Teknir fyrir hraðakstur

Lögreglan á Hvolsvelli tók erlendan ferðamann fyrir hraðakstur á Suðurlandsvegi, rétt austan við Hellu, í dag. Maðurinn var á 153 km hraða og var gert að greiða 37.500 krónur fyrir brotið. Sekt fyrir slíkt brot er 50.000 krónur en þar sem maðurinn staðgreiddi fékk hann 25% afslátt.

Tveir aðrir voru einnig sektaðir fyrir hraðakstur á Suðurlandsvegi í dag, annar á 123 km hraða og hinn á 127 km hraða. Þeim var báðum gert að greiða sektir upp á 20.000 og 30.000 krónur.