhviðum undir Hafnarfjalli

Reikna má með vindhviðum allt að 30 til 40 metrum á sekúndu undir Hafnarfjalli og á utanverðu Kjalarnesi frá um klukkan sex í kvöld og fram eftir kvöldi. Að sama skapi staðbundið hviðuveður á norðanverðu Snæfellsnesi þar til í fyrramálið.

Nafn mannsins sem lést

Maðurinn sem lést í eldsvoða í Ólafsvík í nótt hét Theódór Árni Emanúelsson til heimilis að Grundarbraut 18 í Ólafsvík. Hann var einhleypur og barnlaus. Tilkynning um eldinn barst um klukkan tuttugu mínútur yfir tvö, en þá var húsið fullt af reyk. Maðurinn var meðvitundarlaus þegar reykkafarar komu að honum inni í húsinu og báru lífgunartilraunir ekki árangur.

Fréttastjóri DV yfirheyrður vegna FME-málsins

Ingi Freyr Vilhjálmsson, fréttastjóri DV, er einn þriggja sakborninga sem yfirheyrðir voru í dag vegna kæru Fjármálaeftirlitsins til lögreglunnar á höfuðborgarsvæðinu á hendur Gunnari Andersen, fyrrverandi forstjóra stofnunarinnar. Þetta kemur fram á DV.is í dag. Auk hans var Gunnar sjálfur yfirheyrður og einn til viðbótar.

Sá stóri skal ekki sleppa – þróaði nýtt veiðihjól

Fluguveiðihjól fyrir laxveiðimenn, sem kosta yfir hundrað þúsund krónur stykkið, eru orðin útflutningsvara frá Vestfjörðum og skapa nú fjórum mönnum atvinnu á Ísafirði.

Nei, þú átt ekki bílinn þinn

Innanríkisráðuneytið hefur í tvígang hafnað beiðnum fólks um að fá að vera skráðir eigendur bíla sinna í stað bílalánafyrirtækja. Lektor í lögfræði sakar stjórnvöld um meðvirkni með risunum á bankamarkaði.

Ævintýralegur fiskafli fimm smábáta í Bolungarvík

Fimm smábátar hafa rifið upp efnahag Bolungarvíkur, fiska allt árið, þykja óvenju fengsælir og koma að jafnaði með um þrjátíu milljóna króna aflaverðmæti að landi í hverjum mánuði.

Fá tilkynningar um týnda unglinga annan hvern dag

Lögreglan á höfuðborgarsvæðinu hefur að meðaltali fengið tilkynningu um týnda unglinga annan hvern dag á síðastliðnum fjórum árum. Forstöðumaður fjölskyldumiðstöðvar ráðleggur foreldrum að eyða tíma með börnum sínum.