Dulbjó sig sem stúlku á Facebook

Átján ára gamall nemi í Bandaríkjunum er sakaður um að hafa dulbúið sig sem stúlku á Facebook og narrað að minnsta kosti 31

Heilbrigðisstofnun Suðurnesja ekki að fella niður læknisþjónustu

Sigurjón Kristinsson, framkvæmdastjóri lækninga á heilsugæslu Heilbrigðisstofnunar Suðurnesja, segir að ekki sé verið að fella niður læknisþjónustu við börn með geðraskanir.

Missir húsið sitt þrátt fyrir loforð ríkisstjórnarinnar

Það er ekkert að marka loforð ríkisstjórnarinnar segir kona sem missti húsið sitt á nauðungaruppboði og fær hálfan mánuð til að rýma fasteignina.

Bjarga sér á líkkistum

Byggingarverktakar sem voru verkefnalausir brugðust við með því að hefja líkkistusmíði. Með gengisfalli krónunnar vonast þeir til að íslenskar líkkistur ryðji þeim útlendu af markaðnum en þrjár af hverjum fjórum kistum, sem fara í íslenska kirkjugarða, eru innfluttar.

Þorskarnir svo stórir að vélarnar ráða ekki við þá

Þorskarnir sem verið er að landa í Grindavík þessa dagana eru svo stórir að flökunarvélarnar ráða ekki við þá. Golþorskar veiðast í mun ríkari mæli en verið hefur um árabil og telja sjómenn að fiskurinn hafi verið í mjög góðu æti.

Innbrot í miðborginni

Tvö innbrot í fyrirtæki í miðborginni voru tilkynnt til lögreglunnar í gær, eftir því sem fram kemur í frétt frá lögreglunni. Á öðrum staðnum braut þjófurinn rúðu til að geta teygt sig í afgreiðslukassann en sá

Gunnar Haraldsson verður stjórnarformaður FME

Gylfi Magnússon skipaði í dag nýja stjórn Fjármálaeftirlitsins. Gunnar Haraldsson, forstöðumaður Hagfræðistofnunar Háskóla Íslands, verður formaður stjórnar, en Gunnar hefur lokið doktorsprófi í hagfræði.

Íris Lind aðstoðar Ástu Ragnheiði

Ásta Ragnheiður Jóhannesdóttir, félags- og tryggingamálaráðherra, hefur ráðið Írisi Lind Sæmundsdóttur sem aðstoðarmann sinn. Íris Lind hefur undanfarið starfað sem sérfræðingur hjá borgaraþjónustu utanríkisráðuneytisins en fær tímabundið leyfi til að gegna starfi aðstoðarmanns.

Smyglari handtekinn á Keflavíkurflugvelli

Tollgæslan á Keflavíkurflugvelli stöðvaði íslending á þrítugsaldri síðastliðinn mánudag sem var að koma frá Kaupmannahöfn. Í farangri hans fannst nokkurt magn kókaíns.

Miskabætur hækkaðar í Hæstarétti

Hæstiréttur Íslands staðfesti tveggja ára dómi yfir karlmanni sem misnotaði stjúbarnabarn sitt og og aðra stúlku auk þess sem miskabætur til seinni stúlkunnar voru hækkaðar um tvö hundruð þúsund krónur.

Bankastjórarnir svara ekki

Bankastjórar Seðlabankans hafa enn ekki svarað bréfi Jóhönnu Sigurðardóttur forsætisráðherra sem hefur óskað eftir því að þeir láti af störfum í bankanum.

Ráðherra sendir út tilmæli vegna fréttar Vísis

Heilbrigðisráðherrann Ögmundur Jónasson, sendi út tilmæli til heilbrigðisstofnanna í gær um að ekki skyldi rukka börn undir átján ára aldri fyrir heilbrigðisþjónustu. Reikningar yrðu héðan í frá stílaðir á forráðamenn.

Mikið um búðaþjófnaði

Talsvert er um að vörum sé stolið úr verslunum þessar vikurnar. Nokkur hnuplmál komu til kasta lögreglunnar í gær en í Smáralind voru þjófar staðnir að verki í þrígang.

