Enn einn stormurinn - búist við hvassviðri síðdegis

Búist er við hvassviðri eða stormi á Suðurlandi, Faxaflóa og á Miðhálendinu síðdegis.

145 jarðskjálftar og fimm sprengingar í vikunni

145 skjálftar voru staðsettir í vikunni og fimm sprengingar. Stærsti skjálfti vikunnar, 3,4 að stærð, varð rétt suðvestan Kistufells 3. febrúar. Fjöldi frostbresta mældust norðan Vatnajökuls og allt norður að Grímsstöðum á Fjöllum.

Pústrar í Vestmannaeyjum

Lögreglan í Vestmannaeyjum fékk tilkynningu um pústra á skemmtistað í nótt en þá fylgdi með að einn gesturinn hefði verið sleginn kaldur í gólfið og rotast við höggið.

Handtökuskipun gefin út á hendur Musharraf

Gefin hefur verið út handtökuskipun á hendud fyrrverandi forsætisráðherra Pakistans, Pervez Musharraf, vegna andláts Benazir Bhutto árið 2007. Hún var myrt á fjöldafundi í Rawalpindi en talið er að Talibanar hafi skipulagt morðið.

Stjórnarskrá Íslands leikin í Hafnarborg

Stjórnarskrá lýðveldisins Íslands verður flutt sem tónlistar- og myndlistargjörningur í Hafnarborg í dag. Höfundar verksins eru Libia Castro og Ólafur Ólafsson. Árið 2007 fengu þau til liðs við sig Karólínu Eiríksdóttur tónskáld, sem samdi tónverk við 81. grein stjórnarskrár Íslands.

Fær enn aðdáendabréf

Söngkonan Jóhanna Guðrún Jónsdóttir tekur þátt í forkeppni Eurovision hérlendis í annað sinn á laugardagskvöld. Jóhanna segist aldrei hafa búist við því að taka aftur þátt og ákvörðunin hafi því verið stór.

Líklegt að reyni á ábyrgð allra - fréttaskýring

Dósent í lögfræði við HÍ telur líklegt að þeir sem hafi orðið fyrir tjóni vegna mengunar frá sorpbrennslum muni reyna að sækja bætur til eigenda, rekstrar- og eftirlitsaðila. Tjón einstaklinga er orðið gríðarlegt.

Mótmæli skipulögð í Alsír - búist við átökum

Yfirvöld í Alsír búa sig undir víðtæk mótmæli víða um landið í dag, en þau eru skipulögð af stjórnarandstöðuhreyfingum í landinu sem krejast umbóta. Skipulögð mótmæli eru ekki leyfð í Alsír og því óttast margir að til átaka gæti komið á milli mótmælenda og lögreglu.

Skíðasvæði opin á Norðurlandinu

Skíðasvæði á Norðurlandi eru opin í dag. Opið er í Hlíðarfjalli við Akureyri, í Böggvistaðafjalli við Dalvík, Tindastóli í Skagafirði og á skíðavæðinu á Siglufirði.

Vill bætur eins og Eiður Smári

Marinó G. Njálsson, fyrrverandi stjórnarmaður í Hagsmunasamtökum heimilanna, hefur farið fram á að fá greiddar 400 þúsund krónur í bætur frá DV vegna umfjöllunar um fjármál hans.

Lamdi stúlku og braut bílrúðu

Lögreglan á Akureyri hafði afskipti af tvítugum dreng á skemmtistað í miðbænum í nótt. Sá hafði ráðist á stúlku, og þegar þrjár vinkonur hennar reyndu að stilla til friðar réðst hann einnig að þeim og veitti öllum fjórum minniháttar áverka.

Undirskriftasöfnun gegn Icesave hafin

Undirskriftasöfnun gegn nýju Icesave-frumvarpi er hafin á netinu. Hægt er að nálgast síðuna með því að fara á Kjósa.is en ekki kemur fram hver stendur á bak við framtakið.

Veitti ölvuðum ökuníðingi eftirför

Karlmaður var handtekinn í Reykjavík í nótt vegna ölvunaraksturs. Hann ók á aðra bifreið og stakk svo af.

Varað við launhálku - gangandi hvattir til þess að nota mannbrodda

Nokkur óhöpp hafa orðið í nótt og í morgun vegna gríðarlegrar launhálku sem hefur komið ökumönnum í opna skjöldu. Í einu umferðaróhappinu varð bifreiðin óökufær á eftir þar sem hjólabúnaður hennar skemmdist eftir að hafa hafnað á kantsteini.

