Sveigjanlegri reglur um akstursþjónustu eldri borgara

Reglur um akstursþjónustu eldri borgara í Reykjavík hafa verið gerðar sveigjanlegri.

Leit hafin að fjórum erlendum ferðamönnum

Leitað er fjögurra erlendra ferðamanna sem urðu viðskila við gönguhóp á Heklu. Ferðamennirnir áttu að sameinast gönguhóp klukkan fimm í dag en skiluðu sér ekki eins og til stóð.

Seðlabankastjóri útilokar ekki stýrivaxtahækkanir

Davíð Oddsson, seðlabankastjóri, útilokar ekki stýrivaxtahækkanir strax í næstu viku. Að mati sérfræðinga OECD verður ríkisstjórnin að draga úr útgjöldum sínum. Enn er of mikið ójafnvægi í efnahagsmálum.

Gætu þurft að skýra betur verðbreytingar

Ferðaskrifstofur gætu þurft að gera skýrar grein fyrir verðbreytingum sínum á næstunni eftir að Neytendastofa komst að því að hækkun fyrr á árinu vegna gengisbreytinga væri ólögmæt. Neytendasamtökin ráðleggja fólki sem hyggst skipta niður greiðslum vegna pakkaferða að gera það með fyrirvara þar til úrskurður áfrýjunarnefndar neytendamála liggur fyrir.

Fá ráðgjöf til að komast hjá skatti

Ríkisskattstjóri segir það færast í aukana að fjármálafyrirtæki ráðleggi fólki hvernig það geti komist hjá því að greiða skatta. Ráðgjöfin sem slík sé ekki ólögleg en þeir sem eftir henni fari geti gerst brotlegir við lög.

Verðbreytingar ferðaskrifstofa ólögmætar

Ferðaskrifstofur gætu þurft að gera skýrari grein fyrir verðbreytingum sínum á næstunni eftir að Neytendastofa komst að því að hækkun fyrr á árinu vegna gengisbreytinga væri ólögmæt.

Telja fram fjármagnstekjur í stað launa

Þeim fjölgar sem lifa einungis af fjármagnstekjum sínum og greiða lægri skatta en þeir sem hafa tekjur af atvinnu. Fjármálaráðherra sér ekki ástæðu til að breyta leikreglunum.

Fundu stóran landnámsskála að Hrísbrú

Fornleifafræðingar við uppgröft að Hrísbrú í Mosfellsdal hafa grafið niður á stóran landnámsskála þar sem hugsanlegt er að Egill Skallagrímsson hafi borið beinin. Stærð skálans og munir sem fundist hafa við uppgröftinn renna stoðum undir það að þar hafi búið höfðingjar á landnámsöld.

Landnámsskáli uppgötvaður

Fornleifafræðingar við uppgröft að Hrísbúi í Mosfellsdal hafa grafið niður á stóran landnámsskála þar sem hugsanlegt er að Egill Skallagrímsson hafi borið beinin.

Óperutónleikar í boði BM Vallár

BM Vallá ætlar að bjóða Reykvíkingum upp á óperutónleika á Menningarnótt 2006 í tilefni 60 ára afmælis fyrirtækisins.

Teknir fyrir hraðakstur

Lögreglan á Hvolsvelli tók erlendan ferðamann fyrir hraðakstur á Suðurlandsvegi, rétt austan við Hellu, í dag. Maðurinn var á 153 km hraða og var gert að greiða 37.500 krónur fyrir brotið.

Varð ekki meint af eiturgufum

Mennirnir tveir sem fluttir voru á slysadeild eftir að hafa andað að sér eiturgufum í nýbyggingu IKEA í Garðabæ í morgun hafa verið útskrifaðir. Gufurnar mynduðust í slysi þar sem akrílgrunnur sem notaður er á gólf blandaðist við herði í röngum hlutföllum.

Átak hjá lögreglunni

Lögreglan í Reykjavík var í átaki í dag og klippti númer af þó nokkrum bílum. Þeir sem eru með óskoðaða bíla eða ótryggða ættu að huga að því að koma öllu í lag þar sem lögreglan mun halda áfram að klippa af ólöglegum farartækjum.

