Ráðning rædd í næstu viku

Ráðning nýs framkvæmdastjóra Íbúðalánasjóðs var ekki tekin fyrir á fundi stjórnar sjóðsins í gær. Annar stjórnarfundur verður hins vegar haldinn í næstu viku þar sem ráðning nýs forstjóra er á dagskrá.

Barátta sem skilaði árangri

Niyamgiri-fjöllin, eða Fjöllin helgu, í Orissa-fylki við austurströnd Indlands eru auðug af báxíti, sem er grunnmálmgrýtið sem ál er unnið úr. Þar hefur breska námufyrirtækið Vedanta viljað grafa og eytt í það hátt í milljarði Bandaríkjadala nú þegar. En fjöllin eru heilög í augum Dongaria Kondh ættbálksins, sem telur 7.952 sálir og er einn af 62 ættbálkum á svæðinu. Óheft báxítvinnsla þar hefði að líkindum gjörbreytt lífsstíl Kondha og skemmt náttúrulegt vistkerfi þeirra.

Hrossapest geti smitast í menn

Grunur leikur á að hrossapestin, sem herjað hefur á hesta hér á landi undan­farið, smiti menn, hunda og ketti. Þetta kom fram í fréttum RÚV í gær.

Fjögur útköll á fimmtán tímum

Þyrla Landhelgisgæslunnar var kölluð út fjórum sinnum á tímabilinu frá klukkan sjö á mánudagkvöldið til klukkan tvö daginn eftir.

Kaflaskipt veiði sem af er ágúst

Síldveiðin hefur verið kaflaskipt eftir að veiðar hófust á ný hjá skipum HB Granda. Á heimasíðu fyrirtækisins segir að eftir frí um verslunarmannahelgina veiddist lítið en góðar torfur gáfu tímabundið góðan afla. Dálítið er af makríl í síldaraflanum en þegar Ingunn AK hætti veiðum var hún komin hátt í 200 mílur austur af Vopnafirði.

Atvinnuleysið var ofmetið

Gert er ráð fyrir að atvinnuleysi aukist í haust og vetur og fari hæst í níu prósent á fyrstu þremur mánuðum næsta árs. Þetta kemur fram í Peningamálum, ársfjórðungsriti Seðlabankans. Það kom út samhliða vaxtaákvörðun í gær.

1.800 mótmæla skipulagstillögu

Um 1.800 Akureyringar skrifuðu undir lista til að mótmæla fyrirhuguðum breytingum á miðbæjarskipulagi bæjarins og hvetja bæjarstjórn til að varðveita götumynd við Hafnarstræti.

Eldur í álverinu í Straumsvík

Slökkvliðið frá tveimur slökkviliðstöðum á höfuðborgarsvæðinu takast á við eld í kjallara steypuskála í álverinu í Straumsvík. Samkvæmt varðstjóra slökkviliðsins er aðkoman erfið og því hafa slökkvistörf gengið hægt.

Tryggvi Þór vildi slátra 2500 bankamönnum og Hreiðari Má

Tryggvi Þór Herbertsson, þá efnahagslegur ráðgjafi Geirs H. Haarde forsætisráðherra, sagði í júlí - ágúst árið 2008, að Davíð Oddsson væri ómögulegur seðlabankastjóri. Þetta kemur fram í skýrslu Björns Jóns Bragasonar um fall Landsbankans og má finna á vef Björgólfs Thors Björgólfssonar, btb.is.

Forstjóri OR og faðir stjórnarformanns fengu umdeildar verktakagreiðslur

Faðir Haralds Flosa Tryggvasonar, stjórnarformanns Orkuveitu Reykjavíkur (OR), og nýráðinn forstjóri Orkuveitunnar, Dr. Helgi Þór Ingason, sátu saman í stjórn eignarhaldsfélagsins Nordica ráðgjöf.

Morðið í Hafnarfirði: Fjölskyldan biðlar til þjóðarinnar - myndband

Fjölskylda Hannesar Þórs Helgasonar sem fannst myrtur á heimili sínu um hádegisbil á sunnudag, biður alla þá sem einhverjar upplýsingar geta veitt um andlátið að hafa samband við lögreglu. Hún þakkar þann samhug sem hún hefur fundið fyrir í kjölfar þessa hræðilega atburðar.

Sundlaugadómur markar tímamót vegna verðtryggðra lána

Lögfræðingar segja niðurstöðu héraðsdóms um forsendubrest vegna óvæntrar verðbólgu marka tímamót. Dómurinn varpi nýju ljósi á mál skuldara með verðtryggð lán.

