Fundur ráðherra og bankastjóra ekki krísufundur

Fundur ráðherra og fulltrúa úr íslensku fjármálalífi í Ráðherrabústaðnum í dag var ekki krísufundur að sögn forsvarsmanna ríkisstjórnarinnar. Fundinum lauk fyrir stundu og sögðu þau Ingibjörg Sólrún Gísladóttir utanríkisráðherra og Geir H. Haarde forsætisráðherra að hann hefði verið gagnlegur.

Sjö manns tilnefndir í stýrihóp um skipulag Vatnsmýrar

Borgarráð samþykkti á fundi sínum í dag tilnefna þau Hönnu Birnu Kristjánsdóttur, Gísla Martein Baldursson, Kjartan Magnússon, Ástu Þorleifsdóttur, Dag B. Eggertsson, Svandísi Svavarsdóttur og Óskar Bergsson í stýrihóp um heildarskipulag Vatnsmýrarinnar.

Tveir ölvaðir reyndu að aka sama bílnum

Lögreglan á Akranesi hafði afskipti af tveimur mönnum í liðinni viku sem reyndu að aka sömu bifreiðinni ölvaðir.

Fá ferðaávísun fyrir fullkomna mætingu

Þeir starfsmenn Samherja sem missa ekki dag úr vinnu eiga nú kost á myndarlegri bónusgreiðslu. Starfsmannastjóri óttast ekki að þetta ýti undir að fólkið mæti veikt til vinnu.

Skilur að Vilhjálmur vilji skoða sín mál eftir klaufaleg mistök

Guðlaugur Þór Þórðarson heilbrigðisráðherra segir að ákvörðun hjá Vilhjálmi Þ. Vilhjálmssyni um að sitja áfram í borgarstjórn hafa verið eðlileg. Hann segist skilja að hann vilji skoða sín mál eftir að hafa gert klaufaleg mistök í sjónvarpsviðtali.

Samið um meginlínur nýrra kjarasamninga - SA gagnrýnir Seðlabankann

Samtök atvinnulífsins segja að svo virðist sem aldrei rofi til í Seðlabankanum og rökstuðningur bankans sé veikur. Framkvæmdastjóri ASÍ hefði viljað sjá vaxtalækkun hjá Seðlabankanum en skilur að hann sé í þröngri stöðu.

Annir á slysadeild vegna hálkuslysa

Nokkuð hefur verið um að fólk hafi leitað á slysadeild í morgun eftir að hafa dottið í hálku. Algengir áverkar eru brotnir úlnliðir, axlir og ökklar. Fólk er beðið að fara varlega og eldri borgarar íhuga að halda sig heima í dag.

Davíð: „Hvernig líst þér á Huddersfield?“

Davíð Oddson sat fyrir svörum í Seðlabankanum varðandi ákvörðun bankans um að halda stýrivöxtum óbreyttum. Eins og fram hefur komið í fjölmiðlum leitaði Vilhjálmur Þ. Vilhjálmsson, oddviti Sjálfstæðismanna í Reykjavík, ráða hjá Davíð varðandi þau vandræði sem flokkurinn og hann sjálfur hafa ratað í síðustu vikur.

Stjórn BHM segir Samtök atvinnulífsins dæmalaust ósvífin

Stjórn Bandalags háskólamanna (BHM) segir dæmalaust ósvífið að ætlast til þess að kjör opinberra starfsmanna verði ákveðin af öðrum en þeim sem um þau eiga að semja. Þetta kemur fram í yfirlýsingu sem BHM hefur sent frá sér vegna kröfu Samtaka atvinnulífsins um að ríkið fylgi sömu launastefnu og ákveðin verður í komandi kjarasamningum við samtök verkalýðsins.

Starfsmenn Reykjanesbæjar fá hvatagreiðslur á árinu

Rúmar 35 milljónir verða lagðar til aukalega í launagreiðslur til starfsmanna Reykjanesbæjar á þessu ári vegna aukins álags á þá samfara mikilli fjölgun íbúa bæjarins. Þetta var samþykkt á fundi bæjarráðs.

