Átak hjá lögreglunni

Lögreglan í Reykjavík var í átaki í dag og klippti númer af þó nokkrum bílum. Þeir sem eru með óskoðaða bíla eða ótryggða ættu að huga að því að koma öllu í lag þar sem lögreglan mun halda áfram að klippa af ólöglegum farartækjum.

Nokkuð hefur borið á hraðakstri í íbúðahverfum, þar sem hámarkshraði er þrjátíu. Lögreglan mun herða eftirlit í íbúðahverfum á næstu dögum þar sem skólar fara að byrja. Eins er lögreglan að starta átaki gegn farsíma notkun og fylgjast með hvort ekki séu allir vel spenntir í bílana.