Deildarmyrkvi í næstu viku

Deildarmyrkvi á sólu verður miðvikudagskvöldið 1. júní. Frá höfuðborgarsvæðinu séð hefst myrkvinn klukkan 21:14 þegar sólin er lágt á himni í vest-norðvestri og byrjar þá tunglið að hylja skífu sólar frá hægri. Myrkvinn nær hámarki klukkan 22:01 og hylur tunglið þá 46% af þvermáli sólar samkvæmt upplýsingum úr Almanaki Háskóla Íslands.

Þriggja ára fangelsi fyrir nauðgun: Stúlkan lagðist á grasblett og grét

Þrítugur karlmaður, Grétar Torfi Gunnarsson, hefur verið dæmdur í þriggja ára fangelsi fyrir nauðgun. Grétar Torfi er fundinn sekur um að hafa nauðgað ungri konu í leggöng og endaþarm, neytt hana til að hafa við sig munnmök, og beitt hana öðru líkamlegu ofbeldi á meðan á nauðgun stóð. Hann var jafnframt dæmdur til að greiða brotaþola 1,2 milljón króna í miskabætur. Grétar Torfi neitaði alfarið sök. Hann sagðist hafa átt munnmök, samræði og endaþarmsmök við stúlkuna en talið hana verið þessu samþykk. Við skoðun á Neyðarmótttöku fyrir fórnarlömb nauðgana kom í ljós að stúlkan var með sprungu og roða í endaþarmi, marbletti á læri og rasskinn, eymsli yfir nefrót og í hnakka auk þess sem hár losnaði úr hársverði. Fyrir dómi bar maðurinn að harkaleg meðferð hans á konunni hafi verið "hluti af leiknum." Þá segir í lýsingu á málsatvikum: "Ákærði tók fram að stúlkan hefði að vísu ekki samþykkt sérstaklega þegar hann setti getnaðarlim sinn í endaþarm hennar, en hún hefði ekki sett sig upp á móti því." Samkvæmt framburði stúlkunnar kynntust þau á skemmtistað fyrr um nóttina og hafi hún greint frá því strax í upphafi samskipta þeirra að hún væri lesbía. Nauðgunin átti sér stað á heimili mannsins í júní á síðasta ári. Eftir nauðgunina flúði stúlkan. "Hún hefði klætt sig í flýti, en skilið eitthvað af fötum sínum eftir í herberginu. Hún hefði yfirgefið íbúðina og ætlað heim til sín, en fundið fyrir svo miklum sársauka í endaþarmi að hún hefði lagst á grasblett og grátið,“ segir í lýsingu á málsatvikum. Í málinu liggur fyrir vottorð sálfræðings þar sem kemur fram að nauðgunin hafi valdið stúlkunni mikilli vanlíðan, ljóst er að hún þarfnast langvarandi meðferðar vegna áfallastreituröskunar og er óvíst um bata. Grétar Torfi hefur ekki áður gerst sekur um refsiverða háttsemi. Dómararnir Ragnheiður Harðardóttir, Eggert Óskarsson og Sigríður Ólafsdóttir héraðsdómarar kváðu upp dóminn í Héraðsdómi Reykjavíkur

Lífið á Kirkjubæjarklaustri að komast í eðlilegt horf

Leikskólinn á Kirkjubæjarklaustri var opnaður í morgun, en hann hafði verið lokaður alla vikuna vegna öskufalls. Þá er verið að þrífa grunnskólann og sundlaugina en óvíst er hvenær starfsemi hefst þar á ný. Íbúafundur verður haldin á Klaustri í kvöld um stöðu mála á öskusvæðunum.

Mikill meirihluti vill breytingar á kvótakerfinu

Um tveir af hverjum þremur vilja að stjórnvöld afturkalli kvótann, hann verði í eigu ríkisins eða greidd sé leiga fyrir afnotarétt sem nemur markaðsverðmæti hans. Þetta sýna niðurstöður MMR könnunar sem gerð var á dögunum. Niðurstöður könnunarinnar eru áþekkar sambærilegri könnun sem MMR gerði í febrúar.

