Fengu allir hamborgarhrygg í jólamatinn?

Fyrirsjáanlegur skortur var á hamborgarhryggjum í jólamatinn strax í haust, segja forsvarsmenn Bónuss og Nóatúns. Leyfi til innflutnings fékkst - á ofurtollum sem hefðu skilað stórfelldu tapi, segir Jóhannes í Bónus. Framboð á svínahryggjum var meira en í fyrra, segir landbúnaðarráðuneytið.

Gerald Ford horfinn á vit feðra sinna

Gerald Ford, þrítugasti og áttundi forseti Bandaríkjanna, andaðist í gær, 93 ára að aldri. Ford gegndi þessu valdamesta embætti heims á erfiðum tímum fyrir bandarískt samfélag. Hans er helst minnst fyrir að hafa aldrei verið kosinn af þjóð sinni og gefið forvera sínum, Richard Nixon, upp sakir.

Fiskhjallar hrundu eins og spilaborg

Hluti fiskhjalla Fisk Seafood í Skagafirði féll eins og spilaborg í óveðrinu á Þorláksmessu. Á annan tug starfsmanna reyndi í dag að bjarga fiski sem fastur er undir rústum hjallanna.

SÞ sendir lið til Súdan

Súdan leyfði í dag takmörkuðum fjölda starfsmanna Sameinuðu þjóðanna að koma inn í landið og aðstoða hersveitir Afríkubandalagsins við friðargæslu í landinu. 38 munu fara fyrir áramót og 105 bætast við í hópinn í janúar. Auk þess var ákveðið að Sameinuðu þjóðirnar muni styrkja Afríkubandalagið um 21 milljón dollara, eða um einn og hálfan milljarð íslenskra króna.

Leitað að plánetum svipuðum jörðinni

Evrópskir vísindamenn skutu í dag á loft könnunarfari sem á að leita að plánetum eins og jörðinni fyrir utan sólkerfi okkar. Verkefnið er franskt og gengur undir nafninu COROT en könnunarfarið á að taka myndir sem eiga að geta leitt í ljós minni og þéttari plánetur en áður hefur reynst mögulegt að greina.

Internetsamband slitrótt í Asíu

Internet samband í Asíu og við Ástralíu liggur að stórum hluta niðri um þessar mundir vegna jarðskjálftans sem varð fyrir utan suðurströnd Taívan í gær. Skjálftinn, sem mældist 7,1 á Richter, olli skemmdum á neðansjávarköplum sem tengdu svæðið við umheiminn.

Rússar nafngreina mann grunaðan um að eitra fyrir Litvinenko

Aðalsaksóknari Rússlands sagði í dag að Leonid Nevzlin, fyrrum framkvæmdastjóri rússneska olíufyrirtækisins YUKOS, gæti hafa fyrirskipað morðið á Alexander Litvinenko. Nevzlin var einn af hæst settu mönnum YUKOS en eigandi þess, Mikhail Khodorkovsky, situr nú í fangelsi fyrir fjármálamisferli.

Völvan spáir tveggja flokka ríkisstjórn Geirs H. Haarde

Geir H. Haarde verður áfram forsætisráðherra í tveggja flokka stjórn á næsta kjörtímabili en Björn Bjarnason og Davíðsarmurinn er á leið út úr stjórnmálum. Það verður breyting á ríkisstjórninni ný andlit setjast í ráðherrastóla. Þetta er meðal þess sem Völva Vikunnar spáir í áramótahefti blaðsins.

Hóta hefndum verði Saddam líflátinn

Baathflokkur Saddams Hussein hótaði í dag hefndum ef forsetinn fyrrverandi verður tekinn af lífi. Í yfirlýsingu sem birt var á netinu sagði að það væri rauð lína sem Bandaríkjamenn ættu ekki að stíga yfir.

Áfram barnakvóti í Kína

Kínverjar hafa alls ekki í hyggju að breyta barnakvóta sínum sem heimilar aðeins eitt barn á hverja fjölskyldu í þéttbýli, og tvö til sveita. Hlutfall kynjanna í Kína er orðið mjög ójafnt.

Lögreglan fangelsar nakinn mann

Lögreglan í Reykjavík færði karlmann á þrítugsaldri í fangageymslu í gær. Sá hafði gengið um nakinn í miðborginni. Lögreglan tók manninn um níu leytið í gærmorgun á Lokastígnum en þegar hún kom á staðinn var hann á sokkunum einum klæða.

