Ísraelar skutu á bílalest flóttafólks

Ísraelsk flugvél skaut í það minnsta fimm eldflaugum að bílalest hundraða farartækja sem flutti flóttafólk frá suðurlíbanska bænum Marjayoun í dag. Tveir létust í árásinni. Í bílalestinni voru um 3000 óbreyttir borgarar og 350 líbanskir öryggisverðir sem aðstoðuðu fólkið við að flýja svæðið eftir að Ísraelar héldu lengra inn í Líbanon.

Penguin kaupir Forðist okkur

Hin virta bókaútgáfa Penguin hefur gengið frá samningi við JPV um útgáfu á bókinni Forðist okkur eftir Hugleik Dagsson. Penguin kaupir útgáfurétt fyrir bókina á ensku fyrir allan heiminn að Íslandi undanskildu. Forðist okkur kom út á síðasta ári, sett var upp leikrit eftir bókinni sem Hugleikur hlaut Grímuverðlaunin fyrir.

Öryggisráðið fundar um ályktun um Líbanon

Öryggisráð Sameinuðu þjóðanna er nú sest að fundi til að ræða tillögu að ályktun um vopnahlé fyrir botni Miðjarðarhafs. Ráðið mun greiða atkvæði um tillöguna í kvöld. John Bolton, sendifulltrúi Bandaríkjanna gagnvart Sameinuðu þjóðunum segist vonast til þess að tillagan verði samþykkt samhljóða. Ísraelar hafa enn ekki gefið neitt út um viðbrögð sín við tillögunni.

Sjófuglar taldir á næstu árum

Engar óyggjandi rannsóknir eru til um það hvort sjófugli hafi fækkað hér á landi undanfarin ár. Helstu rannsóknarstofnanir landsins í náttúrufræði ætla að ráða bót á því og hafa hafið talningu í stærstu sjófuglabjörgum landsins sem ekki hefur farið fram í 20 ár.

Fjölmargir sækja um veiðikort eftir fréttir af ráðherra

Fjölmargir hafa vaknað upp við vondan draum eftir fréttir af ólöglegum lundaveiðum sjávarútvegsráðherra og var síminn hjá Umhverfisstofnun rauðglóandi í gær og dag þar sem fólk er að sækja um veiðikort. Atvikið hefur sömuleiðis leitt til þess að eftirlitsmenn eru farnir að grennslast fyrir um stöðu mála hjá fólki í umdæmum þeirra.

Hápunktur Hinsegin daga

Ekkert klámfengið eða hneyslanlegt verður að finna í Gleðigöngu samkynhneigðra á morgun. Skipuleggjendur hátíðarinnar leggja áherslu á að um fjölskylduhátíð sé að ræða og búast við að þúsundir leggi leið sína í miðbæ Reykjavíkur á morgun.

Leitað út fyrir landssteinana að eldislaxi

Skortur á laxi hér landi hefur leitt til þess að menn hafa gripið til þess ráðs að flytja inn eldislax frá Noregi. Líklegt er þó að það rætist úr ástandinu á næstu vikum.

Stoppaðir með handfarangur

Flugfarþegar sem millilenda í Bretlandi geta lent í því að vera stoppaðir með handfarangur sinn þar. Sérfræðingar um öryggismál segja að sennilega verði flugfarþegar að vera viðbúnir því að hertar reglur verði varanlegar.

Rukkuðu Impregilo meira en aðra

Heilbrigðiseftirlit Austurlands braut jafnræðisreglu stjórnsýslulaga í viðskiptum sínum við verktakafyrirtækið Impregilo. Eftirlitið breytti gjaldskrá sinni á þann veg að Impregilo þurfti að borga 30 prósent umfram aðra viðskiptavini.

Lýst eftir strokufanga

Lögreglan í Reykjavík lýsir eftir Hilmari Ragnarssyni 43 ára, sem strauk frá Litla-Hrauni síðastliðinn þriðjudag. Hilmar er dökkhærður og grannvaxinn og var klæddur í dökka úlpu, dökkar buxur og ljósa skó.

Elín Arnar ritstjóri Vikunnar

Elín Arnar hefur verið ráðin ritstjóri á tímaritinu Vikunni.

Nauðgunartilraun í Breiðholti

Ráðist var á tuttugu og tveggja ára konu klukkan fögur í fyrri nótt í Breiðholti. Konan var á leið til vinnu þegar maður, ógnaði henni með hníf og keyrði hana í götuna þar sem hann reyndi að nauðga henni.

Samkomulag í sjónmáli

Líklegt er talið að samkomulag náist á næstu klukkustundum milli Líbana og Bandaríkjamanna um orðalag ályktunar sem miðar að því að binda enda á átök Ísraela og Hizbollah skæruliða í Suður-Líbanon. Endanleg drög verða svo lögð fyrir Öryggisráð Sameinuðu þjóðanna þar sem greidd verða atkvæði um þau.

