Hljóp tíu kílómetra í annað sinn á hækjum

„Ég var alla vega ekki síðastur í mark,“ segir Arnar Vilhjálmsson tölvunarfræðingur sem vakti mikla athygli í Reykjavíkurmaraþoninu á laugardag en hann var sá eini sem hljóp tíu kílómetra á hækjum.

The Expendables 2 þénaði 3,5 milljarða um helgina

Kvikmyndin The Expendables 2 var tekjuhæsta myndin í Bandaríkjunum um helgina. Tekjur myndarinnar námu tæpum 29 milljónum bandaríkjadala, eða sem samsvarar 3,5 milljörðum íslenskra króna.

Handtóku þroskahefta stelpu fyrir að vanhelga Kóraninn

Pakistanska lögreglan handtók um helgina ellefu ára gamla, þroskahefta stelpu, eftir að hópur folks í landinu sakaði hana um að hafa vanhelgað Kóraninn, trúarrit múslima. Hópurinn hótaði að brenna heimili kristinna manna fyrir utan Islamabad, höfuðborg landsins, en stúlkan er kristinnar trúar.

Stór hluti flugeldanna fór ekki á loft

Mannleg mistök urðu líklega til þess að flugeldasýningin á menningarnótt varð ekki eins vegleg og til stóð. "Ein röð af tívolíbombunum fór ekki á loft og fyrir vikið varð sýningin rosalega hæg í byrjun," segir Hilmar Már Aðalsteinsson, sem situr í stjórn Hjálparsveita skáta.

Lyf ekki alltaf besti kostur gegn of háum blóðþrýstingi

Lyfjameðferð gegn mildum háþrýstingi hefur takmarkaðan árangur í för með sér og bættir lifnaðarhættir eru vænlegri til árangurs. Þetta kemur fram í nýrri grein í British Medical Journal. Prófessor í læknisfræði við Háskóla Íslands (HÍ) segir að ef farið verði eftir tilmælum sem sett eru fram í greininni gæti það haft áhrif á meðferð tugþúsunda Íslendinga og skilað sparnaði í heilbrigðiskerfinu.

Báðust afsökunar á veðurspánni

Veðurfréttamenn BBC fréttastofunnar báðust í gær afsökunar á því að hafa spáð rangt fyrir um veðrið. Í síðustu viku höfðu veðufréttamennirnir sagt frá því að von væri á sólskini og hlýju veðri á sunnudeginum. Það gerði hins vegar úrhellisrigningu á suðausturhluta Englands í gær.

Fjögur ár frá flugslysinu í Madríd

Í dag eru fjögur ár liðin frá því að flugvél frá Spanair-flugfélaginu hrapaði á Madrídarflugvelli með þeim afleiðingum að 154 fórust.

Banaslys á Sandskeiði

Miðaldra karlmaður lést af sárum sínum á gjörgæsludeild Landsspítalans eftir að hann féll á torfæruhjóli á æfingasvæði skammt frá Sandskeiði í gærkvöldi. Hann var fluttur með sjúkrabíl á sjúkrahúsið, en lést þar skömmu síðar. Tildrög slyssins liggja ekki fyrir og óljóst er hvort einhver vitni urðu að slysinu.

Gæsaveiðitímabilið hófst í morgun

Gæsaveiðitímabilið hófst í morgun og er búist við góðri veiði, samkvæmt heimasíðu Skotveiðifélagisns. Þar segir að varp heiðargæsar og grágæsar hafi gengið mjög vel í ár og búast megi við sterkum veiðistofnum. Það færist í vöxt að landeigendur leigi út veiðilendur og sagði gæsaveiðimaður í viðtali við Fréttastofu að menn ættu að hafa samband við landeigendur, áður en þeir hefja veiðar.-

Nýr meirihluti kynntur í dag

Viðræður framsóknarmanna við fulltrúa Grindavíkurlistans og Samfylkinguna um myndun nýs meirihluta í bæjarstjórn Grindavíkur hafa staðið yfir alla helgina, og er stefnt að því að kynna nýjan meirihluta í dag. Meirihluti framsóknarmanna og sjálfstæðismanna sprakk í síðustu viku, meðal annars vegna deilna um uppbyggingu íþróttamannvirkja og sölu á félagsheimilinu Festi.