Íslensk kona látin laus úr fangelsi í Bandaríkjunum

Linda Björk Magnúsdóttir, fyrrverandi forstöðumaður trúfélagsins Frelsisins, hefur verið látin laus úr fangelsi Í Bandaríkjunum. Þetta staðfestir faðir hennar, Magnús Þór Sigmundsson, í samtali við Vísi. Linda Björk var handtekin í Bandaríkjunum í nóvember 2009 fyrir að vera ólöglegur innflytjandi þar. Magnús Þór segir að sér sé mjög létt yfir því að hún hafi verið látin laus. Þau feðginin hafa verið í sambandi á Netinu að undanförnu.

Tugir björgunarsveitamanna að störfum

Um 50-60 björgunarsveitarmenn verða að störfum á Suðausturlandi í dag þar sem lífið er óðum að komast í eðlilegt horf eftir öskufall af völdum eldgossins í Grímsvötnum. Björgunarsveitamenn frá höfuðborgarsvæðinu, Mosfellsbæ, Þorlákshöfn og uppsveitum Árnessýslu standa vaktina í dag og munu verkefnin aðallega felast í að fara með slökkviliði og tankbílum á bæi og skola hús, þök og hreinsa rennur og niðurföll.

Íbúasamtök hlynnt lokun Laugavegar

Stjórn íbúasamtaka miðborgarinnar, sem telur jákvætt að minnka bílaumferð í miðborginni, gerir þó ýmsa fyrirvara við hugmyndir borgaryfirvalda um að gra hluta laugavegarins að göngugötu.

Safnað fyrir fátæka á Stöð 2 í kvöld

Sérstakur fræðslu- og söfnunarþáttur til að hrinda nýju átaki af stað verður á Stöð 2, í kvöld, fimmtudaginn 26. maí 2011 og verður mjög til hans vandað í alla staði. Takmark þáttarins og aðstandenda hans er að varða nýja leið í hjálparstarfi fyrir fátæka landsmenn.

Skipverjar á Oddeyrinni óttast um eigin hag vegna kvótafrumvarps

Skipverjar á fjölveiðiskipinu Oddeyrinni EA segja í skeyti, að það sé með ólíkindum að hægt sé að fjall um útgerð og stuðla að hruni hennar í núverandi mynd, eins og engin einstaklingar eigi þar hlut að máli nema örfáir útgerðarmenn.

Tveir fullir á höfuðborgarsvæðinu

Tveir ökumenn í annarlegu ástandi voru teknir úr umferð með nokkurra mínútna millibili á höfuðborgarsvæðinu í nótt. Annar í Hafnarfirði, sem reyndist réttindalaus, undir áhrifum áfengis og með fíkniefni í fórum sinum.

Strandveiðisjómenn halda til veiða

Allir strandveiðisjómenn, sem vettlingi geta valdið á norðausturlandi, hafa siglt fleytum sínum út á sjó í nótt og í morgun til strandveiða.

Féll af skellinöðru

Ungur maður slapp lítið meiddur þegar hann ók skellinöðru sinni aftan á bíl á Selfossi í gærkvöldi og féll í götuna.

Lítil virkni í eldstöðinni í Grímssvötnum - jöklafarar þó varaðir við

Engin umbrot voru í eldstöðinni í Grímsvötnum í nótt, eins og varð í fyrrinótt, áður en gosið hjaðnaði niður.

Mikill eldsvoði í Hafnarfirði

Mikill eldur gaus upp á skammri stundu í bílapartasölu á Hvaleyrarholti í Hafnarfirði um klukkan tíu í gærkvöldi.

Rannsaka fleiri brot félaga í Black Pistons

Tveir meðlimir vélhjólagengisins Black Pistons beittu mann, sem þeir réðust á og héldu nauðugum fyrr í mánuðinum, hrottalegum hótunum og ofbeldi. Þeir börðu hann klukkustundum saman í höfuðið og líkama með ýmsum áhöldum, hýddu hann með þykkri rafmagnssnúru og hótuðu honum að skornar yrðu í sundur sinar á fótleggjum og tennur dregnar úr honum. Þeir sögðu fórnarlambinu að það skuldaði þeim tíu milljónir króna.

Besta gjöfin að fá hann heim

"Ég hef ekki fengið betri afmælisgjöf um ævina,“ segir Óskar P. Friðriksson, afi Leifs Magnúsar Grétarssonar, átta ára. Leif Magnús flytur til föðurfjölskyldu sinnar í Vestmannaeyjum frá Noregi 19. júní næstkomandi, á afmælisdegi afa síns.

