Nemendur Suðvesturkjördæmis bestir í stærðfræði

Niðurstöður úr samræmdum prófum nemenda í 4. og 7. bekk liggja nú fyrir í vefriti Menntamálaráðuneytisins. Þar kemur fram að nemendur í Suðvesturkjördæmi eru sterkastir yfir landið í stærðfræði, bæði í 4. og 7. bekk. Í Íslensku eru nemendur 4. bekkjar í Reykjavík og Norðausturkjördæmi bestir, en í 7. bekk eru bestu Íslenskunemendurnir í Norðausturkjördæmi.

Vel heppnað Fjölskylduþing í Reykjanesbæ

Fjölskyldu-og félagsþjónusta Reykjanesbæjar stóð fyrir fjölskylduþingi um síðustu helgi og var markmið þess að endurskoða fjölskyldustefnu bæjarins. Í fréttatilkynningu segir að þingið hafi verið afar vel heppnað en þar voru fjölskyldutengd verkefni úr framtíðaarsýn bæjarins til ársins 2010 kynnt. Hera Ósk Einarsdóttir verkefnastjóri kynnti forvarnarverkefni Reykjanesbæjar, en Hjördís Árnadóttir félagsmálastjóri kynnti fjölskyldustefnuna.

Engin slys á fólki í árekstri þriggja jeppa

Engin alvarleg slys urðu á fólki þegar þrír jeppar rákust saman á Vesturlandsvegi skammt norðan við Hvalfjarðargöng um fimmleytið í dag. Flughált var á veginum og lentu bílarnir allir utan vegar. Tveir þeirra reyndust óökuhæfir eftir áreksturinn.

Stjórnvöld kærulaus um stera

Jóhanna Eiríksdóttir, nýkjörinn formaður Kraftlyftingasambandsins harmar að stóra steramálið hafi tengst sambandinu og segir það á móti steranotkun. Birgir Guðjónsson læknir og meðlimur í lyfjanefnd alþjóða frjálsíþróttasambandsins segir að stjórnvöld hafi sýnt algjört kæruleysi í þessum málaflokki.

Losið ykkur við krónuna og bankastjórana

Bandaríski auðkýfingurinn Steve Forbes hvetur Íslendinga til að skipta um gjaldmiðil hið fyrsta og leysa bankastjóra Seðlabankans frá störfum.

Segja stóriðjustefnuna í forgangi

Formaður vinstri grænna átelur ríkisstjórnina fyrir ábyrgðarleysi í umhverfismálum og segir stóriðjustefnuna forgangsatriði í málflutningi hennar. Formaður Náttúruverndarsamtaka Íslands segir enga raunverulega stefnu í loftslagsmálum til hérlendis

Enginn Íslendingur í liði heimsmeistaramótsins

Enginn Íslendingur er í liði heimsmeistaramótsins í handknattleik sem tilkynnt var rétt í þessu en tveir Pólverjar, tveir Þjóðverjar og Rússi, Frakki og Dani. Lið mótsins er þannig skipað:

Vill að þingið rannsaki okurlánastarfsemi

Jóhanna Sigurðardóttir, þingmaður Samfylkingarinnar, vill að skipuð verði þingnefnd til að rannsaka okur á Íslandi. Hún segir slíka rannsókn nauðsynlega í ljósi ofsagróða bankanna, okurvaxta á útlánum og hárra þjónustugjalda. Jóhanna lét þessi orð falla í þættinum Silfri Egils í umræðu um góða afkomu bankanna.

Ráherrar farið frjálslega með framkvæmdasjóðinn

Stjórn Landssambands eldri borgara ætlar á morgun að ræða, á fundi sínum, fréttir um að Siv Friðleifsdóttir heilbrigðisráðherra hafi notað fé úr Framkvæmdasjóði aldraðra til að prenta og dreifa bæklingi um framtíðarsýn sína í öldrunarmálum.

Tók skýrslu af stúlkum sem numdar voru á brott

Lögreglan á Húsavík tók í dag skýrslur af stúlkunum þremur í Laugaskóla, sem teknar voru nauðugar úr rúmum sínum aðfararnótt föstudags á heimavist skólans. Farið var með stúlkurnar í hús í nágrenninu og, samkvæmt því sem fram kemur á bloggsíðum nemenda, var einni þeirra stungið ofan í klósett.

Guðjón Valur markahæstur á HM

Guðjón Valur Sigurðsson varð markakóngur heimsmeistaramótsins í handknattleik í Þýskalandi með 66 mörk. Þetta var ljóst eftir að keppninni lauk í dag. Fimm Íslendingar eru í hópi tólf markahæstu manna á heimsmeistaramótinu.