Afsláttarkort verða sjálfvirk frá áramótum

Tryggingastofnun ætlar að hefja sjálfvirka útgáfu á afsláttarkortum fyrir læknis- og heilsugæsluþjónustu um næstu áramót. Hingað til hefur þurft að safna greiðslukvittunum og framvísa þeim hjá Tryggingastofnun til að fá afsláttarkortið. Kortið verður sent sjálfkrafa heim til þeirra sem ná hámarksgreiðslum ef upplýsingar um það eru til hjá Tryggingastofnun og endurgreiðslur lagðar inn á bankareikninga fólks.

Íranar hraða kjarnorkuáætlun

Hæstiréttur ræður ekki yfir þingmönnum

Hæstiréttur Massachusetts, í Bandaríkjunum, hefur úrskurðað að hann hafi engan rétt til þess að skipa þingmönnum fylkisins að greiða atkvæðu um eitt eða neitt, á fylkisþinginu.

Búið að dæla um 45 þúsund lítrum af olíu

Búið er að dæla um fjörtíu og fimm þúsund lítrum af olíu úr flutningaskipinu Wilson Muuga sem strandaði við Hvalsnes í síðustu viku. Nú er verið að dæla úr tveimur svartolíutönkum sem eru ofarlega í skipinu en í þeim voru um 60 þúsund lítrum af olíu.

FL-Group tilbúið að ráðast í stærri verkefni

Hannes Smárason, forstjóri FL-Group, segir að vænta megi umtalsverðra frétta af FL-Group á árinu 2007. Fyrirtækið hefur úr umtalsverðum fjármunum að moða á næsta ári eftir að hafa losað um fjármagn. Hannes segir fyrirtækið tilbúið að ráðast í stærri verkefni en áður.

Nornir fá uppreist æru

Um 100 nornasérfræðingar alls staðar að úr heiminum munu koma saman í Vardø í Noregi á næsta ári til að ræða nornaveiðarnar í Finnmörku, Norðvestur-Rússlandi og Mið-Evrópu. Norræni menningarsjóðurinn styrkir þessa ráðstefnu.

Óvarlegt að senda Harry prins til Íraks

Mikil umræða er um það í Bretlandi hvort rétt sé að Harry prins fari til Íraks, með hversveit sinni, sem verður send þangað næsta vor. Harry er sagður leggja mikla áherslu á að fylgja félögum sínum, en varnarmálaráðuneytið segir að ekki hafi verið tekin ákvörðun þar um ennþá.

Styrkjum úthlutað til sjávarrannsókna

Einar K. Guðfinnsson, sjávarútvegsráðherra, úthlutaði í dag 25 milljónum króna til sjávarrannsókna á samkeppnissviði. Níu verkefni fengu styrk en alls bárust þrjátíu og þrjár umsóknir um styrki.

FL Group invests in American Airlines

Sofnaði undir stýri og ók í gegnum girðingu

Mildi þykir að ekki fór verr þegar ökumaður sofnaði undir stýri í morgun og ók í gegnum girðingu og inn á tún. Maðurinn ók eftir Innnesvegi á leiðinni til Akraness.

Ók á 150 kílómetra hraða í gegnum Hvalfjarðagöngin

Ökumaður sem reyndi að stinga lögreglumenn af í Hvalfjarðagöngunum aðfaranótt aðfangadags var á rúmlega eitt hundrað og fimmtíu kílómetra hraða.

Íslamistarnir hörfa

Sómalska stjórnarhernum, með aðstoð hersveita frá Eþíópíu, hefur tekist að ná yfirráðum yfir bænum Jowhar í miðhluta landsins en hann hefur talsverða hernaðarlega þýðingu.

Hóta að loka fyrir gas til Evrópu

Hvíta Rússland hótaði í dag að loka fyrir gasleiðslur Rússa til Vestur-Evrópu, ef rússneski orkurisinn Gazprom félli ekki frá kröfum sínum um stórhækkað verð á gasi til Hvíta Rússlands á næsta ári. Stærstu viðskiptavinir Rússa í Evrópu eru Þýskaland, Ítalía, Tyrkland og Frakkland.