Gagnrýni á eftirlitsaðila missir marks

Gagnrýni rannsóknarnefndar Alþingis á eftirlitsaðila og stjórnsýsluna missir marks vegna þagnar skýrsluhöfunda um Baugsmálið, að mati Björns Bjarnasonar, fyrrverandi dómsmálaráðherra. Þetta kemur fram í bók Björns, Rosabaugur yfir Íslandi, sem kom út í gær. Þar fjallar Björn um ýmsar hliðar Baugsmálsins.

Evrópusinnar í þriðja hvert sæti

Aðalfundur Sjálfstæðra Evrópumanna skorar á forystu Sjálfstæðisflokksins að beita sér fyrir því að einn af hverjum þremur af efstu mönnum flokksins á framboðslistum í hverju kjördæmi verði Evrópusinnar.

Öfl í samfélaginu með hnífana á lofti

Steingrímur J. Sigfússon fjármálaráðherra kvíðir ekki dómi sögunnar vegna afstöðu sinnar í Icesave málinu. Einu mistökin hafi kannski verið þau að hann hafi verið of varkár og ábyrgur í málinu. Hann segir að ákveðin öfl í samfélaginu með hnífana á lofti og tiltekur þar Hádegismóa.

Rafmagnsskúr Áburðarverksmiðjunnar í Gufunesi brennur

Fjölmennt lið slökkviliðs er nú á leið í Áburðarverksmiðjuna í Gufunesi. Samkvæmt upplýsingum frá slökkviliði er kviknað í rafmagnsskúr sem er staðsettur nálægt verksmiðjunni. Ekki er vitað hversu mikill eldurinn er.

Stal 100 lítrum af olíu

Hundrað lítrum af díselolíu var stolið af gröfu sem staðsett var við Seyðishóla í Grímsnes- og Grafningshreppi. Svo mikið var tekið af gröfunni að vélin fór ekki í gang þegar til stóð að kveikja á henni í morgun. Tankurinn var alveg tómur. Við hliðina á gröfunni sást slanga sem lögreglan telur að hafi verið notuð til að dæla upp olíunni.

Eftirmálar Icesave - þjóðin afvegaleidd?

Íslenska þjóðin mun líklega ekki þurfa að greiða krónu af Icesave skuldinni, hugsanlega verður ekkert dómsmál höfðað fyrir EFTA dómstólnum og breska og hollenska ríkið munu fá sitt. Hvers vegna reyndu íslenskir ráðamenn þá allt sem í þeirra valdi stóð til að fá þjóðina til að samþykkja Icesavesamninginn í þjóðaratkvæðagreiðslu?

Tók leigubíl frá Keflavík til Klausturs

Fjöldi erlendra fréttamanna hefur verið á öskusvæðinu í tengslum við gosið. Breki Logason rakst hinsvegar á mann í gærkvöldi sem fór á fætur í Keflavík en endaði óvænt á Klaustri.

Andstæðingar Icesave brutu persónuverndarlög

Icesave andstæðingar brutu persónuverndarlög í aðdraganda þjóðaratkvæðagreiðslunnar um Icesave lögin á dögunum. Þetta er niðurstaða Persónuverndar sem birti úrskurð sinn í gær.

Streita hefur aukist hjá konum eftir hrun

Efnahagshrunið hefur haft meiri áhrif á heilsu kvenna hér á landi en karla samkvæmt niðurstöðum nýrra rannsókna. Streita meðal kvenna hefur aukist töluvert eftir hrun. Á sama tíma hefur hefur nýburum með lága fæðingarþyngd fjölgast.

Stykkishólmur er gæðaáfangastaður

Stykkishólmsbær hefur verið útnefndur EDEN-gæðaáfangastaður í Evrópu í ár fyrir varðveislu og endurnýjun menningarminja og metnaðarfulla stefnu í sjálfbærri þróun í ferðaþjónustu. Viðurkenninguna fær bæjarfélagið vegna markvissrar uppbyggingar gömlu húsanna í bænum sem gengið hafa í endurnýjun lífdaga og öðlast nýtt hlutverk í ferðaþjónustu, þar sem sjálfbærni- og umhverfishugsun er í forgrunni.