Tony Scott látinn

Breski leikstjórinn Tony Scott er látinn sextíu og átta ára að aldri. Samkvæmt fréttastofunni AP sást leikstjórinn klifra upp á grindverk á Vincent Thomas-brúnni í Kaliforníu í gær og hoppa niður. Bandaríska strandgæslan fann svo lík leikstjórans með hitamyndavélum í nótt og bíl hans skammt frá brúnni. Scott var þekktastur fyrir að hafa gert bíómyndir á borð við Top Gun og Days of Thunder. Hann var bróðir leikstjórans Ridley Scott.

Leitin að norsku stúlkunni engan árangur borið

Leit að norsku stúlkunni Sigrid Schjetne hélt áfram í Osló um helgina, en án árangurs. Á laugardag leituðu um 100 manns við Østensjø skólann. Á laugardagskvöld hétu foreldrar Sigrid verðlaunum til hana þeim sem gætu veitt upplýsingar sem leiddu til þess að stúlkan kæmi í leitirnar.

Eiginkona Bo Xilai dæmd til dauða

Gu Kailai, eiginkona kínverska stjórnmálamannsins Bo Xilai, var í morgun dæmd til dauða fyrir morðið á breska kaupsýslumanninum Neil Naywood, sem fannst látinn á hótelherbergi sínu í nóvember í fyrra.

Segja miklu minna magn hafa lekið í sjóinn

Forsvarsmenn Eimskipafélags Íslands telja að miklu minna magn olíu hafi runnið úr Goðafossi í Óslóarfirði en norsk yfirvöld halda fram og hafa fengið sjálfstæðan rannsóknaraðila til að fara yfir málin.

Stórlaxar á bak við smygl ósnertanlegir

Tollverðir í Taílandi hafa á síðustu árum fundið margvíslegar furðuverur í farangri farþega, meðal annars skrækjandi tígrishvolpa sem þurftu að hírast í handfarangri og heilu kassana af fílabeini.

Virðist sem óréttlætið hafi náð út yfir gröf og dauða

Á Seylu er miðaldakirkjugarður nokkur sem kemur reyndar við sögu í Sturlungu en þar var skagfirski höfðinginn Oddur Þórarinsson grafinn. Þessi vígfimasti maður landsins var reyndar í banni þegar hann var veginn svo hann mátti ekki liggja í vígðri mold. En menn dóu ekki ráðalausir á Sturlungaöld svo hann var grafinn inn undir kirkjuvegginn á Seylu. Það kom fornleifafræðingum því á óvart þegar þeir voru að fara að skoða þennan

Vöxtum verði haldið í lágmarki

Inngrip Seðlabanka Evrópusambandsins í skuldavanda evruríkjanna verða líklega fólgin í því að bankinn kaupi upp hluta af skuldum skuldugustu ríkjanna, og haldi með því vöxtum á öðrum skuldum ríkjanna niðri.

Árangur undir öðrum kominn

„Vandamálið er ekki hvað ég get gert öðruvísi, heldur hvernig hinir ætla að hegða sér öðruvísi,“ segir Lakhdar Brahimi, nýr friðarerindreki Sameinuðu þjóðanna og Arababandalagsins í Sýrlandi.

Veita ráðgjöf við virkjanagerð

Landsvirkjun Power og Verkís hafa tryggt samning um verkfræðiráðgjöf við georgíska fyrirtækið Machakhela HPP 1 LLC við smíði tveggja vatnsaflsvirkjana. Fyrirtækin urðu hlutskörpust í útboði á verkefninu.

Ungfrú heimur kemur frá Kína

Kínverska fegurðardrottningin Yu Wenxia var kjörin ungfrú heimur í við hátíðlega athöfn í borginni Ordos í Kína um helgina. Þetta er aðeins í annað skiptið sem kínversk stúlka hlýtur titilinn en síðast gerðist það árið 2007.

Þung umferð þegar skólarnir byrja

Grunnskólar hefja störf í þessari viku og því má búast við stóraukinni umferð á morgnana og síðdegis. Lögregla mun á sama tíma auka sýnilegt eftirlit á stofnæðum höfuðborgarsvæðisins og í íbúðahverfum í nágrenni við grunnskóla. Markmiðið er sem fyrr að minna ökumenn á að fara varlega í umferðinni.

Spjaldtölvur og snjallsímar gjörbreyta kennsluaðferðum

Dr. William Rankin kennir ensku og miðaldafræði við Abilene Christian University í Texas og á 25 ára starfsferil að baki sem kennari. Hann flutti erindi á skólaráðstefnu sem fór fram fyrir helgi á vegum epli.is. Fyrir fimm árum fór hann að tileinka sér nýja kennsluhætti með tilkomu spjaldtölva og snjallsíma og hefur hlotið fjölda verðlauna fyrir frumkvöðlastarf sitt.

