Forsætisráðherra vill afnema tekjuskatt af söluhagnaði

Forsætisráðherra telur eðlilegt að afnema tekjuskatt af söluhagnaði á hlutabréfum. Þá vill ráðherra afnema ýmsa smærri skatta sem innheimtir eru með mikilli fyrirhöfn.

Sextán ára í fjögurra ára fangelsi fyrir tilraun til manndráps

Sextán ára piltur var í dag dæmdur í Héraðsdómi Reykjavíkur í fjögurra ára fangelsi fyrir tilraun til manndráps en hann stakk mann í bakið með hnífi. Pilturinn komst í kynni við manninn á netinu og hittust þeir þrisvar.

Dæmdur fyrir að gera 11 ára stúlku ófríska

Dómstóll í Frakklandi dæmdi ungan mann í átta mánaða skilorðsbundið fangelsi fyrir að hafa haft mök við og gert 11 ára stúlku ófríska. Dómurinn féllst ekki á ásakanir fjölskyldu stúlkunnar um að maðurinn hefði nauðgað henni, en hann var átján ára þegar atvikið varð. Stúlkan fæddi barnið í mars á síðasta ári og hafa foreldrar hennar hjálpað henni að annst það. Í dómsorði segir að manninum hefði átt að vera ljóst að sökum ungs aldurs hefði stúlkan ekki haft andlegan þroska til að stunda kynlíf.

Risastórar strengjabrúður og Shakespeare á Listahátíð

Upphaf Listahátíðar í Reykjavík 2007 markar lok frönsku menningarkynningarinnar “Pourquoi Pas? Frankst vor á Íslandi 2007.” Dagskráin var kynnt í morgun og munu glæsileg og óvenjuleg götuatriði franska hópsins Royal de Luxe einkenna fyrstu tvo daga hátíðarinnar sem hefst 10. maí. Útiatriðin verða af stærðargráðu sem ekki hafa sést áður á götum Reykjavíkur og verður skólabörnum boðið í bæinn af þessu tilefni.

Vaxtalækkunarferli ekki hafið, segir seðlabankastjóri

Vaxtalækkunarferli er ekki hafið þótt Seðlabankinn hafi ákveðið að halda stýrivöxtum sínum óbreyttum í dag. Þetta sagði Davíð Oddsson seðlabankastjóri á fundi í morgun. Við ákveðin skilyrði gætu horfur versnað og bankinn myndi þá hækka vexti á ný. Það sem gæti meðal annars haft þessi áhrif væru breytingar á stöðu íslensku krónunnar.

Vél Iceland Express á leið til Stansted lenti í Manchester

Flugvél Iceland Express á leið til Stansted-flugvallar í Lundúnum var snúið til Manchester í morgun, en Stansted var lokaður vegna snjóþyngsla. Búið er að opna Stansted aftur og verður vélinni flogið þangað frá Manchester. Ætla má að einhver töf verði á flugi Iceland Express til Stansted síðdegis.

Enn mikið ójafnvægi í þjóðarbúskapnum

Seðlabankinn mun bregðast við ef verðbólguhorfur versna á ný. Davíð Oddsson seðlabankastjóri sagði enn mikið ójafnvægi í þjóðarbúskapnum þrátt fyrir að verðbólga hafi hjaðnað. Bankinn ákvað í morgun stýrivöxtum bankans óbreyttum en þeir eru nú 14,25%.

Íslenskt viðskiptalíf og menning í Danmörku

Forseti Íslands Ólafur Ragnar Grímsson hélt í dag til Danmerkur þar sem hann mun m.a. flytja opnunarávarp á sýningu með verkum Jóhannesar Kjarval og Ólafs Elíasonar. Sýningin ber heitið Lavaland og verður í listasafninu Gammel Strand í Kaupmannahöfn. Þetta er í fyrsta sinn sem verkum þessara myndlistarmanna er skipað saman á sýningu.

Handtóku meintan vopnainnflytjenda

Bandaríski herinn hefur sent frá sér yfirlýsingu um að maðurinn sem þeir handtóku í árás á menntamálaráðuneytið í Írak í morgun sé lykilaðili í ólöglegum innflutningi vopna inn í landið. Þeir nafngreindu manninn ekki en í fréttum frá íröskum embættismönnum í morgun kom fram að þetta hafi verið Hakim Zamili, aðstoðarmenntamálaráðherra landsins, sem er stuðningsmaður sjítaklerksins Moqtada al-Sadr.