Of snemmt að lýsa yfir goslokum

Of snemmt er að lýsa yfir goslokum í Grímsvötnum segja jarðeðlisfræðingur. Enginn gosmökkur kemur upp úr gígnum en það geta enn komið sprengingar sem skjóta upp gjósku. Mjög varhugavert er að ferðast um svæðið.

Þjóðverjinn fundinn - var kaldur og hrakinn

Þjóðverji sem leitað hefur verið að norðan Vatnajökuls í dag er fundinn heill á húfi. Það var TF-Gná, þyrla Landhelgisgæslunnar sem fann manninn en hann var þá staddur um 14 km suðvestur af Fjórðungsöldu. Var hann í ágætu ástandi miðað við aðstæður en kaldur og hrakinn.

90 milljónirnar gengu ekki út

Enginn var með allar tölur réttar í Víkingalottóinu í kvöld. Annar vinningur gekk ekki heldur út né jókerinn. Fyrsti vinningur í lottóinu í kvöld var rúmlega 90 milljónir króna því má gera ráð fyrir að vegleg upphæð verði í pottinum næsta miðvikudag.

Lítil joðneysla áhyggjuefni á Íslandi

Æ fleiri Íslendingar greinast með skjaldkirtilssjúkdóma sem skýrist að hluta af hækkandi aldri þjóðarinnar. Joð er mikilvægt fyrir myndun skjaldkirtilshormóna en neysla þess fer minnkandi.

Almenn laun hækka um 4,25%

Aðildarfélög Alþýðusambands Íslands hafa samþykkt nýundirritaða kjarasamninga með miklum meirihluta. Áður höfðu Samtök atvinnulífsins samþykkt samningana. Þetta þýðir að samningarnir taka strax gildi og almenn laun hækka um 4,25% 1. júní næstkomandi. Þá fá félagsmenn 50 þúsund króna eingreiðslu á sama tíma og auk þess 10 þúsund krónur í orlofsuppbót í júní. Aðildarfélög ASÍ samþykktu kjarasamningana með á bilinu 70 til 96% atkvæða.

Bauð stuðningshópi Eddu Heiðrúnar upp á jökul

Ný jöklarúta var tekin í notkun af Ice-ferðum um síðustu helgi og í jómfrúrferðina var Eddu Heiðrúnu Backman leikkonu og stuðningshópi hennar boðið. Enda er rútan sérútbúin með tilliti til aðgengis fyrir hreyfihamlaða.

Laugavegur verður Mannréttindavegur

Amnesty International fagnar 50 ára afmæli þann 28. maí næstkomandi og í tilefni af afmælinu hefur Reykjavíkurborg ákveðið að nefna Laugaveginn upp á nýtt í nokkra daga. Jón Gnarr borgarstjóri mun afhjúpa skilti með nýju heiti götunnar á föstudaginn kemur. Í þrjá daga mun laugavegurinn því heita Mannréttindavegur til heiðurs hálfrar aldar baráttu Amnesty International í þágu mannréttinda.

Hjúkrunarfræðingar vísa kjaradeilu til ríkissáttasemjara

Félag íslenskra hjúkrunarfræðinga vísaði í dag kjarasamningaviðræðum sínum við Fjármálaráðherra f.h. ríkissjóðs til sáttameðferðar hjá ríkissáttasemjara. Viðræðuáætlun var undirrituð í október í fyrra af viðræðuaðilum þar sem gert var ráð fyrir samningslokum fyrir nóvemberlok.

Sungu um Eyjafjallajökul fyrir börnin á spítalanum

Vinir Sjonna komu í heimsókn á vorfagnað Barnaspítala Hringsins í dag. Þeir tóku nokkur Eurovision-lög með ísbirninum Hring, sem reglulega hittir börnin á spítalanum, við mikla gleði barnanna, foreldra þeirra og starfsfólks. Þá tóku þeir einnig lagið Eyjafjallajökull sem Matthías Matthíasson söngvari flutti í forkeppni Eurovision hér á Íslandi í ár. Samkvæmt öruggum heimildum fréttastofu var mikil stemning og mikið fjör eftir tónleikana. Spurningakeppni var þá haldin á leikskóla Barnaspítalans, með tilheyrandi verðlaunum, og veitingum í lokin.

