Skrif Hallgríms ollu þungu áfalli

Dóttir Brynhildar Georgíu Björnsson, sem Hallgrímur Helgason byggir aðalpersónuna í nýjustu skáldsögu sinni á, segist hafa orðið fyrir þungu áfalli þegar hún las bókina í september á síðasta ári. Brynhildur var barnabarn Sveins Björnssonar, fyrsta forseta íslenska lýðveldisins, en hún mun hafa sagt Hallgrími sögur af sér og fjölskyldu sinni áður en hún lést árið 2008. Í bókinni, sem ber titilinn Konan við 1000° byggir Hallgrímur söguna að einhverju leyti á frásögnum hennar en skáldar jafnframt í eyðurnar.

Evrópustofa tekur til starfa

Evrópustofa - upplýsingamiðstöð ESB á Íslandi hefur tekið til starfa að Suðurgötu 10 í Reykjavík. Af því tilefni verður opið hús á Suðurgötunni, laugardaginn 21. janúar, frá kl. 11-16 og eru allir velkomnir. Upplýsingamiðstöðin verður opin sex daga vikunnar en markmiðið með starfsemi hennar er að auka skilning og þekkingu á ESB og hvetja til virkrar umræðu um kosti og galla mögulegrar aðildar Íslands að sambandinu. Timo Summa, sendiherra Evrópusambandsins á Íslandi, og Oddný G. Harðardóttir fjármálaráðherra verða viðstödd opnun Evrópustofu í dag.

Birgitta: Svartur dagur í sögu lýðræðisins

"Svartur dagur í sögu lýðræðis okkar,“ sagði Birgitta Jónsdóttir, þingmaður Hreyfingarinnar, á fésbókarsíðu sinni strax að lokinni atkvæðagreiðslu á Alþingi í gær. Þar var felld tillaga um að vísa frá tillögu Bjarna Benediktssonar um að draga málshöfðun gegn Geir Haarde, fyrrverandi forsætisráðherra, til baka.

Hnífamaður á Barónsstíg og flöskuárás í Austurstræti

Maður var handtekinn eftir að hann hafði verið að þvælast með hníf í 10/11 á Barónsstíg, sem hann var að sýna starfsmönnum. Hann ógnaði engum með hnífnum. Aftur á móti yfirgaf hann verslunina með vörur í vösunum sem hann hafði ekki greitt fyrir. . Maðurinn mun hafa verið ölvaður en hann gistir nú fangageymslur og verður yfirheyrður þegar af honum rennur áfengisvíman.

Norræn bros í þrot með tannígræðslur

Tannlæknastofunni Nordic Smile var lokað eftir fárra mánaða rekstur. Leita fjárfesta og stefna að því að opna á ný. Samningaviðræður standa yfir við Höfðatorg vegna ógreiddrar leigu. Seljandi tannlæknastóla bjargaði sér fyrir horn.

Nauðgunarmál sjaldan fyrir dóm

Líklegra er að menn séu dæmdir fyrir nauðgun ef þeir eru útlendir og ókunnugir. Sakfellingar ýta undir staðalímyndir sem reynt hefur verið að útrýma. Fjögur prósent kæra eru talin fölsk.

Lestarsamgöngur verði ekki útilokaðar

Borgarráð Reykjavíkur lagði til á fundi sínum á fimmtudag að möguleikar á lestartengingu milli Keflavíkurflugvallar og höfuðborgarsvæðisins verði tryggðir í aðalskipulagi Reykjavíkur og svæðisskipulagi höfuðborgarsvæðisins.

Bjóða Oddnýju til opins fundar á ný

Foreldrar barna í Hamraskóla í Grafarvogi hafa ítrekað boð til Oddnýjar Sturludóttur, formanns skóla- og frístundaráðs Reykjavíkurborgar, um að mæta á opinn fund í skólanum og ræða fyrirhugaðar breytingar á skólastarfi. Fundurinn er áætlaður á fimmtudaginn eftir viku.

Bankar ættu að fá mismunandi leyfi

Á meðan sum ríki Evrópu standa fyrir utan evrusamstarfið ganga markmið Evrópusambandsins (ESB) um sömu leikreglur fyrir öll fjármálafyrirtæki ekki upp. Þetta er meðal þess sem fram kom í erindi Más Guðmundssonar seðlabankastjóra á fyrsta fundi ársins í Evrópufundaröð Alþjóðamálastofnunar HÍ í gær.