Lækkanir á hlutabréfamörkuðum í Evrópu ganga til baka

Lækkanir á hlutabréfamörkuðum í Evrópu í gær, vegna hryðjuverkaógnar sem steðjaði að Bretlandi og Bandaríkjun, hafa nú þegar gengið nokkuð til baka.

Brasilískir þingmenn kærðir fyrir að draga sér fé

Rannsóknarnefnd á vegum brasilíska þjóðþingsins hefur kært 72 þingmenn fyrir að hafa dregið sér fé úr sjóðum heilbrigðiskerfisins og mælir nefndin með því að þingmennirnir verði sóttir til saka fyrir meint brot sín.

Ráðist á æfingabúðir Tamíltígra

Uppreisnarmenn Tamíltígra á Srí Lanka segja stjórnarherinn þar í landi hafa efnt til átaka á nýjum vígstöðvum í morgun þegar þeir vörpuðu sprengjum á æfingarbúðir tígranna í Batticaloa. Að sögn Tamíltígra féllu fjölmargir liðsmenn í árásinni.

Enn deilt um orðalag ályktunar

Sprengjur hafa dunið á Beirút, höfuðborg Líbanons, í morgun um leið og forsætisráðherra landsins fundar þar með fulltrúum Bandaríkjastjórnar. Vonast er til að samkomulag náist í dag um orðalag ályktunar í deilu Ísraela og Hizbollah-skæruliða.

Húsaleiga hækkar til muna

Húsaleiga hefur hækkað til muna á þessu ári. Leiga á tveggja herbergja íbúð á höfuðborgarsvæðinu hefur hækkað um 10-20 þúsund krónur að meðaltali frá því í ágúst í fyrra.

Höfuðpaurarnir sagðir í haldi lögreglu

Breska lögreglan telur sig hafa handtekið höfuðpaura hryðjuverkahóps sem lagði á ráðin um að sprengja í loft upp flugvélar á leið frá Bretlandi til Bandaríkjanna. Nokkrir úr hópnum eru þó sagðir ganga lausir. Æfa átti ódæðin um helgina og láta til skarar skíða nokkrum dögum síðar.

Guðni segir flokksþingið velja forystu

Guðni Ágústsson, varaformaður Framsóknarflokksins, sem býður sig fram til áframhaldandi varaformennsku, segist hvorki styðja Jón Sigurðsson né Siv Friðleifsdóttur til formennsku, það sé flokksþingsins að velja sér forystu.

London Flights on Schedule

Spá því að Seðlabankinn hækki stýrivexti um 50 punkta

Sérfræðingar KB banka spá því að Seðlabankinn muni hækka stýrivexti um 50 punkta á næsta fundi sínum um vaxtaákvarðanir í næstu viku.

Norskir dagar á Seyðisfirði

Norskir dagar verða haldnir á Seyðisfirði á morgun, 12. ágúst og í ár er einnig haldið upp á 100 ára afmæli símasambands við útlönd.

Verðbólgan er 8,6 prósent

Samfylkingin minnir á lýðræðisleg réttindi borgaranna

Rétt er að minna yfirvöld á mikilvægi þess að virða lýðræðisleg réttindi borgaranna, segir í ályktun samráðsfundar Samfylkingarfélaganna í Reykjavík, í tilefni frétta af aðgerðum yfirvalda gegn mótmælendum og ferðafólki við Kárahnjúka.

Beðið eftir ályktun Öryggisráðs Sameinuðu þjóðanna

Bandaríkjamenn binda vonir við að fulltrúar í Öryggisráði Sameinuðu þjóðanna geti í dag greitt atkvæði um nýja ályktun um vopnahlé milli Ísraela og Hizbollah-skæruliða í Líbanon.

Mark Webber formúlukappi á Íslandi

Formúlukappinn Mark Webber frá Williams Formúlu1 liðinu er mættur til Íslands.

Kona vinnur Hummer-jeppa

Kona nokkur sem hafði í tuttugu ár styrkt DAS með því að kaupa happdrættismiða fékk í gær afhentan fyrsta vinninginn, spánýjan Hummer-jeppa.

Ökumaður stöðvaður í fjórða skipti á mánuði

Lögreglan í Reykjavík stöðvaði í gær ökumann vegna hraðaksturs og var þetta í fjórða sinn á hálfum mánuði , sem hann er stöðvaður fyrir slíkt og í sjötta skipti á árinu.

Erlendir ferðamenn teknir fyrir hraðakstur

Erlendur ferðamaður á bílaleigubíl var stöðvaður á rösklega 160 kílómetra hraða á Suðurlandsvegi , skammt frá Hvolsvelli í gær og þrír aðrir útlendingar á 110 til 130 kílómetra hraða.

Mikið mannfall í Kína eftir fellibyl

Hátt í hundrað manns eru sagðir hafa týnt lífi þegar fellibylurinn Saomai fór yfir suð austurhluta Kína í nótt og í morgun.

Fagna framboði Sivjar

Stjórnir Framsóknarfélaganna í Hafnarfirði fagna fram komnu framboði Sivjar Friðleifsdóttur , oddvita Framsóknarflokksins í Suðvesturkjördæmi, til embættis formanns flokksins.