Hvetja bændur til að setja búfé út

Matvælastofnun mælir með að bændur á öskufallssvæðinu meti aðstæður og setji búfé út ef mögulegt er. Í tilkynningu segir að þó sé mikilvægt að hafa það á svæði þar sem auðvelt er að hafa eftirlit með því og smala því saman ef á þarf að halda. Jafnframt þarf að tryggja því aðgang að hreinu drykkjarvatni, góðu fóðri, salti og steinefnum.

Tveir bréfberar bitnir til viðbótar í Mosfellsbæ

Tveir bréfberar voru bitnir þegar þeir voru að bera út póstinn í Mosfellsbæ í dag. Þetta er í annað sinn á skömmum tíma sem slíkt gerist í bænum en á dögunum var bréfberi bitinn af hundi. Hún stórslasaðist þegar hún datt við árásina og braut á sér fótinn en ekki er ljóst hvort bréfberarnir sem bitnir voru í dag séu illa sárir.

Landsfundur haldinn í haust

Fertugasti landsfundur Sjálfstæðisflokksins verður haldinn 17. til 20. nóvember næstkomandi. Miðstjórn flokksins tók þessa ákvörðun í dag að tillögu Bjarna Benediktssonar, formanns Sjálfstæðisflokksins. Samkvæmt lögum flokksins á að halda landsfund að jafnaði á tveggja ára fresti. Síðast var landsfundur haldinn árið 2009 en í maí í fyrra hélt flokkurinn auka landsfund þar sem Ólöf Nordal var kjörin varaformaður.

Þetta var eins og í helvíti

"Það er allt annað ástand í dag en það var í gær og fyrradag, nú sér maður rigningadropa og það er ekkert mistur úti," segir Sigurður Kristinsson, bóndi á Hörgslandi II sem er sjö kílómetrum austan við Kirkjubæjarklaustur.

Gæsluvarðhald yfir Black Pistons staðfest í Hæstarétti

Hæstiréttur hefur staðfest úrskurð Héraðsdóms Reykjavíkur um að tveir meðlimir vélhjólasamtakanna Black Pistons verði í gæsluvarðhaldi til 27. maí á grundvelli rannsóknarhagsmuna. Mennirnir eru grunaðir um að hafa haldið þriðja manninum nauðugum í yfir hálfan sólarhring og barið hann illilega. Sá var nefbrotinn og með áverka víðs vegar um líkamann. Talið er að um uppgjör innan vélhjólaklúbbsins hafi verið að ræða, en annar hinna handteknu er forsprakki Black Pistons á Ísland.

Síðustu andartökin í Grímsvötnum - fór að gígnum

Karl Ólafsson ljósmyndari tók þetta myndband um klukkan fimm í morgun sem sýnir glögglega stöðuna á gosinu í Grímsvötnum. Karl fór á öflugum fjallabíl bókstaflega á barm gígsins eins og sjá má í meðfylgjandi myndskeiði. Þar sést hvernig öðru hvoru koma sprengingar úr gígnum og segja vísindamenn að þær geti verið mjög öflugar og komið fyrirvaralaust.

