Fer holu í höggi

Bandaríski skrautpáfagaukurinn Al hefur að undanförnu leikið listir sínar fyrir sjónvarpsáhorfendur í Flórída. Gauksi er fjölhæfur í meira lagi því á meðal íþróttagreina sem hann hefur lagt fyrir sig eru körfubolti, fimleikar og meira að segja golf.

Tap fyrir Pólverjum

Íslenska landsliðið tapaði í kvöld 35-33 fyrir Þjóðverjum í milliriðli 1 á HM. Íslenska liðið hafði yfir í hálfleik 14-12, en Pólverjar sigu framúr í lokin og tryggðu sér mikilvægan sigur. Lukkan var einfaldlega ekki á bandi íslenska liðsins í kvöld, spænsku dómararnir áttu ekki góðan dag og þá urðu þeir Logi Geirsson og Guðjón Valur fyrir meiðslum eftir fólskuleg brot Pólverja.

Skíðamenn í Evrópu kætast

Skíðamenn í Evrópu hafa tekið gleði sína eftir snjókomu og frosthörkur undanfarinna daga. Í Bæjaralandi í Þýskalandi voru skíðasvæðin opnuð í morgun í fyrsta sinn í vetur og voru brekkurnar fljótar að fyllast af fólki á skíðum, snjóbrettum og jafnvel sleðum.

Deilt um stækkun

Andstæðingar stækkunar álversins í Straumsvík saka bæjarstjórann í Hafnarfirði um blekkingar og telja víst að meirihluti Hafnfirðinga muni hafna stækkuninni í íbúakosningu. Bæjarstjórinn segist hlynntur fyrirliggjandi áformum en setur þó nokkra fyrirvara.

Lenti í árekstri við farþegaþotu

Franskur vörubílstjóri lét lífið þegar hann lenti í árekstri við farþegaþotu á fleygiferð nærri bænum Pau í Frakklandi í dag . Þotan, sem var af gerðinni Fokker 100 og í eigu Air France, virðist hafa runnið út af flugbrautinni í þann mund sem hún var að hefja sig til flugs.

Baugsmenn sýknaðir

Það urðu tímamót í Baugsmálinu í dag þegar Hæstiréttur sýknaði sakborningana í Baugsmálinu, þau Jón Ásgeir Jóhannesson - systur hans Kristínu og endurskoðendurna Stefán Hilmarsson og Önnu Þórðardóttur. Hinu upprunalega Baugsmáli er því í raun lokið en málið er búið að fara allt í tvo hringi í íslenska dómskerfinu, en málið hófst með húsleit í ágúst 2002.

Egypskur bloggari fyrir dómstólum

Lögfræðingar egypsks bloggara, sem hefur verið ákærður fyrir niðrandi skrif um íslam og að móðga forseta Egyptalands, segja að líklegt sé að hann verði dæmdur fyrir annað brota sinna. Abdel Karim Suleiman, sem er 22 ára fyrrum laganemi, er frjálslyndur múslimi. Hann gæti fengið allt að níu ára fangelsisdóm.

Samgöngubætur hækka fasteignaverð og lækka vöruverð

Samgöngubætur hækka fasteignaverð, fjölga störfum, lækka vöruverð og auka vöruúrval og framboð þjónustu. Þetta sýna rannsóknir sem gerðar hafa verið hérlendis og kynntar voru á ráðstefnu um samgöngumál í dag.

Málaferli í uppsiglingu um eignarhald á Vatnsenda

Samningur Kópavogsbæjar um lóðir í Vatnsendalandi gæti fært eiganda jarðarinnar tólf milljarða króna tekjur, að mati oddvita Samfylkingarinnar í bæjarstjórn. Málaferli eru hins vegar í uppsiglingu um hver eigi jörðina en þau snúast um ákvæði sjötíu ára gamallar erfðaskrár.

Köld eru kvenna ráð

Belgíska lögreglan rannsakar um þessar mundir reyfarakennt ástríðumorð sem framið var í þrettán þúsund feta hæð. Svo virðist sem kona hafi komið viðhaldi unnusta síns fyrir kattarnef með því að eyðileggja fallhlíf hennar.

