Fleiri fréttir

Sinubruni í Fossvogsdal

Slökkviliðið á höfuðborgarsvæðinu var kallað í Fossvogsdalinn vegna sinubruna þar um áttaleytið í kvöld. Að sögn slökkviliðsins tók um tuttugu mínútur að slökkva eldinn. Töluvert hefur verið af útköllum vegna sinubruna það sem af er þessu sumri, að sögn slökkviliðsmanna.

Þung umferð um Suðurlandsveg

Nokkuð þung umferð er á Suðurlandsvegi, að sögn lögreglunnar á Selfossi og lögreglunnar á Hvolsvelli. Allt hefur þó gengið vel fyrir sig. Þær upplýsingar fengust jafnframt hjá lögreglunni að Borgarnesi að þar væri nokkuð þétt umferð.

Kjaradeilu háskólamenntaðra vísað til sáttasemjara

Samninganefnd ríkisins ákvað í dag að vísa kjaradeilu BHM og þriggja stéttafélaga til ríkissáttasemjara. Samstarfshópur stéttarfélaganna fundaði með Samninganefnd ríkisins og sáttasemjara í dag og eftir fimm klukkustunda fund var ákveðið að málið færi á borð ríkissáttasemjara.

33 kaupsamningum þinglýst - rösklega 200 á sama tíma í fyrra

Alls var 33 kaupsamningum þinglýst á höfuðborgarsvæðinu dagana 13. júní til og með 19. júní á þessu ári. Til samanburðar má geta að dagana 15 - 21 júní í fyrra var 213 kaupsamningum þinglýst. Þá var 6 kaupsamningum þinglýst á Akureyri í liðinni viku og 5 í Árborg.

Búið að slökkva eldinn við Gvendargeisla

Búið er að ráða niðurlögum eldsins við Gvendargeisla í Grafarholti. Þar kviknaði í gasgrilli með þeim afleiðingum að eldurinn læsti sig í þakklæðningu og rúða brotnaði, að sögn slökkviliðsmanna.

Hæna handsömuð í Hafnarfirði

Það er víða á landinu sem lögreglumenn þurfa að glíma við það erfiða verkefni að fanga dýr. Skemmst er að minnast viðureigna lögreglunnar á Sauðárkróki við tvo hvítabirni sem á endanum voru báðir felldir.

Síbrotamaður áfram í varðhaldi

Hæstiréttur staðfesti í dag gæsluvarðhaldsúrskurð héraðsdóms yfir síbrotamanni sem setið hefur á bak við lás og slá frá 23. maí. Skal maðurinn sitja í varðhaldi til 18. júlí.

Óviðunandi bið eftir húsnæði fyrir Byrgisfólk

Jóhanna Sigurðardóttir félagsmálaráðherra segir óviðunandi að ekki skuli vera búið að opna heimili fyrir fyrrverandi vistmenn í Byrginu. Meðferðarheimilinu var lokað í kjölfarið að Kompásþáttar Stöðvar 2 um Byrgið var sýndur rétt fyrir jólin árið 2006.

Veiðarnar þola ekki dagsljósið

Sigursteinn Másson fer fyrir hópi kvikmyndaliðs á vegum Alþjóða dýraverndunarsjóðsins - IFAW, sem ætlaði í dag að ná myndum af hrefnuveiðimönnum að störfum. Hrefnuveiðimenn eru hættir veiðum í dag og segja ekki koma til greina að veiða með myndatökulið í eftirdragi. Sigursteinn segir augljóst að veiðimennirnir álíti að veiðarnar þoli ekki dagsljósið.

Dópið falið í fölsku lofti

Hluti dópsins sem Hollendingur reyndi að smygla til landsins með Norrænu var falið í fölsku lofti í húsbílnum. Þetta kemur fram í Austurglugganum í dag.

Reglugerðir um íbúðalán taka gildi á morgun

Jóhanna Sigurðardóttir félags- og tryggingamálaráðherra setti í dag þrjár reglugerðir á grundvelli laga um húsnæðismál sem fela í sér hluta þeirra aðgerða sem ríkisstjórnin kynnti í gær.

Kvikmyndatökulið truflar hrefnubát við veiðarnar

Gunnar Bergmann Jónsson, framkvæmdastjóri Hrefnuveiðimanna, segir að kvikmyndatökulið hafi komið í veg fyrir hrefnuveiðar í dag. Hvalaskoðunarbáturinn Elding 2 hefur fylgt hrefnuveiðibátnum eftir í allan dag og nú er svo komið að veiðimenn hafa ávkeðið að snúa til hafnar, tómhentir.