SI greiðir 2,5 milljóna króna sekt til Samkeppniseftirlitsins

Samtök iðnaðarins og Samkeppniseftirlitið hafa gert sátt í máli tengdu því þegar virðisaukaskattur og vörugjöld voru lækkuð 1. mars síðastliðinn. Greiða samtökin 2,5 milljóna króna sekt til eftirlitsins.

Reyndu að svíkja út vörur fyrir tólf og hálfa milljón

Fjármunabrotadeild lögreglunnar á höfuborgarsvæðinu hefur frá 7. febrúar sl. unnið að rannsókn stórfelldra fjársvika gagnvart nokkrum rafvöruverslunum á höfuðborgarsvæðinu.

Ráðherrar og bankastjórar funda klukkan hálftvö

Fundur fjögurra ráðherra ríkisstjórnarinnar með bankastjórum Glitnis, Kaupþings og Landsbankans verður í Ráðherrabústaðnum klukkan hálftvö.

Fundu hass og amfetamín við húsleit í Breiðholti

Fíkniefnadeild lögrelgunnar rannsakar nú mál manns, sem handtekinn var í fyrradag, eftir að fíkniefni fundust í íbúð hans við húsleit í Breiðholti.

Vísaði lögreglu á rangt herbergi

Hann var heldur seinheppinn karlmaðurinn sem lögreglan á höfuðborgarsvæðinu handtók á dögunum fyrir tölvuþjófnað.

Sneypuför norskra loðnuveiðiskipa

Ljóst er að norski loðnuveiðiflotinn, sem hefur leyfi til loðnuveiða hér við land, fer hálfgerða sneypuför til Íslands að þessu sinni.

Samfylkingin orðin stærst samkvæmt nýrri könnun

Fylgi við Samfylkinginguna er orðið mun meira en við Sjálfstæðisflokkinn, samkvæmtkönnun, sem Talnakönnun gerði fyrir vefsvæðið heimur.is, rétt áður en skýrslan um REI kom út.

Kjálka- og kinnbeinsbrotinn eftir fólskulega árás í Reykjanesbæ

Nítján ára karlmaður var fluttur á slysadeild Landspítalans kjálka- og kinnbeinsbrotinn eftir fólskulega árás á hann og föður hans að Heiðarhvammi í Reykjanesbæ laust upp úr klukkan sjö í gærkvöldi.

Ölvaður í Elliðaánum

Ölvaður ökumaður, sem ók austur Bústaðaveg í gærkvöldi, gleymdi að beygja til hægri eða vinstri á mótum Reykjanesbrautar heldur ók þvert yfir hana og út í eina kvísl Elliðaánna.

Vilja evru en ekki ESB

Forsvarsmenn tveggja fyrirtækja af þremur vilja losna við krónuna. Um leið eru fleiri á móti Evrópusambandsaðild en fylgjandi. Á Viðskiptaþingi 2008 voru stjórnvöld gagnrýnd fyrir stefnuleysi í gjaldeyrismálum og lausatök í hagstjórn.Viðskiptaráð kallar eftir skýrri sýn og aðgerðum af hálfu stjórnvalda varðandi framtíðarskipan gjaldeyrismála hér á landi og aðgerðum til að styrkja efnahagslegan stöðugleika.

14 mánaða fangelsi fyrir kókaínsmygl

Hollenskur karlmaður var í dag dæmdur í Héraðsdómi Reykjaness í 14 mánaða óskilorðsbundið fangelsi fyrir að reyna að smygla um 390 grömmum af kókaíni innvortis.

Ætlar ekki að senda Villa til Kanada

Geir H. Haarde forsætisráðherra segir ekkert til í því að Vilhjálmur Þ Vilhjálmsson oddviti Sjálfstæðismanna í borginni sé að verða sendiherra í Kanada. Þetta kom fram í Íslandi í dag fyrir stundu.

Beðið í Karphúsinu eftir ákvörðun Seðlabankans

Vaxtaákvörðun Seðlabankans í fyrramálið ræður miklu um framhald kjaraviðræðna, að mati Samtaka atvinnulífsins. Fulltrúar þeirra sitja þessa stundina hjá ríkissáttasemjara á fundi með fulltrúum Alþýðusambands Íslands.