Vikulöng þjóðarsorg í Suður-Afríku hefst á morgun

Vikulöng þjóðarsorg hefst á morgun í Suður-Afríku eftir að 34 verkamenn í hvítagullsnámu nærri Jóhannesborg voru drepnir af lögreglumönnum. Jacob Zuma, forseti Suður-Afríku, sagði íbúa landsins brugðið í miklum sárum eftir átökin.

Ofursnekkja í Reykjavík - Paul Allen kominn aftur?

Risasnekkjan Octopus er komin aftur hingað til lands. Snekkjan er í eigu auðkýfingsins Paul Allens sem er annar stofnanda Microsoft. Snekkjan kom hingað til lands í morgun og er vel sýnileg ökumönnum og gangandi vegfarendum á Sæbrautinni.

Segir breska lögreglu hafa farið inn í sendiráðið í vikunni

Stofnandi WikiLeak, Julian Assange, hélt ræðu á svölum sendiráðs Ekvadors í Lundúnum í dag. Þar sagði hann meðal annars að breska lögreglan hefði farið inni í sendiráðið á miðvikudagskvöldinu vegna ótilgreindrar ógnar. Assange segist hafa heyrt í lögreglumönnum í brunastiganum inni í húsinu á leiðinni upp á hæðina til hans.

Þótti sérviskulegt að hlaupa í vegarköntum

Þegar Sigurður P. Sigmundsson sást hlaupa í vegarköntum á áttunda áratugnum þótti það sérviskulegt. Nú eru allir úti að hlaupa. Sigurður á sinn þátt í því, hann hefur verið óþreytandi að þjálfa og aðstoða við skipulagningu langhlaupa og er nýbúinn að halda erindi hjá fyrirtæki í borginni í tilefni Reykjavíkurmaraþons þegar hann mætir í viðtal við Gunnþóru Gunnarsdóttur.

Hátt í 80 jarðskjálftar um helgina

Hátt í áttatíu skjálftar hafa mælst síðan á föstudaginn en sá stærsti mældist nærri Goðabungu nærri Mýrdalsjökli en hann var 3,8 á richter samkvæmt upplýsingum frá Veðurstofu Íslands.Töluvert var svo um minni skjálfta á svipuðu svæði en ekkert í líkingu við þann stóra.

Hvetur Bandaríkjamenn til þess að láta af nornaveiðum sínum

Stofnandi WikiLeaks, Julian Assange, hvatti bandarísk stjórnvöld til þess að láta af nornaveiðum sínum í yfirlýsingu sem hann fór með á svölum sendiráðs Ekvadors í Lundúnum.

Mikið um sjúkraflutninga - slökkvilið ánægt með Menningarnótt

Mikið hefur verið um sjúkraflutninga hjá slökkviliðinu á höfuðborgarsvæðinu um helgina. Menningarnótt tókst þó vel til að mati slökkviliðsmanna en þar gerði muninn að sjúkraflutningamenn voru á litlum vélhjólum í miðbænum og gátu þannig komist auðveldlega á milli í mannhafinu.

Lögreglu tókst að stöðva tékkneskan Breivik í tæka tíð

Lögregluyfirvöld í Tékklandi hafa ákært mann sem grunaður er um að skipuleggja hryðjuverkaárásir í landinu svipaðar þeim sem Anders Behring Breivik skipulagði í Osló og Útey 22. júlí í fyrra.

Skipuleggjendur Menningarnætur í skýjunum

Verkefnastjóri menningarnætur er í skýjunum eftir gærkvöldið og segir allt hafa gengið að óskum. Það hafi hjálpað til að fólk mætti snemma í bæinn og hafi verið til fyrirmyndar.

Ræddu við sendiherra Rússlands áður en dómur féll í Pussy Riot málinu

Íslensk stjórnvöld komu áhyggjum sínum af máli kvennanna í Pussy Riot á framfæri við rússnesk stjórnvöld áður en dómur féll í máli þeirra á föstudag. Engin ákvörðun hefur verið tekin um að bregðast við dómnum sjálfum en utanríkisráðherra skorar á yfirvöld að fella dóminn úr gildi.

Jón Gnarr: Stærsta vandamál borgarinnar eru bílar

"Ég tel að stærsta vandamál Reykjavíkur og þá sérstaklega miðbæjarins, sé bílaumferð,“ sagði Jón Gnarr borgarstjóri Reykjavíkur í viðtali við Sigurjón M. Egilsson í útvarpsþættinum Sprengisandi á Bylgjunni í morgun.