Býður sig fram gegn formanni

Hlynur Hallsson sem stefnir á 1.-3. sæti í forvali Vinstri grænna í Norðausturkjördæmi fyrir komandi Alþingiskosningar segist styðja Steingrím J. Sigfússon formann flokksins. Það vekur athygli að Hlynur stefnir á fyrsta sæti listans sem Steingrímur hefur skipað til þessa. Hlynur segir lýðræðislegt að fólk hafi val og krafa sé um endurnýjun í flokknum.

Indriði H. Þorláksson settur stjóri í fjármálaráðuneytinu

Steingrímur J. Sigfússon, fjármálaráðherra, hefur sett Indriða H. Þorláksson í embætti ráðuneytisstjóra í fjármálaráðuneytinu til 30. apríl næstkomandi. Eins og fréttastofa greindi frá fyrr í dag hefur Baldri Guðlaugssyni verið veitt leyfi frá störfum og í tilkynningu frá ráðuneytinu segir að leyfið sé á sama tímabili.

Árásarmaður þoldi ekki að vera kallaður hommi

Maður á þrítugsaldri var dæmdur í fimm mánaða fangelsi, skilorðsbundið til þriggja ára, fyrir að slá pólskan karlmann í andlitið með glerflösku eftir að hann kallaði árásarmanninn homma.

Ásmundur bankastjóri Landsbankans - staðan auglýst í haust

Bankaráð Landsbankans, NBI hf., ákvað í dag að fresta að auglýsa stöðu bankastjóra þar til í haust. Elín Sigfúsdóttir, núverandi bankastjóri, hefur gert bankaráðinu grein fyrir því að hún hyggist standa við fyrri ákvörðun um að láta af störfum um næstu mánaðamót eins og hún hafði áður greint frá. Bankaráð hefur falið Ásmundi Stefánssyni, núverandi formanni bankaráðs, að taka við hlutverki bankastjóra þar til staðan verður auglýst og í hana ráðið á haustmánuðum.

Lítill sómi í því að gera Óskar að staðgengli Hönnu Birnu

Ólafur F. Magnússon, borgarfulltrúi F-listans, segir að virðingu borgarstjóraembættisins sé lítill sómi sýndur með því að gera Óskar Bergsson, formann borgarráðs, að staðgengli Hönnu Birnu Kristjánsdóttur, borgarstjóra, forfallist hún á fundi borgarstjórnar.

Fangar á Litla-Hrauni hótuðu hungurverkfalli

Nokkrir fangar í fangelsinu á Litla-Hrauni hafa lýst yfir óánægju með þann mat sem þeim er boðið upp á í vistinni. Svo illa líkar sumum þeirra fæðið að rætt var um að fara í hungurverkfall samkvæmt heimildum fréttastofu. Margrét Frímannsdóttir, forstöðumaður fangelsisins segist kannast við málið en að hún viti ekki annað en að það hafi verið leyst.

Tekist á um veru Guðlaugs á fundum borgarráðs

Meirihluti Sjálfstæðisflokks og Framsóknarflokks vilja breyta samþykkt um stjórn Reykjavíkurborgar og fundarsköp borgarstjórnar á þá vegu að kjörgengir varamenn í borgarráði séu þeir sem skipa sæti á framboðslista við seinustu borgarstjórnarkosningar. Í dag geta einungis borgarfulltrúar og varaborgarfulltrúar setið fundi borgarráðs.

Geðfötluðum börnum úthýst á Suðurnesjum

„Landsvæði sem var til fyrirmyndar með þessa þjónustu hefur verið sprengt aftur á steinöld," segir Gylfi Jón Gylfason, yfirsálfræðingur hjá Fræðsluskrifstofu Reykjanesbæjar, en sú ákvörðun var tekinn á dögunum að skera niður þjónustu við börn með geðraskanir. Gylfi segir að þjónustan hafi náð til nær allra nágrannabyggða á suðurnesjum og þjónustaði börn með margvísislega geðraskanir svo sem þunglyndi, ofvirkni, áráttuhegðun og svo framvegis.

Neyðarkall úr Breiðholti reyndist vera gabb

Neyðarsendir sá sem Landhelgisgæslan hefur leitað að síðan í morgun fannst fyrir stundu. Þyrla Lanhelgisgæslunnar hefur verið á sveimi yfir borginni í dag og leitað að sendinum sem fannst í Breiðholti og var greinilegt að honum hafði verið komið fyrir og hann gangsettur.