Vatn á Þingvöllum ekki neysluhæft vegna seyruvökva

Vatn á Þingvallasvæðinu er ekki neysluhæft eftir að seyruvökva úr rotþróm var dælt á vatnsverndarsvæði, en saurkólígerlar fundust í vatninu.

Yfirheyrslum yfir Sigurðuri Einarssyni lokið - framhald á morgun

Yfirheyrslum yfir Sigurður Einarssyni, fyrrverandi stjórnarformanns Kaupþings, er lokið. Þær hófust klukkan níu í morgun og hafa staðið yfir í allan dag.

Verkfallsaðgerðir gætu skyggt á menningarnótt

Verkfallsaðgerðir slökkviliðsmanna gætu skyggt á hátíðarhöldin á menningarnótt. Þetta segir aðstoðarslökkviliðsstjóri Slökkviliðs höfuðborgarsvæðisins.

Landspítalinn þjónustar sjúklinga frá Færeyjum

Landspítalinn hefur gert tímamótasamning um þjónustu við sjúklinga frá Færeyjum. Samkvæmt samningnum verður sjúklingum sem Færeyingar þurfa að senda til annarra landa alla jafna vísað til Landspítalans en til þessa hafa sjúklingar í Færeyjum aðallega verið sendir til Danmerkur og Svíþjóðar. Þetta er fyrsti samningurinn sem gerður er við annað land um alhliða sjúkrahúsþjónustu á Íslandi, að því er fram kemur í tilkynningu frá Landspítalanum.

Haldin þunglyndi og dauðahugsunum eftir nauðgun

Karlmaður á sextugsaldri var í Héraðsdómi Norðurlands eystra í dag dæmdur í átján mánaða fangelsi fyrir nauðgun.

Dómari neitar að víkja sæti

Pétur Guðgeirsson, dómari við Héraðsdóm Reykjavíkur, hefur hafnað kröfu fjögurra af níumenningunum, sem ákærðir eru fyrir árás gegn Alþingi, um að víkja sæti.

Sigurður enn í yfirheyrslum

Sigurður Einarsson, fyrrverandi stjórnarformaður Kaupþings, er enn í yfirheyrslum hjá sérstökum saksóknara samkvæmt upplýsingum Vísis. Þar hefur hann verið frá því klukkan níu í morgun, en tveggja klukkustunda langt hlé var tekið á yfirheyrslum í hádeginu.

Elvar bestur í þuklinu | Myndir

Íslandsmeistaramótið í hrútadómum var nýverið haldið í áttunda sinn á Ströndum og var það Bolvíkingurinn Elvar Stefánsson sem fór með sigur af hólmi í flokki vanra þuklara. Hann hefur keppt í þuklinu svo til frá upphafi og náði meðal annars öðru sæti árið 2005. Þrátt fyrir mikla rigningu hafa áhorfendur og keppendur aldrei áður verið fleiri, að því er fram kemur í tilkynningu.

Reykjavíkurborg kaupir Ísaksskóla

Borgarráð samþykkti í dag heimild Reykjavíkurborgar til þess að kaupa fasteignir Skóla Ísaks Jónssonar fyrir tæpar 292 milljónir króna. Kaupverðið er greitt með yfirtöku á áhvílandi skuldum sem nema tæplega 254 milljónum króna og fjármögnun nauðsynlegra viðhaldsframkvæmda

Björgólfur Thor: Icesave og Landsbankann ekki blórabögglar

„Það, að stjórnmálamenn kjósi nú að gera Icesave og Landsbankann að blóraböggli, er á engan hátt eðlilegt, einkum þegar haft er í huga að formleg ábyrgð íslenska ríkisins á Icesave skuldbindingum kom til eftir að ríkisvaldið tók yfir Landsbankann og stjórnmálamenn hófu bein afskipti að málefnum bankans," segir Björgólfur Thor Björgólfsson í ávarpi á vefsíðu sem opnaði í dag þar sem hann birtir gögn yfir öll hans viðskipti hér á landi aftur til ársins 2002.

Fá áheyrnarfulltrúa í nefndir

Bæjarstjórn Seltjarnarness samþykkti á fundi sínum í gær tillögu bæjarfulltrúa Neslistans og Samfylkingarinnar um að framboðinn eigi þess kost að skipa áheyrnarfulltrúa í þær nefndir sem þau eiga ekki aðalfulltrúa. Þetta verður gert til reynslu í tæpt ár eða til 30. júní 2011.

Sigurður kominn aftur í yfirheyrslu

Sigurður Einarsson, fyrrverandi stjórnarformaður Kaupþings, mætti til yfirheyrslu hjá sérstökum saksóknara á Laugavegi klukkan tvö eftir hádegishlé. Sigurður Einarsson kom til landsins frá Bretlandi í gær og mætti svo til yfirheyrslu í morgunsárið. Interpol gaf út handtökuskipun á Sigurð í vor en hún var felld úr gildi í fyrradag.