Um 30 manns teknir í viðtöl

Starf rannsóknarnefndar á vegum þjóðkirkjunnar er í fullum gangi. Nefndin hefur tekið viðtöl við um 30 manns og segir Róbert Spanó, formaður nefndarinnar, að viðtölum sé ekki lokið. Stefnt sé að því að ljúka þeirri vinnu um mánaðamótin.

Mikill samdráttur í áfengissölu

Sala áfengis dróst saman um 6,4 prósent í janúar miðað við sama mánuð í fyrra, á föstu verðlagi. Áfengisverð var hálfri prósentu hærra nú en þá.

Ætla að semja fyrst og tala svo við ríkið

Alþýðusamband Íslands og Samtök atvinnulífsins hafa náð saman um að reyna að ljúka vinnu við kjarasamning til þriggja ára. Gangi það eftir taka launahækkanir gildi í marsmánuði.

Matarkarfan ódýrust í Bónus

Allt að tíu prósenta verðmunur er á matvörukörfu lágvöruverðsverslana samkvæmt nýjustu verðlagskönnun ASÍ. Karfan var ódýrust í Bónus, þar sem hún kostaði 12.881 krónu en dýrust í Nettó á 14.177 krónur.

Bjargaði syni sínum

Ólafur Guðnason var í gær valinn Skyndihjálparmaður ársins 2010 af Rauða krossi Íslands. Þetta er í tíunda sinn sem viðurkenningin er veitt. Í gær var 112-dagurinn, neyðarlínudagur sem er haldinn í mörgum Evrópuríkjum.

Vel hægt að verja skólastarfið með endurskipulagningu

„Ég er sannfærð um að margar þeirra hugmynda sem nú eru til skoðunar eru til mikilla bóta, jafnt faglega sem fjárhagslega,“ segir Oddný Sturludóttir, borgarfulltrúi Samfylkingarinnar og formaður menntaráðs. „Það er hægt að verja gott skólastarf með endurskipulagninu,“ segir Oddný í pistli á Eyjunni. Þar bendir hún að að skatttekjur borgarinnar hafi dregist saman að núvirði um 20% eftir bankahrunið. Fyrirvikið hafi núverandi meirihluti staðið frammi fyrir vanda upp á um 4,5 milljarða króna.

Föstudagsviðtalið: Skemmtilegasta giggið hingað til

Undanfarin fimmtán ár hefur Heiðrún Anna Björnsdóttir búið á Englandi og haslað sér völl sem lagahöfundur hjá útgáfurisanum Universal. Hún sagði Sigríði Björg Tómasdóttur frá tónlistarbransanum og samstarfinu við Simon Fuller.

Kyrrstaðan rofin - forseti ASÍ bjartsýnn

Samninganefndir Samtaka atvinnulífsins og Alþýðusambandsins hafa í gær og í dag rætt mögulega tímalengd og uppbyggingu væntanlegs kjarasamnings. Settur verður kraftur í viðræðurnar eftir helgi sem miðast við gerð samnings til þriggja ára.

Bauð Flóahreppi að staðfesta hluta skipulags

Umhverfisráðuneytið hefur sent frá sér yfirlýsingu vegna fullyrðinga sveitarstjóra Flóahrepps í hádegisfréttum Bylgjunnar þess efnis að framkvæmdir í sveitarfélaginu hefðu legið í láginni vegna ákvörðunar umhverfisráðherra að staðfesta ekki aðalskipulag sveitarfélagsins á sínum tíma.

Ögmundur óskar eftir ríkissaksóknara

Ögmundur Jónasson innanríkisráðherra hefur auglýst laust til umsóknar embætti ríkissaksóknara. Miðað er við að skipað verði í embættið frá og með 1. apríl næstkomandi, en þá lætur Valtýr Sigurðsson af störfum.

Svafa Grönfeldt: Vissi ekki af þessum málum þá

„Mér hefur borist bréf skilanefndar og slitastjórnar bankans, þar sem óskað er eftir sjónarmiðum mínum og skýringum varðandi tiltekin viðskipti sem ég hafði ekki vitneskju um að fram hefðu farið og voru aldrei borin undir mig, hvorki á fundum í bankaráði eða annars staðar," segir Svafa Grönfeldt í tilkynningu sem hún hefur sent frá sér í tilefni af umfjöllun fjölmiðla um bréf sem skilanefnd og slitastjórn Landsbanka Íslands hafa sent fyrrum stjórnarmönnum bankans.