Útgöngubanni lýst yfir í Beirút

Á ráðstefnu sem haldin var um efnahag Líbanons í Frakklandi í dag tókst að safna rúmlega fimm hundruð milljörðum til endurreisnar landsins. Á meðan á þessu stóð kom til heiftarlegra átaka í Beirút, höfuðborg Líbanons, á milli fylgismanna og andstæðinga ríkisstjórnarinnar.

Fá ríflegan skattafslátt en njóta allra réttinda

Eitt hundrað og fimm hjón sem höfðu lifibrauð sitt einungis af fjármagnstekjum, samkvæmt skattframtali höfðu tæpar níu milljónir á ári að meðaltali í árstekjur, en mikill munur er á þeim tekjulægstu og tekjuhæstu í hópnum. Fjármagnseigendur greiða minna en þriðjung þeirra skatta sem venjulegir launþegar þurfa að borga. Þeir njóta hins vegar sambærilegra réttinda til að fá barnabætur og vaxtabætur.

ElBaradei hvetur til viðræðna

Aðalritari Alþjóðakjarnorkumálastofnunarinnar, Mohamed ElBaradei, sagði í dag að eina leiðin til þess að leysa deiluna við Írani væri að hefja viðræður við þá. Þetta kom fram á hringborðsumræðum um útbreiðslu kjarnavopna hjá Efnahagsstofnun heimsins.

Hillary með 19% forskot á Obama

Hillary Clinton, eiginkona Bill Clinton fyrrverandi forseta Bandaríkjanna, varð langefst í skoðanakönnun bandaríska tímaritsins Time um það hver myndi verða forsetaframbjóðandi demókrataflokksins í forsetakosningunum árið 2006. Hún fékk alls 40% atkvæða en Barack Obama, sem margir telja að verði hennar helsti andstæðingur, hlaut aðeins 19%.

Utanríkisráðherra fundar í Lichtenstein

Valgerður Sverrisdóttir utanríkisráðherra átti í dag fund með Ritu Kieber–Beck utanríkisráðherra Liechtenstein. Á fundinum voru sameiginleg hagsmunamál landanna rædd, meðal annars stækkun evrópska efnahagsvæðisins og málefni EFTA og Heimsviðskiptastofnunarinnar. Þá ræddu ráðherrarnir um þróunarmál og möguleika á auknum samskiptum á sviði menningarmála.

Mikil stemning í liðinu segir læknirinn

„Settur saksóknari situr í forinni“

„Þetta er mjög ánægjuleg niðurstaða og í samræmi við það sem ég vissi í hjarta mínu að myndi gerast,“ segir Jón Ásgeir Jóhannesson, forstjóri Baugs, í yfirlýsingu eftir að Hæstiréttur sýknaði í dag hann og þrjá aðra tengda Baugi af sex ákæruliðum sem eftir voru af upprunalega Baugsmálinu.

Ungur drengur stunginn til bana í Svíþjóð

Sjö ára drengur var stunginn til bana við skóla í Norrahammar suður af Jönköping í Suðurhluta landsins. Maður á þrítugsaldri hefur verið handtekinn grunaður um morðið, en hann mun hafa stungið drenginn margsinnis með hníf.

Einn grunaður um íkveikju í húsi í Þorlákshöfn

Bráðabirgðarannsókn lögreglunnar á Selfossi á brunanum í Þorlákshöfn um síðustu helgi hefur leitt í ljós að notaður hafi verið eldfimur vökvi til þess að kveikja í húsinu. Ein maður er grunaður um íkveikjuna og situr hann enn í gæsluvarðhaldi vegna málsins en það rennur út þann 5. febrúar.

Breska kirkjan andvíg ættleiðingum samkynhneigðra

Tilfinningaþrungin deila hefur sprottið upp í Bretlandi á milli ensku Biskupakirkjunnar og Kaþólsku kirkjunnar annars vegar og ríkisins hins vegar. Ný lög um jafnrétti sem taka gildi í apríl munu enda þá mismunun sem samkynhneigð pör sem vilja ættleiða barn hafa orðið fyrir. Kirkjunnar menn eru alfarið á móti því að nýju login nái yfir ættleiðingaskrifstofur kirkjunnar.