Þriggja bíla árekstur í hálku norðan Hvalfjarðarganga

Þriggja bíla árekstur varð á Vesturlandsvegi skammt norðan við Hvalfjarðargöng nú fyrir stundu. Ekki hafa fengist upplýsingar um það hvort einhver sé alvarlega slasaður en lögregla í Borgarnesi segir flughált frá Hvalfjarðargöngum og upp í Borgarnes.

Flutt á sjúkrahús eftir bílveltu nærri Grundartanga

Betur fór en á horfðist þegar bíll fór út af Vesturlandsvegi um einn kílómetra norðan við afleggjarann að Grundartanga um tvöleytið í dag. Tvennt var í bílnum og þurfti að beita klippum til að ná fólkinu út úr honum.

Vilja leggja nýjan Kjalveg með einkaframkvæmd

Félagið Norðurvegur vill hefja lagningu nýs vegar yfir Kjöl í einkaframkvæmd og áætlar að kostnaður við framkvæmdina verði um 4,2 milljarðar króna.

Karíus og Baktus mæta í Borgarleikhúsið

Sýningar á hinu sívinsæla verki um Karíus og Baktus, sem Leikfélag Akureyrar hefur sett upp, hefjast í Borgarleikhúsinu í dag. Samkvæmt tilkynningu frá Leikfélagi Akureyrar er gríðarlegur áhugi fyrir sýningunni og er þegar uppselt á allar sýningar í febrúar og mars.

Fjölgaði um 80 prósent í strætó þegar gjaldtöku var hætt

Farþegum með almenningsvögnum í Reykjanesbæ fjölgaði um áttatíu prósent þegar gjaldtöku var hætt í vögnunum. Árni Sigfússon bæjarstjóri telur að reynslan af ókeypis strætó sé afar jákvæð.

Of lítill stuðningur í baráttunni við stera

Birgir Guðjónsson, læknir og meðlimur í lyfjanefnd Alþjóðafrjálsíþróttasambandsins, segir að stjórnvöld hafi of lítið stutt við baráttu gegn misnoktun stera hér á landi.

Nýtt pólitískt afl á hægri vængnum í burðarliðnum

Nýtt afl er að koma fram á sjónarsviðið í íslenskum stjórnmálum eftir því sem segir á bloggsíðu Margrétar Sverrisdóttur. Þar segir Margrét að fundað hafi verið í gær og að á næstunni verði sett fram skýr markmið framboðs sem sé hægra megin við miðju í pólitísku litrófi stjórnmálanna.

Skýrslutökur halda áfram vegna brottnáms stúlkna

Skýrslutökur halda áfram hjá lögreglunni á Húsavík í dag vegna máls sem kom upp í Laugaskóla aðfararnótt föstudags. Þá fóru nokkrir eldri nemar í hópi drengja við skólann inn á herbergi þriggja ungra stúlkna þar sem þær sváfu fáklæddar á heimavist, tóku þær nauðugar af vistinni og tróðu þeim í skottið á bíl.

Álögur auknar á fjármagnstekjufólk

Ríkisstjórnin undirbýr frumvarp sem kveður á um að þeir sem hafa einungis fjármagnstekjur skuli greiða í framkvæmdasjóð aldraðra. Þá hefur frumvarpið sjálfkrafa í för með sér að nýr nefskattur Ríkisútvarpsins verður lagður á fjármagnstekjufólkið.

Harður árekstur í Reykjanesbæ í gærkvöld

Harður árekstur varð á gatnamótum Reykjanesbrautar og Aðalgötu í Reykjanesbæ um sjöleytið í gærkvöld. Lögregla og sjúkralið fóru á vettvang og voru tveir fluttir á Heilbrigðisstofnun Suðurnesja en meiðsl þeirra voru minni háttar.

Reyndu að ræna sígarettum og morgunkorni

Tveir svangir og sígarettulausir ungir menn brutust inn í verslun á Akureyri í nótt og höfðu á brott með sér þær nauðsynjar sem þeir þurftu til að mæta sínum þörfum. Ekki komust þeir langt því lögregla greip þá þar sem þeir voru á hlaupum frá innbrotsstað.

Slegist á þorrablótum á höfuðborgarsvæðinu

Mikill erill var hjá lögreglunni á höfuðborgarsvæðinu í nótt líkt og fyrrinótt og voru allar fangageymslur fullar í morgun. Að sögn lögreglu var mikið um pústra og átök í tengslum við þorrablót víða um höfuðborgarsvæðið en engin alvarleg líkamsárás var þó gerð.