Ólga á ný í Kosovo

Bæði Serbar og Albanar eru ósáttir við tillögur Sameinuðu þjóðanna um framtíð Kosovo-héraðs, og báðir munu efna til mótmæla um helgina. Serbar eru ósáttir við að í tillögunum er gert ráð fyrir að Kosovo verði skilið frá Serbíu og fái aðild að alþjóðastofnunum. Albanar eru ósáttir við að í tillögunum er ekki að finna orðið "sjálfstæði."

Framtíðarlandið býður ekki fram í vor

Á fundi Framtíðarlandsins í kvöld voru greidd atkvæði um það hvort ætti að bjóða fram í alþingiskosningum í vor. Niðurstaðan var að 96 sögðu nei og 92 sögðu já. Því hefur verið ákveðið að bjóða ekki fram. Þar að auki þurfti aukinn meirihluta, eða 2/3 atkvæða, til þess að samþykkja tillöguna. Tillagan um framboð í komandi alþingiskosningum var því felld.

Kynlíf eða ný föt?

Þegar kemur að fötum þá vita konur hvað þær vilja. Það kom í ljós í könnun sem var lögð fyrir 1.000 konur í Bandaríkjunum. Flestar þeirra sögðust tilbúnar að gefa kynlíf upp á bátinn í 15 mánuði ef þær fengju fataskáp fullan af nýjum fötum. Tvö prósent þeirra sagði að þær væru tilbúnar að hætta að lifa kynlífi í þrjú ár fyrir nýju fötin. 61% þeirra bætti síðan við að það væri mun verra að týna uppáhaldsflíkinni en að sleppa rúmfræði í heilan mánuð.

Erilsamt hjá lögreglunni í gær

Lögreglan á höfuðbrogarsvæðinu setti upp myndavél við Dalasmára í Kópavogi í gær. Brot fimmtán ökumanna voru mynduð. Meðalhraði hinna brotlegu var tæpir 46 km/klst. Þarna er 30 km hámarkshraði en sá hraðast ók var mældur á tvöföldum hámarkshraða. Eftirlit lögreglunnar í Dalasmára kom í kjölfar ábendinga frá íbúunum sem kvörtuðu undan hraðakstri á þessum stað. Annars staðar á höfuðborgarsvæðinu tók lögreglan tuttugu og fimm ökumenn fyrir hraðakstur.

Siv leiðir Framsókn í Suðvesturkjördæmi

Siv Friðleifsdóttir, Samúel Örn Erlingsson og Una María Óskarsdóttir skipa þrjú efstu sæti Framsóknarflokksins í Suðvesturkjördæmi. Þetta var niðurstaða aukakjördæmisþings í kvöld. Þingið hófst kl. 20:00 en þar var tillaga kjörnefndar að framboðslista fyrir komandi þingkosningar borin upp til samþykktar. Listinn var samþykktur án breytinga. Þess er gaman að geta að Steingrímur Hermannsson skipar heiðurssætið á listanum.

Enn rökrætt um framboð Framtíðarlandsins

Mjög fjölsóttur fundur Framtíðarlandsins stendur enn yfir á Hótel Loftleiðum. Mörg hundruð manns mættu á fundinn en gildan atkvæðisrétt höfðu einungis þeir sem gerst höfðu félagar fyrir tólf á hádegi á mánudaginn var. Á fundinum var borin upp tillaga stjórnar um að boðið yrði fram í nafni Framtíðarlandsins í næstu alþingiskosningum og drög að stefnu þar að lútandi var lögð fram.

Konan sem lýst var eftir er fundin

Konan sem lögregla höfuðborgarsvæðisins lýsti eftir í kvöld, Guðríður Bjarney Ágústsdóttir, er fundin. Hennar hafði verið saknað frá því fyrr í kvöld. Lögreglan vill koma þökkum á framfæri til þeirra sem aðstoðuðu við leitina.