Eins og hálfs árs fangelsi fyrir veskisþjófnað

Hæstiréttur staðfesti í dag eins og hálfs árs fangelsisdóm hérðasdóms yfir karlmanni sem sakfelldur var fyrir að hafa stolið veski úr verslun sem hann vann hjá og tekið út tíu þúsund krónur af debetkorti í veskinu. Með þessu rauf hann skilorð dóms þar sem hann hafði hlotið 18 mánaða fangelsi.

Tvítugur maður dæmdur í fimm ára fangelsi fyrir manndrápstilraun

Hæstiréttur Íslands staðfesti í dag fimm ára fangelsisdóm Héraðsdóms Reykjavíkur yfir Daníel Þór Gunnarssyni fyrir tilraun til manndráps. Daníel réðst karlmann á veitingastað í miðborg Reykjavíkur í mars á síðasta ári og stakk hann með hnífi.

Líbanir styrktir um 7.6 milljarða dala

Erlendir stjórnmálamenn hafa lofað yfirvöldum í Líbanon 7.6 milljarða dala fjárhagsaðstoð, sem veitt verður bæði í formi lána og beinnar aðstoðar. Þetta tilkynnti Jacques Chirac Frakklandsforseti í dag á alþjóðlegri ráðstefnu í París sem efnt var til vegna efnahagsástandsins í Líbanon. Fjármagnið er veitt til enduruppbyggingar landsins eftir stríðið milli Hisbolla og Ísrael síðastliðið sumar. Líbanir höfðu vonast til að fá 9 milljarða dala í aðstoð. Bandaríkin Frakkland, Evrópusambandið og Saudi Arabía eru meðal meðal þeirra landa sem leggja til fjármagn. Fouad Siniora forsætisráðherra Líbanons sagði fjármagnið nauðsynlegt til að stuðla að pólitísku og samfélagslegu jafnvægi. Hann sagði að Líbanon væri á barmi kreppu og Chirac sagði að nú þyrfti að byggja upp frá grunni með hjálp alþjóðasamfélagsins.

Flugvél flaug á flutningabíl

Ökumaður lítils flutningabíls lést þegar farþegaflugvél í innanlandsflugi í suðurhluta Frakklands flaug inn í bílinn. Flugvélin, sem er gerðinni Fokker 100 og með rúmlega 50 farþega, var að taka á loft frá flugvelli nærri Pýrenafjöllunum þegar fugl flaug inn í annan hreyfil vélarinnar.

Sýkna í Baugsmálinu í Hæstarétti

Hæstiréttur sýknaði í dag fjórar manneskjur tengdar Baugi af sex ákæruliðum sem eftir stóðu af upprunalega Baugsmálinu. Þar með komst dómurinn að sömu niðurstöðu og Héraðsdómur Reykjavíkur.

Þjófar á kreiki

Lögreglan á höfuðborgarsvæðinu handtók nokkra þjófa í Reykjavík í gær og í nótt. Tveir karlar og unglingsstúlka voru handtekin í gærkvöldi þar sem þau óku um á stolnum bíl. Í fórum annars mannsins fundust munir sem hann gat ekki gert grein fyrir.

Vilja að stofnað verði sérstakt menningarráðuneyti

Bandalag íslenskra listamanna vill að stofnað verði sérstakt menningarráðuneyti þar sem margt bendi til þess að verðmætasköpun framtíðarinnar verði hvað mest í hinum skapandi atvinnugreinum. Ályktun þessa efnis var samþykkt á aðlfundi bandalagsins um síðustu helgi.

Bandarísk hersveit verður áfram til að berjast við talibana

Yfir þrjú þúsund manna bandarískt herlið í Afganistan, sem halda átti heim á leið í næsta mánuði, verður áfram í landinu. Frá þessu greindi varnarmálaráðuneyti Bandaríkjanna í dag. Reiknað er með að hersveitin verði í allt að fjóra mánuði til viðbótar.