Tillögur um Miklubraut í stokk

Miklabraut verður lögð í stokk milli Kringlumýrarbrautar og Snorrabrautar, samkvæmt tillögum vinnuhóps Vegagerðar og Reykjavíkurborgar, sem verið er að kynna í borgarkerfinu. Lagt er til að framkvæmdir hefjist á næsta ári og þeim verði að fullu lokið eftir sex ár.

Guðlaugur Þór styður Vilhjálm sem borgarfulltrúa

Guðlaugur Þór Þórðarson, heilbrigðisráðherra styður Vilhjálm Þ. Vilhjálmsson og þvertekur fyrir að vera sjálfur á leið í borgarmálin. Tveir borgarfulltrúar Sjálfstæðisflokks sem fréttastofa náði tali af í dag vildu ekki lýsa yfir afdráttarlausum stuðningi við Vilhjálm, en hinir fjórir hafa ekki látið ná í sig í dag.

Bolvíkingar styðja Súðvíkinga í baráttu fyrir jarðgöngum

Bæjarráð Bolungarvíkur tekur heilshugar undir með sveitastjórn Súðavíkur þar sem skorað er á ríkisstjórn Íslands að hefja nú þegar undirbúning að gerð jarðganga á milli Álftarfjarðar og Skutulsfjarðar.

Matsmaður metur hvort farið hafi verið illa með hest

Hæstiréttur hefur vísað frá kærumáli manns, sem sakaður er um að hafa farið illa með hross, á þeim grundvelli að kæra mannsins til Hæstaréttar hafi borist of seint. Matsmaður verður því kallaður til í málinu.

Aldraðir fá inni í Heilsuverndarstöðinni

Guðlaugur Þór Þórðarson heilbrigðisráðherra og María Ólafsdóttir, yfirlæknir eignarhaldsfélagsins Heilsuverndarstöðvarinnar, skrifuðu í dag undir samning um rekstur 20 skammtímahvíldarrýma fyrir aldraða skjólstæðinga heimahjúkrunar á höfuðborgarsvæðinu og 30 dagvistarrýma þar sem áhersla verður lögð á endurhæfingu.

Geir útilokar evru

„Það er einfaldlega ekki kostur að taka einhliða upp evru. Slíkt er ekki trúverðugt og því fylgir margs konar óhagræði og aukakostnaður," sagði Geir Haarde forsætisráðherra á Viðskiptaþingi Viðskiptaráðs í dag. Hann benti því á að tveir kostir væru í stöðunni. Að halda íslensku krónunni eða taka upp evru sem jafnframt þýði inngöngu í Evrópusambandið.

Kýldi ellefu ára fósturson sinn fullur í útilegu

Fertugur karlmaður var í dag dæmdur í eins mánaðar skilorðsbundið fangelsi fyrir að hafa slegið ellefu ára gamlan fósturson sinn í andlitið.

Skipulagðri leit að Cessnu formlega hætt

Skipulagðri leit að bandarísku flugvélinni sem hvarf af ratsjá 50 sjómílur vestur af Keflavík á mánudag hefur verið hætt.

Markús Örn í Þjóðmenningarhúsið

Markús Örn Antonsson, fyrrverandi borgarstjóri og útvarpsstjóri, hefur verið skipaður forstöðumaður Þjóðmenningarhússins frá og með 1. september næstkomandi.

Mál Vestmannaeyjarbæjar á hendur olíufélögum þingfest í næstu viku

Mál Vestmannaeyjabæjar á hendur stóru olíufélögunum þremur vegna tjóns sem bærinn telur sig hafa orðið fyrir vegna samráðs þeirra, verður þingfest í næstu viku.

Barnaníðingurinn Ágúst Magnússon býr á höfuðborgarsvæðinu

Barnaníðingurinn Ágúst Magnússon sást í Reykjanesbæ í gærdag. Hann mun þó ekki búa í bænum heldur er hann með dvalarstað á höfuðborgarsvæðinu. Ágúst ók um á grænni Toyotu Corollu sem er í eigu föður hans.