Hveravallabjörninn var hross

Sporin sem pólskir ferðamenn rákust á nærri Hveravöllum í gær og talin voru eftir bjarndýr reyndust vera eftir hross. Þetta kemur fram í tilkynningu frá lögreglunni á Blönduósi.

Ólafur Ragnar ræðir um framtíð orkumála á CNN

Ólafur Ragnar Grímsson forseti er í viðtali í þættinum Principal Voices sem sýndur verður á sjónvarpsstöðinni CNN um helgina. Í þættinum er fjallað um framtíð orkumála og er viðtalið við Ólaf Ragnar meðal helstu efnisatriða þáttarins.

Ísbjarnarbúrið var sótthreinsað fyrir komuna til landsins

Búrið, sem flutt var inn til landsins frá Danmörku þegar fanga átti hvítabjörn sem gekk á landi við Hraun á Skaga í Skagafirði fyrr í vikunni, var sótthreinsað fyrir komuna til landsins. Þetta staðfestir Hjalti J. Guðmundusson, sviðsstjóri hjá Umhverfisstofnun

Jóhanna: Bankarnir fóru offari

Jóhanna Sigurðardóttir, félagsmálaráðherra, segir að viðskiptabankarnir hafi farið offari á fasteignamarkaði fyrir fjórum árum. Hún vonar að forystumenn bankanna læri af reynslunni.

Ránið breytti lífi mínu

„Þetta var byrjunin á því besta sem komið hefur fyrir mig,“ segir Óskar Örn Gíslason, einn þremenninga sem sviðsettu rán í 11-11 í Garðabæ fyrir rúmu ári. Málið var þingfest fyrir Héraðsdómi Reykjaness í morgun.

Neikvætt að Sádar komi kvenmannslausir

Sólveig Pétursdóttir, fyrrverandi forseti Alþingis, þykir ekki gott að engin kona skuli vera í 17 manna sendinefnd frá ráðgjafarþingi Sádi-Arabíu sem kemur til landsins um helgina. ,,Það er alveg ljóst að Sádar eiga býsna langt í land í lýðræðis- og jafnréttismálum," segir Sólveig.

Nesstofa opnuð á ný

Nesstofa var opnuð síðastliðinn laugardag með pompi og prakt í blíðskaparveðri að viðstöddu fjölmenni.

Kannabis getur greinst í þvagi sex vikum eftir neyslu

Þeir sem neyta kannabisefna gætu geta lent í því að vera sviptir ökuréttindum, löngu eftir að þau eru hætt að hafa áhrif á aksturinn. Tveir menn voru sakfelldir í Hæstarétti í gær fyrir að aka undir áhrifum fíkniefna en þeir höfðu verið sýknaðir í Héraðsdómi Vesfjarða. Um tíu dagar liðu frá því annar þeirra neytti kannabis og þar til hann var tekinn, og nokkrir dagar í hinu tilviku. THC sýra greindist í þvagsýnum mannana en ekkert í blóðsýnum. Jakob Kristinsson, lyfjafræðingur hjá Rannsóknarstofu í lyfjafræði við Háskóla Íslands, segir heppilegra ef lögin væru skýrari í þessum efnum.

Varað við breytingum á Gunnuhver

Almannavarnadeild Ríkislögreglustjóra varar fólk við að fara að Gunnuhver á Reykjanesi þar sem enn hafi orðið breytingar á honum.

Samningar munu liggja fyrir síðar í sumar um komu flóttamannanna

Samningar liggja ekki endanlega fyrir á milli Akranesskaupstaðar og félagsmálaráðuneytisins um kostnað við komu hinna 25-29 palestínsku flóttamanna. Flóttamennirnir munu að öllum líkindum koma hingað um mánaðarmótin ágúst-september. Mun gengið frá þessum samningum upp úr miðjum júlí.

Sjúkraliðar semja

Sjúkraliðafélag Íslands hefur samþykkt kjarasamning BSRB við ríkið. Á kjörskrá voru 1250. Fjöldi svarenda var 545 og sögðu já 84% svarenda en nei 14% svarenda. Auðir seðlar voru 17 eða 2% svarenda.