Tölvuleikir bæta sjón

Rannsóknir sýna að tölvuleikir bæta sjónina, sérstaklega þeir sem áreita augað mikið. Þeir sem spila í nokkra klukkutíma á dag eru um 20 prósent fljótari að greina bókstafi á blaði sem birtast innan um önnur tákn, sem er próf sem er notað af augnlæknum.

Átök á milli Ísraela og Líbana

Líbanski herinn skaut í kvöld á ísraelska hermenn sem voru að leita að sprengjum á landamærum ríkjanna tveggja. Þetta kom fram í fréttum hjá herútvarpi Ísraels. Samkvæmt fregnum skutu ísraelskir hermenn til baka en ekkert mannfall var hjá þeim. Talsmaður ísraelska hersins sagði að þeir héldu að einhverjir hermanna Líbana hefðu fallið í átökunum.

Forsætisráðherra Sómalíu styrkir völd sín

Forsætisráðherra Sómalíu, Ali Mohamed Gedi, stokkaði upp í ríkisstjórn sinni í dag til þess að auka áhrif sín í henni, þóknast ættbálkum og halda sig við loforð um þjóðstjórn í landinu. Ríkisstjórnin er nú að reyna að auka völd sín í Sómalíu eftir að íslamska dómstólaráðið var rekið frá völdum.

NASA að bæta eftirlit með geimförum

Geimferðastofnun Bandaríkjanna, NASA, sagði í dag að hún myndi fara yfir starfsreglur er varða eftirlit með heilsu og geðheilsu geimfara eftir að þeir eru ráðnir. Hingað til hefur ekkert eftirlit verið með geðheilsu þeirra eftir að þeir hefja störf.

Ítalski boltinn hefst að nýju um helgina

Knattspyrnusamband Ítalíu sagði frá því í dag að knattspyrnuleikir myndu hefjast að nýju um næstu helgi. Stjórnvöld á Ítalíu samþykktu í dag hertar öryggisráðstafanir til þess að reyna að koma í veg fyrir óeirðir á knattspyrnuleikjum.

ÞSSÍ í samstarf við stjórnvöld í Níkaragúa

Viðræður við stjórnvöld í Níkaragúa um þróunarsamvinnu á sviði orkumála eru að hefjast í höfuðborginni Managua. Að sögn Gísla Pálssonar umdæmisstjóra Þróunarsamvinnustofnunar Íslands hefur ný stjórn Sandínista áhuga á því að hraða þróun og framkvæmdum á sviði jarðhitamála og fá íslensk fyrirtæki til samstarfs.

Of seint að læra að prjóna

Það kom flatt upp á marga í íslenska flugheiminum fyrir 22 árum þegar Arngrímur Jóhannsson sagði upp stöðu sinni sem yfirflugstjóri Arnarflugs, stofnaði sitt eigið flugfélag, og keypti gamla Boeing þotu. Nú stendur hann enn á tímamótum, kominn í nýtt félag, og er í fyrsta sinn á ferlinum að láta smíða fyrir sig þotur.

Fulltrúi forseta mætti ekki á fund utanríkismálanefndar

Hvorki fulltrúi forsetaembættisins né utanríkisráðuneytisins mætti á fund utanríkismálanefndar í morgun, vegna setu forsetans í þróunarráði Indlands. Halldór Blöndal, formaður nefndarinnar, segir að utanríkisráðherra muni koma á fund nefndarinnar síðar.

Apple og Apple semja

Apple-tölvurisinn og Apple, útgáfufélag Bítlanna, hafa grafið stríðsöxina og bundið enda á þriggja áratuga lagadeilur um rétt til nafns og vörumerkis. Þetta gæti þýtt að Bítlalög verði í boði hjá iTunes og öðrum tónlistarveitum á netinu í fyrsta sinn.

Orðaskak á þingi vegna ummæla Frjálslyndra

Þingmenn Frjálslynda flokksins gerðu harða hríð að Sæunni Stefánsdóttur, þingmanni Framsóknarflokks og formanni Innflytjendaráðs, í upphafi þingfundar í morgun, fyrir að halda því fram að Frjálslyndi flokkurinn ali á mannfyrirlitningu og hatri í garð útlendinga í útvarpserindi í gær. Siv Friðleifsdóttir heilbrigðisráðherra kom félaga sínum til varnar og sagði frjálslyndi Frjálslynda flokksins komið langt frá upprunalegri merkingu orðsins.

Íslendingar taldir tengjast barnaklámshring í Austurríki

Kynferðisbrotadeild lögreglunnar á höfuðborgarsvæðinu hefur, síðan um áramótin, rannsakað mál þriggja Íslendinga sem taldir eru tengjast barnaklámhring í Austurríki.

Fiskimjölsverksmiðju við Krossanes lokað

Aldrei framar munu menn finna peningalykt á Akureyri. Ísfélag Vestmannaeyja hefur ákveðið að loka fiskimjölsverksmiðjunni á Krossanesi og eru viðbrögð bæjarbúa ekki öll á sama veg.

Hætt að miða við fyrri greiðslur

Hætt hefur verið að miða við fyrri greiðslur í fæðingarorlofi, þegar næsta barn fæðist innan þriggja ára, en umboðsmaður alþingis telur það ekki samræmast lögum. Þetta kom fram í fyrirspurnartíma á alþingi í dag. Magnús Stefánsson sagði, í svari við fyrirspurn Jóhönnu Sigurðardóttur, að starfshópur væri að skoða framkvæmd laganna í kjölfar niðurstöðu umboðsmanns og hann styddi þá breytingu sem þegar hefði verið gerð.

7 bréfasprengjur á Bretlandseyjum

Breska lögreglan greindi frá því í dag að sjö bréfasprengjur hafi verið sendar á Bretlandseyjum undanfarnar þrjár vikur. Ein slík sprakk í Wales í dag og særði þrjá en það er fjórða sprengjan sem springur á fimm dögum.

3 milljónir króna í miskabætur raunhæfar

Saga drengjanna í Breiðavík sýnir hvernig samfélagið getur framleitt afbrotamenn, segir Guðrún Ögmundsdóttir. Hún segir ekki óraunhæft að borga fórnarlömbum ofbeldis í Breiðavík þrjár milljónir í miskabætur fyrir þjáningar sínar.

Bræður vilja ekki berjast

Bræður hafa barist á banaspjótum í Palestínu síðustu vikur og mánuði og mannfall verið mikið. Forvígismenn fylkinga Hamas og Fatah reyna að stilla til friðar. Palestínskir bræður, sem fylgja sitt hvorri fylkingunni, særðust í sömu árásinni fyrir nokkrum dögum. Þeir segjast berjast fyrir bandamenn sína en samt geti þeir aldrei miðað byssu hvor á annan.

Reyndu að fella internetið

Óþekktir tölvuþrjótar reyndu í gær að ráða niðurlögum þeirra 13 tölva sem sjá um að stjórna stórum hluta umferðar á internetinu. Árásin stóð yfir í rúmar tólf klukkustundir og virtist koma frá Suður-Kóreu. Milljónir tölva um allan heim, sem sýktar voru með vírusum sem gerðu tölvuþrjótum kleyft að ná stjórn á þeim, voru notaðar í árásinni.

Leggst gegn framboði í nafni Framtíðarlandsins

Ómar Ragnarsson einn forsprakka Framtíðarlandsins segist leggjast gegn framboði til alþingiskosninga í nafni Framtíðarlandsins. Það sé ekki ráðlegt að stærstu umhverfissamtök landsins bjóði fram í eigin nafni. Búist er við miklum átökum á fundi Framtíðarlandsins í kvöld þar sem ákveðið verður hvort ráðist verður í framboð fyrir alþingiskosningar.

Forsætisráðherra boðar lækkun skatta á fyrirtæki

Forsætisráðherra boðaði einföldun á skattkerfinu og lækkun skatta á fyrirtæki til að auka samkeppnishæfni íslenskra fyrirtækja á viðskiptaþingi í dag. Formaður viðskiptaráðs segir hvalveiðar Íslendinga geta sett árangur útrásarfyrirtækjanna í uppnám.

Eldur í geymslu á Hótel Höfn

Rétt eftir klukkan fimm í dag varð elds vart í geymslu í kjallara Hótels Hafnar. Brunakerfið lét vita af eldinum en erfiðlega gekk að staðsetja eldinn vegna reyks. Reykkafari var sendur inn til þess að staðsetja hann. Slökkvilið Hafnar er enn að störfum á hótelinu. Einhverjar glæður leynast þar enn og verið er að reykræsta hótelið.

Samfylkingin vill huga að sprotafyrirtækjum

Á blaðamannafundi í dag kynnti Samfylkingin nýja stefnumótun í atvinnumálum. Þær unnu til verðlauna á nýafstöðnu Sprotaþingi Samtaka sprotafyrirtækja og Samtaka iðnaðarins sem haldið var á föstudag. Þar greiddu fundarmenn atkvæði um tillögur stjórnmálaflokkanna og urðu tillögur Samfylkingarinnar í þremur efstu sætunum.

Ítalskur svikahrappur kostar TM tíu milljónir

Tryggingamiðstöðinni hf var í Héraðsdómi Reykjavíkur í dag gert að greiða Íslensku umboðssölunni hf tæpar tíu milljónir vegna stolins fiskfarms sem var í eigu Íslensku umboðssölunnar hf. Málsatvik eru þau að Ítala tókst að villa á sér heimildir þannig að hann fékk afgreiddan fiskfarm frá íslensku umboðssölunni fyrir rúmar 110 þúsund evrur.

Dönsku fríblöðin höggva skörð í lestur hinna

Fríblöðin í Danmörku virðast hafa haft talsverð áhrif á blöðin sem fyrir voru. Miðað við janúar á síðasta ári, hefur Berlingske Tidende misst tíu prósent lesenda sinna, Jyllandsposten um 16 prósent sinna lesenda og Århus Stiftstidende heil 29 prósent. Aðeins Politiken virðist hafa staðið af sér hrinuna, en þar fjölgaði lesendum um tvö prósent.

Tvær á gjörgæsludeild eftir bílslys á Breiðholtsbrautinni

Konurnar tvær sem slösuðust í árekstri á Breiðholtsbrautinni í morgun eru báðar á gjörgæsludeild Landspítala-háskólasjúkrahús. Þær hafa gengist undir skurðaðgerðir og eru með alvarlega áverka en eru með meðvitund.

Ekki miðað við fyrri greiðslur í fæðingarorlofi

Hætt hefur verið að miða við fyrri greiðslur í fæðingarorlofi þegar næsta barn fæðist innan þriggja ára en Umboðsmaður Alþingis telur það ekki samræmast lögum. Þetta kom fram í fyrirspurnartíma á Alþingi í dag.

Sex milljónir í skaðabætur vegna vinnuslyss

Héraðsdómur Reykjavíkur dæmdi í dag verktakafyrirtækið Heimi og Þorgeir hf. og Vörð Íslandstryggingu hf. til að greiða fyrrum starfsmanni Heimis og Þorgeirs tæpar sex milljónir króna í skaðabætur vegna vinnuslyss. Fyrirtækjunum var einnig gert að greiða vexti frá slysadegi 30. ágúst 2004.

Barnaníðingur grunaður um fleiri afbrot

Vísbendingar eru um að meintur barnaníðingur, sem áreitti stúlkur í Vogahverfi, tengist fleiri málum en upphaflega var haldið. Maðurinn, sem er 26 ára, situr í gæsluvarðhaldi vegna gruns um að hann hafi áreitt fjórar stúlkur á aldrinum 5 til12 ára.

Royal sögð köld og sjálfselsk

Segolene Royal, frambjóðandi sósíalista í forsetakosningunum í Frakklandi, fær ekki góða einkunn í bók sem fyrrverandi aðstoðarkona hennar hefur skrifað. Evelyne Pathouot vann fyrir Royal 1997-1997 og hefur átt í málaferlum við hana út af vangoldnum launum. Hún vinnur nú hjá einum þingmanna franska hægri flokksins UMP.

Frestur starfsmanna RUV framlengdur

Frestur starfsmanna RUV til að svara hvort þeir vilji hætta hætta störfum þegar hið nýja RUV ohf tekur til starfa hefur verið framlengdur fram á föstudag. Upphaflega átti fresturinn að renna út í dag. Samkvæmt heimildum fréttastofu hafa einhverjir starfsmenn nú þegar nýtt sér réttinn og munu hætta við breytingarnar.