Aldrei sést fleiri hafernir á svæðinu en í ár

Árleg talning vetrarfugla, sem er nýlokið, sýnir mikið og fjölskrúðugt fuglalíf á norðanverðu Snæfellsnesi. Á talningasvæðunum nú voru 29 þúsund fuglar af 39 tegundum.

Flestir fengu inni í skóla að eigin vali

Samkvæmt nýaflögðu innritunarkerfi framhaldsskóla fengu 98 prósent nemenda inni í öðrum hvorum þeirra skóla sem þeir völdu. Stefnt er að því að kynna nýtt bráðabirgðafyrirkomulag í næsta mánuði.

Frávísun felld eftir langar umræður

Þingmenn ræddu tillögu um afturköllun ákæru á hendur Geir H. Haarde fram á kvöld í gær. Lagt var til að henni yrði vísað frá og niðurstaða lá ekki ljós fyrr en í gærkvöldi. Frávísunartillagan var felld með 31 atkvæði gegn 29. Tekist var á um lagatúlkanir og hvort ný efnisleg rök hefðu komið fram.

Heiðraður 70 árum eftir björgunarafrek

Magnús Pálsson frá Veturhúsum í Eskifirði tók við viðurkenningu frá bresku ríkisstjórninni í gær fyrir einstakt björgunarafrek. Hann og nánasta fjölskylda bjargaði 48 breskum hermönnum frá bráðum bana í aftakaveðri í janúar 1942.

Atkvæðagreiðslan á Alþingi: Svona greiddu þingmenn atkvæði

Atkvæðagreiðslan á Alþingi í kvöld, um þá tillögu fjögurra þingmanna að vísa frá tillögu Bjarna Benediktssonar, formanns Sjálfstæðisflokksins, um að ákæran á hendur Geir H. Haarde verði felld niður, fór þannig að 31 þingmaður sagði nei, 29 já og þrír voru fjarverandi.

Tillagan um frávísun felld: 31 - 29

Alþingi felldi nú rétt í þessu tillögu um að vísa frá tillögu Bjarna Benediktssonar, formanns Sjálfstæðisflokksins, um að ákæra á hendur Geir H. Haarde, fyrrverandi forsætisráðherra, verði dregin til baka og Landsdómsmálið þar með. Atkvæðagreiðslan fór þannig að 31 þingmaður greiddi atkvæði gegn henni en 29 voru henni fylgjandi. Þrír voru fjarverandi.

Auðir stólar á Alþingi þegar landsleikur stóð sem hæst

Það var fámennt í Þingheimi þegar leikur Íslands og Slóveníu fór fram í dag.

Skrökva nær sínu fram og ákveður að hætta

Skrökva, félag flokksbundinna framapotara, var lögð niður við hátíðlega athöfn fylkingarinnar í dag. Fylkingin telur sig hafa náð fram helstu markmiðum sínum í stúdentapólitíkinni og sér því grundvöll fyrir áframhaldandi starfsemi á því sviði.

Geðheilsa Hallgerðar og Bergþóru rannsökuð

Brennu-Njáls saga væri ekki næstum því jafn skemmtileg ef aðalsöguhetjurnar hefðu fengið viðeigandi meðferð við geðveilu sinni að mati læknis sem hefur greint flestar söguhetjur Íslendingasagnanna með persónuleikaraskanir af einhverju tagi.

Höfum bolmang til að takast á við stórslys við strendur Íslands

Rögnvaldur Ólafsson hjá Almannavarnardeild Ríkislögreglustjóra segir að Ísland vel undirbúið til að takast á við stórslys líkt og átti sér stað undan vesturströnd Ítalíu þegar skemmtiferðaskipið Costa Concordia strandaði.

Aðilar vinnumarkaðarins staðfesta kjarasamninga

Framkvæmdastjóri Samtaka atvinnulífsins telur að mörg fyrirtæki þurfi að beita verðhækkunum og hagræðingu til að eiga fyrir launahækkunum um næstu mánaðamót. Aðilar vinnumarkaðarins staðfestu kjarasamninga í dag þrátt fyrir bullandi óánægju með frammistöðu ríkisstjórnarinnar í atvinnumálum.

Skora á Ólaf Ragnar að bjóða sig fram aftur

Vefsíða þar sem skorað er á Ólaf Ragnar Grímsson að bjóða sig fram aftur til embættis forseta Íslands var opnuð formlega í dag. Forsvarsmenn síðunnar gera sér vonir um að safna hátt í fimmtíu þúsund undirskriftum.