Engin sturta í Breiðholtshverfum

Ekkert heitt vatn verður í Breiðholtshverfum eitt og tvö frá klukkan sjö í kvöld til klukkan átta í fyrramálið. Þetta kemur fram í tilkynningu frá Orkuveitu Reykjavíkur. Verið er að sinna viðhaldi í dælustöð fyrir heitt vatn við Stekkjabakka, en tiltölulega hlýr árstími var valinn til þess. Tilkynningar hafa verið bornar í öll hús í hverfunum tveimur sem um ræðir.

Lögregla stjórnar ekki fréttaflutningi

Félag fréttamanna vill minna löggæslumenn á að lögregla stjórnar ekki fréttaflutningi fjölmiðla. Myndatökumaður fréttastofu sjónvarps lenti í ryskingum við yfirlögregluþjón lögreglunnar á Egilsstöðum í gær. Lögreglumaðurinn baðst afsökunar í kjölfarið.

Gekk of langt segir yfirlögregluþjónn

Arna Scram, formaður Blaðamannafélags Íslands, segir að félaginu hafi ekki borist neinar kvartanir vegna samstuðs myndatökumanns og lögreglu á Egilsstöðum í gær.

Ekki frekari fjárfestingar í stóriðju

Íslensk stjórnvöld verða með skjótvirkum hætti að koma á efnahagslegu jafnvægi og ekki fara út í frekari fjárfestingu í stóriðju að mati sérfræðinga OECD. Þeir sjá einnig ástæðu til að minna íslenska ráðamenn á að mannauður er grundvöllur þess að efnahagslegur árangur síðasta áratugar viðhaldist. Um er að ræða reglubundna skýrslu um stöðu og horfur í efnahagsmálum sem samin var eftir tvær heimsóknir sérfræðinga stofnunarinnar hingað til lands í ár. Hægt er að nálgast skýrsluna í heild sinni á vef fjármálaráðuneytisins. Í skýrslunni segir að tekjur á einstaklinga hafi aukist hratt síðasta áratuginn. Undanfarið hafi hins vegar hagvöxtur verið sveiflukenndur sökum stórra fjárfestinga í orku- og áliðnaði og skuldsetningu heimilanna. Á næstunni þurfi efnahagsstjórn landsins að herða tökin til að koma verðbólgu aftur inn fyrir opinber markmið. Fjárlögum þurfi að framfylgja. Að mati skýrsluhöfunda ætti ekki að ráðast í frekari stórframkvæmdir fyrr en komið sé á efnahagsjafnvægi og ljóst sé hver raunverulegur ávinningur sé af þeim fyrir þjóðarbúskapinn, ekki síst með tillliti til umhverfisáhrifa. Skýrslan kemur með tillögur um hvernig megi laga menntakerfið að efnahagsumhverfi í örri þróun. Tillögurnar fela meðal annars í sér skólagjöld í háskólum og að hvetja fólk til að fara erlendis í nám í stað þess að bjóða allar námsleiðir. Skýrsluhöfundar telja Íbúðalánasjóð hamla húsnæðismarkaði. Stjórnvöld eigi að íhuga að leggja gjald á sjóðinn eða skipta honum upp til að greiða fyrir samkeppni.

Á þriðja þúsund lifa af fjármagnstekjum

Tæplega tvö þúsund og tvö hundruð framteljendur til skatts í fyrra, unnu enga fasta vinnu, en lifðu af fjármagnstekjum af eignum sínum og greiddu mun lægri skatta en almenningur.