Fjórir látnir í átökum í Beirút

Stúdentar fylgjandi Líbanonstjórn annars vegar og stjórnarandstöðu hins vegar lentu í átökum í dag við Beirut Arab háskólann og breiddust átökin út á nærliggjandi götur. Sjónvarpsstöð Hezbolla í Líbanon segir fjóra hafa látið lífið, en embættismenn öryggismála hafa aðeins staðfest að einn hafi verið skotinn til bana. Öryggissveitir segja að minnsta kosti 17 manns slasaða, en óstaðfestar tölur segja 35 hafa slasast.

Nam merki úr neyðarsendi flugvélar sem fórst

Bandarískt herskip hefur numið merki frá neyðarsendi flugvélarinnar sem fórst með 102 manns innborðs í Indónesíu á nýársdag. Bandaríska sendiráðið í Jakarta í Indónesíu greindi frá því að merkin væru úr flugrita og frá kassa með upptökum af samtölum í flugstjórnarklefa.

Skrifað undir samninga vegna Djúpvegar á Vestfjörðum

Vegagerðin og verktakafyrirtækin KNH ehf. og Vestfirskir verktakar sömdu í dag um vegagerð á Djúpvegi í framhaldi af útboði sem fram fór í lok síðasta árs. Samningurinn tekur til 14,5 kíómetra kafla Djúpvegar milli Reykjaness og Hörtnár utarlega við vestanverðan Mjóafjörð.

Deiliskipulagstillagan þýðir vatnaskil í stækkunarmáli Alcan

Lúðvík Gerissson, bæjarstjóri í Hafnarfirði, segir að vatnaskil hafi orðið með tillögu að nýju og gjörbreyttu deiliskipulagi sem breitt samkomulag hafi náðst um innan Hafnarfjarðarbæjar og gagnvart Alcan. Hann segist vera mjög ánægður með deiliskipulagstillöguna. Forsendur ýmis lykilsatriði í með allt öðrum hætti en fólk hefur mótað afstöðu sína útfrá hingað til. Í hádegisviðtalinu á Stöð 2 í dag sagðist hann sáttur og ánægður með málið eins og það lægi fyrir núna,og í þeim anda sem bæjarstjórn hefði samþykkt. En að tvö til þrjú skilyrði þyrfti þó enn að uppfylla. Þessir fyrirvarar lytu að kostnaðarhlutdeild í færslu Reykjanesbrautar, hver ætti að bera kostnað við tilfærslu og breytingar á raflínum og skattauppgjöri álversins eins og það er stafrækt í dag. Að þessum kröfum uppfylltum yrði hann sáttur við fara fram með málið Í viðhorfskönnun sem Capacent Gallup gerði í desember fyrir Alcan, voru tæp 51,5 prósent Hafnfirðinga andvíg stækkun álversins í Straumsvík en rúm 39 prósent hlynnt stækkun.

Katsav fær tímabundið leyfi frá störfum

Ísraelska þingið samþykkti naumlega í dag að veita Moshe Katsav, forseta landsins, launalaust leyfi vegna ásakana um nauðgun og önnur kynferðisbrot. Greint var frá því fyrr í vikunni að saksóknarnir hygðist ákæra forsetann fyrir brotin en hann hefur alla tíð neitað sök.

Fimmtungur leikskóla án opinberrar uppeldisstefnu

Um fimmtungur leikskóla hefur ekki opinbera uppeldisstefnu og annars eins hópur hefur ekki mótað eigin skólanámskrá samkvæmt könnun sem menntamálaráðnuneytið gerði í fyrra. Fram kemur í vefriti menntamálaráðuneytisins að auk þess hafi um sjö prósent leikskóla hvorki opinbera uppeldisstefnu né eigin skólanámskrá.

Netperri áreitir unglingsstúlkur á Vestfjörðum

Lögreglan á Ísafirði rannsakar nú mál þar sem ókunnur aðili eða aðilar hafa beðið um leyfi til þess að eiga samtal við unglingsstúlkur í gegnum Netið og hafa síðan jafnvel berað sig í vefmyndavél sem birtist óvænt á tölvuskjá viðkomandi stúlkna. Bendir lögregla á að slíkt geti geti varðað við kynferðisbrotakafla almennra hegningarlaga.