Blair af beinu brautinni

Tony Blair, forsætisráðherra Bretlands, lenti í óskemmtilegri uppákomu þegar hann lenti í Miami í Flórída í nótt. Þegar flugvélin sem hann var farþegi í var að aka eftir flugbrautinni í átt til flugstöðvarinnar misstu flugmenn hennar af beygju með þeim afleiðingum að vélin ók út af brautinni.

Eldur kviknaði á efrihæð Kaffi Amor á Akureyri

Eldur kviknaði á efrihæð Kaffi Amor á Akureyri á níunda tímanum í morgun. Eftir að reykkarfarar frá slökkviliðinu á Akureyri höfðu farið inn í húsið kom í ljós að eldurinn var á salerni og tókst að slökkva hann fljótt.

Bjóða bandarískum áhrifamönnum til Svalbarða

Norðmenn ætla að bjóða bandarískum stjórnmálamönnum að heimsækja Svalbarða í von um að fá þá til liðs við sig í baráttunni gegn útblæstri gróðurhúsaloftegunda. Svalbarði er aðeins þúsund kílómetra frá Norðurpólnum og þar má sjá greinileg merki um hlýnandi loftslag.

Sýknaður af því að reyna að hindra varp arna

Bóndi við Breiðafjörð, sem gefið var að sök að hafa sett upp gasbyssu til þess að fæla erni frá hreiðurstæði í firðinum og koma þannig í veg fyrir að þeir verptu þar, var í dag sýknaður í Héraðsdómi Vestfjarða af broti á lögum um vernd, friðun og veiðar á villtum fuglum og spendýrum.

Bandaríkjastjórn fagnar dauðadómnum

Skiptar skoðanir eru um dauðadóminn yfir Saddam Hussein sem íraskur áfrýjunardómstóll staðfesti í gær. Bandarísk stjórnvöld fagna dómnum en Evrópusambandið hefur hins vegar skorað á írösku ríkisstjórnina að þyrma lífi Saddams.

Ha, við danskir ?

Ráðgjafanefnd danska utanríkisráðuneytisins leggur til að dönsk fyrirtæki hætti að leggja áherslu á danskan uppruna sinn í viðskiptum við Miðausturlönd. Þess í stað telji þau sig vera skandinavisk.

Fimm ungmenni hafa játað innbrot

Fimm ungmenni hafa játað að hafa brotist tvisvar inn í verslun á Akureyri og í veitingarhús um jólin. Sýslumaðurinn á Akureyri fór í gær fram gæsluvarðhald yfir ungmennunum. Þau hafa nú verið látin laus og er þýfið fundið.

Hamborgarhryggirnir uppseldir

Síðustu þrjá daga fyrir jól var orðinn verulegur skortur á hamborgarhryggjum í verslunum Bónuss. Skorturinn var fyrirsjáanlegur og samkvæmt upplýsingum frá Högum var sóst eftir leyfi til að flytja inn svínahryggi. Leyfið var veitt en með slíkum ofurtollum að hryggirnir hefðu verið seldir út úr búð með tapi.

Krefst fundar í samgöngunefnd

Jón Bjarnason, alþingismaður og fulltrúi Vinstri grænna í samgöngunefnd Alþingis, krefst fundar í samgöngunefnd vegna deilu flugumferðarstjóra og samgönguráðherra, og vill að Alþingi grípi þegar inn í málið. Hann leggur til að gildistöku laga um hlutafélagsvæðingu flugumferðarstjórnar um áramót, verði frestað, eða fallið verði frá lögunum.

Gerald Ford látinn

Gerald Ford, fyrrverandi forseti Bandaríkjanna, lést í gærkvöld, 93 ára að aldri. Ford verður seint talinn í hópi tilþrifamestu forseta landsins enda var hann aldrei kjörinn af þjóð sinni í embættið.

Dæling úr Wilson Muuga gengur vel

Dæling á olíu hófst úr flutningaskipinu Wilson Muuga á strandstað við Hvalsnes á Reykjanesi um fjögurleytið í nótt og gengur nokkuð vel. Til stóð að hefja dælingu síðdegis í gær en vegna tæknilegra erfiðleika tókst það ekki og lítilræði af olíu lak í sjóinn. Betur gekk undir morgun þegar aftur var reynt, og er olíunni dælt í olíubíl í fjörunni.