Extra Bladet biðst aðeins afsökunar á enskri þýðingu

Ritstjóri danska Extrablaðsins segir að afsökunarbeiðni blaðsins til Kaupþings nái einungis til enskrar þýðingar á greinaflokki sem blaðið skrifaði um bankann. Þýðingin var sett á vefsíðu þess.

Framtíð Nasa rædd í skipulagsráði

Óskar Bergsson, áheyrnarfulltrúi framsóknarmanna í skipulagsráði segir að málefni Nasa við Austurvöll hafi verið til umræðu á fundi skipulagsráðs í dag án þess að niðurstaða væri tekin í málinu. Hugmyndir eru uppi um að rífa salinn sem hýsir tónleikastaðinn í dag en gert er ráð fyrir að endurbyggja hann að nýju á sama stað, eða í kjallara þeirrar byggingar sem á að reisa á reitnum.

40.000 króna aukakostnaður á hverja fjölskyldu

Gengi krónunnar og heimsmarkaðsverð skýra hækkun eldsneytisverðs að undanförnu einungis að hluta til. Þetta kom fram í máli Runólfs Ólafssonar, formanns Félags íslenskra bifreiðaeigenda, í hádegisviðtalinu á Stöð 2 í dag.

Hafa áhyggjur af dæmdum barnaníðingi í Reykjanesbæ

Foreldrar og aðrir forráðamenn barna í Reykjanesbæ, hafa miklar áhyggjur af því að þar í bæ hefur dæmdur barnaníðingur, Ágúst Magnússon sést á ferli, en hann var nýverið var látinn laus til reynslu.

Ritstjóri Kastljóss tjáir sig ekki um lögsókn

Þórhallur Gunnarsson, ritstjóri Kastljóss, vildi lítið tjá sig um stefnu sonar og tengdadóttur Jónínu Bjartmarz, fyrrverandi umhverfisráðherra, á hendur útvarpsstjóra og ritstjórn Kastljóss.

Ekki fyrsti misskilningur Gísla og Ástu

Misskilningur leiddi til þess að kjósa þurfti tvisvar um varaformann í umhverfis og samgönguráð Reykjavíkur í gær. Sjálfstæðismenn töldu einn fulltrúa sinn tilheyra F-lista og að þess vegna ætti varaformaður nefndarinnar að koma úr röðum sjálfstæðismanna.

Setur strik í kjaraviðræður ef vextir verða ekki lækkaðir á morgun

Framkvæmdastjóri Samtaka atvinnulífsins segir að það muni setja verulegt strik í kjaraviðræður ef Seðlabankinn hefur ekki vaxtalækkunarferli á morgun. Búist er við að á fundum þeirra með fulltrúum verkalýðshreyfingarinnar síðar í dag skýrist mjög hvort samningar takist á næstu sólarhringum.

Þrír ákærðir fyrir að ráðast á fíkniefnalögreglumenn

Algis Rucinskas, Sarunas Urniezius og Vitalij Gagin hafa verið ákærðir fyrir að ráðast með ofbeldi á lögreglumenn við fíkniefnadeild lögreglunnar á höfuðborgarsvæðinu sem voru við skyldustörf fyrir utan veitingastaðinn Monte Carlo á Laugavegi þann 11. janúar síðastliðinn.

Vilja 3,5 milljónir í bætur vegna umfjöllunar Kastljóss

Sonur og tengdadóttir Jónínu Bjartmarz, fyrrverandi umhverfisráðherra, fara fram á að útvarpsstjóri og fjórir úr ritstjórn Kastljóss greiði sér samtals 3,5 milljónir króna í miskabætur og verði dæmd fyrir ærumeiðingar vegna umfjöllunar um ríkisborgararétt tengdadótturinnar í Kastljósi.

Jeppi valt í Hveradalabrekku

Jeppi valt í Hveradalabrekkunni á Suðurlandsvegi nú á ellefta tímanum.

Hafa áhyggjur af heitavatnsskorti á Akranesi

Bæjarstjórn Akraness lýsir yfir alvarlegum áhyggjum af því ástandi sem Akurnesingar hafa þurft að búa við vegna heitavatnsskorts á nýliðnum tveimur vikum.