Uppblásna íþróttahúsið vígt í dag

Fyrsta uppblásna íþróttahúsið sem hefur verið reist, hér á landi, eða blásið upp öllu heldur, verður vígt í Hveragerði klukkan þrjú í dag. Húsið er 5.100 fermetrar og er fjölnota íþróttahús. Íþróttahúsið kostaði 300 milljónir.

Beiðni morðingja Lennons um reynslulausn tekin fyrir

Beiðni Mark David Chapman, sem skaut John Lennon til bana fyrir 32 árum, um reynslulausn verður tekin fyrir í sjöunda sinn núna í vikunnni.

Þjóðernissinnar flögguðu á Senkaku

Japanskir þjóðernissinnar tóku í gær land á umdeildum eyjaklasa í austur Kínahafi en Japanir deila hart við Kínverja um yfirráð yfir eyjunum.

Braust inn og réðst á húsráðanda

Brotist var inn í hús í Reykjanesbæ í nótt. Karlmaður braut glugga á útihurð og komst þannig inn. Húsráðandi vaknaði við lætin og mætti manninum í anddyrinu. Sá sem braust inn réðst þá á húsráðandann og urðu nokkur átök inn í húsinu. Húsráðandanum tókst svo að stökkva manninum á flótta. Lögreglan hefur ekki fundið manninn og er hans enn leitað. Ekki er vitað hvað honum gekk til með athæfi sínu.

Mikið um líkamsárásir eftir Menningarnótt

Alls voru níu líkamsárásir tilkynntar til lögreglunnar í nótt. Allar árásirnar áttu sér stað í miðborg Reykjavíkur eftir Menningarhátíðina í gærkvöldi. Einn ofbeldismaður var vistaður í fangageymslu eftir líkamsárás á gatnamótum Laugavegs og Klapparstígs.

Rússneskir prestar fyrirgefa Pussy Riot

Háttsettir prestar í rússnesku rétttrúnaðarkirkjunni báðu í dag um miskunn til handa liðsmanna Pussy Riot hljómsveitarinnar. Samkvæmt fréttavef AP þá er ekki talið líklegt að dómskerfið hlusti á bænir prestanna og mildi tveggja ára dóm sem konurnar þrjár hlutu í gær.

Assad í fyrsta sinn á opinberum vettvangi síðan í júlí

Bashar al-Assad, Sýrlandsforseti, birtist í landinu í fyrsta sinn opinberlega síðan í júlí þegar hann mætti í mosku í höfuðborginni Damaskus í gærmorgun. Með honum auk öryggisvarða voru forsætisráðherra landsins en varaforseti landsins var hvergi sjáanlegur.

Assange með yfirlýsingu í dag

Búist er við því að Julian Assange, forsprakki Wikileaks, gefi út yfirlýsingu í dag á tröppum sendiráðs Ekvadors í Lundúnum klukkan eitt í dag. Mál hans hefur vakið harðar deilur en Assange, sem átti að framselja til Svíþjóðar frá Bretlandi, fékk á dögunum pólitískt hæli í Ekvador.

"Veðrið er svo gott og það eru bara allir í góðu skapi“

"Þetta er alveg frábært,“ segir Guðmundur Birgir Halldórsson, viðburðarstjórnandi Menningarnætur um hátíðina sem hefur heppnast einstaklega vel. Um fimmtíu þúsund manns voru í miðbænum síðdegis og ekki óvarlega áætlað að fjöldinn nái hundrað þúsund þegar hátíðin nær hápunkti með flugeldasýningu klukkan ellefu í kvöld.

Byrjendalæsið er skemmtilegra fyrir kennara og nemendur

Ný aðferð í lestrarkennslu ungra barna hefur smám saman verið að skjóta rótum í menntakerfi landsins. Kennarar segja að aðferðin hafi góð áhrif á lesskilning ungra barna.

Gleðiganga í Tékklandi og panda tvíburar í Kína

Stöð2 leit við í gleðigöngu í Tékklandi, fylgdist með tveimur pandahúnum koma í heiminn og fræddist um mótmæli í Suður Afríku í heimshorni.

Leitað að franskri ferðakonu sem féll tíu metra við Geitafell

Þyrla Landhelgisgæslunnar er á leiðinni á Höfn til þess að aðstoða við leit að franskri ferðakonu sem var á gangi á Hoffellsjökli en hún virðist hafa hrapaði um tíu metra við Geitafell og meiðst nokkuð á höfði.