Innlent

Dómur í máli níumenninganna á miðvikudaginn

Jón Hákon Halldórsson skrifar
Það hefur gengið á ýmsu á Alþingi að undanförnu. Mynd/ Vilhelm.
Það hefur gengið á ýmsu á Alþingi að undanförnu. Mynd/ Vilhelm.
Héraðsdómur Reykjavíkur mun kveða upp dóm í máli ákæruvaldsins gegn níumenningunum, sem ákærðir eru fyrir árás á Alþingi, á miðvikudaginn í næstu viku. Níumenningarnir eru sem kunnugt er ákærðir fyrir árás á Alþingi.

Þriggja daga aðalmeðferð í málinu fór fram í janúar. Þau snerust aðallega um tvennt. Í fyrsta lagi hvort hin meinta árás á Alþingi hafi verið skipulögð fyrirfram og í öðru lagi um hve raunverulegar staðhæfingar þingvarða og lögreglu um ofbeldi séu. Þá var birt umdeilt myndskeið frá Alþingi sem sýnir aðeins fjórar mínútur af hinni meintu árás. Aðrar upptökur voru ekki lagðar fram í dómi.

Fari svo að níumenningarnir verði sakfelldir fyrir árás gegn Alþingi gætu þeir átt von á fangelsi allt frá einu ári og upp í ævilangt fangelsi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið