Pakistanar handtaka háttsettan Talibana

Pakistanskar öryggissveitir hafa handtekið háttsettan leiðtoga Talibana í borginni Quetta í Pakistan. Háttsettur yfirmaður í lögreglunni þar sagði frá þessu í kvöld.

Hermenn handtaka stjórnarandstöðuliða

Vopnaðir menn í herklæðum umkringdu í dag hæstarétt í Úganda og numu á brott sex sakborninga í réttarhöldum sem þar fóru fram. Mennirnir höfðu nokkrum mínútum áður verið látnir lausir gegn tryggingargjaldi. Þeir voru allir stuðningsmenn stjórnarandstöðuleiðtogans Kizza Besiyge. Sams konar árás var gerð árið 2005 á stuðningsmenn Besiyge.

MS-félagið fékk 20 milljóna styrk

MS-félagið tók í dag við 20 milljóna króna styrk úr Minningarsjóði Margrétar Björgólfsdóttur, en styrkinn á að nýta í viðbyggingu við MS-heimilið að Sléttuvegi 5 í Reykjavík.

Laun stjórnarmanna hækkuð

Stóru bankarnir og fjármálafyrirtækin samþykktu eitt af öðru á nýafstöðnum aðalfundum sínum, að tvö- til þrefalda þóknun stjórnarformanna og stjórnarmanna sinna. Algeng mánaðarlaun fyrir að sitja einn fund í mánuði geta numið 350 þúsund krónum.

Slapp undan mörg hundruð býflugum

Fimm barna móðir í Arisóna í Bandaríkjunum varð fyrir hræðilegri lífsreynslu á dögunum þegar mörg hundruð býflugur réðust á hana. Konan lifði árásina af.

Dómur fallinn í Bubbamáli

Fyrrverandi ritstjóri Hér og Nú, Garðar Örn Úlfarsson var í dag dæmdur í Hæstarétti til þess að greiða Bubba Morthens 700 þúsund krónur í miskabætur fyrir umfjöllun blaðsins undir yfirskriftinni "Bubbi fallinn".

Grunaður barnaníðingur handtekinn í Leipzig

Þýska lögreglan hefur handtekið mann á fimmtugsaldri sem grunaður er um að hafa nauðgað og síðan myrt níu ára strák fyrir tæpri viku. Maðurinn reyndi að svipta sig lífi en liggur nú þungt haldinn á sjúkrahúsi.

Kalkþörungaverksmiðjan á Bíldudal að komast í gang

Byrjað er að prufukeyra vélar nýju kalkþörungaverksmiðjunnar á Bíldudal og er stefnt að því að framleiðsla hefjist þar í næstu viku. Formleg opnunarhátíð verður í lok aprílmánaðar.

Pétur Blöndal baðst afsökunar á Alþingi

Þess var krafist á Alþingi í morgun að Pétur Blöndal yrði víttur fyrir að líkja Þórarni Tyrfingssyni, yfirlækni SÁÁ, við Guðmund í Byrginu. Til þess kom þó ekki enda baðst Pétur sjálfur afsökunar á ummælunum.

Átök á Norðurbrú

Til harðra átaka kom milli lögreglu og mótmælenda á Norðurbrú í Kaupmannahöfn síðdegis. Deilt er um ungdómshúsið svokallaða sem lögregla rýmdi með valdi í morgun. Ungmenni hafa haldið þar til í leyfisleysi síðustu mánuði og hundsað kröfur um að hverfa þaðan. Íslendingur á vettvangi telur líkur á áframhaldandi átökum næstu daga.

Steingrími J. mælti með Þjórsárvirkjunum í fyrra

Framsóknarþingmenn gerðu harða hríð að Steingrími J. Sigfússyni, formanni vinstri grænna, á Alþingi í dag. Þeir minntu á að hann hefði fyrir rúmu ári sagt Neðri-Þjórsá mjög eðlilegan virkjunarkost og að vinstri grænir hefðu í sveitarstjórnum stutt stóriðju á Grundartanga og Húsavík og virkjanir á Hellisheiði vegna stækkunar í Straumsvík.

Danir styrkja dönskukennslu á Íslandi

Þorgerður Katrín Gunnarsdóttir menntamálaráðherra og Bertel Haarder, menntamálaráðherra Danmerkur, undirrituðu í dag, 1. mars 2007, samning milli landanna um sérstakan stuðning við dönskukennslu á Íslandi. Samningurinn nær til fimm ára, frá 1. ágúst 2007 - 31. júlí 2011. Fjárveitingar Dana til þessa fimm ára verkefnis nema um 30 milljónum íslenskra króna árlega en fjárframlag Íslendinga 6 milljónum.

Vinsælasti bloggarinn bloggar á Vísi

Nýtt bloggsvæði leit dagsins ljós á Vísi í dag. Meðal þeirra sem blogga þar er Steingrímur Sævarr Ólafsson, vinsælasti bloggari landsins, sem hingað til hefur bloggað á mbl.is. Rúmlega 26 þúsund manns lesa bloggsíðu hans í viku hverri.

Hlutabréf lækka enn

Hlutabréf um allan heim héldu áfram að lækka í verði í morgun þegar að kauphallir opnuðu í Evrópu og Asíu. Það leiddi síðan til áframhaldandi lækkana á mörkuðum í Bandaríkjunum. FTSE vísitalan í Lundúnum lækkaði um 2% og markaðsvirði fyrirtækja þar lækkaði um alls 98 milljarða sterlingspunda, eða um tæpar 13 billjónir íslenskra króna. Þetta hefur leitt til þess að markaðssérfræðingar eru farnir að halda að lækkunin eigi eftir að halda áfram um einhvern tíma.

Innri endurskoðandi og fjármálastjóri spurðir um bókhald Baugs

Vitnaleiðslum í Baugsmálinu í dag lauk um fjögurleytið en þrjú vitni komu fyrir dóminn í dag. Það voru þau Auðbjörg Friðriksdóttir, fyrrverandi innri endurskoðandi fyrirtækisins, Jóhanna Waagfjörð, fyrrverandi fjármálastjóri Baugs, og Árni Oddur Þórðarson, stjórnarformaður Marels, og einn af eigendum Gildingar sem var hluthafi í Baugi.

Vikulegar skoðanakannanir fyrir alþingiskosningar

Capacent Gallup, Ríkisútvarpið og Morgunblaðið undirrituðu í dag samning um gerð og birtingu vikulegra skoðana- og fylgiskannana í aðdraganda alþingiskosninga sem fara fram 12. maí. Síðustu viku fyrir kosningar verða niðurstöður birtar daglega.

Fyrstu friðargæsluliðar Afríkusambandsins komnir til Sómalíu

Fámennt lið friðargæsluliða frá Úganda er komið til Baidoa í Sómalíu, aðseturs stjórnvalda í landinu. Þeir eru hluti af liðsafla friðargæsluliða Afríkusambandsins en samtals verða 1.500 hermenn frá Úganda í því liði. Í því eiga að verða 8.000 hermenn en hingað til hefur aðeins tekist að fá vilyrði fyrir 4.000 mönnum.

Eggert fékk dularfullt duft í pósti

Eggerti Magnússyni, fyrrverandi formanni KSÍ og stjórnarformannI enska úrvalsdeildarliðsins West Ham, barst í gær dularfullt bréf á skrifstofu sína í Lundúnum með með hvítu dufti.

Vilja kanna riftun vegna Heiðmerkur

Vinstri-grænir í borgarstjórn vilja að borgarstjóri athugi með að rifta samningi borgarinnar og Kópavogs um lagningu vatnsleiðslu um Heiðmörk

Sinfóníuhljómsveitin greiði þrjár milljónir í skaðabætur

Sinfóníuhljómsveit Íslands var í dag dæmd til að greiða fyrrum sviðsstjóra hljómsveitarinnar þrjár milljónir auk málskostnaðar vegna ólögmætrar uppsagnar. Hæstiréttur staðfesti þannig dóm úr héraði frá júní á síðasta ári.

Dæmdur fyrir að stinga föður sinn

Hæstiréttur Íslands dæmdi í dag tvítugan karlmann í tveggja ára fangelsi, þar af eitt ár og níu mánuði skilorðsbundið, fyrir tilraun til manndráps. Maðurinn réðst með hnífi á föður sinn á veitingahúsi í miðbæ Reykjavíkur aðfaranótt 17. júní á síðasta ári og hlaut hann lífshættulega áverka.

Stúlka á 136 km hraða

Sautján ára stúlka var tekin á 136 km hraða í Ártúnsbrekku um níuleytið í gærkvöldi. Hún má búast við ökuleyfissviptingu í einn mánuð og sekt upp á 75 þúsund krónur, en bílprófið fékk hún síðastliðið haust. Það telst til undantekninga að stúlkur séu teknar fyrir ofsaakstur en í síðustu viku var önnur 17 ára stúlka tekin á 130 km hraða á sama stað.

Þriggja bíla árekstur á Akureyri

Harður árekstur varð á Akureyri í dag þegar tveir fólksbílar lentu saman með þeim afleiðingum að annar kastaðist á þriðja bílinn. Áreksturinn varð á mótum Glerárgötu og Þórunnarstrætis. Klippa þurfti hurð af einum bílnum til að ná slösuðum manni út. Hann var fluttur á slysadeild með minniháttar áverka. Þetta var sjötti áreksturinn á Akureyri í dag, en mikil hálka er í bænum, ísing og fimm til sex stiga frost.

Bubbi vann í Hæstarétti

Ummæli þess efnis að Bubbi Morthens væri fallinn voru í dag dæmd dauð og ómerk í Hæstarétti. Dómurinn staðfesti þar með dóm Héraðsdóms Reykjavíkur vegna fyrirsagnar á forsíðu tímaritinu Hér og nú þar sem sagði „Bubbi fallinn".

Staðgengill óskast til flengingar

Kínverskur kaupsýslumaður hefur auglýst eftir ungri konu sem er til í að láta flengja sig, gegn greiðslu. Kínverskir fjölmiðlar segja að eiginkona mannsins hafi reiðst mjög þegar hún komst að því að hann átti ástkonu. Hún krafðist þess að fá að flengja ástkonuna, að öðrum kosti myndi hún skilja við manninn.

Alvöru koss

Rúmenskt par flýtti sér á sjúkrahús eftir ástarleik sem var svo ákafur að konan gleypti gervitennur elskhuga síns. Læknar á sjúrahúsinu ætluðu varla að trúa sínum eigin eyrum, þegar þeir heyrðu ástæðuna fyrir sjúkrahúsheimsókninni. Þeir urðu þó að trúa sínum augum, því gervitennurnar sáust skýrt og greinilega á röntgenmynd.

Eiga von á liðsauka frá allri Evrópu

Íbúar ungdómshússins í Kaupmannahöfn segja að þeir eigi von á liðsauka allsstaðar að úr Evrópu. Ritt Bjerregård, borgarstjóri Kaupmannahafnar, hefur stytt frí sitt í Noregi og er á leið til höfuðborgarinnar. Íbúarnir reyna nú að koma af stað óeirðum í öðrum borgarhlutum, þar sem enginn kemst í gegnum

Svifryk beislað með magnesíumklórlausn

Reykjavíkurborg dreyfir nú magnesíumklórlausn um götur borgarinnar í þeim tilgangi að binda svifryk. Rykbindingin hefur gefið góða raun og mælingar sýna að minna er um svifryk eftir notkun efnisins, en áður við svipaðar aðstæður. Um er að ræða 20 prósent magnesíumklórlausn sem er hættulaus.

Samtök atvinnulífsins gagnrýna 90% lán Íbúðalánasjóðs

Hækkun lánshlutfalls í 90% og hámarksláns Íbúðalánasjóðs í 18 milljónir á eftir virka sem verðbólgufóður engum til gagns, segir Vilhjálmur Egilsson, framkvæmdastjóri Samtaka atvinnulífsins.

100 kall í strætó gegn svifryksmengun

Borgarfulltrúar Samfylkingarinnar lögðu til við borgarráð í morgun að það samþykkti að óska eftir við Strætó bs. að fargjald verði lækkað í 100 krónur í marsmánuði. Lækkunin væri tilraun til að sporna gegn svifryksmengun í borginni auk þess að kanna hvort það hefði áhrif á notkun almenningssamgangna.

Áfram hlegið

Íbúum sænska smábæjarins Fjuckby hefur verið synjað um leyfi til þess að breyta nafni bæjarins. Íbúarnir eru 50 talsins og 15 þeirrra voru orðnir svo þreyttir á dónalegum athugasemdum sem þeir fá þegar þeir sögðu hvaðan þeir eru, að þeir sóttu um leyfi til þess að breyta nafninu. Þessar dónalegu athugasemdir tengjast kynferðislegum athöfnum, eins og hægt er að ímynda sér, með tilliti til nafnsins.

Leika sér á ísilögðu Hálslóninu

Vart hefur orðið við að vélsleðamenn hafi verið að stelast inn á vinnusvæði við Kárahnjúkavirkjun til að leika sér á ísilögðu Hálslóninu. Landvirkjun vinnur að því að láta útbúa skilti til að setja upp við helstu leiðir að virkjunarsvæðinu til að vekja athygli á að ferðir þangað séu óheimilar.

Ríkisskattstjóri vill vita meira um hlutafjárkaup

Mál stóru bankanna gegn ríkisskattstjóra verður tekið fyrir í Hæstarétti á morgun. Um er að ræða deilu milli ríkisskattstjóra og Landsbanka Íslands, Glitnis banka og Kaupþings um afhendingu upplýsinga um öll viðskipti með hlutabréf og aðila að þeim viðskiptum.

Gjöld flugmiða séu réttnefni

Flugfélögin Icelandair og Iceland Express hafa óskað eftir að fá frest til að svara erindi talsmanns neytenda varðandi réttmæti gjalda af flugfarþegum. Gísli Tryggvason talsmaður neytenda hefur óskað eftir því að félögin láti af því að nota hugtakið “gjöld” í tengslum við sölu flugmiða nema um réttnefni sé að ræða.