Bassaleikari HAM aðstoðar Jón Gnarr tímabundið

S. Björn Blöndal varaborgarfulltrúi er aðstoðarmaður Jóns Gnarr borgarstjóra nú tímabundið á meðan Heiða Kristín Helgadóttir er í sumarfríi. S. Björn er framkvæmdastjóri Besta flokksins auk þess að vera bassaleikari hljómsveitarinnar HAM. Hann skipaði níunda sætið á lista Besta flokksins í vor og mun gegna starfinu til mánaðarmóta þegar að Heiða tekur aftur við starfinu.

Tillaga Hönnu Birnu um aukna samvinnu samþykkt

Tillaga Hönnu Birnu Kristjánsdóttur, forseta borgarstjórnar, um aukna samvinnu og samráð borgarfulltrúa var samþykkt á fundi borgarráðs í morgun. Þar er lagt til að sameiginlegir vinnufundir allra borgarfulltrúa verði fastur liður í starfsáætlun borgarstjórnar. Hanna Birna segir að tilgangur tillögunnar sé fyrst og síðast að bæta störf borgarstjórnar og tryggja góðar lausnir fyrir borgarbúa.

Gamli söluturninn fluttur aftur á Lækjatorg

Borgarráð samþykkti á fundi sínum í morgun flutning gamla söluturnsins sem nú stendur í Mæðragarðinum aftur á Lækjartorg þar sem hann mun lífga upp á ásýnd miðborgarinnar. Á meðfylgjandi mynd má sjá hvar turninum

Hafnarstræti helgað gangandi og hjólandi vegfarendum

Borgarráð samþykkti á fundi sínum í morgun að Hafnarstræti verði tímabundið lokað fyrir bílaumferð og helgað gangandi og hjólandi vegfarendum.

Rauði krossinn fjórfaldar neyðarbeiðni vegna flóðanna í Pakistan

Alþjóða Rauði krossinn fjórfaldaði í dag neyðarbeiðni sína vegna flóðanna í Pakistan og kallar nú eftir 8.2 milljörðum íslenskra króna til hjálparstarfsins. Neyðaraðstoð Rauða krossins og Rauða hálfmánans mun ná til um 900 þúsund íbúa á flóðasvæðunum.

Glæpamenn stálu flatskjá af gamalmennum

Eldri borgarar á Álftanesi urðu fyrir því óláni að á þriðjudagsmorgun var brotist inn í félagsaðstöðu þeirra og flatskjá sem var í þeirra eigu stolið. Guðrún Jónsdóttir, formaður Félags eldri borgara á Álftanesi, segir að þetta sé tilfinnanlegt tjón fyrir þau. Sérstaklega í ljósi þess að staða sveitarfélagsins Álftaness sé það bágborin að engin tök séu á því að kaupa nýjan flatskjá.

Sigurður Einarsson: Góð samvinna milli manna

Hlé hefur verið gert á yfirheyrslu sérstaks saksóknara yfir Sigurði Einarssyni, fyrrverandi stjórnarformanni Kaupþings, sem hófst í morgun. Um er að ræða um klukkustundarlangt hádegishlé. Þegar Sigurður yfirgaf húsnæði embættis sérstaks saksóknara ásamt lögmanni sínum vildi hann lítið ræða við fjölmiðla. Sigurður sagði þó að góð samvinna væri milli manna. Hann vildi ekki svara því hvort hann teldi sérstakan saksóknara hafa farið of hart fram í málinu.

Gagnrýna lífsýnatöku úr Bobby Fischer

Gagnrýnt er hvernig staðið var að lífsýnatöku úr stórmeistaranum Bobby Fischer. Rannsókn á lífsýnunum leiddi í ljós að stúlka sem taldi sig vera dóttir hans, er honum óskyld. Lögmenn hennar munnhöggvast í erlendum fjölmiðlum.

Ófyrirsjáanleg verðbólga valdi forsendubresti

Talsmaður neytenda segir að ef ófyrirsjáanleg verðbólga veldur forsendubresti gagnvart verktaka, þá gildi hið sama gagnvart neytendum. Héraðsdómur Reykjaness hefur dæmt að mögulegt sé að víkja samningi verktaka til hliðar vegna efnahagshrunsins.

Erlendur réttarmeinafræðingur rannsakar morðið

Erlendur réttarmeinafræðingur er kominn hingað til lands til þess að rannsaka líkið af Hannesi Þór Helgasyni sem myrtur var á heimili sínu aðfaranótt sunnudags. Lögregla hefur sleppt karlmanni sem hafði verið í haldi frá því í gær.