Frábært skíðafæri á Siglufirði

Opið verður í dag á skíðasvæðinu á Siglufirði frá klukkan fjögur til átta í kvöld. Að sögn umsjónarmanns svæðisins er veðrið mjög gott, sunnan gola, hálfskýjað og níu gráðu frost.Færið er mjög gott nýr troðinn snjór og er veðurspáin næstu daga mjög hagstæð fyrir svæðið.

Hagsmunatengsl borgarfulltrúa verði gerð opinber

Borgarstjórnarflokkur Samfylkingarinnar lagði í borgarráði í dag fram tillögur að reglum um skráningu á hagsmunatengslum. Þær ná til tekna, gjafa, utanlandsferða, fjárhagslegs stuðnings, þar með talið framlög til framboðsmála, eignatengsl og samkomulag við fyrrverandi eða verðandi vinnuveitendur. Tillögur Samfylkingarinnar byggja á fyrirmynd frá danska þjóðþinginu.

Samfylkingin boðar til framtíðarþings

Samfylkingin býður til opinnar hugmyndasmiðju þar sem horft verður til framtíðar. Framtíðarþingið markar upphafið á lokahnykk stefnumótunar sem mun ná hámarki á landsfundi Samfylkingarinnar í næsta mánuði.

Fyrrum varaþingmaður vill verða þingmaður

Myndlistarmaðurinn og fyrrum varaþingmaðurinn Hlynur Hallsson hefur ákveðið að gefa kost á sér í forvali Vinstrihreyfingarinnar græns-framboðs í Norðaustur-kjördæmi sem fram fer fyrir Alþingiskosningarnar í vor og sækist hann eftir því að skipa 1.-3. sæti listans.

Baldur lætur af störfum í fjármálaráðuneytinu

Baldur Guðlaugsson, ráðuneytisstjóri fjármálaráðuneytisins, lætur af störfum á næstunni. Óljóst er hvernig staðið verður að starfslokum hans. Samkvæmt heimildum fréttastofu er verið verið að ganga frá þeim málum. Þær upplýsingar fengust hjá ritara Baldurs að hann væri enn við störf í ráðuneytinu en ekki náðist í Baldur. Ekki hefur heldur náðst í Steingrím J. Sigfússon, fjármálaráðherra, í dag.

Starfsemi Varnarmálastofnunar til skoðunar

Össur Skarphéðinsson, utanríkisráðherra, segir að starfsemi Varnarmálastofnunar sé til skoðunar í ráðuneytinu. Ekki sé þó tímabært að að gefa yfirlýsingar um stefnubreytingu varðandi stofnunina.

Sjómaður vill annað sæti VG í Norðausturkjördæmi

Sjómaðurinn Björn Valur Gíslason hefurákveðið að taka þátt í forvali Vinstrihreyfingarinnar græns framboðs í Norðausturkjördæmi og stefnir á að skipa 2.-3. sæti lista flokksins fyrir Alþingiskosningarirnar 25. apríl nk. Jafnframt lýsir hann stuðningi við formann flokksins, Steingrím J. Sigfússon, í fyrsta sæti framboðslistans.

Tekur ákvörðun um framtíð St. Jósefsspítala á næstunni

Ögmundur Jónasson, heilbrigðisráðherra, hyggst á allra næstu dögum taka ákvörðun um framtíð St. Jósefsspítala en Guðlaugur Þór Þórðarson, fyrrverandi heilbrigðisráðherra, ákvað í janúar að leggja spítalann niður í núverandi mynd.

„Ný“frjálshyggjan snýst til varnar

„Menn hafa tala fjálglega um að það vanti reglur án þess að hafa bent á það konkret hvaða reglur vanti," segir varaþingmaðurinn og héraðsdómslögmaðurinn, Sigríður Andersen, en vefrit frjálshyggjumanna, Andriki.is, birti heilsíðu auglýsingu í dag í Fréttablaðinu til varnar frjálshyggjunni. Þar eru birtar flestar reglur sem finna má um fjármálalíf Íslendinga undir fyrir sögninni „Hér voru engar reglur".

Bjarni vinsælastur meðal sjálfstæðismanna

Meira en helmingur sjálfstæðismanna vilja að Bjarni Benediktsson verði næsti formaður flokksins. 22% þeirra vilja að Þorgerður Katrín Gunnarsdóttir veiti flokknum forystu. Þetta kemur fram í könnun Frjálsrar verslunar fyrir vefsvæðið heimur.is dagana 2. til 4. febrúar. Enn sem komið er hefur Bjarni einn lýst formlega yfir framboði til formanns.