Ölvaður rútubílstjóri stofnaði farþegum í hættu

Ölvaður ökumaður langferðabíls stofnaði lífi og limum 16 farþega og annarra vegfarenda í bráða hættu með háskaakstri um helgina. Lögreglan á Selfossi bíður nú endanlegrar niðurstöðu rannsóknar á blóðsýni, sem tekið var úr hópferðabílstjóranum. Bílstjórinn, frá Kynnisferðum, missti stjórn á bíl sínum á leið niður Kambana á sunnudagsmorgun, með sextán erlenda farþega um borð, þeirra á meðal börn. Blásturssýni sem tekið var af ökumanninum á staðnum gefur til kynna að hann hafi verið ölvaður auk þess sem vitni segja að hann hafi sýnilega borið þess merki.

Hæðarslár eknar niður tvisvar í gær

Talsvert hefur borið á því að ökumenn hárra ökutækja keyri niður hæðarslár við brýr og göng. Í gær var tvisvar ekið á hæðarslár við gatnamót Suðurlandsvegar og Vesturlandsvegar. Engin slys urðu á fólki en Lögreglan í Reykjavík hefur áhyggjur af því að ef ökumenn halda áfram þessu hátterni sínu geti farið illa. Fyrir síðustu helgi kom lögreglan upp eftirlitsmyndavél á þessum gatnamótum og mega allir sem virða ekki hæðartakmörk búast við sektum. Hæðartakmörk eru 4,2 metrar samkvæmt reglugerð um stærð og þyngd ökutækja.

Menningarnótt 19. ágúst

Menningarnótt verður haldin í 11. sinn laugardaginn 19. ágúst. Dagskráin hefst með því að Vilhjálmur Þ. Vilhjálmsson borgarstjóri setur Reykjavíkurmaraþonið klukkan 11 í Lækjargötunni. Öll söfn og gallerí verða opin á menningarnótt og ýmis fyrirtæki í miðborginni sýna á sér aðra hlið. Meðal þess sem gestum menningarnætur stendur til boða er fræðsla um heilun og kristalla, tónleikar Ædolstjarnanna, húsdýragarður í Hallargarðinum og tónleikar út um allan miðbæ. Að venju lýkur menningarnótt með flugeldasýningu, en hún hefst á slaginu þrjátíu og eina mínútu yfir tíu, eða þegar myrkur verður skollið á samkvæmt Veðurstofu Íslands.

Herða þarf á framfylgd fjárlaga

Nauðsynlegt er að koma skjótt á jafnvægi í efnahagslífinu og styrkja innviði hagstjórnarinnar. Þetta segir í nýrri skýrslu Efnahags- og samvinnustofnunarinnar í París, OECD, um íslensk efnahagsmál. Þá þarf að gera átak í menntamálum þjóðarinnar.

Nýbygging IKEA í Garðabæ rýmd vegna eiturgufa

Búið er að rýma nýbyggingu IKEA í Garðabæ vegna eiturgufu sem myndaðist í húsinu. Flytja þurfti tvo menn til skoðunar á slysadeild Landspítala-háskólasjúkrahúss þar sem þeir fundu fyrir óþægindum.

Krefst rannsóknar á framgöngu lögreglu gegn mótmælendum

Flokksstjórn Vinstrihreyfingarinnar - græns framboðs krefst þess að fram fari rannsókn á framferði lögreglunnar og meintu harðræði af hennar hálfu og aðgerðum sem falið hafa í sér óþarfa og jafnvel ólögmæta hindrun á ferðum fólks um öræfi landsins.

Kópavogskirkjugarður vígður á morgun

Fyrstu hlutar Kópavogskirkjugarðs verða vígðir á morgun, fimmtudag. Teknir verða í notkun tveir reitir, einn kistugrafreitur og einn duftreitur. Gunnar I. Birgisson, bæjarstjóri, mun ávarpa viðstadda og Karl Sigurbjörnsson biskup Íslands mun vígja garðinn. Duftker Guðmundar Helgasonar málarameistara verður jarðsett, en hann verður vökumaður garðsins. Athöfnin fer fram við sáluhliðið í Kópavogskirkjugarði og hefst klukkan ellefu á morgun.