Dómur í máli níumenninganna á miðvikudaginn

Héraðsdómur Reykjavíkur mun kveða upp dóm í máli ákæruvaldsins gegn níumenningunum, sem ákærðir eru fyrir árás á Alþingi, á miðvikudaginn í næstu viku. Níumenningarnir eru sem kunnugt er ákærðir fyrir árás á Alþingi.

Löndunarbann sett í Noregi

Norsk verkalýðsfélög hafa sett löndunarbann á íslensk uppsjávarskip til að koma í veg fyrir að þau sigli til Noregs með loðnu hefjist verkfall í fiskimjölsverksmiðjum á þriðjudag.

Össur fundar með litháískum ráðamönnum

Össur Skarphéðinsson utanríkisráðherra er staddur í Vilníus í boði litháískra stjórnvalda í tilefni þess að tuttugu ár eru liðin frá því að Alþingi samþykkti samhljóða að viðurkenna sjálfstæði Litháen hinn 11. febrúar árið 1991. Össur átti í dag fundi með Daliu Grybauskaite, forseta Litháen, og Audronius Azubalis utanríkisráðherra, samkvæmt tilkynningu frá utanríkisráðuneytinu á Íslandi.

Kona kýldi aðra konu tvisvar á Nasa

Lögreglustjórinn á höfuðborgarsvæðinu hefur ákært konu á þrítugsaldri fyrir að kýla konu á fimmtugsaldri í andlitið. Málið hefur verið þingfest fyrir Héraðsdómi Reykjaness og er yngri konan ákærð fyrir líkamsárás.

Nýsköpunarsjóður efldur

Ríkisstjórnin samþykkti tillögu mennta- og menningarmála­ráðherra um tíu milljóna króna aukafjárveitingu til Nýsköpunarsjóðs námsmanna.

Skyndihjálparmaður ársins: Bjargaði lífi sonar síns

Rauði kross Íslands hefur valið Ólaf Guðnason sem Skyndihjálparmann ársins 2010 fyrir að sýna hárrétt viðbrögð á neyðarstundu þegar hann lenti í bílslysi fjarri byggð í fyrrasumar. Ólafur tók við viðurkenningu Rauða krossins í Samhæfingarstöðinni í Skógarhlíð í dag klukkan tvö, á hátíðardagskrá Neyðarlínunnar og samstarfsaðila um 112-daginn.

Óska eftir að ráðherra staðfesti einnig Holta- og Hvammsvirkjanir

Skeiða- og Gnúpverjahreppur hefur óskað eftir því að umhverfisráðherra staðfesti skipulag hreppsins hvað varðar tvær nýjar virkjanir, Hvammsvirkjun og Holtavirkjun. Skipulagið hefur legið óafgreitt í umhverfisráðuneytinu í á þriðja ár, segir Gunnar Örn Marteinsson, oddviti Skeiða- og Gnúpverjahrepps.

Um 20 skjálftar hafa mælst

Um 20 jarðskjálftar hafa mælst vð Hellisheiðavirkjun, nálægt Henglinum, frá því um klukkan eitt í dag. Jarðvísindamaður á Veðurstofu Íslands segir þetta þó ekki merki um neina sérstakar frekari jarðhræringar. Líkleg ástæða gæti hins vegar verið sú að verið væri að dæla vatni upp úr borholum í dag. Það gæti oft valdið skjálfta af þessu tagi.

Barnsfæðing á baðherbergi: „Ég kann ekkert á þetta!“

Hinn árlegi einn, einn, tveir dagur er í dag, en það er margsannað að neyðarverðir hjá Neyðarlínunni verða að vera við öllu búnir.

Isavia-dómurinn gefur „fordæmi í jafnréttismálum“

„Dómurinn hefur mikið fordæmisgildi þar sem tekin er afstaða til þess hvort ákveðið athæfi hafi verið kynferðisleg áreitni á vinnustað og hvort atvinnu­rekandi hafi brugðist við með réttum hætti í kjölfar atviksins samkvæmt skilgreiningum laga um jafna stöðu og jafnan rétt kvenna og karla nr. 10/2008. Málið hefur þar af leiðandi mikla þýðingu fyrir allt launafólk enda viðurkennd rík ábyrgð atvinnurekanda í slíkum málum," segir Sonja Ýr Þorbergsdóttir, lögfræðingur BSRB, í grein þar sem hún reifar mikilvægi dóms í máli konu sem starfaði hjá Isavia og varð fyrir kynferðislegri áreitni af hálfu yfirmanns síns.