Danir skera upp herör gegn mansali

Krefur Kópavogsbæ um 38 milljónir

Stjórn Skógræktarfélags Reykjavíkur krefur Kópavogsbæ um bætur fyrir tífalt fleiri tré en bærinn telur sig hafa hróflað við í Heiðmörk. Ekkert bólar enn á framkvæmdaleyfi frá borginni. Skógræktarfélagið krefur bæinn 38 milljónir króna í skaðabætur vegna spjalla á trjágróðri. Tilkvaddir matsemenn skógræktarinnar telja að um þúsund tré, af mismunandi stærðum, geti verið að ræða.

Ofurlaun stjórnarmanna fyrirtækja

Algengt er að laun stjórnarformanna og stjórnarmanna í þeim fyrirtækjum, sem skráð eru í Kauphöllinni, hafi verið tvö- til þrefölduð á nýafstöðnum aðalfundum félaganna. Viðskiptablaðið geinir frá því að laun stjórnarformanns Glitnis hafi til dæmis tvöfaldast frá því í fyrra og þrefaldast frá árinu áður, og losi nú eina miljón á mánuði.

Flestir vilja Geir

Langflestir landsmenn vilja að Geir Haarde verði áfram forsætisráðherra eftir kosningarnar, þótt stjórnarflokkarnir njóti ekki meirihlutafylgis almennings samkvæmt skoðanakönnunum. Tæp 48 prósent þeirra, sem tóku afstöðu í nýjustu skoðanakönnun Fréttablaðsins vilja að Geir, formaður Sjálfstæðisflokksins, verði næsti forsætisráðherra.

Málflutningur í Baugsmálinu í síðustu viku marsmánaðar

Málflutningur í tengslum við endurákæru í Baugsmálinu hefst mánudaginn 26. mars og hefur öll sú vika verið tekin frá fyrir hann. Eins og kunnugt er hefur aðalmeðferð í málinu staðið frá því 12. febrúar og samkvæmt áætlun á að ljúka skýrslutöku af vitnum mánudaginn 19. mars.

Raunveruleikaþáttur um Davíð og Viktoríu

Vel verður fylgst með vistaskiptum Beckham-hjónanna sem flytja innan tíðar frá Spáni til Bandaríkjanna þegar knattspyrnukappinn David Beckham gengur til liðs við lið Los Angeles Galaxy frá Real Madríd. Spáð er fjölmiðlafári og hefur bandaríska sjónvarpsstöðin NBC samið um að fá að mynda flutninginn og sýna í raunveruleikaþáttaröð.

Hækkar og lækkar

Verð á hlutabréfum í Evrópu hefur hækkað nokkuð þrátt fyrir verðlækkanir á mörkuðum í Asíu í morgun, þriðja daginn í röð. Verð á hlutabréfum lækkuðu í Asíu og Evrópu í gær og fyrradag og mátti merkja áhrif lækkananna hér á Íslandi. Í morgun hækkaði þó úrvalsvísitalan íslenska um tæp 2% og hækkanir hafa einnig orðið víðar í Evrópu, þar á meðal í Frankfurt, Lundúnum og París.

Unnið framundir morgun við að breyta verðmerkingum

Víða í verslunum voru starfsmenn að vinna framundir morgun við að breyta verðmerkingum vegna lækkunar á virðisaukaskatti og vörugjöldum í dag. Matvöruverð lækkar í landinu en einnig nær verðlækkunin til veitingahúsa, fjölmiðla og gistihúsa svo eitthvað sé nefnt.

Merkri sögu Ungdomshuset að ljúka

Í dag lauk langri sögu Ungdomshuset sem hefur verið vinsæll samkomustaður fyrir ungmenni Kaupmannahafnar í marga áratugi. Átökin milli þeirra og borgaryfirvalda hafa stigmagnast á síðustu misserum og náðu hámarki með rýmingu hússins í morgun. Fróðlegt er að skoða forsögu hússins í ljósi atburða dagsins.

Umsátur á Norðurbrú

Lögreglan í Kaupmannahöfn gerði áhlaup á Ungdomshuset á Norðurbrú í morgun og rýmdi það á svipstundu. Til harðra átaka hefur komið. Óeirðir eru einnig að brjótast út í Kristjaníu þar sem ungmenni hafa reist vegatálma og fleygt bensínsprengjum.

Kristján Már ráðinn varafréttastjóri

Kristján Már Unnarsson fréttamaður hefur verið ráðinn varafréttastjóri Stöðvar 2. Hann tekur við starfinu af Þóri Guðmundssyni sem hefur tekið við starfi ritstjóra fréttavefsins visir.is. Þórir verður áfram í ritstjórn Kompáss. Kristján Már hefur starfað sem fréttamaður á Stöð 2 frá 1988 en hann hóf fjölmiðlaferil sinn á Dagblaðinu 1980. Fréttastjóri Stöðvar 2 er eftir sem áður Sigmundur Ernir Rúnarsson.