Sjúkrabíll í hörðum árekstri í útkalli

Harður árekstur varð á Eyrarbakkavegi um fimmleytið í nótt þegar fólksbíl var ekið í veg fyrir sjúkrabíl á leið til Þorlákshafnar. Lögregla hafði kallað á sjúkrabílinn vegna líkamsárásar sem átti sér stað á dansleik í Þorlákshöfn en þar var meðal annars sparkað í höfuð manns.

Tvennt flutt á sjúkrahús eftir árekstur jeppa í Grímsnesi

Tvennt var flutt á sjúkrahús í Reykjavík eftir að tveir jeppar sem komu úr gangstæðri átt rákust saman á Biskupstungnabraut sunnan við Borg í Grímsnesi um hálfsexleytið í dag. Að sögn lögreglu voru fimm í öðrum jeppanum og þrír í hinum og mun hluti hópsins leitað sjálfur til læknis til skoðunar.

Hlýnun bætir nýtingu virkjana

Hlýnun loftslags bætir nýtingu virkjana og gerir þær hagstæðari í rekstri. Þetta segir Tómas Jóhannesson, jöklafræðingur. Endurskoðuð umhverfisstefna til ársins 2050 verður lögð fram á næstu dögum, segir Jónína Bjartmarz umhverfisráðherra.

Kraftlyftingamaður handtekinn vegna sterasmygls

Frammámaður innan Kraftlyftingasambandsins var handtekinn í gær vegna innflutnings á þrjátíu þúsund skömmtum af sterum. Á aðalfundi sambandsins í gærkvöld hætti hann í félaginu. Fíkniefnalögreglan hefur aldrei áður lagt hald á jafn mikið magn af sterum en innflutningur þeirra varðar ekki við fíkniefnalöggjöf heldur lyfjalög.

Framkvæmdasjóður aldraðra borgaði framtíðarsýn heilbrigðisráðherra

Heilbrigðisráðherra fékk eina og hálfa milljón úr framkvæmdasjóði aldraðra til að prenta og dreifa bæklingi um sýn ráðherrans í öldrunarmálum. Ráðherrar heilbrigðismála hafa sótt fé til óskilgreindra þróunarverkefna úr framkvæmdasjóði aldraðra á liðnum árum.

Segja skólabræður sína hafa rænt sér

Hópur unglingsstúlkna segir skólabræður sína hafa rænt sér á aðfaranótt föstudags. Öll ungmennin stunda nám í framhaldsskólanum á Laugum. Lögreglan segir málið litið alvarlegum augum enda virðast stúlkurnar hafa verið beittar valdi. Þá má búast við kæru vegna kynferðisbrots.

Varað við hálku í uppsveitum Árnessýslu

Lögreglan á Selfossi varar ökumenn á leið um umdæmi hennar við mikilli hálku á vegum. Tilkynnt hefur verið um fjóra bíla í dag sem ekið hafa út af en engin slys hafa orðið á fólki.

Ekki fyllilega sáttur við áttunda sætið

Alfreð Gíslason, þjálfari íslenska landsliðsins í handknattleik, segist ekki alfarið ósáttur við að ná 8. sætinu á HM í handbolta eftir 36-40 tap í leiknum um sjöunda sætið við Spánverja og segir leikinn við Dani hafa ráðið gríðarlega miklu um niðurstöðuna. Hann segir skort á breidd hafa verið helstu hindrunina fyrir íslenska liðið á mótinu.

Engar sérstakar ráðstafanir hér á landi vegna fuglaflensu í Suffolk

Halldór Runólfsson yfirdýralæknir segir að ekki verði gripið til neinna sérstakra ráðstafana hér á landi vegna frétta af því að fuglaflensa af H5N1-stofni hafi greinst á bóndabýli í Suffolk í Englandi.

Íslendingar töpuðu fyrir Spánverjum - enduðu í áttunda sæti

Íslendingar enduðu í áttunda sæti á heimsmeistaramótinu í handknattleik sem fram fer í Þýskalandi en liðið tapaði fyrir Spánverjum í dag, 40-36. Staðan í leikhléi var 19-13 fyrir Spánverja og tókst íslenska liðinu aldrei að vinna upp forystu sem Spánverjar náðu um miðbik fyrri hálfleiks.

Íslendingar sex mörkum undir í hálfleik

Íslenska landsliðið er sex mörkum undir, 19-13, þegar flautað hefur verið til leikhlés í viðureigninni við Spánverja um sjöunda sætið á heimsmeistaramótinu í handknattleik í Þýskalandi.