Þorleifur Örn með sýningu ársins í Þýskalandi, Austurríki og Sviss

Uppsetning Þorleifs Arnar Arnarssonar á Pétri Gaut við leikhúsið í Luzern hefur verið valin sýning ársins í hinum þýskumælandi heimi.

Starfshópar um atvinnumál funda í þjóðmenningarhúsinu

Forsætisráðherra hefur boðað fulltrúa í nýskipuðum starfshópum um atvinnumál og vinnumarkaðsúrræði og ráðherranefnd um atvinnumál til sameiginlegs fundar í þjóðmenningarhúsinu í dag. Fundurinn hefst kl. 15.00 og er sá fyrsti á samráðsvettvangi stjórnvalda, vinnumarkaðsaðila og allra þingflokka um atvinnu og vinnumarkaðsmál.

Harður árekstur stöðvar umferð á Hafnarfjarðarvegi

Harður árekstur á Hafnarfjarðarvegi á mótum Garðabæjar og Kópavogs hefur valdið því að umferð um veginn í átt til Reykjavíkur hefur stöðvast.

Nöfn verðlaunahafa í Eldvarnargetrauninni

Fjölmargir átta ára krakkar um allt land gleðjast í dag, á 112-daginn, þegar þeir fá afhent vegleg verðlaun fyrir réttar lausnir í Eldvarnagetrauninni 2010.

Fundað með foreldrum

Borgaryfirvöld hafa boðað til opins fundar með foreldrum leikskóla- og grunnskólabarna í Ráðhúsinu næstkomandi fimmtudag.

Undirritun samninga um kísilver frestast

Undirskrift samninga um kísilver í Helguvík, sem vonast var til að yrði í dag, frestast enn. Nú er stefnt að undirritun seinnipartinn í næstu viku og horfa menn til fimmtudagsins 17. febrúar. Samkvæmt upplýsingum fréttastofu er ástæða þessara tafa einkum sú að frágangur flókinna samninga hefur reynst tímafrekari en búist var við á endasprettinum. Stefnt er að því að framkvæmdir í Helguvík hefjist í maímánuði.

Flóahreppur íhugar skaðabótamál gegn Svandísi

Sveitarstjóri Flóahrepps segir að hreppurinn muni kanna grundvöll þess að höfða skaðabótamál á hendur Svandísi Svavarsdóttur umhverfisráðherra vegna þess tjóns sem tveggja ára töf á aðalskipulagi hefur valdið.

Sóttvarnarlæknir róaði íbúa fyrir austan

Íbúafundur var haldinn í gærkvöldi á Kirkjubæjarklaustri vegna sorpbrennslustöðvarinnar í bænum en grunur leikur á að mengun frá henni kunni að ógna heilsu íbúanna. Til fundarins mætti Haraldur Briem sóttvarnarlæknir auk fulltrúa Matvæla- og Umhverfisstofnunnar. Íbúar sem fréttastofa ræddi við segja að það hafi róað fólk mjög að heyra sóttvarnalækni fullyrða að lítil sem engin hætta safaði af brennslunni.

Einn níumenninganna ákærður fyrir að hrækja á lögregluþjón

Sunneva Ása Weisshappel hefur verið ákærð fyrir að hafa óhlýðnast fyrirmælum lögreglumanna og hindra þá í að sinna skyldustörfum sínum þegar þeir hugðust ræða við vin hennar, Snorra Pál Jónsson, á Laugavegi í maí 2009.

Eygló vill fund í viðskiptanefnd um gamla Landsbankann

Eygló Harðardóttir, þingmaður Framsóknarflokksins, hefur óskað eftir fundi hjá viðskiptanefnd Alþingis vegna fréttar Viðskiptablaðsins um NBI og skuldabréf þess við gamla Landsbankann. Skuldabréfið er um 30% af eignum gamla Landsbankans og einn stærsti óvissuþátturinn í innheimtu eigna vegan Icesave. Hún óskaði eftir því að fulltrúar slitastjórnar, stjórnar NBI og Seðlabankinn kæmu til að fara yfir þessi mál með viðskiptanefnd. Jafnframt vakti hún athygli formanns fjárlaganefndar á fréttinni.