Bíll valt við Kirkjubæjarklaustur

Tveir menn sluppu ótrúlega lítið meiddir, að sögn lögreglu, þegar bíll þeirra fór út af þjóðveginum vestan við Kirkjubæjarklaustur í gærkvöldi og valt.

Flug til Lundúna á áætlun

Flug milli Íslands og Lundúna er allt á áætlun í dag eftir miklar tafir í gær í kjölfar aðgerða gegn meintum hryðjuverkamönnum.

Höfuðpaurar hryðjuverkahópsins í haldi

Breska lögreglan telur sig hafa handtekið höfuðpaurar hryðjuverkahóps sem lagði á ráðin um að sprengja í loft upp flugvélar á leið frá Bretlandi til Bandaríkjanna. Nokkrir úr hópnum eru þó sagðir ganga lausir. Æfa átti ódæðin um helgina og láta til skarar skíða nokkrum dögum síðar.

Siv og Jón bjóða sig fram

Siv Friðleifsdóttir, heilbrigðisráðherra og þingmaður Framsóknarflokksins, tilkynnti í gær um framboð sitt til formanns flokksins.

Herbergi leigð á 35 þúsund

Leiguverð tveggja herbergja íbúða á höfuðborgarsvæðinu hefur hækkað um 10-20 þúsund krónur að meðaltali frá í fyrra, að sögn Elísabetar Björgvinsdóttur, sölumanns hjá Fasteignamiðluninni Ársölum. „Meðal­leiguverð tveggja herbergja íbúða nú er 70 þúsund krónur á mánuði en í fyrra var meðalverðið 50-60 þúsund krónur.“

Skattkerfið hætt að jafna tekjur fólks

Ríkisskattstjóri segir áhrif skatta á tekjudreifingu hafa minnkað til muna undanfarin ár. Skattkerfið hefur aldrei jafnað tekjur landsmanna minna en nú. Hagfræðingur BSRB segir skattkerfið ekki virka sem skyldi.

Ræsibúnaður úr ljósaperu

Hryðjuverkavarna­yfirvöld í Bretlandi og Bandaríkjunum vildu í gær ekkert gefa upp um það hvers konar sprengjum þau teldu að hryðjuverkamenn hefðu ætlað sér að smygla um borð í farþegaþotur. Þar sem algert bann var lagt við því að hafa hvers konar vökva með í handfarangri voru leiddar að því líkur að óttast væri að hryðjuverkamenn reyndu að smygla með sér sprengiefni á vökvaformi.

Fjárlögin ekki virt í menntamálunum

Menntamálaráðherra segir mögulegt að hagræða innan ráðuneytisins, sérstaklega á háskólastiginu. Þriðjungur fjárlagaliða ráðuneytisins fór fram úr áætlunum á síðasta ári. Fjárlagagerðinni stórlega ábótavant, segir Ingibjörg Sólrún.

Komu í veg fyrir fjöldamorð á flugfarþegum frá London

Sprengja átti bandarískar vélar á leið frá Bretlandi. Allur vökvi og raftæki eru nú bönnuð í farþegaflugi. Gífurleg gæsla og miklar tafir á Heathrow-flugvelli. Lögreglan handtók 24 menn í gær.

Hærri skatta á auðmenn

„Þeir sem vilja vera Íslendingar og vera í þessu landi þurfa að greiða keisaranum það sem keisarans er,“ segir Guðni Ágústsson, landbúnaðaráðherra og varaformaður Framsóknarflokksins, í viðtali við Fréttablaðið í dag.

Eimskip gæti fengið milljarð króna í sekt

Fyrstu niðurstöður rannsóknar Samkeppniseftirlitsins á meintum ólöglegum viðskiptaháttum Eimskipafélagsins gera ráð fyrir að sekta Eimskip um milljarð króna. Málið hófst árið 2002 með kæru Samskipa. Niðurstöðu er vænst í haust.

Hryðjuverkatilræðinu afstýrt

Bresk yfirvöld björguðu í gær farþegum fjölda bandarískra flugvéla frá tortímingu. Talið er að hryðjuverkamenn hafi ætlað að sprengja vélarnar á flugi með sprengiefni í fljótandi formi, sem átti að smygla um borð í handfarangri. Vélarnar áttu allar að fljúga frá Heathrow-flugvelli í Lundúnum. Öll starfsemi á flugvellinum lamaðist um tíma, meðan föggur farþega og fatnaður voru grandskoðuð. Allur handfarangur var bannaður

Borgarráð samþykkir nýtt ráð

Borgarráð samþykkti á fundi sínum í gær tillögu stjórnkerfisnefndar um stofnun sérstaks leikskólaráðs sem fer með málefni leikskólanna og daggæslu, en þau mál voru áður voru í höndum menntaráðs. Verði tillagan samþykkt í annað sinn á næsta fundi borgarráðs mun aðskilnaðurinn ganga í gegn og nýtt fagsvið hjá Reykjavíkurborg, leikskólasvið, vera stofnað.