Mælir fyrir sínu fyrsta máli

Ragna Árnadóttir, dómsmálaráðherra, mælir á eftir fyrir sínu fyrsta frumvarpi á Alþingi sem ráðherra en það snýr að breytingum á lögum um gjaldþrotaskipti og greiðsluaðlögun. Strax á eftir verður fjallað um annað frumvarp um gjaldþrotaskipti þegar Björn Bjarnason, þingmaður Sjálfstæðisflokksins, talar fyrir frumvarpi sínu. Í kjölfar hefst umræða á frumvarpi Sivjar Friðleifsdóttur, þingflokksformanns Framsóknarflokksins, um greiðsluaðlögun.

Bin Laden sótti um starf umsjónarmanns eyjaparadísar

Yfir 11.000 manns sóttu um stöðu umsjónarmanns ástralskrar paradísareyjar, þar á meðal Osama bin Laden.

Dr. Dauði lést í Kaíró 1992

Þýski stríðsglæpamaðurinn Aribert Heim lést í egypsku borginni Kaíró árið 1992, samkvæmt nýrri rannsókn.

Segir lokun Guantanamo auka líkur á árás

Sú ákvörðun Baracks Obama Bandaríkjaforseta að loka fangelsinu við Guantanamo-flóa á Kúbu gæti aukið líkurnar á hryðjuverkaárás á Bandaríkin til muna.

Brown hvetur til sátta í vinnudeilu

Gordon Brown, forsætisráðherra Bretlands, hvatti starfsmenn Lindsey-olíuhreinsunarstöðvarinnar í Lindsey í Lincolnskíri til að ná sáttum í vinnudeilu sinni og láta af verkfalli sínu sem staðið hefur frá því í síðustu viku. Þetta gerðist í fyrirspurnartíma í breska þinginu í gær.

Unglingar grunaðir um fjölda rána

Tveir drengir, 15 og 17 ára, hafa verið handteknir í Kaupmannahöfn, grunaðir um að hafa staðið á bak við nokkur rán á götum úti auk rána á heimilum. Þá er talið að þeir tengist einnig fjölda líkamsárása.

Bréf á Asíumörkuðum hækka

Hlutabréf í Asíu hækkuðu í verði í morgun og hækkuðu bréf náma- og flutningafyrirtækja mest, til dæmis nam hækkunin hjá Billington-námafyrirtækinu tæpum sjö prósentum.

Unglingur játar að hafa myrt ferðamann

Fimmtán ára unglingur hefur játað að hafa myrt breskan bakpokaferðalang á þrítugsaldri í nýsjálenska bænum Taupo í janúar í fyrra.

Vill minnka kjarnavopnabirgðir um 80 prósent

Áttatíu prósenta niðurskurður kjarnavopnabirgða Bandaríkjanna og Rússlands er stefna Baracks Obama Bandaríkjaforseta og mun hann ganga til viðræðna við rússnesk stjórnvöld um þetta innan skamms.

Úrskurðaður í síbrotagæslu

Tæplega þrítugur karlmaður var í gær úrskurðaður í síbrotagæslu til fjórða mars, að kröfu lögreglunnar á höfuðborgarsvæðinu vegna fjölda afbrota á skömmum tíma.

Íhuga að draga úr sjósókn

Stóru útgerðarfélögin í landinu íhuga nú að draga úr sjósókn vegna mikillar birgðasöfnunar á sjávarafurðum, lækkandi verðs á heimsmarkaði og hríðlækkandi verðs á innlendum fiskmörkuðum.

Slökkti eld í mannlausum bíl

Snarráður borgari sá undir morgun hvar eldur hafði kviknað í mannlausum bíl í Breiðholti í Reykjavík, hringdi í slökkviliðið og náði svo að slökkva eldinn sjálfur, áður en það kom á vettvang skömmu síðar. Vegna þessa skemmdist bíllinn lítið. Eldsupptök eru ókunn.

Lögregla elti ölvaðan ökumann

Ölvaður ökumaður á þrítugsaldri sinnti ekki stöðvunarmerkjum lögreglu, eftir að hann hafði mælst á 110 kílómetra hraða á Sæbraut í Reykjavík rétt upp úr miðnætti, heldur ók greitt vestur á bóginn.