Stöðvaði umferð á gatnamótum vegna símtals

Lögreglan á höfuðborgarsvæðinu þurfti í gær að hafa afskipti af ökumanni sem tafði umferð á gatnamótum. Maðurinn hélt kyrru fyrir eftir að græna ljósið kom á umferðarljósin en svo vildi til að lögreglubíll var meðal þeirra sem biðu fyrir aftan bílinn.

Saka bæjarstjóra um að taka þátt í kosningabaráttu Alcan

Samtökin Sól í Straumi, sem berjast gegn stækkun álvers Alcan í Straumsvík, saka Lúðvík Geirsson, bæjarstjóra í Hafnarfirði, um að vera í grímulausri kosningabaráttu með Alcan fyrir stækkun álversins og sömuleiðis um að fara með ósannindi í umræðunni.

Byggja þjónustuhús fyrir fiskimenn á Srí Lanka

Framkvæmdir eru hafnar á vegum Þróunarsamvinnustofnunar Íslands við ellefu byggingar á sex löndunarstöðum á vestur- og suðurströnd Srí Lanka. Fram kemur í tilkynningu frá stofnuninni að um sé að ræða fiskmarkaðshús, fjarskiptahús og salerni fyrir sjómenn og fiskverkendur sem nýta löndunarstaðina.

Hóta áframhaldandi árásum

Grísku öfgasamtökin Byltingarbaráttan hótuðu í morgun að standa fyrir fleiri árásum í landinu, bæði á ráðamenn og byggingar. Í yfirlýsingu sinni lýsa samtökin ábyrgð á flugskeytaárás á bandaríska sendiráðið í Aþenu fyrr í mánuðinum en enginn slasaðist í henni.

Herinn kynnir nýtt vopn

Bandaríkjaher hefur kynnt nýtt vopn sem talsmenn hans segja að valdi brunatilfinningu en skaði ekki þá sem fyrir verða. Um er að ræða sérstaka hitabyssu sem skýtur örbylgjum að fólki af allt að 450 metra færi.

HÍ og KHÍ sameinist á næsta ári

Þorgerður Katrín Gunnarsdóttir mælti fyrir frumvarpi um sameinginu Kennaraháskóla Íslands og Háskóla Íslands á Alþingi nú fyrir hádegi. Samkvæmt frumvarpinu er gert ráð fyrir að þeir sameinist undir nafni Háskóla Íslands og að sameiningin verði að veruleika 1. júlí á næsta ári.

Hóta fleiri árásum í Grikklandi

Vinstrisinnaðir hryðjuverkamenn sem skutu handsprengju að bandaríska sendiráðinu í Aþenu fyrr í mánuðinum hótuðu í morgun fleiri árásum á grísk og bandarísk skotmörk. Byltingarbaráttuhópurinn svonefndi lýstu ábyrgð á hendur sér í fimm síðna yfirlýsingu þar sem ríkisstjórnir Bandaríkjanna og Grikklands voru gagnrýndar.

Ráðherrar sakaðir um að lítilsvirða þingið

Þingmenn stjórnarandstöðunnar mótmæltu því harðlega í morgun að stefnumótun ríkisstjórnarinnar í innflytjendamálum yrði ekki tekin til meðferðar í þinginu. Þingmaður Samfylkingarinnar sagði þetta lítilsvirðingu við þingið og þingflokksformaður Vinstri - grænna sagði óþolandi að ráðherrar ríkisstjórnarinnar breyttu ráðuneytum sínum í kosningaskrifstofur þegar alþingiskosningar væru í nánd.

Safna fé fyrir Líbanon

Líbönsku ríkisstjórninni hefur verið lofað jafnvirði tvö hundruð milljarða íslenskra króna til enduruppbyggingar landsins. Þetta var ákveðið í morgun á alþjóðlegri ráðstefnu sem nú fer fram í Frakklandi. Stjórnarandstæðingar segja að með fjárstuðningnum sé verið að hlaupa undir bagga með stjórnvöldum, ekki þjóðinni.

Verð á fiski hækkar

Gengislækkun krónunnar og aukin eftirspurn eftir ferskum íslenskum fiski í útlöndum veldur því að fiskur hefur hækkað um tíu til tuttugu prósent í fiskbúðum og fiskborðum stórverslana á höfuðborgarsvæðinu, á einu ári.