Nýr norrænn ferðarisi í eigu Íslendinga

Nýr íslenskur ferðarisi varð til á Norðurlöndunum í dag með stofnun Northern Travel Holding, sem er í eigu Fons, FL Group og Sunds. Hið nýja félag hefur keypt Sterling flugfélagið, Iceland Express, yfir helmings hlut í flugfélaginu Astraeus, stóran hlut í sænsku ferðaskirfstofunni Ticket og alla hluti í dönsku ferðaskrifstofunni Hekla Travel. Samanlögð velta þessara félaga er áætluð um 120 milljarðar króna.

Ölöglegum innflytjendum fækkar

Handtökum ólöglegra innflytjenda á landamærum Bandaríkjanna og Mexíkós hefur fækkað um rúmlega þriðjung síðan þjóðvarðliðið fór að hjálpa til við landamæragæsluna. Landamæraeftirlit Bandaríkjanna telur þetta benda til þess að færri reyni að smygla sér inn og þakka fælingarmætti þjóðvarðliðsins.

Hátt í tvær milljónir króna fást fyrir Bítlaplötu

Metfé, 115.000 dollarar, (1.792.750 ísl. kr.) fékkst fyrir Bítlaplötu sem var til sölu á uppboðsvefnum itsonlyrocknroll.com. Óþekktur aðili keypti eintak af "Meet The Beatles", fyrstu LP plötunni, sem The Beatles gáfu út í Bandaríkjunum hjá Capitol hljómplötuútgáfunni, af systur George heitins Harrisons.

27.309 fá hlífðargleraugu

Slysavarnarfélagið Landsbjörg og Blindrafélagið senda öllum 10-15 ára börnum á landinu gjafabréf fyrir hlífðargleraugum í ár. Þetta gera félögin til þess að minna á að slys eru tíð um áramót og að algengast er að fólk slasist á höndum, andliti og augum. Í flestum tilfellum eru einnig misbrestir á að notkunarleiðbeiningar um flugelda séu virtar.

Enginn látinn í hryðjuverkaárásum í ár

Lögreglan í Indónesíu þakkar harðari vinnubrögðum og félagslegum úrbótum að enginn ferðamaður hefur látið lífið í hryðjuverkaárás á eyjunum í ár. 183 ferðamenn létust á síðasta ári í 19 sprengjuárásum en í ár hafa fjórir særst í 17 sprengjum, en enginn látist. Stjórnvöld á Vesturlöndum hafa hrósað Indónesíu fyrir hörð viðbrögð eftir mannskæðar árásir undanfarin ár.

Nokkuð um innbrot um jólin

Lögreglunni í Hafnarfirði bárust nokkrar tilkynningar um innbrot um jólin. Á jólanótt var brotist inn í söluturn í Hafnarfirði og er málið í rannsókn.

Íranar verða erfiðari í kjarnorkumálum

Íransþing samþykkti í morgun að "endurskoða" samband ríkisins við Alþjóðakjarnorkumálastofnun Sameinuðu þjóðanna IAEA. Talið er líklegt að Íranar verði enn ósamvinnuþýðari eftir þessa "endurskoðun". Fjórir dagar eru síðan öryggisráð Sameinuðu þjóðanna lagði viðskiptaþvinganir á Írana eftir að þeir neituðu að hætta auðgun úrans.

Útsölur hafnar í Lundúnum

Fólk í leit að kjarakaupum mætti snemma í biðraðir í Lundúnum í morgun en klukkan fimm um morguninn voru um 2000 manns mætt í biðröð fyrir utan Selfridges á Oxford street en sú búð ætti að vera mörgum Íslendingnum góðu kunn.

Rússneskur njósnari rekinn úr landi í Kanada

Yfirvöld í Kanada ráku í dag úr landi mann sem grunaður er um að hafa verið rússneskur njósnari. Maðurinn á að hafa notað falsað fæðingarvottorð til þess að komast fyrir skilríki, kennitölu og vegabréf. Ráðamenn í Kanada sögðu þetta sýna að hver sá sem virti ekki lög þeirra og ógnaði öryggi samfélagsins væri ekki ekki velkominn í landinu.

Eldflaug skotið á Ísrael og 2 særðust

Eldflaug var skotið frá Gazaborg í dag á Ísrael og særðust tveir í bæ í suðurhluta Ísrael og eru þeir fyrstu aðilarnir sem meiðast síðan vopnahlé gekk í garð á milli Ísraela og Palestínumanna. Talsmenn Ísraela sögðu að 13 ára drengur hefði verið annar af þeim sem særst hefðu.