Yfirmenn lögreglunnar féllu á prófinu

Ráðist var á Björgvin Björgvinsson, fyrrverandi yfirmann kynferðisbrotadeildar lögreglunnar á höfuðborgarsvæðinu, af miklu ofstæki eftir að hann tjáði sig um kynferðisbrotamál í DV á dögunum. Þetta segir Brynjar Níelsson, formaður Lögmannafélags Íslands í pistli á Pressunni.

Kynnir rannsóknarskýrsluna fyrir þingforsetum

Páll Hreinsson, hæstaréttardómari og formaður rannsóknarnefndar Alþingis, gerir grein fyrir störfum nefndarinnar á árlegum fundi forseta þjóðþinga Norðurlanda og Eystrasaltsríkja sem fer fram í Reykjavík í dag. Í erindi sínu mun Páll fara yfir hvernig staðið var að rannsókn á aðdraganda og orsökum falls íslensku bankanna haustið 2008.

Morðið í Hafnarfirði: Maðurinn laus úr haldi

Lögregla mun ekki fara fram á að maðurinn sem handtekinn var í gær í tengslum við morðið á Hannesi Þór Helgasyni verði úrskurðaður í gæsluvarðhald. Hann var látinn laus fyrir stundu.

Sigurður mætir til yfirheyrslu - myndskeið

Sigurður Einarsson fyrrverandi stjórnarformaður Kaupþings mætti til yfirheyrslu hjá Sérstökum saksóknara í morgun. Hann svaraði nokkrum spurningum blaðamanna á leið sinni til saksóknara og myndskeið af því má sjá hér.

Morðið í Hafnarfirði: Ákvörðun um varðhald liggur ekki fyrir

Ekki hefur verið tekin ákvörðun um það hvort óskað verði eftir gæsluvarðhaldi yfir karlmanni sem handtekinn var í gær og grunaður er um aðild að dauða Hannesar Þórs Helgasonar. Að loknum yfirheyrslum í gærkvöldi var ákveðið að halda manninum í fangageymslu í nótt.

Færðu svæfingadeildinni gjafir

Kvenfélagið Hringurinn færði svæfingadeild Landspítala Hringbraut veglegar gjafir í byrjun vikunnar. Um var að ræða fjóra súrefnismettunarmæla til þess að mæla súrefnismettun hjá börnum. Mælarnir eru mjög nákvæmir og byggja á nýrri tækni.

Fyrirtöku í máli Eiðs Smára frestað

Fyrirtöku í máli Eiðs Smára Guðjohnsen, sem átti að fara fram í Héraðsdómi Reykjavíkur í morgun, var frestað. DV fjallaði um fjármál Eiðs Smára og fjárfestingar undir lok síðasta árs. Eiður Smári mótmælti umfjölluninni í bréfi sem Heimir Örn Herbertsson, lögmaður hans, sendi ritstjórum DV. Taldi hann umfjöllunina ólöglega.

Svandís mæti á fund þingnefndar

Vigdís Hauksdóttir, þingmaður Framsóknarflokksins, vill að Svandís Svavarsdóttir, umhverfisráðherra, komi á fund umhverfisnefndar Alþingis og ræði áform um stækkun friðlands í Þjórsárverum og rammaáætlun Norðlingaölduveitu. Áður höfðu fjórir þingmenn úr þremur flokkum óskað eftir því að Svandís og Katrín Júlíusdóttur, iðnaðarráðherra, kæmu á fund iðnaðarnefndar.

Hafró: Vélstjórar boða til vinnustöðvunar

Boðað hefur verið til vinnustöðvunar vélstjóra á skipum Hafrannsóknarstofnunar. Kjarasamningur vegna starfa vélstjóra á skipum stofnunarinnar rann út þann 31. mars 2009 og í samningaviðræðum hafa viðsemjendur Félags vélstjóra og málmtæknimanna ekki verið til viðræðu um leiðréttingu á grunnlaunum vélstjóra á skipum Hafró.

Sigurður segist vera með hreina samvisku

Sigurður Einarsson, fyrrverandi stjórnarformaður Kaupþings, er kominn til yfirheyrslu hjá sérstökum saksóknara, en hann kom til landsins frá Bretlandi síðdegis i gær.

Innbrot í skóla

Tilkynnt var innbrot í Digranesskóla í Kópavogi klukkan hálfsjö í morgun. Ekki liggur fyrir hvort einhverju hafi verið stolið en lögregla rannsakar málið. Þá var bifreið stolið nú í morgunsárið í Hafnarfirði og er það mál einnig í rannsókn.