Askja afhendir Rauða krossinum átta sjúkrabíla

Askja afhenti á dögunum Rauði krossi Íslands tvo sjúkrabíla af gerðinni Benz Sprinter. Sex bílar til viðbótar sömu gerðar verða afhentir á næstu mánuðum og fara þeir í notkun vítt og breytt um landið. Fyrstu bílarnir fóru til Slökkviliðs höfuðborgarsvæðisins og hafa reynst vel það sem af er, að sögn Benedikts Höskuldssonar deildarstjóra þar á bæ.

Bíða niðurstöðu blóðsýnisrannsóknar

Lögreglan á Selfossi bíður nú endanlegrar niðurstöðu rannsóknar á blóðsýni, sem tekið var úr rútubílstjóra, sem missti stjórn á bíl sínum á leið niður Kambana á sunnudagsmorgun, með sextán erlenda farþega um borð. Blásturssýni sem tekið var af ökumanninum á staðnum gefur til kynna að hann hafi verið ölvaður. Hann missti stjórn á bílnum, sem fór yfir á öfugan vegarhelming og barst langa leið utan í vegriðinu uns hann nam staðar og hafði þá annað framhjólið af-felgast. Það hefur því legið við stór slysi og fengu skelfingu lostnir farþegarnir far með öðrum hópferðabíl af vettvangi. Ákæruvaldið tekur afstöðu í málinu þegar áfengismagn í blóði bílstjórans liggur fyrir.

Rændi herbergi hótelgesta á meðan þeir brugðu sér frá

Bíræfinn þjófur spennti upp glugga og braust þannig inn í hótelherbergi á Akureyri, þegar gestirnir brugðu sér út úr herberginu í gærkvöldi. Þjófurinn stal meðal annars tveimur myndavélum og veski með greiðslukortum og skilríkjum, sem kemur sér afar illa þar sem hjónin sem gistu í herberginu eru erlendir ferðamenn. Þjófurinn er ófundinn.

Rúmlega tvö þúsund einungis með fjármagnstekjur

Tæplega tvö þúsund og tvö hundruð framteljendur til skatts höfðu einungis fjármagnstekjur af peningum sínum í fyrra, og rúmlega sex þúsund og sex hundruð, eða fjögur prósent allra framteljenda, höfðu hærri fjármagnstekjur en venjulegar launatekjur. Þetta kemur fram í tölum sem ríkisskattstjóri hefur tekið saman fyrir Morgunblaðið. Skattur af fjármangstekjum er tíu prósent, en en tæp 37 prósent af venjulegum launatekjum.

Beðið um gæsluvarðhald yfir þremur mönnum

Lögreglan á Akureyri krafðist í gærkvöldi gæsluvarðhaldsúrskurðar yfir þremur ungum mönnum, sem handteknir voru í fyrrinótt og í gær vegna gruns um ýmis afbrot. Þegar tveir þeirra voru handteknir í fyrrinótt, fannst talsvert af þýfi í bíl þeirra og er sá þriðji, sem handtekinn var í gær, grunaður um að vera vitorðsmaður þeirra.

Umfang olíusamráðs verður minna hjá Ríkissaksóknara

Meðferð Ríkissaksóknara á samráði olíufélaganna lýkur í haust. Engin fordæmi eru fyrir því að einstaklingar séu sóttir til saka fyrir brot af þessu tagi. Umfangið verður minna en hjá samkeppnisyfirvöldum.

Vilja að Bandaríkjamenn borgi fyrir rannsóknir og hreinsun

Landvernd og systurfélög hennar annars staðar á Norðurlöndum vilja að Bandaríkjamenn borgi fyrir rannsóknir og hreinsun þeirra svæða sem varnarliðið hefur mengað undanfarna áratugi. Þau segja brýnt að bregðast skjótt við enda stutt í að herinn fari.

Þurfa að greiða kennara bætur

Sveitarfélagið Árborg hefur verið dæmt til að greiða Kristínu Stefánsdóttur, heimilisfræðikennara, tæpar átta hundruð þúsund krónur vegna launamissis sem hún varð fyrir í kjölfar gerðra kjarasamninga árið 2002.