"Frávísunartillagan hefur veikt ríkisstjórnina"

Stefanía Óskarsdóttir, stjórnmálafræðingur, telur að frávísunartillaga Bjarna Benediktssonar hafi veikt ríkisstjórnina.

Gera ekki kröfu um bæjarstjórastólinn

"Það var eitt af megin kosningaloforðum Y-listans að ráða faglegan bæjarstjóra og við munum virða það," segir Ármann Kr. Ólafsson, oddviti sjálfstæðismanna í Kópavogi, aðspurður hvort þeir muni gera kröfu um bæjarstjórastólinn. Þeir hófu formlegar viðræður við Næst besta flokkinn og Y-lista - Lista Kópavogsbúa, í dag.

Júlli í draumnum dæmdur í 12 mánaða fangelsi

Júlíus Þorbergsson, eða Júlli í Draumnum eins og hann er að jafnan kallaður, var dæmdur í 12 mánaða fangelsi í héraðsdómi Reykjavíkur í dag fyrir brot gegn lyfjalögum, tóbaksvarnalögum, fíkniefnalögum og almennum hegningarlögum.

Árni Páll vill greiða atkvæði um tillögu Bjarna

Árni Páll Árnason, þingmaður Samfylkingarinnar, vill að tillaga Bjarna Benediktssonar um að afturkalla ákæru á hendur Geir H. Haarde, verði sett á dagskrá og hún afgreidd með atkvæðagreiðslu.

Stuðningsmenn Ólafs Ragnars opna heimasíðu

Opnuð hefur verið vefsíða til stuðnings Ólafi Ragnari Grímssyni, og hann hvattur til þess að bjóða sig aftur fram sem forseti Íslands.

Mokað um helgina og hverfastöðvar opnar

Hverfastöðvar og símaver Reykjavíkurborgar verða með vaktir yfir helgina milli kl. 10:30 - 15:00 bæði laugardag og sunnudag. Íbúar geta sótt sand og salt á hverfastöðvarnar og símaver veitir upplýsingar og tekur við ábendingum í síma 411 11 11. Þetta kemur fram í tilkynningu frá borginni.

Hróp gerð að þingmanni: „Hlustaðu á þjóðina!“

Áhorfanda á pöllum Alþingis var vísað út af öryggisgæslu þingsins eftir að sá sami gerði hróp að þingmanni Sjálfstæðisflokksins, Ólöfu Nordal. Sá hrópaði: „Hlustaðu á þjóðina.“

Umferðarstofa hvetur bílstjóra stærri bíla til þess að nota keðjur

Umferðarstofa hvetur bílstjóra stærri bíla, sem annast fólks- eða vöruflutninga, til að búa ökutækin sem best fyrir erfiða vetrarfærð.

Afturköllun málshöfðunar rædd á þingi

Tillaga Bjarna Benediktssonar formanns Sjálfstæðisflokksins þess efnis að Alþingi afturkalli málshöfðun á hendur Geir H. Haarde fyrrverandi forsætisráðherra fyrir Landsdómi verður tekin til fyrri umræðu í dag. Þingfundur hefst klukkan hálfellefu og er þetta eina málið á dagskrá. Hér á Vísi getur þú fylgst með í beinni.

Sigurður Árni í biskupsframboð

Dr. Sigurður Árni Þórðarson, Neskirkjuprestur, hefur ákveðið að bjóða sig fram til biskupsþjónustu. Í yfirlýsingu sem Sigurður sendi frá sér í dag segir að hann muni beita sér fyrir breytingum og eflingu þjóðkirkjunnar.

Kjarasamningarnir halda

Samtök atvinnulífsins og Alþýðusamband Íslands hafa ákveðið að nýta ekki uppsagnarákvæði kjarasamninga hinn 31. janúar næstkomandi. Þetta segir í yfirlýsingu þeirra beggja og segir þar að þetta hafi verið ákveðið „þrátt fyrir að stjórnvöld hafi ekki efnt fyrirheit sem gefin voru í yfirlýsingu ríkisstjórnarinnar í tengslum við kjarasamningana 5. maí 2011.“

Meirihlutaviðræður hafnar í Kópavogi

Viðræður eru hafnar milli bæjarfulltrúa Sjálfstæðisflokksins, Næst besta flokksins og Lista Kópavogsbúa um myndun meirihluta í Kópavogi. Þetta kemur fram í tilkynningu frá oddvitum flokkanna í bæjarstjórn.