Dópið fannst eftir játningu Hollendings

Dópið í húsbíl Hollendingsins, sem var handtekinn í Norrænu í síðustu viku, fannst eftir að maðurinn vísaði á það. Fram að því hafði tollgæslan leitað án árangurs klukkutímum saman og nánast gefið leitina upp á bátinn.

Fengu ekki að gista í flóttamannabúðunum

Formaður íslensku sendinefndarinnar sem segir ferðina til Íraks hafa eftir atvikum gengið vel. Vegna ótryggs ástands var nefndinni ekki leyft að dvelja í flóttamannabúðunum að nóttu til.

Strætó aftur á næturnar?

Ólafur F. Magnússon, borgarstjóri vill taka aftur upp næturstrætisvagnaleiðir úr miðborginni um helgar samkvæmt Fréttablaðinu í dag.

Átta palestínskar fjölskyldur koma til landsins

Átta palestínskum fjölskyldum verður boðið hæli hér á landi samkvæmt ákvörðun félagsmálaráðherra og utanríkisráðherra. Um er að ræða tíu konur, allar einstæðar mæður, og 19 börn.

Íslendingar framarlega í frumkvöðlastarfi

Í alþjóðlegri rannsókn, Global Entrepreneurship (GEM), kemur í ljós að frumkvöðlastarfssemi á Íslandi er með því mesta sem gerist á meðal hátekjulanda í heiminum. Háskólinn í Reykjavík tók þátt í rannsókninni og í tilkynningu frá skólanum kemur fram að rúmlega 12 prósent Íslendinga á aldrinum 18 til 64 ára hafi stundað frumkvöðlastarf á síðasta ári. Á sama tíma stunduðu aðeins sex prósent íbúa Evrópusambandsins slíka iðju.

Leita áfram bjarndýrsspora við Hveravelli

Um tuttugu manna hópur björgunarsveitarmanna og lögreglumanna frá Blönduósi og nærsveitum lagði af stað klukkan átta í morgun að Hveravöllum til þess að kanna hvort þar sé að finna bjarndýraspor.

SÞ skilgreinir nauðgun sem stríðstækni

Öryggisráð Sameinuðu þjóðanna hefur samþykkt einróma að skilgreina nauðganir sem sérstaka stríðstækni, en þar er átt við þegar skipulögðum nauðgunum er beitt í hernaði til þess að kúga heilu samfélögin.

Hætta leit að íslenskri skútu

Skipulagðri leit að skútunni sem hvarf milli Bermúda og Nýfundnalands hefur verið hætt. Einn Íslendingur er um borð og spurðist síðast til hans 4. júní.

Leita áfram að ísbjarnarsporum

Áformað er að halda áfram leit í dag að ísbjarnarsporum þeim sem erlendir ferðamenn rákust á í moldarflagi við Hveravelli í gærmorgun.

Tilboð í Hvammsvík og Hvamm kynnt í borgarráði

Minnihlutinn í borgarráði hefur óskað eftir því að tilboðin sem bárust í jarðirnar Hvammsvík og Hvamm í Kjósarhreppi verði kynnt í borgarráði áður en söluferlið nær lengra.

Alspora hvolpur borinn

Aðdáendur íslenska hundsins og hundaræktendur eru í skýjunum þessa dagana því tík af íslensku kyni á Stokkseyri gaut nýlega hvolpi sem er alspora eins og það er kallað.

Pólsku ferðamönnunum var brugðið og hlupu til baka

Pólsku ferðmönnunum tveimur sem sáu ísbjarnarspor nálægt Hveravöllum í morgun var nokkuð brugðið að sögn Gunnars Guðjónssonar umsjónarmanns á svæðinu. Hann segist hafa farið að leita að birninum en ekki séð neitt. Því næst hringdi hann í lögregluna sem setti viðbúnaðaráætlun í gang.

Mikilvægt að bankakerfinu sé rétt hjálparhönd

Guðni Ágústsson, formaður Framsóknarflokksins, segir nýjasta úspil ríkisstjórnarinnar sýna að Davíð hafi sigrað Golíat. Hann segir bankana hafa séð að þeir ráði ekki við stöðuna og fagnar þessu skrefi ríkisstjórnarinnar.

Ísbjörn á Hveravöllum?

Í morgun barst Lögreglunni á Blönduósi tilkynning frá umsjónarmanni á Hveravöllum að fyrr um morguninn hafi tveir erlendir ferðamenn farið í gönguferð frá Hveravöllum áleiðis að Þjófadölum.

Sjá næstu 50 fréttir

Mest lesið