Icesave andstæðingar brutu persónuverndarlög í aðdraganda þjóðaratkvæðagreiðslunnar um Icesave lögin á dögunum. Þetta er niðurstaða Persónuverndar sem birti úrskurð sinn í gær.
Samtökin Samstaða þjóðar gegn Icesave voru með undirskriftarsöfnun á vefsíðunni kjosum.is með kröfu um að forseti Íslands nýtti málskotsrétt sinn og synjaði Icesave lögunum staðfestingar þannig að skorið yrði úr um gildi þeirra í þjóðaratkvæðagreiðslu. Karlmaður kvartaði yfir undirskriftasöfnuninni til Persónuverndar. Hann sagðist hafa sent aðstandendum undirskriftasöfnunarinnar erindi þar sem hann hafi farið fram á að vita hvort kennitala hans væri á undirskriftalistanum. Honum hafi ekki hafi borist svar og fór hann því fram á að Persónuvernd hlutaðist til um að aðstandendur söfnunarinnar veiti honum þær upplýsingar.
Persónuvernd segir að með því að draga það að svara manninum um það hvort nafn hans hefði verið sett á lista undirskriftasöfnunarinnar hafi aðstandendur undirskriftasöfnunarinnar brotið persónuverndarlög.
Andstæðingar Icesave brutu persónuverndarlög
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