Fundu 30 þúsund steratöflur í gær

Lögreglan á höfuðborgarsvæðinu lagði í gærdag hald á um 30 þúsund steratöflur á nokkrum stöðum í borginni. Maður á fimmtugsaldri var handtekinn í tengslum við málið en hluti taflnanna fannst á heimili hans. Að sögn Ásgeirs Karlssonar, yfirmanns fíkniefnadeildar lögreglunnar, er þetta líklega mesta magn sterataflna sem hald hefur lagt á hér á landi.

Athugar hvort minnka þurfi sandburð vegna svifryks

Formaður framkvæmdaráðs á Akureyri segir til skoðunar að minnka sandburð í hálku en vill ekki skipta sandinum út fyrir salt. Bærinn þarf að finna leiðir til að minnka svifryksmengun.

Dúettinn Já féll úr leik í X-factor í gærkvöld

Dúettinn Já, sem skipaður er systkinunum Ásdísi og Hans Júlíusi, féll úr leik í Hæfileikakeppninni X-Factor í gærkvöldi. Í síðustu viku féll Tinna úr leik og því er Einar Bárðarson sá eini af dómurunum þremur sem ekki hefur misst keppanda úr sínum hópi.

Forseti skuldar ekki Alþingi skýringar

Forsetinn skuldar Alþingi engar skýringar vegna setu sinnar í Þróunarráði Indlands að mati Þorsteins Pálssonar, ritstjóra Fréttablaðsins. Segir hann að þau indversku stórfyrirtæki sem annist rekstur Þróunarráðs Indlands fylgi öll metnaðarfullri stefnu í umhverfismálum og standast þau fyllilega samanburð við stefnu Alcoa í Reyðarfirði

Mikill munur á afstöðu karla og kvenna í skoðanakönnunum

Miklu munar á afstöðu karla og kvenna í þeim skoðanakönnunum sem hafa verið gerðar á fylgi flokkanna fyrir alþingiskosningarnar í vor. Einar Mar Þórðarson stjórnmálafræðingur hefur reiknað út að munur á afstöðu kynjanna til flokka ráðist af því hvort konur séu í forsvari flokkanna og sé hlutfallslega mestur hér í samanburði við önnur Norðurlönd.

Viðurkennir íkveikju í húsí í Þorlákshöfn

Karlmaður á þrítugsaldri, sem setið hefur í gæsluvarðhaldi í nærri tvær vikur vegna íkveikju í Þorlákshöfn þann 20. janúar, hefur játað að hafa brotist inn í húsið, stolið þaðan ýmsum munum og síðan borið eld að því.

Hálka og éljagangur víða um land

Vegagerðin varar við hálkublettum á Reykjanesbraut og hálku og éljagangi á á Sandskeiði, Þrengslum og Hellisheiði. Á Suðurlandi er hálka og hálkublettir og þá er hálka á öllum vegum á Vesturlandi og auk þess éljagangur á Holtavörðuheiði.

Vesturlandsvegur verði tvöfaldaður frá Kjalarnesi til Borgarness

Gert er ráð fyrir tvöföldun Vesturlandsvegar frá Kjalarnhesi til Borgarness í drögum að vegaáætlun sem nú er til umræðu í þingflokkum ríkisstjórnarflokkanna. Þetta hefur Skessuhorn eftir heimildarmönnum sínum.

Breyting á aðalskipulagi auglýst vegna álvers í Helguvík

Breyting á aðalskipulagi Reykjanesbæjar verður auglýst en breytingin er gerð vegna fyrirhugaðs álvers Norðuráls við Helguvík. Samþykkt var að auglýsa skipulagsbreytinguna á fundi umhverfis- og skipulagsráðs Reykjanesbæjar í gær.

Tennur slegnar úr manni í átökum í nótt

Mikill erill var hjá lögreglunni á höfuðborgarsvæðinu í nótt og eru allar fangageymslur fullar eftir skemmtanahald næturinnar. Ein líkamsárás var kærð eftir slagsmál í miðborginni og gékk þar einn lemstraður af velli, tveimur tönnum fátækari. Einn af gestum fangageymslu tengist því máli.

Bíll valt út í Hörgá í gærkvöld

Ökumaður fólksbíls slapp með lítils háttar meiðsl þegar bíll hans rann út af veginum í Hörgárdal og endaði á hvolfi ofan í Hörgá um áttaleytið í gærkvöld. Ökumanninum tókst sjálfum að komast út úr bílnum og var hann kominn upp á veg þegar lögreglu bar að.