Rauðar blöðrur á Austurvelli

Rauðum blöðrum var sleppt á Austurvelli nú klukkan tvö til að minnast þeirra barna sem aldrei ná fimm ára aldri. Viðburðurinn var liður í veigamikilli dagskrá sem stendur yfir í tilefni þess að árlegur Dagur barnsins er á sunnudag. Barnaheill bera hitann og þungann af dagskránni en í samstarfi við þá voru að félagar í Sambandi íslenskra framhaldsskólanema og Sérsveit Hins hússins sem mættu á Austurvöll í dag. Þingmenn gerðu hlé á störfum sínum og stigu út til að fylgjast með. Þá voru þeir hvattir til að leggja sitt af mörkum til að þúsaldarmarkmið Sameinuðu þjóðanna um að dregið verði úr ungbarnadauða um tvo þriðju, nái fram að ganga fyrir árið 2015. Samkvæmt ákvörðun ríkisstjórnar frá því í oktober árið 2007, er dagur barnsins haldinn hátíðlegur síðasta sunnudag í maí. Þetta er því í þriðja sinn sem hann er haldinn hátíðlegur. Vegna samstarfs við skóla á ólíkum skólastigum, heilsugæslur og Barnaspítala Hringsins var ákveðið að fagna þessum mikilvæga degi á virkum degi. Fjölmargir leikskólar á höfuðborgarsvæðinu taka þátt í uppákomunum. Börn á leikskólum í Seljahverfi ætla að hittast við tjörn í hverfinu til að minnast barna sem eiga um sárt að binda og á leikskólanum Furuborg ætla nemenduur til að mynda að hengja rauðar blöðrur á tré á skólalóðinni og tileinka það börnum á gossvæðinu sem ekki geta leikið sér úti. Barnaheill - Save the Children á Íslandi telja afar brýnt að tryggja velferð þeirra barna og fjölskyldna sem búa á gossvæðunum. Á Barnaspítala Hringsins og heilsugæslum víða á höfuðborgarsvæðinu og víða um land fá öll börn sem þangað koma rauða blöðru að gjöf. Börn háskólanema og Stúdentaráð Háskóla Íslands taka höndum saman og velta því fyrir sér hvað það þýðir að eiga kost á því að læra að lesa, reikna og skrifa. Þau munu í sameiningu koma fyrir 69 risablöðrum á lóð leikskólans Mánagarðs til að minna á að enn eru 69 milljónir barna í heiminum sem ekki njóta þessara mannréttinda sem þeim eru þó tryggð í barnasáttmála Sameinuðu þjóðanna. Grunnskólanemum býðst að fræðast um réttindi sín í ratleik um miðborg Reykjavíkur sem hefst við klukkuturninn á Lækjartorgi. Barnasáttmáli Sameinuðu þjóðanna hefur verið staðfestur af öllum löndum heims, utan Bandaríkin og Sómalíu. Hann tryggir börnum réttinn til griða, tækifæra og áhrifa. Ratleikurinn verður opinn gestum og gangandi. Hann hófst klukkan hálf tíu í morgun og stendur til klukkan fjögur síðdegis.

Öskumistrið liggur eins og teppi yfir jöklinum

Vísindamenn sem fóru að eldstöðvunum í Grímsvötnum í morgun staðfesta að enn er þar smávægileg eldvirkni. Hún fer þó minnkandi. Sprengjuvirknin kemur í hviðum og öflugar sprengingar verða inn á milli. Hrafnhildur Brynja Stefánsdóttir, úr upplýsingafulltrúateymi Samhæfingarstöðvarinnar Almannavarna, segir ekkert hægt að fullyrða um hvenær gosinu ljúki. Allt eins megi búast við smávægilegri virkni í nokkra daga. Þá er aldrei hægt að útiloka að virknin taki við sér og aukist að nýju. Vél Landhelgisgæslunnar fór í könnunarflugið með vísindamönnunum, og var meðal annars flogið upp á milli Vatnajökuls og Hofsjökuls. "Þeir sáu þar undir öskumistrið sem liggur eins og teppi yfir jöklinum,“ segir Hrafnhildur. Vitað er til þess að áhugafólk og ferðamenn hafa lagt leið sína í átt að gosstöðvunum en vegna þess hversu óútreiknanlegar sprengingarnar eru er fólk hvatt til að fara ekki nær en að skála Jöklarannsóknafélagsins sem er í um 6 kílómetra fjarlægð.

Ferðaþjónustuaðilar bjartsýnir á framhaldið

Ferðaþjónustuaðilar á Suðurlandi eru bjartsýnir um framhaldið þrátt fyrir erfiðleika undanfarinna daga, enda hefur dregið verulega úr gosinu og merki eru um að því sé jafnvel lokið. Markaðsstofa Suðurlands hvetur þá sem ætla að ferðast um Suðurland á næstu dögum og í sumar að fylgjast með fréttum næstu daga og afla sér upplýsinga áður en ferðaáætlunum er breytt.

NORNA-ráðstefna á Nordica

Samtök norrænna skurðhjúkrunarfræðinga halda fast við fyrri áætlanir um að halda ráðstefnu á Íslandi, þrátt fyrir eldgosið í Grímsvötnum. Um 300 félagsmenn sækja ráðstefnu samtakanna Nordic Operating Room Nurses Association, eða NORNA.