Ólöglegir innflytjendur láta lífið í bílslysi

Bifreið full af ólöglegum innflytjendum valt í dag í Bandaríkjunum nálægt landamærunum við Mexíkó með þeim afleiðingum að níu menn létu lífið og tólf til viðbótar slösuðust.

Öryggisráð Sameinuðu þjóðanna sakað um aðgerðaleysi

Fulltrúi Arababandalagsins sakaði Öryggisráð Sameinuðu þjóðanna í dag um að standa aðgerðalaust hjá á meðan átökin í Líbanon kyntu undir hatri og öfgum í Miðausturlöndum.

Lögregluyfirvöld á Austurlandi telja réttinn sín megin

Lögregluyfirvöld á Austurlandi telja sig hafa skýra lagastoð fyrir aðgerðum sínum gegn mótmælendum Kárahnjúkavirkjunar. Mótmælendurnir hyggjast kæra lögregluna og segja hana hafa beitt þá víðtæku ofbeldi.

Íslendingar ferðast meira innanlands

Fjöldi þeirra Íslendinga sem gistir á hótelum hér á landi hefur aukist um fimmtung. Ferðamálastjóri segir ánægjulegt að Íslendingar ferðist meira innanlands.

Árni segir rangt að hann geti ekki boðið sig fram

Árni Johnsen segir rangt að halda því fram að hann geti ekki boðið sig fram í þingkosningum á næsta ári. Afar skiptar skoðanir eru meðal Vestmannaeyinga um hugsanlegt framboð Árna.

Lífeyrissjóðir eru ekki gæslumenn þjóðarsamviskunnar

Formaður Lífeyrissjóðs verzlunarmanna segir lífeyrissjóði ekki gæslumenn þjóðarsamviskunnar. Hann segir að hlutverk þeirra sé að ávaxta peninga félagsmanna sem best.

Vonsvikinn með úrskurð eignarnámsnefndar

Hitaveitu Akraness og Borgarfjarðar hefur verið gert að greiða húsasmiði á Akranesi sjö og hálfa milljón króna í bætur fyrir landspildu sem hitaveitan tók eignarnámi. Stjórnarformaður Hitaveitunnar segir niðurstöðu matsnefndarinnar vonbrigði.

Nafn konunnar sem lést

Konan sem lést í umferðarslysi á Suðurlandsvegi við Langsstaði aðfaranótt mánudags hét Rósa Björg Guðmundsdóttir til heimilis að Vallarási 1 í Reykjavík. Rósa var fædd 4. apríl 1970. Hún var ógift og barnlaus.

Kríuvarp virðist hafa brugðist á suðvesturhorninu

Kríuvarp virðist hafa brugðist á suðvesturhorninu og þá sérstaklega vestast á Seltjarnarnesi þar sem algjör viðkomubrestur varð hjá kríunni. Fuglafræðingur telur að sandsílaskorti sé um að kenna og segir hann það vera áhyggjuefni fyrir fleiri fuglategundir.

Bílar á bið í Herjólf

Svo mikil örtröð er í Herjólf, eftir Þjóðhátíð í Eyjum, að fólk með bíla kemst ekki frá Vestmannaeyjum í land.

Hinsegin dagar framundan

Hátíðin Hinsegin dagar er ein af stærstu árlegu hátíðum landsins og verður nú haldin í áttunda sinn, dagana 10.- 13. ágúst.

Betur fór en á horfðist í hörðum árekstri strætó og fólksbíls

Fólksbíll og strætisvagn lentu í hörðum árekstri á gangamótum, Stangar og Breiðholtsbrautar á ellefta tímanum í morgun. Í fyrstu var talið að um alvarlegt slys væri að ræða og því viðbúnaður slökkviliðs og lögreglu töluverður. Betur fór þó en á horfðist en ökumaður og farþegi fólksbílsins voru fluttir á slysadeild Landspítalans með skurð á höfði og ökumaður strætóins kenndi sér eymsla í hné. Töluvert tjón varð á ökutækjum.