Vill að tillaga Bjarna fari í nefnd - segir Alþingi hafa gert mistök

Atli Gíslason, óháður þingmaður, vill að tillaga Bjarna Benediktssonar, formanns Sjálfstæðisflokksins, um að afturkalla ákæru á hendur Geir H. Haarde, fyrrverandi forsætisráðherra, verði lögð í nefnd, svo hægt verði að fjalla faglega um málið.

Magnús Norðdahl í launalaust leyfi á meðan hann situr á þingi

Magnús Norðdahl, yfirlögfræðingur ASÍ, hefur tekið sæti á Alþingi í fjarveru Katrínar Júlíusdóttur, iðnaðarráðherra Samfylkingarinnar, sem fer nú í veikindaleyfi.

Ekkert skyggni á Vesturlandsvegi - ökumenn varaðir við

Lögregla vekur athygli á því að mjög blint er á Vesturlandsvegi, milli Mosfellsbæjar og Hvalfjarðarganga. Að sögn lögreglu hafa ökumenn lent í vandræðum og ekið út af. Búið er að kalla eftir aðstoð björgunarsveita. Að sögn lögreglu er ekki um ófærð að ræða, heldur er skyggnið einfaldlega ekkert.

Risastórt grjót fyrir utan Alþingi - fleygur rekinn í steininn

Það hafa eflaust einhverjir rekið upp stór augu þegar þeir komu auga á risastórt grjót sem stendur á Austurvelli fyrir framan Alþingi. Um er að ræða listaverkið Svarta keilan, minnisvarði um borgaralega óhlýðni, sem samanstendur af 180 senímetra háum steindranga. Um er að ræða gjörning á vegum spænska andófslistamannsins Santiago Sierra.

Leggja fram frávísunartillögu

Þingmenn allra flokka að Sjálfstæðisflokki undanskildum hafa nú lagt fram tillögu til rökstuddrar dagskrár þar sem lagt er til að Alþingi samþykki að vísa frá tillögu Bjarna Benediktssonar um að afturkalla málshöfðun á hendur Geir Haarde fyrrverandi forsætisráðherra.

Lýst eftir rafstöð

Lögreglan lýsir eftir rafstöð og kerru sem var stolið úr geymslu í Víðinesi á tímabilinu 30. desember til 11. janúar.

Varað við slæmu skyggni á Hellisheiðinni og víðar

Snjókoma verður fram yfir hádegi sunnan- og suðvestanlands samkvæmt upplýsingum frá Veðurstofunni. Sums staðar verður talsverður bylur og vindur 12-15 m/s með skafrenningi og slæmu skyggni, s.s. á Hellisheiði, í Þrengslum og á Mosfellsheiði.

Bresk barnaverndaryfirvöld vilja svipta móður Ellu Dísar forræði

Barnaverndaryfirvöld í Bretlandi vilja svipta Rögnu Erlendsdóttur, móður Ellu Dísar, forræði yfir dóttur sinni. Ragna fór fyrir rétt í London, þar sem hún er búsett, í gær. Hún segir í viðtali við DV að hún hafi tvívegis mætt fyrir dóm og nú hafi málinu verið vísað til Royal High Court og þar verði málið tekið fyrir næsta þriðjudag.

Við kunnum ekki að tala saman

Skýra þarf reglur markaðarins og færa ábyrgðina frá ríkisvaldinu að mati Árna Páls Árnasonar. Hann telur mikið skorta á samræðuhefð í stjórnmálum og þar sé Samfylkingin ekki undanskilin. Hann vill breyta því en segir ráðherrametnaði sínum fullsvalað.

Veitti verjanda Baldurs ráðgjöf

Róbert Ragnar Spanó, lagaprófessor og forseti lagadeildar Háskóla Íslands, veitti verjendum Baldurs Guðlaugssonar, fyrrverandi ráðuneytisstjóra, ráðgjöf eftir að ákæra var gefin út á hendur honum fyrir innherjasvik.

Jóhann Ingi kominn í leitirnar

Jóhann Ingi Margeirsson, fimmtán ára drengurinn sem lögreglan á Akranesi lýsti eftir á miðvikudaginn, er fundinn. Að sögn lögreglu var hann færður í umsjón barnaverndaryfirvalda í gærkvöldi.

Landhelgisgæslan fær nýja þyrlu

Búið er að undirrita leigusamning til 12 mánaða um leigu á þyrlu fyrir Landhelgisgæsluna. Þyrlan er af gerðinni Super Puma eða sömu tegundar og TF LÍF og TF GNÁ.